فوق هام السحب ( الشعر الشعبي) على متن القوافي

[الحمدان]

‏ودي اقطف من البستان زهرٍ جميل
‏يوم حان المجال ويوم حان السؤال

‏وجهتي صوب شاعر ينطق السلسبيل
‏الأمير المعرّب من عمامِ وخال

......

[الحمدان]

‏مَ تعودت آندم على شي مضآ
‏مَ تسآوي دنيتي لحظهة زعل
‏
‏دآآم هذا ححكم ربي والقضا
‏قدر آلله و مآ شآاء فعل

......

[الحمدان]

‏ودي احط اسمــك على كل الابيــات
‏واقــــول من يقــــراك هذا حبيبــــي

‏في كل بيت اكتبــك للعالم اثبــــات
‏انك عـــذاب القلـــب وانك طبيبــــي

‏ما احتاج للعالـــم بعدك علاقــــات
‏ان كان حظـــي زين جابك نصيبــي

‏ادعـي وانا ساجـــد بكل الصلـوات
‏اقضي معاك العمـــر لساعة مشيبي

......

[الحمدان]

ماقلت لك قبل التمادى استخير
‏خل العناد اللي غدا بك ينفعك
‏
ماعلمك طول الفراق اني كبير
‏واني على كثر اشتياقي ما اتبعك

......

[الحمدان]

مسكين عزي لحاله من عشق وبتلا
وحب مخلوق مبلي في عشق غيره

يستلحف الصمت ويتابع بشوق وغلا
ماء بين نارين نار العز والغيره

ون حده الشوق للبوح وحنين امتلا
سيف الكرامه لجم شوقه بتكبيره

......

[الحمدان]

‏حي الصباح اللي يساوي مــلايين
‏ومن دونكــم مالقى الصباح لــوونه

‏يسعد صباحكم يـ صباح المحبين
‏وانا أشهد إن الغلا تستاهلــون

......

[الحمدان]

‏اللي يتابعنــي عسي الله يحييه
‏يامرحبا مثل المطــر في هبوطه

‏ومن صد عنــي جعل ربي يهنيه
‏كلن يبي ذوقه ويتبـــــع ميــوله

بقلمي

[الحمدان]

إن غبت يبقى الشوق جالس محلك
‏وإن جيت حل الحب في موقع الشوق

‏غلاك عندي فوق ولا أحدً وصل لك
‏ولكك منزل في القلب ما جاه مخلوق

......

[الحمدان]

‏يالله عسى الوقت يمضي على خير
‏وكل الامور اللي على البال تفرج

‏وتشرق لنا شمس الامل بالتباشير
‏ونلقى لنا من ضيقة الصدر مخرج

......

[الحمدان]

حب الحقيقه والصراحه راس مال
في كل شي خليك يا قلبي صريح

في الحب ماعشنا معااحلام الخيال
ولا عشقنا الكذب. والوهم المريح

......

[الحمدان]

‏شدّوا بدو قلبي عن ديار قلبك
‏والبدو لا شدّوا عن الدار يبطون

‏وإن سألوك الناس وش كان ذنبك
‏قل البدو لا عافوا القاع .. يمشون

.......

[الحمدان]

لي ذوق راقي حاز كل المفاخر
واسلوب نادر في محاكاة الانفاس

وشعاع فكري ضم كل المشاعر
والشعر زاخر والهواجيس اجناس

ياحب متأخر من أول واخر
ارجوك لاتاخذ على خاطرك باس

حبي من الاعماق مش حب عابر
ولا مجرد جس والا تعسعاس

قلي متى بالقاك اي حين اسافر
اسري عليك بليل في جنح الاغلاس

واشم عرفك شم واعمل نوادر
واعرفك معنى السلى والتئناس

......

[الحمدان]

‏انا اعتبرتك غير عن باقي الناس
‏وانت اعتبرني مثل ما انا اعتبرتك

شفني ليا ذعذع مع الليل نسناس
‏همّلت كل الذكريآت وذكرتك

......

[الحمدان]

‏زعلّني الوقت والظاهر نسيت ارضى
‏مدري الصبر غلطتي ولاّ الوفا عيبي
‏
محتاج قلبٍ يطلّعني من الفوضى
‏يشعل بصيص الامل ويعيد ترتيبي

......

[الحمدان]

‏تعبت من طرد السراب المقفي
‏أطرد ورى حلـمٍ ليـا أقبلـت قفى

‏الوقت عيّـا لآ يوقّـف بصفي
‏والحظ مدري نام والا توفى

......

[الحمدان]

‏بعلّمك وش داخل الصدر وأهديك
‏بيتٍ على بحر الأحاسيس موزون
‏
‏يومي ليَا منه بدا وإنتهى فـيك
‏إيوالله إني أسعد إنسان فـ الكون

......

[الحمدان]

‏مايدوم الحب لاصار به قل أهتمام
‏يـا تزيده بـ المواصـيــل والا فكني
‏
‏لاتقول أني أحبك ترا سهل الكلام
‏حبني مـــن قلب والاّ لاعاد تحبني

......

[الحمدان]

‏الحلم يجمعني بكم كل ليله
‏يطوي بساط البعد ِ مابيننا البين

‏صارت حلوم الليل عندي وسيله
‏اشوفكم يااحباب وانتم بعيدين

‏لا زلت في ذكرى الليالي الجميله
‏لا من طرالي ما مضى هلت العين

......

[الحمدان]

‏تغانم الوصل لان البعد لا بده
‏يأتيك في يوم ثم ياخذك بـ أدراجه

‏غالي وتبخل علي وتطول الصده
‏الله يسامح غلاك و يقطع الحاجه

......

[الحمدان]

‏لك طلة تسوى من الناس مليون
‏تدري ترى المليون لاماكفاني
‏
‏اكبر من اللي قلت واللي يقولون
‏تبي الحقيقه طلتك شي ثاني

......

[الحمدان]

‏وش حيلة اللي شاف في عينك بلد
‏وأن غابت عيونـك يحس أنه غريب
‏
‏مافـوق قـدرك يابعـد عُمـري أحـد
‏وماغير حُبك .. ياضيا عيني حبيب

......

[الحمدان]

حنا لنا فيكم من الحب خاطر
في ذمتي لو نملك الريش طرنا

صحيح ماجان من الغيم ماطر
لكن ترانا من غلاكم مطرنا

.....

[الحمدان]

أشهد أن المفارق من عظيم البلاوي
مير هذا نصيبك يالعيون الشقيه

أتصبر وأقول إني على البعد قاوي
والله أعلم بقلبٍ فيه الأشواق حيّه

......

[الحمدان]

‏ابوي ينطح كايدات المواجيب
‏وماله لغير الطيب مقصد ووجهه

‏ماهي غريبه ليا امتلى عارضه شغب
‏والناس تدعي بيض الله وجهه

......

[الحمدان]

‏يستر الله على ويستر عليك
‏ ياغرام ذكرته عقب هب الهوى

‏لا يغرك سكوتي يعلم الله ابيك
‏بس حظي وحظك مايبينا سوى

......

[الحمدان]

الشـــــوق يذبح لكن القلب صبار
وعلاج قلبــــي في وصاله دقايق

جبار يا شـــــوق المـــواليف جبار
تجرح بدون عــلاج وهذه حقايق

......

[الحمدان]

قد مات قلبي ضماء ولا لمره روي
ولا تجمل جميل الحسن حتى رواه

اوتار قلبي من الاشواق كم تكتوي
ذا حب قلبي تفنن فن لما كواه

......

[الحمدان]

مهجتي تهواه بالصــــدفه وحظ
كيف لو عاند نصيبي في الحظوظ

لو اردت انـساه وجداني اعـترض
والوله يرجع بتفــكيري يخـــوض

كم رســم له في خيالي وافـــترض
يا قسى محبوب يعطيني الغموض

لو لهيب الشوق في شعري انتفض
لا تــلمــــني انت يا بحر العـــروض

الهـــوى لو صار في روحــي مرض
لا تـــــداوونـي بغــيره للنــــهـوض

منــيتـي ذاك المـحنى والغـــرض
جانـح الفرسان في حـبي يـروض

.......

[الحمدان]

‏تعال ياللى عنـدك القلب مخطــــوف
ورمــي بحـبك في مـواجع حضــوري

تعال دام الروح للـــوصل مـلهـوف
واحضن احاسيسي وهـــيج شــعـوري

صدري بصدرك يجعل الشوق ملفـوف
واسبح بطيفك في مواني بحـــوري


......

[الحمدان]

‏ماعاد بالدنيا رفيق يصافي
‏ذاك الرفيق الي يصافيك ماعاد

‏حتى الوعد راعية ماصار وافي
‏يخلف مواعيده على كل ميعاد

‏صارالزمن هذا زمان التجافي
‏لامن فرحت بواحد راح ماعاد

......

[الحمدان]

‏صرنا نراقب بعضنا من بعيد لبعيد
‏هو يحتري جيتي وانا احتري جيته

‏هذي حياة العنيد إليا عشق له عنيد
‏كلٍ ينتظر الثاني وحسب مزاجيته

......

[الحمدان]

لي صاحب ٍصامت وفي نظرته فنّ
يقرأ تغاريـدي ويعـرف مزاجــي

ما اقول كاهن ويتعامل مع الجـنّ
حسّاس والحسّاس ماله عـلاجـي

......

[الحمدان]

‏فيني خليط اشواق مع لوعه فراق
‏اعيشها ما بين ضيق ورايق

‏فيني غلا مع صادق الود ينساق
‏وفيني غموض اللي يشب الحرايق

......

