فوق هام السحب ( الشعر الشعبي) على متن القوافي

[الحمدان]

ياصاحبِي هوّن عليك كل الحياة مُغَادِرَة
ياصاحبي هاتِ يديْك إن القلوب مُسافرة

ياصاحبي مهما بكيتْ كل المآسي عابرة
ياصاحِ دنيانا طريق والعيش عيشُ الآخرة

....

[الحمدان]

أبعدت عن ناسٍ بلا احساس وشعور
من بعد ماشفت الخطا في عيوني

ماني على اللي يوجع الراس مجبور
راسي عزيز ويرفع انـه امتوني

صبرت لي عدّة سـنوات وشهور
لكنّهم على الرحيل اجبروني

ماني مسامحهم على الشك والزور
الله يجازيهم مثل مااظلموني

....

[الحمدان]

فاقدك والكون بغيابك كئيب
لا أحد قبلك ولا بعدك أحد

عفت خلق الله من بعيد وقريب
وأعتزلت الناس بعدك للأبد

كل واحد صار بعيوني غريب
مافقدتك كن فاقد لي بلد

كان همي في حياتي لاتغيب
الحياه بدون ضحكاتك نكد

ماني أول شخص فاقد له حبيب
بسّ بـغيابك أنا أكثر من فقد

....

[الحمدان]

مشينا علي درب المعزه ونهج العود
وفي مدرسة شيخ المراجل تعلمنا

عسي الله يبعدنا عن العيب والمنقود
وعسي الله فعيون النشاما يجملنا

....

[الحمدان]

‏صابر على مر الليالي والاقدار
ما في يدي حيله ولا لي وسيله

عليك ياللي عالمٍ كل ماصار
يالله عوضني حياةٍ جميله

....

[الحمدان]

اللي نسى قدر الصداقه نسيناه
والله يسامحنا ويخلف تعبنا

وان مر له طارى وسيره مدحناه
ما هو من طيبه لكن من ادبنا

عزالله انا فالشدايد عرفناه
وصداقته ذنب ومن الذنب تبنا

يوم انها طيب ومواقف غلبناه
ويوم انها كذب وضعافه غلبنا

....

[الحمدان]

برموش العيون لجلك كاتب اني
وصرت راوي بمحبتك كاتب اني

لون تدري على كلبي اشكاتب اني
عهد ماأنساك صدك للمنيه

شعر عراقي

[الحمدان]

حلوة المحبه صافية بين اثنين
مثل الجرس بالقلب تسمع رنينه

احبك لو أنك بعيد عن العين
دام المشاعر في غرامك رهينه

الحب عند الناس كلمه بحرفين
والحب عندي له معاني ثمينه

وشوقي انا ياناس ماله موازين
مثل البحر لو هاج تحت السفينه

....

[الحمدان]

على الله والانسان يتعافى من الأزمات
لو النفس تفنى قبل تقضي عوايزها

تعيش الأوادم كلها في عنا واثبات
وتسعى ورى غاياتها لين تنجزها

والاهداف كل اللي بعدها من اللذات
ما يشبه متع لذّاتها قبل تحرزها

عسى نفسي اللي بين الأحلام والغايات
ما تفقد شعور الكلمة اللي تحفزها

تساميت بـ اسمٍ منه الأيام ما تقتات
وروحٍ عليها ملبس الضعف ما يزهى

على كثر ما مرت علينا من العثرات
يا كثر الظروف اللي عبرنا حواجزها

أعذر الجريح إن راح عمره على ما فات
الانفس هواها مرتبط في غرايزها

عليك المشاعر ثايره يارفيق الذات
احاسيس ٍادنى ما يجيها ينرفزها

انا كنت اسامح واتغضى عن الزلات
ما اعيد النظر في كل صوره وأبروّزها

تجاوّزت قبلك كل صدمه من الصدمات
وهالحين كلمة ما قدرت اتجاوزها

....

[الحمدان]

ليّت العمر مسجد والأيام ركعات
وياليتني لاتبت ما أعيد ذنبي

مهما تجرب من شعور الملذات
مافيه أجمل من شعور المصليّ

....

[الحمدان]

‏وقلب جرحته لاتحاول تداويه
خله يعاني من قساوه طعونك

بالله قلي ماحصل وش تسميه
أغلى حبيب لك بلحظه تخونه

حاولت بك ولاحصل شي ابيه
وخيبت ظني خيب الله ظنونك

تصفي لغيري بالمحبه وتغليه
وتبيع ناس بالموده يبونّك

....

[الحمدان]

‏مال الكسور بخاطر الوجد جابر
ومال الدموع بحاجر العين مرما

صدورنا لصكات بقعا مقابر
وافواهنا عن ذكر الاوجاع طرما

....

[الحمدان]

لا تامن العقرب ولا تامن الداب
السم واحد لا رقا في متونك

ياجاهل الدنيا ودورات الاسباب
اعرف ترا من خان غيرك يخونك

....

[الحمدان]

تعاهَدْنا المحبة واحتفينا
بها والوقتُ أغدقَ بابتسامِ

فإنْ جارَ الهوى فالوِدُّ يبقى
ويكفي منكَ لو ردّ السلامِ

....

[الحمدان]

من لايراني في عيونه تجاره
اراه بعيوني خساره ونقصان

من باعني بعته ولو بالخساره
فرقاه عيد وذلفته خير واحسان

واللي شراني بالوفا والجداره
اشريه بالغالي وجودات الاثمان

الصادق الوافي رضيت اختياره
اقولها واثق ومن قلب ولسان

جنبي وانا جنبه مداري مداره
والناس لي فيهم علامه وبرهان

....