[الحمدان]

سجّ الخلا يمكن التوفيق مرمي خلا
‏في خاليٍ قد ذرته الريح وأهله خلو
‏ٰ
‏ما نشغل عقولنا فيما يخص الملا
‏اللي كلوا مارضوا واللي رضوا ماكلوا

......

[الحمدان]

‏يا سعود ياللي كل شاعر يناديك
‏يشكي عليك من الظروف العظيمه

‏هو انت شيخ ونعتزي كلنا فيك
‏او لك حكايه بالسنين القديمه

‏والا خوي دنيا ولك عين ترجيك
‏والا حروفك بالبحر مستقيمه

‏ياسعود رد الصوت ياسعود وشفيك
‏عبّر قصايدنا يا مال الغنيمه

......

[الحمدان]

‏غلطان ياللي تنطوي كل ما ضقت
‏اضحك لو إن النفس فيها وفيها

‏تأكد إن المشكلة مسألة وقت
‏بتمر ذكراها وتضحك عليها

......

[الحمدان]

‏علموا سود الليال وعلموا بيض السحايب
‏ابتدت فترة حضوري وانتهت فترة غيابي

‏ساحب مسباحي اللي له شهر ونص غايب
‏ومطلق عنان الشعور وفاتحٍ للشعر بابي

......

[الحمدان]

قهوتي حبك وحبك لي الكيف
ومن دلتك كني بروس النوايف

احب معك الليل شعر وسواليف
قصايد توصف غلاتي وصايف

......

[الحمدان]

‏لا تحسب إن النور يازين مني
‏وجهي ترى يعكس لك النور منك
‏
مثل القمر والشمس كنك وكني
‏أعكس شعاعك وأسهر الليل عنك

......

[الحمدان]

‏حبه سكن في خافقي وشارك الروح
الشعر له في داخل القلب مقدار

عشقت نظم الحرف والقاف والبوح
ونسجت بحساسي لكم عذب الأشعار

......

[الحمدان]

‏لا طــرّف الليل جاني طيفـك مسيّر
‏افرش له الجفن وأحرم جفني رقاده

‏لو غيّـر الوقــت طبعــك ليه أتغــيّر
‏حبّك وطن والوفــي ما يكـره بـلاده

......

[الحمدان]

‏يـلقـآني أكـبـر من توآصـيف حـرفـه
وألـقـاھ أكبـر مـن شعـوري ونـبـضي

‏لآ سـمـع قـلـبي بين الآصـوآت حـسّه
انـطـق بـدون شـعـر يَ زيـن حـظي

......

[الحمدان]

اشتقت لك والشوق ماله مواقيت
ي أجمل احـداث العمر في حياتي

قلبي وعيني ياغـلا الروح لك بيت
ولافيـه غيــرك يمتلك نبض ذاتي

احبك ولو عنـي تأخرت وابطيت
واموت بك يااغلا بشر في حياتي

واهواك مهما في غيابك تماديت
وتبقى امل روحــي وكل امنياتي

......

[الحمدان]

‏مسيني بالشوق يسعد لي مساك
كل لهفه تنتظر موعد لقى

قلبي و روحي وتفكيري معاك
كلها تحسب لوصلك كم بقى

......

[الحمدان]

لامن جفاك الوقت بعيون غاليك
احذر توصلها حدود الكرامه

ان كان في قلبه محبتك بيجيك
وان راح قله مع دروب السلامه

......

[الحمدان]

‏أغار انا لاشفت غيري يحاكيك
وأموت أنا ياشوق مليون مره

أي والله أحبك ومن قلبي أغليك
وحبك ياروحي وسط قلبي مقره

......

[الحمدان]

أبرك الساعات وأحلاها وصالك
‏لا تقـاطع ، جعلني ماأذوق مرك

‏معك لاتنشد جنابي كيف حالك
‏الأمور بخير ،وأحوالـي تسرّك

......

[الحمدان]

‏يالله عسى فالامر خيره ومقسوم
‏عن ما تعاف النفس واللي تحبه

‏أرزاقنا تاتي على غير مـعلوم
‏العبد يسعى والعطا عند ربه

......

[الحمدان]

‏مسيت بالخير ياغايب عن عيوني
ياجعلك بخير وبراحه ومتھني

لو وقف البعد من دونك ومن دوني
مصيري اجي لك من البعد متعني

......

[الحمدان]

‏ماعـاد تفرق لحظة البعد والقرب
‏متساوية عنـدي ولاهزنـي شـي

‏قدامـي العـزه وقدامـك الـدرب
‏لك الخساره والمكاسب تـرى لي

......

[الحمدان]

ياليت حبر القلم يشرح لك أوجاعي
يشرح لك أوجاع قلبي ويشرح العله

نار(ن) تحرق الفؤاد وتحرق اضلاعي
من زود شوق(ن) يجر القلب ويتله

خانت بي الدنيا وبي قصر ذراعي
والرجل عيت تسير الدرب وتدله

ياما نخيت البخت لكن فلا طاعي
دايم وسيف الهجر في وجهي إيسله

يابنت مالي على لحظات الوداعي
بسمك هويت الهوى واصبحت له خله

صوتك يصبر خفوقي ويطرب اسماعي
أنسى معه عالمي وانسى البشر كله

ياكامله بالحسن مع زين الاطباعي
حسنك فتني وسطى للقلب واحتله

نزفت حبر القلم وارسلت به ساعي
ياليت منزوف حبره يبري .. العله

......

[الحمدان]

ما كل غـايـب يبــرّر غيبته عـذره
‏بعـض المعاذير ما نقدر نمشّيها

‏يازارع الأرض لاتشره على البذره
‏لاصار فيها حيـاه و غـاب ساقيها

......

[الحمدان]

‏رفيقك الطيب على الوقت لك عون
‏سيفٍ معك في كـل لازم تسله
‏
‏ورفيقك العلة مثل شبك أبو سنون
‏يوذيك في طــــوّيه ويوذيك فَلّه

......

[الحمدان]

‏إن قدر الله مع الأيام نتواجه
‏وتمر مثلك مثل ناسٍ يمروني

‏بعيوني تصير ماتسوى ولا حاجة
‏من عقب ماكنت تسوى الناس بعيوني

......

[الحمدان]

‏ياللي تشبّثت بعروق المعاليق
‏محبوبتك لا حبّت تصير طفله
‏
‏الحب مايطرق قلوب المخاليق
‏يآتيك مثل الموت في حين غفله

......

[الحمدان]

القلوب آسرآر و آلدنيآ عبر
وآلعمر لو طآل تآليه آلرحيل

و آلخوآطر كسرهآ مآله جبر
لو يعيد آلوقت مآضيه آلجميل

......

[الحمدان]

‏يشد فيني الحنين لماضي أيامي
‏ وأحن له كثر ماهو داخلي يقسى

‏ مهما تمر السنين وتمضي أعوامي
‏ مازلت مشتاق الى أيام لا تُنسى

......

[الحمدان]

‏مهما نعيش من الليالي والاحلام
‏ومهما نسطر من كلام ونقوله

‏تبقى السعاده كلها واغلى الايام
‏هي بالبراءه وذكريات الطفوله

‏اكبر حزن فينا على لعب واوهام
‏والا على شيٍ عجزنا ننوله

‏لكن كبرنا وانتهت ذيك الاعوام
‏وصرنا نقول ان الليالي عجوله

......

[الحمدان]

‏لا ماتت عزوم الغني ماماتت امال الفقير
والفرق واضح فـ الوجيه الراضيه والشاحبه
ِ
ثوب المعزه من لبسه يطول لو انه قصير
وثوب المذله لو يطول شوي يقصر صاحبه


عبدالله بن خشمان

[الحمدان]

‏الرابح اللي إذا ضاقت بوجهه سجد
لا نزل الرأس لـ الخالق ، ودمعه رقى

اللي لقى درب ربه بـ الزمن وش فقد
واللي فقد درب ربه بالزمن وش لقى


فيصل الرياحي

[الحمدان]

‏حتى لو إن النفس بالعزله تهيم
‏كم واحدٍ مجروح لكن ماشكى
‏
‏لا تقنع بجملة ترا قلبي سليم
‏القلب ماله صوت لا منّه بكى

......

[الحمدان]

أطيح وأقوم وأرجع اوّقف لحالي
والعون من عند ربي جل تقديره

ويالله ياللي عليم بضيقة أحوالي
أنا بوجهك من الحاضر وتدميره

يالله لا تحوجني لطلب الأنذالي
اللي على لازمي تكثر معاذيره

اما تجي مثل ماودي ويحلالي
ولا عساها تروح وجعلها خيره

......

[الحمدان]

‏اللي يـحـاول يـسـتـفـزك بالكلام
‏ضحّك عليه الناس لاتضحك معه

‏وإن قال هذي من ميانه واحترام
‏قل اذكر الله واسمع العلم اسمعه

‏بعض العلوم اخف من ريش النعام
‏لا فرّقت شمل ولا هيب مجمّعه

......

[الحمدان]

الناس مثل البن والوقت محماس
‏ومن تحتهم نار السنين العجافي

‏نوع ليا ذقته يكييف لك الراس
‏ونوع عسى ربي يديم العوافي

......

[الحمدان]

‏محبتك بس من مده إلى مده
والوصل دايم على كيفك ومشهاتك

دامك نويت الجفى والبعد والصده
مافيه داعي تراجع عن قرارتك

وان كان جو الملل حدك على الرده
ما الله خلقني عشان املى فراغاتك

......

[الحمدان]

كل ما شانت وجيه الناس وسّع صدرك
‏لا تحسب إن في يدين الناس نار وجنّه

‏القريّب لا تكدّر خاطره وإستدرك
‏سامحه وإن جيته بزلّه تسامح منه

‏ولا تعلّق خافقك باللي ما يحفظ قدرك
‏كثر ما تقدر توخّر عنْه وخّر عنّه

......

[الحمدان]

ما يموت الود لا مات الكلام
لك مكان و ذكريات ولك شعور

ما انت عابر في حياتي والسلام
انت حتى في غيابك لك حضور

......

[الحمدان]

الله خلقنا ألوان وأوزان وأشكال
‏مثل المعادن لكن نفوس وعقول

‏اللي يشيل بعينه الناس ينشال
‏واللي عيونه تجهل الناس مجهول

......

[الحمدان]

اضحك ترى عوج الليالي مدابير
وما للخلايق في قضا الرب حيله

ترى الشـدايد قافيـتها التياسير
يالــلي تـشيل الــهم ربك يزيله

......

[الحمدان]

لا تلوم الحظ يوم الحظ خانك
الحظوظ أرزاق مافيها زعـل

خلها دايم على طرف لسانك
قــدر الله مـا شـاء فــعـل

.....

[الحمدان]

ماجاك مني جرح ماجاك تقصير
ماجتك غير الذكريات الجميله

واللي لقيته منْك من دون تفسير
هــمً يلـوج الصدر ويهد حيله

كنت احسبنك غيثً يسوق التباشير
وغيوم وصلك بالمحبة هميلة

وثرك سحابة صيف ماتسقي الطير
لا بارك الله في القلوب البخيله

......

[الحمدان]

الجناب السمّح و الوجه الحياوي
و الكلام الذرب و النفس النقية

و العقل و الدين و الكف الرهاوي
سبع تفرض لك حضور و قابليّة

......

[الحمدان]

مانيب مجبور اخاطب على قد العقول
والله إن بعض القناعات عندي مهمله

الكلام تشوفه الناس حل من الحلول
مثل ما اشوف التجاهل يحل المشكله

......

[الحمدان]

ما عاد بي شدّه على طرد السراب
و مراقبة شمسٍ توارت للغروب

إما وجودٍ يلّوي ذراع الغياب
و إلا غيابٍ يفضح الوصل الكذوب

......

[الحمدان]

اللي ماينفع نفسه بعز وثبات
والله مايلقى اللي بـ عمره ينفعه

مستقبلك ماله شغل بالذكريات
اللي شراك أشره ومن باعك بعه

إن قفلت في وجهك الأربع جهات
أختر جهه غير الجهات الأربعــه

......

[الحمدان]

صدتك عن بعض السوالف شجاعة
شيمة وعزةٍ نفس ماهو رداً منك

صدتك عنها طيب نفس وقناعة
ترفعك بعيون العرب ماتطمنك

......

[الحمدان]

الليّ خسرته من بعد عزم وكفاح
رزقٍ مهو مكتوب في شتى السبل

يزيدني ربـي سعاده وارتياح
كل مامشت الايام وأَحيَـت ماذبل

أول محطات التجاوز والنجاح
ما تلتفت لليّ تركته من قبل

......

[الحمدان]

رجلً ليا جيته هروجه مفاليس
ورَجلً ليا جيته أبَد ما تمله

ورَجلً إذا شفته تعوّذ من ابليس
ورَجلً تشوف بوجهه الخير كله

......

[الحمدان]

الكلمة اللي ما تليــق بـ مقـامـي
‏تمــرني و اسكّــر السمـــع عنها

‏افـرض على كفـــو الرجال احترامي
‏وارفع مقام النفس م أرخص ثمنها

......

[الحمدان]

أتركوني في زماني لاهي ومتغاضي
وآعفو الخاطر من اللي يوجعه ويحدّه

البلا ماهوب في حزني ولا فـ امراضي
غير والله في ضميرٍ ماعرف وش ودّه

كيف تبقى ذكرياتك يا غرام الماضي
وأنت عني معلنً درب الجفى والصدّه

......

[الحمدان]

أستحيت من المشاريه ومعاتب جفاك
واقتنعت ان الغلا مايجي عرض وطلب
َٰ
قلت اصد بـ كل حبي وتعظيمة غلاك
قبل اصّد بـ قلب عايف وحالٍ منقلب

......

[الحمدان]

عزّيت نفسي حيل عن كلّ كـذّاب
‏و جنّبت دربي عن دروب السّخافه*

‏لا عفت حاجه منّها خاطـري طـاب
‏تروح عـنـّـي مـا عـلـيـهــا حسافه


شيهانه 🇸🇦

[الحمدان]

وتــرى حــــلاة البنت مستورة الحال
من طاعــــة اللـه والنبـــي مستزيدة

والستر ما هــو في عبايــة ولا شال
ولا هــي نصايــــح تنكتب بالجريدة

الستــــــر حفظ الـدين حلٍّ وترحال
دايـــــم علاقتهــــا مــع اللـه وطيدة

تحفــــظ وجيه رجـال وتربي رجـال
على المـــراجل والخصـــال الحميده

......

[الحمدان]

الله يطول بقا اهل الطيب والمنصفين
‏اللي لهم راية الفعل المشرف ترز

‏سكوتنا حشمه وتقدير لـ الغانمين
‏حتى لو الهرج بعضه فـ الخواطر يحز

‏مانعرف انشارك الا فالكلام الثمين
‏لا صار لـ العرف دور ولا مواقف ملز

‏حنا نحفظ الشيم ونقدر الطيبين
‏وانعز حتى الرفيق اللي عليهم يعز

......

[الحمدان]

‏الصمت صوت الصبور اللي بلاه الكلام
‏والصد عين الحليم اللي يقود العمى

‏من يبغى يعيش بالدنيا رفيع المقام
‏لا شاف بالارض غبنـه يرتفع لـ السما

......

[الحمدان]

الطعنه اللي جاتني .. بالملّي
ويلي على اسلم منها وانساها

ياويش أقول من الحزن واخلّي
الله يسامح طعنتك ما أقساها

فرشت لك قلبي وجيتك .. كلي
وحطيتك أعز العرب واغلاها

تركتهم ، ولا جرحت الأ اللي
لو تطلبه كبده عطاك اياه

......

[الحمدان]

الخاطر إن عاف مثل النفس لا طابت
تقفي ولا عاد به شي ٍ يجودها

أنا بغيت الغلا يوم الغلا ثابت
و اقفيت و النفس مدري وش يراودها

رميت لي رمية ٍ وحده ولا صابت
و حلفت بالله ماعـاد أتعودها

......

[الحمدان]

كانت شكوكي يقين وكان ظنّي صايب
يوم تومي لي ورى طوال الدروب يدينه

لا يقول ان المسافة ماتجيب الغايب
البنادم لا أشتهى قلبه مشت رجلينه

......

[الحمدان]

لو هو صحيح الاوادم تفهم الخافي
ما كان قال المثل والخافيات أعظم

أهم شيّ كلمتي والموقف الوافي
والناس تفهم مثل ما ودها تفهم

......

[الحمدان]

بعض البشر جوه مثل جو لبنان
لو كنت متضايق يخليك رايق

وبعض البشر حاله مثل حالة إيران
متمشكلٍ مع جميع الخلايق

......

[الحمدان]

بعض القلوب إحساسها يشبه الورد
تزهر لقا وإن مرّها البعد تذبل

وأجمل قلوب نعيشها شايلة الود
فيها الوفا وإن هزّها الشوق تسأل

......

[الحمدان]

ترآ ﺂلغـــــلا من بين ﺂلإحباب له نۆع
نۆع ٍيجـــــي ۆيروح ساعه وساعه

ونۆع يجي صـآدق ۆلا ھۆ بمصنۆع
مثــــل الـــدواء يعطي علاج ۆمناعه

......

[الحمدان]

مايرجع الماضي الي راح حتى ولو
نعيد نفس الحكي ونحط نفس العطور

لو جبت كل التفاصيل القديمة حلو
علمني شلون راح تجيب نفس الشعور

......

[الحمدان]

محبّتك فوق العتب والمشاريـه
ومشاعري شافت بـ قربك دواها

على كثر ما شافت عيوني وجيـه
مافيه وجـهٍ غير وجـهك ملاها

......

[الحمدان]

فيما جاء بالتوصية لإغتنام الفرص :

العمر تمضي سنينه و الفرص فوّاته
ومن تفوته فرصةٍ بيعيش في حسرتها
ابن جدلان

آه يا فرصةٍ ضيّعتها يوم تاحت
أحسب أن الليالي الممتعه ما تروحي
سليمان الهويدي

[الحمدان]

عز الله ان الملح والزين بيّن
من زولها لـ عيونها لـ رقبتها

ماهيب مخلوقه عشان اتزيّن
لو ما لقت ما تلبسه في كبتها

خذت فناجيل البنات المزيّن
وحطت رجل على رجل وإشربتها

......

[الحمدان]

‏ليه صوتك يابحر دايـــم حزيـــن
‏لاأنتفض موجك على الشاطئ ومات

‏في ظلام أعماقك أخفيت الونيـن
‏أسـألـك بالله ما اتعــبـك الـسـكــات

‏قال يوجعني وداع الراحــــلين
‏لا نثروا عنـدي دمــوع الذكـــريات

......
‏

[الحمدان]

‏أشغلتني ماعاد أدري وين انا رايح
ضيعت دربي وغيرت إتجاهاتي

لعبتني لعبة المزمار و الرايح
أروح وأرجع ولا هديت خطواتي

حتى هواي أختلط في عطرك الفايح
وأدمنت عطرك بروحاتي وجياتي

......