[الحمدان]

في القلب قصرٍ للغلا وأنت بانيه
حُراسُه أشواقي وطيبة ظنوني

أظن بك ظن الوفا وأنت راعيه
ياللي طيوفك في الغياب إسكنوني

....

[الحمدان]

لاتندفع ترا الليالي محاميل
ولا تشتكي لو زاد همّك وميلك

سنّة بشر فيها العبر بالمكاييل
ليت السلامه تنشرا من جميلك

....

[الحمدان]

رسالتي لك....

أجبرو الخواطر وراعو ا المشاعر
وانتقو كلماتكم
وتلطفوا بأفعالكم
وتذكرو العشرة
ولاتؤلموا أحد وقولو للناس حسنا
وعيشوا أنقياء فهذا نهج الأنبياء

[الحمدان]

‏ودي اشوفك واجلس بقلبك شوي
واعلمك كيف الامآني ‎تناديك

وشرح لك عن حزجة واعلمك بشي
اني احبك مووت وبالحيل ‎اغليك

....

[الحمدان]

سحر العيون ومهجتي شوفت الخيل
هي علتي ودواي مسكت رسنها

تعال ابقهربك قلوب العواذيل
وهاك البنات اللي جمالك فتنها

....

[الحمدان]

انت الذي عمري بدونك ولاشي
انت العروق ونبض قلبي والاحساس

انابدونك لآ حشا ماني بحي
روحي معك دآيم وجسمي مع النآس

....

[الحمدان]

عذرك معك لو كان ودك تنسحب
ما توجع الفرقى بعد موت الشعور

بتغيب غيب أبشّرك صدري رحب
ما عاد تفرق بالغياب و بالحضور


على كثر ما كنت احبك صرت أحب
آخر لقى و آخر وعد وآخر ظهور

....

[الحمدان]

أنا مسائي غير كل المسائات
مساء شوق وحب وورد جوري

أنثر ورودي فوق كل المساحات
لو غبت وردي نائب عن حضوري


....

[الحمدان]

ان كانت الفرقى تريح ضميرك
انا ضميري بالجفا كيف يرتاح

ماعاد لي رغبه على حب غيرك
حتى لو انه يملي ايامي افراح

كرمت ودمت وكثر الله خيرك
على كثر ما زدت في قلبي اجراح

ذائقة

[الحمدان]

‏شحت بك الدنيا وانا حيل محتاج
ودنياك ماتقضي للاجواد حاجه

احتاج لك حاجة سجينً للافراج
اللي صدر حكمه وعكر مزاجه

واحتاج لك حاجة غريقً بالامواج
يرفع يده والموج ضيع خراجه

احتاج لك والموت من دونك احراج
دونك غيوم الوقت تصبح عجاجه

....

[الحمدان]

أنا حبيبي لارمى الصيد ما أخطاه
أكحل له اعيوني وأفك الجدايل

خلي عفيف ويعشق أربع بدنياه
أنا وذوده والقنص والجمايل

....

[الحمدان]

أخترت روحي في زحام العلاقات
وقويت مع روحي تفاصيل روحي

لا أحاتي الآتي ولا اندم على الفات
أتبع خرايط رسم ربي بـ لوحي

الوجه واحد ما اختلف بالتلفات
يشبه بصدقه واعتباره وضوحي

ما عاد يغريني جمال البدايات
انا النهايات الجميله طموحي

....

[الحمدان]

فمان الله ياحبِ وقف ما كمل المشوار
عرفــنا مـفرق الدربين ما يحتاج تكميلة

بقت بـس المعزه بيننا مـا كـن شي صار
وصرنا اغراب عقب الود يادنيا من انتي له

فمـان الله ياقصـة غـرام اصبحـت تـذكار
صنعها الحب في لحظة ولا كمل تفاصيله

....

[الحمدان]

من تخلى عنك في وقت اللزوم
لاتحطه صاحبٍ تشره عليه

دام ماهو ساعة الفزعه يقوم
خاب ظنك ياطويل العمر فيه

وش يفيدك بالسوالف والعلوم
وانت ماحصلت حاجه لو تجيه

مثل ليلٍ فيه ياكثر الحلوم
والنتيجه مالقيت اللي تبيه

....

[الحمدان]

‏مابين الحب والغيره وكثر اللوم
دعيت اللي جمعني بك ما يبعدنا

معي قلبٍ كثر ما يعشقك مظلوم
صبر لـ اجلك لو العذال تحسدنا

لا عانقتك وانا من ضمّتك محروم
تحدّيت الليال اللي تعاندنا

احبك والمسا ما هو مسانا اليوم
انا اللي فاقد شلونك وفاقدنا

....

[الحمدان]

الوفا في الحب مثل الأمانه فـي الرقاب
ملتزم فيها سنافي وخاينها ردي

لاتغيّرك الليالي ويغريك الغياب
وتحداني والجفا منك حاديني حدي

نبض قلبي يوم ودّا ونبضه يوم جـاب
مايقول الا عسى الله يسامح ويهدي

عد غلطاتك على يدك وأحسبها حسـاب
إنسها ومسامحك وأذبح لنفسك فدي

....

[الحمدان]

لولا الحياء وعاداتنا والتقاليد
وسلومنا وأطباع جدك وجدي

لاقول أحبك و أعترف للأجاويد
ولاهمني من عارض اليوم ردي

وأجيك أنا كلّي بليا مواعيد
تمد لي يمناك وأمد يدي

وتضحك لنا الدنيا ونرجع مواليد
ننسى زمان كان ضدك و ضدي

لكني أخاف العتب و المناقيد
ولاضاع فينا العمر معاد يمدي

....