[الحمدان]

عشقتك محبـــه وارتويتك قصـايـد
واحييت فيني شـــي سموه بالشــوق

تستاهل ابيات الشـــعر والفــراايـد
وأسمك وسمته داخل الصدر من فوق

......

[الحمدان]

‏أنت عندي شـي لايمكن يهـون
أنت نبض القلب واحساسي رضاك

أنت أوتار الغـلا تعزفها فنون
أنت نغمة حس واحساسي معاك

أنت بحر احساس وأنهار الشجون
ينسكب في غيبتك او في لقاك

......

[الحمدان]

قد قلت لگ يا بوح صـدري تركد
ماكل شخصٍ لا لفيتـه يلبيگ

مهما شكيت الحال علمٍ مــوّكد
محد يحس بلووعتگ غير مغليك

......

[الحمدان]

ياحي من جاني وفي عينه الشوق
ياحـي منطـوقـه وياحـي شـوفه


الغالي اللـي بالغَـلا منزله فوق
كل المشاعر فـي حضوره شغوفه

......

[الحمدان]

يسعد مساكــم بالقصايــد والابيات
واجمل حروف الشعرواجمل قوافي

لكل غالـــي مسكنه داخـــل الذات
ومكانته وســـط الضلــوع الخوافي

مني ســلام الود واجمــــل تحيات
مخصوص توصـل كل انسان وافي

بالورد والنرجـس على شكل باقات
من قلب صافـي للقلوب الصوافي

يسعد مساء الجميع

[الحمدان]

مشتاق لــك والليل جماع الأحباب
عودي لقلبي يا منى الروح عـودي

طال انتظارك والرجا فيك ما خاب
صبري تجاوز يا حياتي حـــدودي

......

[الحمدان]

‏لا تتبع المقفين وتقـول غاليين
ما دامهم أقفوا هـمّ مرخصينك

خلهم مثل مايرخصونك رخيصين
أكبـر خساره تشتري بايعينك

......

[الحمدان]

‏ياعايش الدنيا ترى الحظ مقسوم
مثل الهبوب اللي بلا دار وديار

نجري ورى الدنيا مع الليل واليوم
وياما وطت الأقدام عجلات الأقدار

......

[الحمدان]

‌‎لـي صاحبٍ يسوي جميع المخاليق
في خوتّه طيب النبا و الرفاقه

أجيه وأنسى الهم لاصابني ضيق
ويفرح على شوفي ويشفق شفاقه

راع الوفا راع العهود المواثيق
الوافي اللي ما يخون الصداقة

......

[الحمدان]

‏دوّر على شي تساعد به الناس
واترك طريق الخير مفتوح بابه

اما تحصل كلمة ترفع الراس
وإلا تحصّل دعوة مستجابه

......

[الحمدان]

‏مو گل صدفه للبشر تجمع احباب
ولا كل فرصه في حياتـك سعيده

يمكن يكون احيان اغلاق الكتـاب
أفضل ترى من فتح صفحه جديده

......

[الحمدان]

‏دايم يجيني ف اخرالليل ذكره
واقفل سنين الرجا واشعله ضي

ياخاطري ماتنفع الضيق عبره
وماكل حي يسد في غيبته حي

......

[الحمدان]

‏يحسبون بـ غيبته طيفـه يزول
‏ م عرفتوا زين تأثيـره علي
‏
‏م سمعتوا يوم أبو نوره يـقول
‏كل شيء حولي يذكرني بـ شي

......

[الحمدان]

متميزه تنسين شي اسمـه الـزيــن
تعطين رِق الـورد والعـطـر تـهدين

حرف الشعر يلبس بهمسك معانيه
الـلي عـطـاك الله يـديـمـه وتبقين

......

[الحمدان]

بعض ٱلعرب يحرجك من قمة ٱلذوق
ﯙيكـبـر بـعــينك مـن كــلٱمہ ﯙ ذوقـہ

ﯙبعض ٱلعرب كنہ من ٱلضيق مخلوق
لٱجـاك جـاك ٱلــضـيـق تـرعــد بـروقــہ

......

[الحمدان]

من يشتكي همه على ساير الناس
انكان ما زادوه ما ينفعونه

ما يجلي هموم المخاليق والباس
غير الله اللي ما تغمض عيونه

......

[الحمدان]

‏ياصاحبي كانـك من الــود تعـبان
انا ترا تعـبان مـن كـثـرة الـشـوق

ينبض عليك القلـب شريان شريان
ويغيب عني الوعي لحظات وافوق

......

[الحمدان]

‎فنجال قهوه و ابتسامه و سعة بال
تلقى مساء يروق لو كنت ضايق

لا تقول مالي خلق و تـكدر الحال
حاول تعيش من التفـاؤل دقايق

......

[الحمدان]

يا طب قلبي لا غدى القلب مجروح
ما لي ســوى وصلك يـداوي للاجراح

انتــه وانــا نحيى بـها الــروح بـ الروح
وارتــاح انا مــن راحتك لانت مرتاح

......

[الحمدان]

‏اللي يحب الشمس يبكيه الغروب
واللي يحب الليل يضحك للقمر

واللي يحب أنسان ما يقدر يتوب
لا صار هذا الحب يسوى له عمر

......

[الحمدان]

‏اللي يحب الشمس يبكيه الغروب
واللي يحب الليل يضحك للقمر

واللي يحب أنسان ما يقدر يتوب
لا صار هذا الحب يسوى له عمر

......

[الحمدان]

حيرتني وشلون اكتب وجازيك
الذوق منك والوفا من خصالك

القلب يستبشر اذا حل طاريك
والعين دايم يحتويها خيالك

......

[الحمدان]

اللي يريد القلب والكبد والــــروح

بعطيه روحي له هي اجمل هديه


ومن صد عني بعده الفكر مجروح

لاسامحة ربي ورب البــــريه

......

[الحمدان]

لو إن النوايا بيّنه والصدور تشاف
‏تباطيت ما حصلت لك صاحبٍ طيّب

‏ صحيب يدور زلتك صحبته تنعاف
‏لو إنّه من أقصى القوم ولا أقرب قريّب

‏أنا ما أخاف الوقت لكني ..الخواف
‏من الناصح الكذاب والشامت الخيّب

‏قليل بحياتك من كسب كامل الاوصاف
‏و كثير بـ حياتك والله إن عرفه يشيّب

......

‏‌

[الحمدان]

‏غلاك فطره وحبك شي من حالي
والشوق يمك ياروح الروح يدفعني

انت اول الناس يوم اصحى على بالي
وانت اخر انسان قبل انام في عيني

......

[الحمدان]

الورد لك ماهو لغيرك من الناس
لأنّك الورد الطبيعي بعيني

يكفي فؤادك ممتلي حُب واحساس
يكفي ويكفي إنّك احساس وفيني

......

[الحمدان]

اما عن الاماني:

تمنيت شي وقدر الله شي وصار
ولا لي سوى وجه الرضى لو تصنّعته

واما عن الخيره:

أنا هقيت إن راحة العبد فيما أختار
وأثر خيرة المولى لعبده مسنّعته

واما عن الواقع:

تبون الصراحه والله إني بغيت أنهار
ظروف الحياه أقسى من اللي توقّعته

[الحمدان]

ماودي أذكر شي من ذكرياتي
شوفوا لنا رحلة فرح نبتديها

الذكريات الي مضت في حياتي
الله يرحمها و يستر عليها

......

[الحمدان]

ياجامع الزين و الملح و القبله
ارفق على قلبً غدا منكم شتات

يحن لك قلبي مثل شايبً و ابله
لا زارها من عقب طب و جراحات

......

[الحمدان]

ليت الاماني تحقق لاتمنينــا
وياليت الأيام تجبر في خواطرنا

على دروب الأمل سقنا خطاوينا
يالله عسى خيرة الأيام تنطرنا

......

[الحمدان]

الناس في أول لقى ميه على ميه
مشكلتي اني ما اصيد الناس من بدري

عفوي واعامل عباد الله بعفويه
واطير فيهم وأقلطهم وسط صدري

كم واحد تحسبه ماشي على النيه
وتلاحظ انك على النيه ولا تدري

......

[الحمدان]

قومي وفلّي جديلك فوق الامتاني
وتمايلي غِنج ردّي عيدي الكرّه

يا اندر واغلى علي من كل قيفاني
الشعر من قبل اعرفك ضامني بحره

مابغى في حبك معي يازين احد ثاني
فيك انت بالذات انا ما اقبل الخِشره

أخذت قلبك وانا أولى به بعد ماني
سلّمت لك قلب لا يعتب ولا يشره

......

[الحمدان]

انـا علــى باب الــوفــا مـــا تعديت
‏استقبل الوافيــن حــب وكـرامه

‏واللـــي تجاهلني وهــو عارف البيت
‏إن جاء هلا وإن راح درب السلامه

......

[الحمدان]

ابشرك لا زال قلبي ينبض
بالحب لك والشوق لك يملاني

الروح تواقه وعقلي يرفض
فكره محبة اي واحد ثاني

والعين تسأل والمشاعر تلفض
رغباتها كلمات من وجداني

تعبير يشرح لك ومعنى يوقض
ضمير قلب احساسك الانساني

من اجل لا تجبر شعوري يفرض
واقع وينسا كل من ينساني

......

[الحمدان]

بيض الله وجه من كفى ووفى
الرفيق اللي مع أهل الطيب وافي

لا نصيته في لزومك ما تخفى
طيبٍ والطيب عادات السنافيي

......

[الحمدان]

عشقنا الطناخه وارتفعنا عن المنقود
رقينا على عرش الكرامة ولا زلنا

طموحاتنا بعزومنا تبلغ المقصود
وعلوم القلوب الحاقدة ما تنزلنا

......

[الحمدان]

يـمضي الردا لا جاك من نايد الناس
ويتعبك من ناس يضمك نسبـها

ما يوجع الشجرة قسى ضربة الفاس
أكبر وجعها ان العصا من خشبها

......

[الحمدان]

علم الي يرجم الحيد من بين الرجوم
ماعلينا من مديحه ولا شتايمه

من وقفنا له رفعناه من فوق النجوم
ومن قعدنا له ماقامت ل حظه قايمه

......

[الحمدان]

اللَيالي تجارب والتجارب غنايم
يعقب العسر يسر ويعقب اللين شده

مايعقل حظوظ اللَقوم غير الظلام
ولا يثقل ظهور الزمل غير الاشدة

......

[الحمدان]

يالله دخيـلك من صواديف الايــام
ويالله عــسى فالامـر خيرٍ وخيـــره

العمر يمــشي والمـــواعيـد قــــدام
ولا فاتت الاولـى تبقّـــى الاخــيره

نمشــي مع الاقـدار ونسوق الاقدام
ويّـديــنا فالطـــيب ماهــي قـصـيره

......

[الحمدان]

العود يقدح سّطر والموت من دونه
النفس فالماقف الغصاب يرميها

والجيب في ماقفغ ماخيب اظنونه
يغنيك عن خوة الدنيا وما فيها

......

[الحمدان]

ما ندعس إلا على خشم العسر والمحال
ولا نصارع سـوى موج المحيط الخضم

وما نجي إلا بذي ماكـــــان يخطــر ببال
ولا نعوّد سوى باحرازنا اعلى رقم

...... ‌‏

[الحمدان]

الـتـجـربه يـاذيب لا شـيـب الراس
تكشف لك الايـام مــافــي خـفـاها

لولا احتياج الـنـاس ياذيب للناس
محدن عرف طيب الرجال ورداها

......

[الحمدان]

‏الله هو اللي وزع الرزق بقياس
‏ومن دنيتك ما تاخذ الا نصيبك

‏ان زاد رزق الناس لا تحسد الناس
‏الله حسيب الناس والله حسيبك

......

[الحمدان]

ليه المساء عوق الشقاوي وطبه
وليه الهبوب تصحي القلب لا بات

وليه القمر يدعي جريح المحبة
ويقول له ياهيه ما فات ما مات

جرحك ظهر لو قلت للوجه خبّه
وللحزن في ضحكك رسوم وعلامات

وليه المطر بالذات ريحه وصبه
كنه رسول بين الأحباب بالذات

اشتاق فيه لشوفتك واتنبه
للي نسيته من مواقف ونظرات

......

[الحمدان]

‏يا بشير الخير حي الله نباك
مرحبا بك عقب مابطيت الغياب

شوقنا لك و الجديد الي معاك
مثل شوق الأرض لمزون السحاب

بقلمي

[الحمدان]

فقير الدم ماهو ناقص الدم
فقير الدم ذا له دم بارد

ثلاثين الف غزاوي تيتّم
وهو لا زال وسط البيت راقد

إذا قد طاعنه في السن تدعم
من النرويج رغم انف التباعد

ومليارين مسلم ما تكلّم
ولا فيهم مناصر أو مساند

مصير المسلم الصامت جهنم
وكافر حر في الفردوس خالد

سكوت الناس عن غزة محرّم
ويلعن دمّها وجه المحايد

......

[الحمدان]

يشتاق لك قلبي وينشد عن الحال
ياللـي عليـك الحـال واصل لحـده

الـود جـوا الـقـلـب لازال.. مـازال
قلبــي علــى كيفـك تتـل وتشـده

لك داخله منـزل وبالعرق مدهـال
يوفـــي لك العهـد مـاباح ســـده

اسقيتك من الحب يا قلب فنجال
وبهاره مـن العشق صـدق ومــوده

......

[الحمدان]

يطربني إجتماع الكلمتين "عسى ، فدا" في بيت واحد مثل:
‏عسى حروف الكلمة اللي تودّيك
‏فدا حروف الكلمة اللي تجيبك
‏
‏وعسى ليلةٍ فيها من الشكّ والتبريح
‏فدا ليلةٍ فيها مجيّك ومعوادك
‏
‏وعسى الضيقه اللي كَنّ ماني مع الجلَّاس
‏فدا الضحكة اللي ما عرفت اتصنّعها

[الحمدان]

والله إنها معجبه والقصايد معجبات
‏ما يقنّد راسها إلا القصيد النخبوي

‏مستعد أكسي نحرها بسبع معلّقات
‏كلها في مجدها والجمال الأنثوّي

......

[الحمدان]

وين الوعود اللي لها عهد بـــالله
اللـــي تعـاهــــدنا بها وفــــترقنا

ياويل قلبي صار يشتاق ويـــلاه
للي ثلاثه اشهور قلـــبه تــــركنا


...

[الحمدان]

احيان عـن معنــى المحبــة لـي ابيات
واحيان عـن شـوقي ولهـفــة ســروري

احيان اڪتب عن مدى الضيق حـالات
واحيــان همــي ينقطــع بـه حـظـــوري

......

[الحمدان]

مطـــرت علئ قلبــي سحابة هواجـيس
وكــتبتلك همســات شعــري بذوقـــــي

خضعـت لك اشعوري وكـل الاحاسيس
وسلبـــت افكــــاري والهـــام شوقــــي

......

[الحمدان]

‏تغيب عن عيني ولا غاب لك طيف
واسامح جروحك ولو كنت مخطي

ليتك تعرف الشوق في غيبتك كيف
حتى تـعرف القلب وشلون يعطي

......

[الحمدان]

وَعودتني وكَتلي
بالدنيا شحلالكَ

كتلك انتَ
وكتيلي كل ناسكَ مشو

ياهو يبقالكَ بعد
كتلك انتَ

وردت اكلكَ والتهينا وفاركتني
ردت اكلكَ عودتنيَ

عودت كلبي أعلى جبركَ
وَعودتني منين ما

تلجمني احبك تعبتني
وعلى المامِش عودتني

شعر عراقي

[الحمدان]

حاولــــت انام ولا تهيالــــي النوم
النوم والهاجــــوس ماهــــم ولايف

ماتستريح العين والبال مهمــــوم
ولا يستقر الحال والقلــــب خايف

غديت مثل الي بالإعدام محكوم
ما مات لاكنه مــــن العمر عايف

......

[الحمدان]

اشكي غيابك وانتظر لحظة عناق
لوكانت الدمعـــــــه تردك بكيتك

ماعاد فيني شي يستحمل افراق
لو في يدي تعديل الاوضاع جيتك

اتخيلك فــي كل الاوقات واشتاق
واكذب على نفسي بكلمـة نسيتك


......

[الحمدان]

يا ساحـره قلبي وفكـري وبالي
خافي من الله وارحميني قليله

من شاف حسنك قال هاذا خيالي
سبحان من خـلا عـيونك كحيله

هاذا قـمــر شــعبان نـور اليالي
لا طل وجهك قلت مابش مثيله

......

[الحمدان]

لهسا الماي من انجيب طاريك
تتبريد اجروفه وروجته تبيد

سرايا تجر سرايا تموت جواك
اثاري الموت يافرناس تعويد

شعر عراقي

[الحمدان]

لامرني طاريك يفز قلبي ويرجف
واحس بأحساس الحب والهيامي

وترتسم بسمه علئ وجهي وتوصف
شعوري تجاهك يااحلئ غرامي

واريد عنك بس تكون كل السوالف
يرتاح قلبي ويرح همي واصير سالي

واقول ليتك بقربي وعليا تعطف
وتغمرني ياحبيبي بحبك والحناني

ونعيش انا وياك تحت واحد سقف
واخليك معي يانضر مرتاح سالي

واحميك من الالم والهم والخوف
يامنيت القلب والروح ياقمر الليالي

بس اسأل الله يحقق المنئ وعليا يلطف
ويجعلك من نصيبي وحقي حلالي

شعر عراقي

[الحمدان]

كون إنّام عشر سنين
ونصحى من الحزن طيبين

كون الشيب مايكثر
ليش إصغار ومشيبين

كون الروح من تروح بلايه وداع
كون نموت متونسين

كون ايامنا بلا خوف
كون وي الذياب نعيش ومأمنين


شعر عراقي

[الحمدان]

انت الذي قلت والله لو سماي امطرت
وتلاطم البحر بامطار السـحاب الثقال

ماحب غـــــيرك ولا الفرقا ببالي طرت
اما معك أنت ولا قبــــــر تحت الرمال

واليــوم يا للأســـــف اقوالك اتبخرت
وصرت عايش بعيد وصرت مرتاح بال

اما انا والقـــــسم لليـــوم ما اتغـــيرت
مشاعري نحـوكم لو طال فيها المطـال

......

[الحمدان]

تحت قدرة الله كل حيٍ يسوق خطاه
ولا ندري الايام معنا وش اتخبيّ

يمر العمر فينا ونصحى على ذكراه
دخيلك من الغفلات والطيش ياربي

......