[الحمدان]

فمان الله وحفظ الله وتبقى دايماً بالبال
فمان الله يا شخصٍ مع عمره اخذ عمري

رعاك الله يا ذكرى ليالي اللي تمر البال
تذكرني بسعادة يوم اغمض وابحر بفكري

تغير حالي المُنهك طيوف الحب لافضل حال
تباعدني عن الدنيا و ما فيها ولي عذري

....

[الحمدان]

لك منزلٍ بين الرجاء والتمني
ولك دعوه مافارقت قلب ولسان

أدعي عساك تكون فيني ومني
عل وعسى مايملكك غيري انسان

....

[الحمدان]

‏مافيه داعي للزعل والانفعال
ومجادل الجاهل وكثر اللجلجه

خلك على ماقيل شيال الثقال
واللي يبي يزعجك صمتك يزعجه

....

[الحمدان]

في كل جارحةٍ عينٌ أراك بها
مني وفي كل عضوٍ بالثناءِ فمُ

إذا نطقت فلم أنطق بغيركمُ
وإذا سكتُّ فشغلي عنكمُ بِكُمُ

....

[الحمدان]

رحت منه لا سلام ولا كلام
خايفه نفسه و نفسي خايفه

و راح مني في عتيم و في ظلام
روحَة اللي راح ماني شايفه

ليله ما هي على صدري وسام
ليلةٍ ما هي بـ ليلةٍ كايفه

افترقنا عاد في عينه غرام
والغرام اللي لـ غيره عايّفه

....

[الحمدان]

إليا زعلتوا فأزعلوا لين ترضون
‏وإن ما رضيتو جعل فالأمر خيره

‏ما يلحق الواثق مشاريه وظنون
‏ولا به كبيرٍ يلتفت للصغيره

....

[الحمدان]

من لا يداري خاطرك لا تداريه
‏بعض المدارى لـلخواطر مذله

‏كم واحدآ تتعب على شان ترضيه
‏ويصير ظنك فيه ماهو محله

....

[الحمدان]

من لا يداري خاطرك لا تداريه
‏بعض المدارى للخواطر مذله

‏كم واحدآ تتعب على شان ترضيه
‏ويصير ظنك فيه ماهو محله

....

[الحمدان]

‏ودي بقـربك و احـــلم اني احاكـــيـك
‏و يـــشدني لك شوق صــمته ذبحني

‏دايم بعـــيني ويــن مَ رحـت الاقــيـك
‏حـــبك ترى عن حب غـــيرك سـرقني

....

[الحمدان]

‏اثر القلوب تذوب من بعد الاحباب
‏وأثر الغياب غياب وصلك وصوتك
‏
‏وأقسى جروح الوقت صوتك اذا غاب
‏وأعظم عذاب القلب لحظة سكوتك

....

[الحمدان]

ياويل قلبي منك ياكثر ما أغليك
‏أغلى من الدنيا ثراها وسماها

‏انسى اسامي الناس واغلط وأناديك
‏قلبي معك كل الأسامي نساها

....

[الحمدان]

احيان ودك تكون بكلمتك واعي
ترا السوالف مع الجلاس منقوله

لا تذكر اشياء قيلت مالها داعي
ما كل شيٍ سمعته لازم تقوله

....

[الحمدان]

‏مهما الزمن يخفيك ياراعي الطيب
‏يبقى شذى طيبك على النفس طايب

‏وفي كل يومً تشرق الشمس وتغيب
‏تبقا رفيق الروح وان كنت غايب

....

[الحمدان]

‏الصبح يعشق سوالفها ليا قامت
‏ترسم صباحات خلق الله بـ ريشتها

‏حتى العصافير دايم وضعها صامت
‏ما غردت لين طلت من دريشتها

....

[الحمدان]

لاتلتفت للناس وتقول قالوا
عليك في نفسك ولا تتبع الناس

وان كان هم فى غفلة الوقت مالوا
خلك جبل واثبت على مبدأ وساس

....

[الحمدان]

‏ليت الليالي ترجع شوي ونعيد
ذاك الزمان اللي من الهم خالي

يوم الوفا والطيب ماله مواعيد
عادة قلوب الناس في كل حالي

....

[الحمدان]

استراحة المتابعين ....

فن الرد على الاخرين :


ركبت سيدة سمينة جداً الباص
فصآح أحد الراكبين متهكما :
لم أعلم أن هذه السيارة مخصصة للفيلة
فـ ردت عليه السيدة بـ هدوء :
لا يا سيدي
هذه السيارة كـ سفينَة نوح
تركبها الفيلة و ( الحمير ) أيضاً

الكاتب الشهير : برناردشو
حين قآل له كاتب مغرور
أنا أفضل منك فإنك تكتب بحثا عن المال
وانا اكتب بحثاً عن الشرف
فقال له برناردشو على الفور :
صدقت كل منا يبحث عما ينقصه

الشاعر الأعمى المعروف :
بشار بن برد
حين قال له رجل ثقيل الدم :
ماأعمى اللّه رجلا إلا عوضه فبماذا عوضك أنت
فرد بشار: عوضني بأن لاأرى امثالك

تزوج اعمى امرأة
فقالت :
لو رأيت بياضي وحسني لعجبت
فقال :
لو كنت كما تقولين
لمآ ترككِ المبصرون لي

أراد رجل احراج المتنبي
فقال لـه : رأيتك من بعيد فـظننتك إمـرأة
فقال المتنبي : وأنا رأيتك من بعيد فظننتك رجلا

التقى الجاحظ بامرأة قبيحة في أحد حوانيت بغداد فقال :
وإذا الوحوش حُشرت
فنظرت إليه المرأة وقالت : وضرب لنا مثلاً ونسي خلقه

[الحمدان]

‏مافيه داعي للزعل والانفعال
ومجادل الجاهل وكثر اللجلجه

خلك على ماقيل شيال الثقال
واللي يبي يزعجك صمتك يزعجه

....