[الحمدان]

قلت له وش فيك ساكت ماحكيت
قال فيني شوق وجروح وزهق

قلت انا مثلك ولكـن م شكيـت
ويوم ضميته على صدري شهق

......

[الحمدان]

سجت بي الذكري مع تالي الليل
اقلب الصفحات في ما مضى لي

طلعت ب استنتاج بعد التحاليل
وامنت بالمكتوب فيما جرالي

......

[الحمدان]

خذيت من خير العلوم إعتبارها
وشفت من كل الوجوه المعانده

وما عرفت الناس عند إختبارها
كمى عرفت الكل عند المسانده

......

[الحمدان]

من لا يبادلك التحيه والسلام
ما انته بملزم بالصله دايم معه

لاصار طيب له مكانه واحترام
حاول تخلي بينك وبينه سعه

......

[الحمدان]

يا قــرة عيــون الغــلا مــانسيتك
أحس بأحساسك وانا في مكاني

تبقى القلــوب كبار مهمــا جفيتك
ويبقى غلاك بداخلي مــاجفــاني

.....

[الحمدان]

يلم بيه الحزن ساعة والم بيه
وعليكم كلبي يوجعني والم بيه

الحزن تفصال ومخيط ولم بيه
لبسته وماقبل يعتك عليه

شعر عراقي

[الحمدان]

وهَي هَيچ
الوحَشة مِوضوع الليّالي

بَلاية عَينك
ليشِ خليّت الغريَب يكُلي وَينك

وانتَ تَدري الغرُبة
مِو بَس لليسافِر

الغرُبة مِن تعَيش بَين اهِلك
وحَيد وتُبقى حِاير

الغرُبة مِن تَستاحِش
وجوّه التحِبهُم

الغرُبة مِن تعُرف وحِدتك
مِو ذنبَهُم

شعر عراقي

[الحمدان]

ﻣﺮﺍﺕ ﺍگولن گضت
ﻣﺎﺑﺎﻗﻲ حسبة ﻭﻛﺖ

ﻭﺍﺭﺗﺎﺡ ﻭﺗﻌﺪﻱ
ﻭﻣﺮﺍﺕ ﺍﻛﺮﻫﻪ ﺍﻟﻌﻤﺮ

ﻭﺍﺳﺌﻞ ﻭاﺩﻭﺭ ﺩﺭﺏ
للمگبرة ﻳﻮﺩي

شعر عراقي

[الحمدان]

ترد مكسور وحدك محد وياك
وتبقى لوحدك تبچي بغرفتك

تلگه الواگفتلك بس حياطين
وانتَ الـ ما خِطَت واحد وگفتك

يخرب واهسك وجدامك تبيد
وگلبك يوجعك ماتدري شيريد

يابوية شثگلها تصير الأيام
ترة شغلة الفرگة تريد تعويد

هوَ الماله أحد لمَن يطيح
يتمنى من الأول ظال وحيد

شعر عراقي

[الحمدان]

‏لك في عيوني شوق وظلال وااوطان
والحب وسط عروق قلبي يصبّك

لو كنت ماحبّك ولا اهتّم ماكان
تسمع تناهيدي بـ كلمة احـــبّك

......

[الحمدان]

انت النسيم اللي له الروح تشتاق
وانت الحضور اللي عيوني تحبه

وانت الحبيب اللي له القلب خفاق
يا عذب نسيم الشوق وأجمل مهبه

......

[الحمدان]

‏سبح وهلل واذكر الله دقايق
‏ما اظن تاخذ وقت ي مضيع الوقت

‏واطلب جليل المُلك لا صرت ضايق
‏عساه يفرج ضيقتك كل ما ضقت

......

[الحمدان]

‏انت طبّ الجـرح وعيون الطريق
‏وأنت لك في خاطري قدر ومقام

‏لا تغار ولا تشــــــــــك ولا تضيق
‏دامك انـت الأول ومســك الختام

......

[الحمدان]

‏يامن تراقبني ترى الحرف لك انت
تعال واكتب وش شعورك تجـاهي

تعبت ألمح لك شعوري فلا هنـت
وأخاف تفهمها القلوب السواهي

......

[الحمدان]

‏الصـــداقة تراهــا فعل ماهي كلام
واصدقاك الحقيقيين مثل النجوم

ما تبين النجـــوم إلا بوقت الظلام
ولا يبين الصديق إلابوقت اللزوم

......

[الحمدان]

باسم الغـــلا ساكن وبالقلب حليت
بقصى خفوقي مسكنك يوم ضمك

لا ما اتخلى عنك لو غبت وابطيت
غلاك يسري بي مثـــل سير دمك

......

[الحمدان]

فـي غـيـابـك أشتعل مـثـل الجـــمـر
وفي حضورك كل شي يصبح جميل

أكــره اللــحـضات في بُعـدك تــمر
وأجـمـل الاوقـات فـي قـربــك تمـيل

بس تـوعــدني معـي تـقـضي العمر
وأوعـدك لجـلــك أسـوي الــمستحيل

......

[الحمدان]

‏نور الصباح اللي على طلتك فاق
يقطف من اشواق المحبين باقـه

بينك وبين الصباح تحتار الأذواق
سكـر حضـورك نادراً في مـذاقـه

......

[الحمدان]

‏ماهو على كيف المخاليق تختار
مافيه أحـديعرف نهاية مصيره

حكم القدر واقـع ولا تنفع أعذار
لكن ترى بـعـض المقادير خيره

......

[الحمدان]

‏ﻣﻬﻤﺎ ﺗﺤﺲ ﺑﻀﻴﻖ ﺻﺪرگ والأﻧﻔﺎس
‏ﺧﻞ اﻷﻣــــل بالله ﻓﻲ داﺧﻠگ ﺣﻲ
‏
‏ﻟﻮ ﺷﻔﺖ ﻫﻢ إنسان ﻏﻴﺮگ ﻣﻦ اﻟﻨﺎس
‏ﻳﺼـير ﻫﻤگ ﻓﻲ ﻋﻴﻮﻧگ وﻻ ﺷﻲ

......

[الحمدان]

‏انفاسه عطر و سواليفه غرام
‏ينثر مشاريه الغلا ويلمها
‏
‏آليا رواه الشوق يظماه الكلام
‏ومن الوله عذب القصيد يلمها

......

[الحمدان]

يفداك قلبـي والغلا والشرايين
وتفـداك روحي والمحبه تليها

ضميتك بقلبي وسكنتك العين
ومن دون شوفك دنيتي ما أبيها

......

[الحمدان]

‏لاباس يا الغالي عليك الف لاباس
ياجعل تفداك المدن والمطارات

وتفداك واشنطن ولندن وتكساس
بلّي عليها من شعوب وحضارات

......

[الحمدان]

اترك عيوني في عيونك دقايق
واسكت وانا بسكت ونسمع الانفاس

ماعاد فيها لا حيا ولا حقايق
احس بشي طغى فوق الاحساس

......

[الحمدان]

مشتاق لك من كل الاعماق يازين
‏والشوق يجبرني على الهم والنوح

‏لا قلت لك وينك تـرا خاطري شين
‏لـب النداء يا سيـد القلب والــروح

......

[الحمدان]

‏يـا لي خذيت العقل والقلب والروح
وايـش الـذي بـقيت لـي مـا خـذيته

طـيفك مـعي يا فاتني وين ما روح
فــديـت قـلـبك يــا غـلاتـي فديته

......

[الحمدان]

المرجلـه ماهيب تنعـد لأصحاب
ولا تحتكر فـي ناس منّـك قريـبين

البعض يتنومس بـفعلك ليّا طاب
والبعض يتمنى سقوطك بكل حين

حتى لو تسوي جميلك بلا حساب
مـابان فـيـهم لـو تـسـوي ملايين

احيان تلقى بالشدايد لك ذياب
ولا جمّـل الميقـاف غـير الـبعيدين


خالد الحمد

[الحمدان]

احب الكريم الي على الطيبين يجود
واحب المطر لو كان سيله مجنبني

واعرف الردي لو زاد ماله رداه يزود
فلا يعجبه طبعي ولاهو معجبني

نجاح الفتى سمٍ على اهل الكبود السود
يموت الحسود بجرعه الهم والغبني

وتجزعت من راعي الردى راعي المنقود
عدوٍ شريف ولا خسيسً يصاحبني


سعود الفهد

‎
‎

[الحمدان]

الليال الموحشة عقبها شمسٍ تشع
وحالك المتردي اصبر وتلقى له بديل

خلها على الولي محيي عروق القشع
وازرع الصبر بحياتك وتبشر بالحصيل

كل قاسي ماهو بشر لو شفته بشع
الصبر قاسي على الخلق ويسمى جميل

وكل هيّن لا يغرك لو تشوفه خشع
مثل حال الصايد الراكد وهذا دليل


فريد السحيمي

‎

[الحمدان]

آنا يآ رفيقي يوم آعزمك على الميسور
ترى من غلآك وجيّتك لي تشرفني

عدآك الملآم إليا تعذّرت لي معذور
لكن لآ توجّب عند غيري وتسفهني


شاعر الموسم

[الحمدان]

الأصحاب خلهم في حياتك نمر تعشيق
الأول هــو الأول والـثـاني هـو الـثـاني

لكن واحـد خـله دبـل لاحـداك الضيـق
لا تستخدمه في كـل الأوقـات مجـاني


علي البورع
‎

[الحمدان]