[الحمدان]

الموت حاصل وآخر بيوتنا تراب
والقبر مايرسل على العبد دعوه

عبد ٍ ضعيف وخايف يموت ماتاب
فان غبت عنكم فذكروني بدعوه

....

[الحمدان]

خلك بحر ماتعرف الناس سره
لوهاج موجه غبته تستر السر

وحكم بعقلك كل كلمه تمره
لاينطق لسانك على كل مامر

للصمت وقت وكلمة الحق مره
كم كلمه جابت لمن قالها شر

لاتشيل في قلبك من الكبر ذره
من يحقر العالم يجي يوم يحقر

[الحمدان]

تدري متى ترتاح وتكون في خير
لاصار مالك قلب يحقد على الناس

عش ف الحياه ويرزقك رازق الطير
ولغير رب الناس لاتخضع الراس

....

[الحمدان]

تدري من أكثر شخص بالناس محبوب
شخصٍ إذا شـاف الأوادم تبسـم

ماهو على الضحكه مع الناس مغصوب
طبع التواضع في حياته ترسم

....

[الحمدان]

العز ماهو شكل ولا مظهر
العز يبقى في النفوس مكنونه

كم ناس شفنا بالوفاء تتنكر
بالمكر والحيله عرفت فنونه

الوقت دوار والزمن يتغير
الا الذهب ماهو متغير لونه

....

[الحمدان]

صبرك على الدنيا ولوكنت مهموم
كثر الزعل ماجاب للنفس راحه

تزعل وترضى والقدر شي محسوم
والعبد يلقى بالتوكل فلاحه

والله كتب للخلق ماكان مقسوم
ماضاقت الدنيا وفيها مساحه

سامح وبايح واترك الحقد واللوم
خلك كريم وفيك عفوا وسماحه

....

[الحمدان]

‏يسعد مساء الحب والشعر والشوق
‏ويسعد مسائك ي مـنـور مسائي

‏مخلوق ساكن داخل اعماق مخلوق
‏هذا انت في قلبي تداعب خيالي

....

[الحمدان]

‏اروي عطش قلبي بوصلك تراني
‏انام بك احلام واصحى بك احلام

‏طيفك ليا من ناموا الناس جاني
‏واحرم عيونـي لذة النوم لا حام

....

[الحمدان]

‏ليت القلم يفهم معاناة الاوراق
‏ما كان من فوق الـورق سال دمه

‏ترسم أمانينا مفاهيم الاشواق
‏ويمسح معانيها الهوى دون ذمه

....

[الحمدان]

بعض البشر يعجبك حتى آحترآمه
وتحب فيه آجمل صفآته وترتآح

آن غآب تشفق في لقآه وسلآمه
واليا حضر همك من القلب انزاح

....

[الحمدان]

‏مصير الأيام تكشف لك كنين الصدور
كانك تشوف الوجيه وتجهل قلوبها

قلبك دليلك ليا اشتبهت عليك الأمور
لاتقرب اللي يجيك الشك من صوبها

....

[الحمدان]

‏يسعد مساء طيفك وطلت محياك
يا حور في الارض ماحدن غيرك

ان قلت لك انت القمر نوره حياك
وان قلت انت الورد عطره عبيرك

.....

[الحمدان]

بعض البشر يعجبك حتى آحترآمه
وتحب فيه آجمل صفآته وترتآح

آن غآب تشفق في لقآه وسلآمه
واليا حضر همك من القلب انزاح

....

[الحمدان]

عزاه ياخلن سعى في عذابي
وانا عن عيون المخاليق اداريه

مدري نوى خلي يصفي حسابي
ولا يبي يجرب غلاه وتغليه

احترت مابين الخطاء والصوابي
وشلون محبوبي عذابي يسليه

....

[الحمدان]

‏الله يمسي كل الاجواد بالخير
بعد المساء بثني عليكم سلامي

يوصل محمّل بالمعزه وتقدير
على الجميع بدون ذكر الاسامي

بقلمي

[الحمدان]

تغاضيت عن زلة رفيق و عتب غالين
وصبّرت قلبٍ سود الايام موجعته

رميت العتب في سلة المهملات ايلين
لحقني الخطا من واحدٍ ما توقعته

....

[الحمدان]

‏نبع الغلا عندك وعندي مصبّه
‏ومن الولا في خافقي لك ولايات

‏وطيفك حطب عيني وعيني مشبّه
‏والشوق برد ما انقطع لو للحظات

‏ومكانك الصدر ولك القلب شبّـه
‏بين الضلوع اللي فردها التنهات

‏ولك بيرق فالقلب حبك يهبّـه
‏شامخ ولا هزه من العذل غارات

....

[الحمدان]

تجارب الدنيا عطتني شهادات
ومن عاش في الدنيا خذاله تجاريب

دنيا لها خلف الكواليس دورات
ترعى مع الراعي وتطمر مع الذيب

....