من التجارب خذينا اللي يكفينا
ومصادم الوقت علمنا وخلانا

مانراعي الا الصديق اللي يراعينا
ننصاه لاضاقت الدنيا وينصانا

واما خوي السعه ماعاد يعنينا
حنا نسيناه والمفروض ينسانا


ممدوح التويجري
‎

[الحمدان]

بين الظروف وبين ماجابه الله
استنفرت قوات صدري قواها

والحظ خلا من مصيره محله
وقف بوجه الحاجه اللي اباها

سيفه بوجهي كل لحظه يسله
لو ان نفسي عايـفه مبتغاهـا


محمد بن عبدالله

[الحمدان]

المجامل بعض الأحيان ما يقضي لزوم
لابو النفس الضعيفه ولابو جدها

مير تجبرنا العوايد وتجبرنا السلوم
نكتم الأسرار يالين تاصل حدها

كلّ ماكبرت وضاقت على عيال الرخوم
نحتزم لأكبر مصيبه و ناطى خدّها

جعل قسمي عند ربي من خيار القسوم
واحدٍ يعطي العطايا ولا يرتدّها


سلطان الهاجري

[الحمدان]

يانفس لايزعجك شوف الغرايب
يـاما مع الأيـام شفـتي وعفـتي

والـوقت هذا وقت كلـه عجايـب
حتىَ المنافق صار يوعظ ويفتي


النجم العالي

‎

[الحمدان]

الليالي فــ الاوادم عرفتنا
لين بان البوم والحر القطامي

والزوابع زوبعتها مااخلفتنا
ماعلينا من محرفة الكلامي

في علوم اهل النقيلي مالتفتنا
ان كثر وان قل ماهوب اهتمامي

مع هل الطالات زادت معرفتنا
كل واحد من هل الطاله حزامي


......

[الحمدان]

اكبح هوى نفسك وبصرك يقديك
ناج الكريم اللي على الخير قداك

رزق ٍ لغيرك ماهو لك لو هو بيديك
رزقك لا راد الله محد يمنعه جاك

الحق يرضي اهل الحق ويرضيك
من لا رضا بالحق جنبه وعفاك

اصبر على الدنيا وجود مباديك
لا طاب فالك زان جوك ومرماك


الطويلعي

[الحمدان]

روّح زمان الخوي اللي نعده خوي
يبسطك بسلوبه وهرجه وعفويته

يضحك ولو المصايب زقمها ملتوي
يعشق دروب الصراحه ماقلب نيته

وجانا زمان الخوي اللي ماهو بحموي
يجيك فاللحظه اللي ماتبى جيته

ياجعل حبل العلاقة ينطوي ينطوي
قرصة حنش خير من قربه ومن فيته


فايز المنصوري
‎

[الحمدان]

خويك الجوال يامدنّق الراس
يروح وقتك وانت ساهي وفاهي

نسخ ولصق ماعاد تبغى ولاناس
وماعاد تبغى غير فنجال شاهي

ضيع صلاواتك ولاعندك احساس
عايش حياتك بالملذات لاهي

اقوى من الادمان ياطيب الساس
يالله عسى لطفك بنايا الآهي


فايز المنصوري
‎

[الحمدان]

حتى ولو الخشم فيه انعواجه
ان كان ابن عمك عوج لاتسبه

خلك لبيب وخل عنك اللجاجه
ارفع ولد عمك ولو ماتحبه


فايز المنصوري
‎

[الحمدان]

ياما اعترضنا واحدٍ ما اعترضناه
قصير شبرٍ للهزيلات هاوي

ونحشم لحانا والردي ما حشمناه
ونصد عن وجه الوضيع النساوي

نساوي به من طبوع الخونداه
صوته لطيف وبالشدايد رخاوي

ربوة هنوفٍ فيه منها سجاياه
كثر التبلي والدعا والشكاوي


خليل بن هدلان

[الحمدان]

اليوم فالاموات ناخذ عزانا
ومصيرهم بكره يعزون فينا

يالله تهون سكرته لا لفانا
وتكون بعد الموت راضٍ علينا

......

[الحمدان]

الردي صعبً يجنب عن طروقه
سيرته وشلون يبعد عن نحاها

معدنه للطيب مايمكن يسوقه
والحرار الشقر مايتبع هواها


مطلق الحويقل

[الحمدان]

يالله لك نشكي ضياع المفاهيــم
صرنا شتات وصار فينا اندلاجه

ماعاد ندري وين يرجح بنا القيم
نركض ولا نقضي لنا اي حاجــه


راع الزباره

‎

[الحمدان]

ياصدري اللي على الكتمان متعوّد
ياكبر قدرك مادام الناس ماتدري

خلك على واقعك بـ الصبر متجوّد
لين الله يبدل الأحوال ياصدري


ذيب بن دريم

[الحمدان]

المواقف كالمعادن محككة الرجال
بالرخاء ولا الشدايد تبين زحولها

الشدايد تظهر قروم ذربين الفعال
والرخاء ياكثر منهو يدق طبولها

الكفو هو ذخرها لانخيته فالثقال
يرتكي من دونها لو تزيد حمولها

والردي يبقى ردي لايشلّ ولايشال
عقب اللي وقفته ماتجي في حلولها
‎

حبشان بن فالح

[الحمدان]

الرجل لولا الدين والطيب والخلق
ونطح النوايب واغتنام الغنيمه

وتواضعه للناس وحجاجه الطلق
ما صار له بين المخاليق قيمه

بعض المقابل يشرح الخاطر الغلق
وبعض المقابل مثل الارض الوخيمه

ودقنٍ يغش الناس يستاهل الحلق
لانّه على وجه المنافق ظليمه

صالح عزران

[الحمدان]

ثباتي ثبات العز واعرفْ وش سويت
تمـرْ الهروج العوج وتذب الارواعي

ليا شفتها عرزيل عن دربها صديت
وخليتـها للي مشاريـف وجيـاعي

تشرّه عليّه بالخطيه وانا مااخطيـت
عليك الملام بشـرهةٍ مالها داعـي

تحملت من عوج المشاريه لين ازريت
اجامـل وكيـل رعيّــةٍ مالها راعـي

لاحق العضياني

[الحمدان]

ترى الحمول الها جمال ولا ينوخ للحمول
قال المثل مال الصعاب الا ظهور جمالها

هروج مجاني لكن هروج تثبتها الفعول
والناس معروفه بساميها وطيب أفعالها

الي ليا صعبت تحصل عندهم كل الحلول
من عرفّهم كل الصعايب عارفين حلولها


حمود الجداعي

[الحمدان]

مانيب قايل على خيبتك تستاهل
ولاني مداري مشاعرك ومخدرها

اقول يمكن فهمت الدرس ياجاهل
كبّرت هقوتك في اللي مايقـدرها


عبدالله الطلحي

[الحمدان]

لا تهقــوى وأنت تـوك فالبدايه
بالمسـافه تفرق الخيل الأصيله

الوعـــد لا قربن خــــط النهايه
لرتخا عزم الكديش و مات حيله

ولو تسمــي ما تجملك السمايه
الضعيف ضعيف لو يكثر حصيله

حط وجهك قــــدم برواز المرايه
وشف عيوبك والفتى نفسه دليله


جري بن عبيد

[الحمدان]

‏من أول الصحه و انـا نـطرد المال
طرد السراب الي تــسوقه عوالي

واليوم أناوالمال نطرد ورى الحال
الـي تناحت صــحته مـ الـزوالـي

دنيـاك هـذي بيـن راحـل و نزّال
ولا بـد من بـعد النّـزول ارتـحالي


عبدالله الشلوي

[الحمدان]

علم اللي يجهل الطيب لا يفتح فمه
لا يحسب إن المراجل كلامً يسرده

حي راسً ماأرتخا بالشدايد محزمه
ومن نصاه بعسر الأيام يبشر بسعده

مع مسار الطيب ثابت ولازل قدمه
وارثً طيبه وربى على الطيب ولده

نعرف أن الطيب يستاهله من قدمه
ومن زرع حب الردا مجبر إنة يحصده


جري بن عبيد

[الحمدان]

لا تواضع للوضيع يضيع قدرك

مأنت مجبورٍ على بعض التواضع

مساعد الرشيدي

[الحمدان]

اكبر مشاريه العـرب بين قوسيـن
يشتالـها اللي مايعـرف النصيحـه

خبلٍ لسانـه فالسواليـف شبريـن
واكبـر منـه مقـدار راس الذبيحـه

إن كان مالك فالجماعـه محبيــن
راسٍ بدون متون ماسّرع مطيحـه

وأن كان مانت فاللوازم حمر عيـن
تبـا تمــوت ولاكسبـت المديحـه


لاحق العضياني

[الحمدان]

الهقاوي فالعرب تبغى شطارة
لاتقول ان السّمي يشبه سميّه

فيه ملحً في محلات التجارة
وفيه ملحً في رصاص البندقية


......

[الحمدان]

إلا ليت حظـي ماعطانـي مقفاه
ياليت لي حظن مع الناس يغني

حدتني الليالي لين وصل الصبر اقصاه
ولا به رفيقََ مـن همومي ‎يسليني


......

[الحمدان]

ترا كثر الحكي يرتبط مع قل الافعال
متى ما كثر حكي الرجل قلت فعوله

والى منك بغيت تعرف لك طبع رجال
شف اللي يفعله خل عنك اللي يقوله


محمد المقحم

[الحمدان]

لا عاد تتوجد على فايتٍ فات
الفايت اقفى لا تحرى رجوعه

دنياك لو فيها جميع الملذات
عشيقها لابد يذرف دموعـه

واخير ما فيها صيام وصلوات
ونفسٍ بما ربي عطاها قنوعة


......