[الحمدان]

رافقت لي ناسٍ على الطيب يمشون
هم الاصل والـطيب هم الفخامه

طيب اللقى بصدور رحبه يهلون
ومن رافـق الـطيبين يكبر مقامه

عن الكلام الشين حـشمه يصدون
بعيونهم توصيف طبع الشهامه

....

[الحمدان]

‏احفظ لسانك عن البهتان والغيبه
وأغنم حياة السعد والعز من بدري

من ينشغل في عيوب الناس عن عيبه
زادت عيوبه وهو مشغول مايدري

....

[الحمدان]

النفس طابت والكرامه كرامه
ومن عافته نفسي حشا ما التفت فيه

قلبك وروحك رافقتها السلامه
وكلن على كيفه ونفسه توديه

....

[الحمدان]

الخوه اللي تعز الرجل وتسرّه
‏أتعب على شانها وأختار راعيها

‏صميدعاً ترسي الهقوات في برّه
‏مايستمع للضعوف ولايحاكيها

....

[الحمدان]

‏إن شلت لك من جور وقتك حمولة
‏لا يبيح سدك لو غزا رأسك الشيب

‏صبرك على زلات ربعك رجولة
‏وسبك لهم وسط المجالس عذاريب

....

‏‌

[الحمدان]

ما كل من تحسن به الظن طيب
احيان ظنك مـا يجي في مـحلـه

مثل السراب اللي تشوفه قريّب
واليا قـربـته بــ النظـر ضاع كـله

....

[الحمدان]

ترى الفخر بـ العقل والعِرف والدين
قبل الفخر بـ اسمك وجيبك ولبسك

بتشوف نفسك حاول تشوفها زين
لو شفت نفسك زين ماشفت نفسك

....

[الحمدان]

يامرحبا باللي له القلب خفّاق
شخصٍ يساوي في عيوني ملايين

صارت غلاته شي لا يمكن يطاق
الله يحفظه ياعرب قولو امين

....

[الحمدان]

هذا الزمن لاتنتظر عودة انسان

‏لاتنتظر غير انتظار الفريضه

سياف بن عبدالله

[الحمدان]

مساء الغلا والشوق لعيون مخلوق
أخذني عن العالم بحاسيس روحه

مسائي معه رايق وله منزلا مرموق
احاسيسنا وحده وبوحي على بوحه

....

[الحمدان]

يا غرام القصايد والغلا والجروح
يا هيام المشاعر في قصيد الغرام

انت نبع القصيد اللي عشانك يبوح
وانت شوق المشاعر والغلا والهيام

....

[الحمدان]

‏معه نفس لاعافت تفارق معاد تشين
‏فلا تختبر صبره معك طالبك طلبه
‏
‏يحبك لكن ما ودّه انك تعرفه زين
‏ولا ودّه تشوف الموازين منقلبه
‏
‏ليا صد ماعاده مع الذكريات يلين
‏لو ان الهوى غلاب ماتقدر تغلبه
‏
‏ولو حنّ له قلبه ورفّت عليك العين
‏يده سكّرت عينه ورجله وطت قلبه

....

[الحمدان]

لحد يعودنا على الوصل ويروح
قلوبنا خلقه ترى موجعتنا

اما تجي وتسلم القلب والروح
ولا عسى الايام ما جمعتنا

....

[الحمدان]

الكيف ياهل الكيف دله وبراد
‏في خايع توه من الوبل ممطور

‏ريح الخزامى والنفل طب الاكباد
‏وصوت ام سالم يجعل البال مسرور

....

[الحمدان]

‏لاتبوح ان كان خلك مايبوح
‏خل بوحك وسـط صدرك واكتمه

وكان شفته للمشاعر به شحوح
‏ادفن البوح بـ الصدور المعتمه

....

[الحمدان]

دنىٰ الفجر وعيون المفارق على ماهي
سهيره وفيها من لظىٰ الشوق مافيها

ياعيني علام الحزن فيك غير متناهي
دخيلك دموع الحزن والقهر كُفيها

....

[الحمدان]

دنى الفجر وعيون المفارق على ماهي
سهيره وفيها من لظى الشوق مافيها

ياعيني علام الحزن فيك غير متناهي
دخيلك دموع الحزن والقهر كُفيها

....

[الحمدان]

يُسن الإكـثار من الـصلاة على نبينا مُحمَّد
محمد صل الله عليه وسلم
يوم الجمعة وليلة الجمعة
‏لقول الرسول :
‏أكثروا من الصلاة عليّ ليلة الجمعة ويوم الجمعة فإن صلاتكم معروضة عليّ
اللهم صل على محمد وعلى آل محمد كما صليت على إبراهيم وعلى آل إبراهيم إنك حميد مجيد
وبارك على محمد وعلى آل محمد كما باركت على إبراهيم وعلى آل إبراهيم إنك حميد مجيد

[الحمدان]

أنتي اروع شيء شفته بـ عيني
أنتي اجمل بنت بين البنات

بس وينك أنتي اليوم وويني
ياعسل صافي وسُكر نبات

ليه خط الوصل بينك وبيني
صار مقطوع والخطوط فاضيات

....

[الحمدان]

‏ودي اسولف وترك الناس واجيك
‏واعلمك وش صار فالبعد يا فلان

‏الريم من بعد المسافات تدعيك
‏بعد الشموخ القلب من غيبتك لان

....

[الحمدان]

‏مع إحترامي للزمن والصداقات
‏وروح القلوب الطاهره والشريفه
‏
‏في هالزمن رغم انتشار العلاقات
‏نادر تلاقي لك علاقه نظيفه

....