[الحمدان]

أحـبه محبت من تولـع بحـب الـذود
تدابك خطاويها على صوت صاحبها

وأحـبه محبت شايبن لأخر العنقـود
تمكن غـلا بنـته في قلبه ويلاعبها

وأحبه محبت من ذبحها غلات العود
تلبي على زوله وعلى حس شايبها


سعد الشليّه
‎

[الحمدان]

صدور الرجال اللي غدت للهموم قبور
تجرّا على الصعبات والهم ناقلته

قبول السّعد في وجيه اهلها يزيد النور
ليا جاهم اللي سود الايام خاذلته

تقول انهم ناسٍ يعيشون دون شعور
لا نسيوا مشاكلهم علشان مشكلته

وغياب الخوي اللي خذا له ثمان شهور
تجاهلت تاثيره وانا ما تجاهلته


نايف

[الحمدان]

ترى صدورنا مهيب قطعة من الصمان
يجيها الـمطر ويروح فيها ولاحـاجة

نمرر خطأ من بـاب تـقـديـر للاخـوان
ونشوف النوايا تالي الوقت منعاجة

الاصحاب شانو والزمن يارفيقي شان
تشوف الرجل يصبرعلى الغبن واحراجه

ووقت الزعل مانحسب فلان والافلان
ندوس الردي بالرجل ونوقف ازعاجه


بندر بن خربوش

[الحمدان]

لا تـقولـون الـزمن مهـوب طيّـب
الزمن طيّـب لكن النـفس طـابت

والله ان الراس من وقتـي مشيّب
الشوارب واللحى يا اخوك شابت

الدروب الـمرهقـة صـارت قـريّب
والـظـنـون بـكل خلـق الله خـابت

كلما هفهف على صـدري هبـيّـب
قلت نفسي من طروق الود تـابت


بندر بن خربوش

[الحمدان]

عزي لحال اللي تعلق بالاوهام
يبغى الخلاص ولالقى له طريقة

يهرب من الواقع وتتعبه الاحلام
حجم الألم بالحلم مثل الحقيقة

مهما يجيك من المآسي والآلام
حاول تجود في الحبال الوثيقة

واعلم ترى ربٍ هدانا للإسـلام
ماهو مكلفـنا بمالا نطيقه


عبدالله الطلحي

[الحمدان]

ي ذئب ياللي غرك الكبر والطيش
ماينفعك باسك وقو القطاعه

حاول تواضع واترك الكبر وتعيش
وتقول لهل الطيب سمعن وطاعه


زايد بن محيا

[الحمدان]

ريحضميرك وأترك القيل والقال
وأبعد عن اسباب المشاكل وترتاح

ماأنته بمكلوف بتعديل الاحوال
ومالله خلقك لمخطي الناس مصلاح

بعض المشاكل تااكل لحال والمال
دوامة من طاح في بطنها راح

أنصح مادام النصح يلقى له إقبال
وأبعد مادام الناس ماتقبل أنصاح


جري بن عبيد

[الحمدان]

الفجر يسأل عن صفوف المصلّين
يـَ مقاطعين الفجر ليش القطاعه

إلى متىَ يا غافي القلب والعين
ما كنّ عندك للصلاه استطاعه

لو قيل لك موتك بعد يوم يومين
ما ظنّي بتغفي ولو ربع ساعه

بتصلّي يا مسلم أو بتنتظر لين
تموت وتصّلي عليك الجماعه


ابو فهد

[الحمدان]

احتاج لك يا نبض كلّ الشرايين
مسكين قلبٍ ما يشوفك غناته

انت الحياه اللي فقدها الكثيرين
من صدّ عنّك وش يبي في حياته


ابو فهد

[الحمدان]

ياخوي نفسك لا تبيّن زعلها
لا جتك زلّه من رفيقٍ قريّب

هاذي هي الدنيا وهاذولا اهلها
راس الولد منهم تشوفه مشيّب

لـ قراب لو تخطي عليك احتملها
العفو مهما كلّف الأمر طيّب

والله يحاسب كل نفس بعملها
لا تنشغل مع كل ناقص وخيّب


ابو فهد

[الحمدان]

ليت المجالس ما اتعدا ثلاثه
كريم وسنافي وراعي حميّا

وياليتها تفقد وجيييه الخباثه
حسود ومنافق وراعي قفيّا


......

[الحمدان]

مايطرح الإنسان ويهد حيله
إلا شعور اليأس لامن تولاه

خل الهموم تقول مافيك حيلة
تلقاك دايم محسن الظن بالله


عبدالله الطلحي

[الحمدان]

حط القدم من فوق روس الافاعي
وعمرً بليـــا عز وش ينبغابه

واللي رضى بالهون عمره ضياعي
ان عاش ولامات محدً درابه


تركي العريدي

[الحمدان]

حافظ على اللي ينفعك في حياتك
وأحرص على اللي بعدموتك يفيدك

تراء السعاده في حياتك صلاتك
والحسنه اللي سجلت في رصيدك

زوّد رصيدك قبل تعلن وفاتك
الموت لو طال الزمن في وريدك

وخل التواضع والوفاء من صفاتك
أبليس لا يضحك عليك ويصيدك


......

[الحمدان]

كبـار البـلاوي تبتلي والزمـول تـشيل
عـوايد ومـن له وقـفـةٍ مـا يـخـلـيها

اليا شبّها الجاهل وبلشو بها العقّيل
فـرجها على الله والله اللي يـسويـها


......

[الحمدان]

ترا من يغرّك مظهره ينكشف خافيه
سرابٍ ضحاضيحه على البعد كذّابه

يجي عند ظنّك واحدٍ ماهقيته فيه
ويخيب الرجا فـ اللي منوّل تهقوابه


هزاع الغميسي

[الحمدان]

من عـاف وصلي جا يـدور وصالي
غـره زمـانه واعـذب الشعر بحينه

لا طاح من عين الغلا شخص غالي
والله ما يرجع لو فقــد شوف عينه


عبدالعزيز بن قالط

‎

[الحمدان]

عديتهم واجد من الجزل للعيص
عرفـي لهم خلاني غصب اتوجه

الخوة الذربه للاصحاب ترصيص
كم صاحب ٍ يطربك لو فيه رجه


عبدالعزيز بن قالط

‎

[الحمدان]

اثر المواقف فحصً دايم للأصحاب
تعطيك عن صاحبك تقرير كامل

اما صحيبً صحبته ضحكة الناب
ولا صحيبً فالمواقيف صامل


مشعل عيد البقمي

[الحمدان]

انا لو بغيتك كان كلّك ثمان حروف
لكن تالي اسمك ردني منك يا فرقا

اداري خواطر روس قوم تحب النوف
على شان سمعتهم على المعتلي ترقا


......

[الحمدان]

جدك بناله مجد بالرمح والسيف
مير انت وش سويت ياذخر جدك

لاتقطع الفرجه ولا تكرم الضيف
ولا عدو اهل الطيب محدٍ يعدك


ذائقة

[الحمدان]

سقى الله ذاك الوقت الاول وذاك الجيل
يوم إن القلوب نظاف والناس مجتمعه

يوم إن الحيااه القااسيه بين حط وشيل
زماان الوفااء والطيب والجود والفزعه


عبدالله مشاع

[الحمدان]

مالوم عيني لو بكت فايت فات
على الذي حالن الأقدار دونه

يومه يسير بالشهر خمس مرات
وإن جاء يوادعني تذارف عيونه


......

[الحمدان]

الخوه الخوه الله يرحم الخوه
ويرحم قبور الرجال اللي تقدرها

شيمه و فزعه وخفة نفس ومروه
صعبه على الجاهل اللي مايدبرها
'

فهد بن شعلان الاكلبي

[الحمدان]

ياالله ياللي كل شين على يدك
عمري ورزقي والشقا والسعاده

يارب تسعدني بساعة مشاهدك
وتجعل ختام العمر نطق الشهاده


جلال بن عون

[الحمدان]

ضعاف النفوس اللي تتبع لك الغفلات
قصار اليدين اللي جداها مايسقيها

سوات الثعالب ماتحصّل ياكود فتات
بقايا عشاء سرحان يمكن يعشيها

عليها السواد موشحتبه ُجمل وأشتات
وعليها من الله حقها اللي يكفيها


مرزوق الصبحي
‎

[الحمدان]

مايحرج الرجال مثل ابن عمه
لاصار لاش وعنه تنشده الأجناب

يمدحـه عند الناس وإلا يذمه
وإن قال مدري قالوا الناس كذاب


عبدالله الطلحي

‎

[الحمدان]

لا صرت لي مشتاق لاتستحي قول
تدري حلاة العشق يذبح من الشوق

هذا انا لااشتقت شفني على طول
بأعذب بيوت الشعر جريت طاروق

......

[الحمدان]

يمناك لو خانت مع الوقت يسراك
‏محدٍ يسرك غير مدت يمينك

‏لو تنبت الدنيا ذهب تحت ماطاك
‏ماينفعك في الآخره غير دينك

‏عبدالله بن شايق

[الحمدان]

ياسنا الفضه وياجيـد المهـات
ياشذى نبت الخزامى في وطاها

قلت كن بوجنتـك زهـر النبـات
قالت ان الرمش يجرح لي صفاها

......