[الحمدان]

‏احب فيك الوقت لا غابُوا الناس
‏واحب فيك الناس لاصرت موجُود

‏واحب فيك الليل لا صار هوجاس
‏واحب باكر دامنِي فيك موعُود

....

[الحمدان]

‏لاجيت والشوق بيّن من ورا عيني
خل السوالف حبيبي بيني وبينك

ماني بـ حاجة كلامك يا معنيني
انا بحاجة شعورك عطني ايدينك

....

[الحمدان]

‏اكتب واسلّي خاطري بالكتابه
‏كود التهي في نظم الابيات وانساه

‏واثر القصايد منه قامت تشابه
‏من وين اقلّب دفتر اوجاعي القاه

‏هذي قصيده قلتها في عتابه
‏وهذي قصيده قلتها يوم فرقاه

‏وذيك القصيده قالها من عذابه
‏يكتب قصيدٍ منكسر بس مااحلاه

....

[الحمدان]

‏أنظرك وأتخيلك وأستلهمــك
‏وأسمعك فى كل معزوفة نغم

‏أن نويت النوم حلمي أحلمك
‏وإن صحيت ألقاك همى والألم

‏لاتصدق مين يقول ويوهمك
‏فرق مابين الحقيقة والوهم

‏أنته عندي غير ربى يسلمك
‏عن جميع الناس عندي والنعم

....

[الحمدان]

‏تعبت اجامل وضعنا واتحراك
‏تعبت لين الشوق وصل لحده

‏فرقاك يوجع اخ من هم فرقاك
‏قطع عروق الشوق والحب هده

‏سافرت من دنياي طامع بدنياك
‏لكن ظروف الوقت تبغى مصده

‏قلبي الي يعشقك يا كم تمناك
‏لكن تقاليد العرب دومم ضده

‏ماهو بـ يخفاني ولا هو بـ يخفاك
‏بس الزمن ياصاح ماني بنده

....

[الحمدان]

روحي التي أزفت عليها الآزفه
تهدي المشاعر كالسيول الجارفه

سيلٌ تقاذَفني وجثَّ جوانحي
بقصائدٍ مجنونةٍ متكاتفه

سلَّمت أمر الحب حين تقدمت
وغدوتُ بحرا من بحور العاطفه

تلك التي أحببتها قد غادرت
روحي وأضحت في المحبة تالفه

أخذت بذنبِ الهجر عِزةّ آثـمٍ
لتغيضُ قلبي بالحروف الزائفه

غيض الهوى قد ينتهي لو أقبلت
يوماً بلا كِبرٍ وقالت آسفة

....

[الحمدان]

حطني في قلبك وعينك وبين اهدابك
‏وعطني كفوفـك كلام الناس مايعنيني

‏يا فديت اطباعك وضحكاتك وترحابك
‏وعينك اللي لا رضيت تحطها في عينـي

‏والقصيد اللي معي يبدا بك وينهى بك
‏جعلني ما ابكيك يوم وجعل ما تبكينـي

‏مادريت اني تعديـت السمـا بأسبابـك
‏لين شفت الكل بالإجماع معجب فيني

....

[الحمدان]

‏ياصاحبي كلي من البعد مقهور
وش حيلة الي يرتجي لمس يمناك

أضحك مع ربعي ولاني بمسرور
سارح بفكري وأشتكي ضيم فرقاك

أشتاق لك وأنا على البعد مجبور
ودي أغمض وأفتح العين وألقاك

....

[الحمدان]

‏انا معك باقي على الحب ياصاح
لا ما اندفن ويصير عظمي رميمي

يا روح روحي يا دواء كل الاجراح
ياجنة الدنياء نعيم وجحيمي

حبك وسط قلبي ولا طاع ينزاح
ثابت بقلبي دايما هو مقيمي

قد صرت لي يا زين حزني والافراح
لاانته بقربي صرت انا في نوانيه

....

[الحمدان]

‏في وجودك ‎اعشق الدنياء معاك
وفي غيابك كل بسمه تختفي

ياعساني يا الغلا أبقى معاك
انت روحي وانت قلبي ودنيتي

....

[الحمدان]

‏لاراحت الدنيا سواليف و مزوح
وكلّن يمازح بالخفا صاحبٍ لّه

ذكرت منهو كلمته تنعش الروح
مناسب ٍ لّي مثلي مناسب ٍ لّه

يبطي وتجرح غيبته جرح مفتوح
عزي لمنهو فاقد ٍ غايب ٍ لّه

ماعنده الا يتْبع البوح فالبوح
حتى ولو بوحه نهر مايبلّه

....

[الحمدان]

‏ماشوف غيرك لجل أحبه وأخليك
أعميتني ياروح روحي عن الناس

تستاهل أحبك وتستاهل أغليك
وإحساس حبك ماخلق مثله احساس

....

[الحمدان]

يا زارع الكِبر والمحـسوبية والحسد
من حب يحيى على الدنيا لوحده هلك

لا تؤذي أرواح غيرك ثم تحيا جسد
إتقبل الناس حتى الناس تتقبلك

الثعلب الشين ثعلب وان تحول أسد
والآدمي يايقع شيطان والا ملك

....

[الحمدان]

‏يا باقي العمر دنيا الناس خداعة
تجري سفنها ولا نعرف مراسيها

تطوي من أعمارنا باليوم والساعة
والعالم الله كيف نعيش باقيها

يالله بحسن الختام وصادق الطاعة
وأعمال تبقى تبيض وجه راعيهـا

....

[الحمدان]

لو الليالي تجينا مثل ماودنا
ما كان للشوق رغبه في وضوح النهار

ولو صواديف بقعاء مايله نحونا
لاتسبر اوضاع قد حلت عليها الدمار

ولو بيوت السعاده وارضها ملكنا
لاتصبح ايامنا بهجه* فرح وازدهار

....

[الحمدان]

ياهلا باللي عيوني ما تمله
من لنا غيره بها الدنيا حبايب

منزلـه في خافقي ماحدٍ وصله
جيت له في لهفتي حاضر وغايـب

....

[الحمدان]

‏دام صدري على ضيق الليالي كتوم
‏بخيط به كل جرحٍ صاحبه ما درى

‏العين صامت لكن جابت الدمع توم
‏لين أرتوى وجهي الشاحب ووجه الثرى

‏لابُد جرح المفارق له مع الوقت يوم
‏يبرى ولو طالت المده وهو ما برى

‏هذي محطة رحيل وهذي محطة قدوم
‏وقلوبنا ماهي للبيع والمشترى

....

[الحمدان]

‏الضامي اللي جف ريقه على ماك
‏اسقه من عدود الغرام المناضيح

‏معطيك روحه وانته أجزل عطاياك
‏جرحٍ مثل مضراب شلفا شليويح.

‏
عناد القثامي

[الحمدان]

‏و الليّ بلا موعد من الوقت جمّعنا
لو في يدي شي كان احقق احلامك

بكل ما تحمل الاشواق من معنى
اي والله اشتقت لك واشتقت لـ أيامك

....

[الحمدان]

‏يانازحين المحبه في الصدر لاتجون
‏وياجارحين الشعور البعد قلة حيا
‏
‏ويالاجئين الدموع ابكو مثل ماتبون
‏ويامهاجرين الديار الوصل منكم ريا

....

[الحمدان]

تدري وش الحاجه اللي تتعب اعصابي
‏لاجاء رفيقي يبي فزعه وانا ماقدر

‏طاح الفشق والحزام وطاح مشعابي
‏لو سقت عذري اشوف الناس ما تعذر

‏يالله برزقٍ يجملني مع اصحابي
‏لو ان بعض العطاء في بعضهم ماثمر

‏وانا على الغانمين اسوق ترحابي
‏ما كل من كثر ترحابي ولا افتر

....

[الحمدان]

انبشمنا مــن تصاوير التباهي
‏كلٍ يصور مواعينه ونومه

‏ان طبخ له كبسةٍ وان صب شاهي
‏بثها للناس مدري وش لزومه

‏اشكر النعمه ترى يا خوك ماهي
‏للتفاخر فيه فاقد قوت يومه

....

[الحمدان]

ارجـوك جفـت دمـوعي لا تبكيـــني
‏يكفيني اللــي مــن الهجران قاسيته

‏ياما مـن الدمــع لاجلك هلته عيني
‏لا اوحيت طاريك غالي الدمع هليته

‏ما تــدري انه علـــيك الــود طاويني
‏ما تــدري انه عليك الليل ما امسيته

‏ما تــدري انـك بـنـــار الحب كاويني
‏ما تــدري انه عليــك الشــوق غنيته

‏يا جـارح القلب زدت الجرح جرحيني
‏ما انصفت في القلب يوم انك توليته

....

[الحمدان]

إسمعوا إياكم أعني وإسمعي ياجاره
‏والله إن أحوال بعض العالم المشهوره

‏مثل جملة تنكتب في مراية السياره
‏تبدو الأحجام أصغر منّهـا فالصوره

....

[الحمدان]

ابتسم ترى العمر تحصيل حاصل
‏كن سعيد اكثر تكون اكثر وسامه

‏السلام اسهل أساليب التواصل
‏واجمل انواع السلام الابتسامه

....

[الحمدان]

عادتك ما تترك لغيرك مجال
‏يختفون الكل اذا نجمك لمع

‏يضربون بنورك الطاغي مثال
‏منزلك عالي وشانك مرتفع

....

[الحمدان]

‏لا غلبكم صمتي وقاد المهمه
‏أعذروني عاد انا صمتي سلاحي

‏ذمّكم للي بعيد عن المذمه
‏من سماحة خاطري يطلب سماحي

‏اهرجوا حتى ولو جات المطمّه
‏دام وجه الليل يخجل من صباحي

‏والله انه مابقالي غير قمّه
‏أصنعوا من هرجكم سلّم نجاحي

....

[الحمدان]

‏من صد عني عنه يابدر ماسـلت
‏مالي ورا الناس المصدين شقوى
‏
‏ولو قال بي شذّاب الاعراض ماقلت
‏قصرت عنه الـشين شيمه وتقوى
‏
‏مادام لي حيله صبرت وتحملت
‏وإن قلت الحيلات حيل الله اقوى

....

[الحمدان]

‏قاسمني الليل طوله توّنا بدري
‏غنايم الليل ياهاوي الدجا حسره

‏تعال اعلّمك عن شيٍ ورى صدري
‏راح اكثر العمْر مافك الحديث اسره

‏نرمي بالاحلام للهقوات ماندري
‏ان العمر غصنٍ يراود الاجل كسره

....

[الحمدان]

‏هبّة النود أشغلتني وأنا وقتي ثمين
‏اتقدّم كل ليله وأرجّعها ورى

‏نسمةٍ من واقع الطيش والحلم الدفين
‏ما يذرّي عن هواها حجاب ولا ذرى

‏كنّها تستقبل الشك من حضن اليقين
‏وترسم أبعاد السعاده على وجه الثرى

‏حبّها ما هو بسنه ولا هو فرض عين
‏تحسب إن سوق المحبّين بيع ومشترى

....

[الحمدان]

‏يا أول غلا وآخر غلا يكبر مع الوقت ويزيد
‏جعلك بعد ناسٍ محبتهم تباع وتنشرى

‏يا عزوة اللي ما يليّنهم سوى رب العبيد
‏جمعٍ ليا رد البرا ما يكسر النظرة ورى

‏وأنا عزيز ومن هل المجد المخلّد والتليد
‏ياما تغنّوا في مواقفنا من القوم شعرى

....

[الحمدان]

‏اذخريني للمقادير وعجاف السنين
‏والظروف اللي هبوب الزمان تهبها

‏واطلبي مني والبي وش اللي تطلبين
‏لو تبين ازل روحي غلا واصبها

‏شاعرك قدام حسنك من الفتنه يلين
‏ياخذ من ضلوع صدره حطب ويشبها

[الحمدان]

ياطالبين الربح عندي لكم ربح
‏يفوق روس أموالكم عشر مرات

‏صلوا على المختار بالليل والصبح
‏وصلوا عليه وسلموا كل الاوقات

اللهم صل وسلم وبارك على نبينا محمد

[الحمدان]

‏هلا باللي يفز القلب لامني قريت اسمه
‏ولامني كتبت الشعر طيفه مصدر إلهامي

‏هلا باللي رسمته في معاليق الحشى رسمه
‏رسمته بالخيال الخصب ما هو رسم رسامي

....

[الحمدان]

‏خلّه يقفّي الصبح و نبشّر الليل
‏للشعر مع ليل الملاهيف خوّه

‏ياوجهٍ يغيض الصدور المداهيل
‏أبرق سحاب الشوق وأنباج نوّه

‏أرخ الحمول الكايدة و ازهم شعيل
‏للحين لمتونه على الشيل قوّه

‏فأثنينك وعينك وفاهك تفاصيل
‏لاجيت أغلّق وصفها قمت انوّه

‏أزرع على عنقك ولا القى محاصيل
‏غير الخمار اللي تناثر علوّه

‏ما ودي الا ندفع الشك ويزيل
‏واقول توّ الليل و تقول توّه

....

[الحمدان]

خذاك الصد ياوجهٍ عليه من الغيوم وشاح
‏مراويحك دروبٍ ماقدرت اقطع حراويها

‏بعد جفّ المقام وصارت يدين الكلام شحاح
‏قصرت الخطوه اللي عن دروب العيب مدرجها

‏خذيت من السماء مسعى مرام وماقدرت ارتاح
‏جزاي ان المساعي ماتقدّر قلب راعيها

‏وقدرت اخذ من عيون الزمان الممحلة مفتاح
‏وعجزت افجّ بيبان الوصل عن بكرة ابيها

‏تمرك ذكريات العام نوقٍ شدها المسراح
‏وامرك ليلة تتعب رجولي من مساريها

‏غريبٍ ما لمح وجهك وجيه وطبعه اللماح
‏خذا كف القصايد لين سلّم لك نواصيها

‏ركض والارض ترتابه وقدامه ظما ورياح
‏يشوفك وجهةٍ "ماطالها لكن يباريها"

‏تحادى من دهاليز السنين وقام ، قام وطاح
‏عسى ما شر ياعينٍ تموت السالفه فيها؟

‏على بالي سنا بدوٍ تشوف الصبح للمرواح
‏وعلى عيني طيوفٍ تنتظر صوتك يناديها

....

[الحمدان]

‏خذيت لون القمر مدري خذا لونك
مرات احسه ليا من غاب بأسبابك

أرقد ورا مرحبا واصحى مع شلونك
ياكثر ما نامت عيوني وتصحى بك

....

[الحمدان]

استر عيوب الناس تستر عيوبك
يااللي لسانك للمخاليق فضّاح

واترك ذنوب الخلق وانظر ذنوبك
ترى الزمن دوّار والسّر ينباح

....

[الحمدان]

فاعتقادي نبضة العشق الهيام
وفاعتقاد الروح له مذهب ودين

وفي عيوني نوور يرمز للسلام
لمعة اشعاعه محياك الحسين

....

[الحمدان]

ياحي من جاني وفي عينه الشوق
ياحي منطوقه وياحي شوفه

الغالي اللي بالغَلا منزله فوق
كل المشاعر في حضوره شغوفه

....

[الحمدان]

ليه المسا يزيد في وجهه الشوق
ويكشف شعور اللي للاحباب مشتاق

في جيته سهم الوله يرتفع فوق
يموت دونه شوق وتحيا به اشواق

....

[الحمدان]

بيوت الشعر ماردت
ولاعاشق على معشوق

نحسب الشعر يسلينا
وهو اللي لعب فينا

....

[الحمدان]

إجلس مع نفسك وحدد موقفك
من قبلما تصبح وقدامك قفاك

بعض المواقف اذ انت شامخ تدهفك
وتقرشك من عند راسك لا حفاك

إجلس مع نفسك وحدد موقفك
وماتنزل لك من الباري كفاك

لاتنتظر من شخص ظالم ينصفك
ولا من الخاين يعبر عن وفاك

ولا تناظر من مصوب يسعفك
جريح مثلك كيف يمكن له شفاك

لا اليد خضراء كل حد بيوصفك
بالطيب والجوده ويلمع من صفاك

وان شح وقتك قالو الله ينتفك
ويوم تبرد ماتحصل لك دفاك

وأحيان يكرم فيك ذا مايعرفك
وصاحبك والأخ يطعن من قفاك

....

[الحمدان]

ماعاد باقي بالمجالس تعاليل
راحت سنين الفرفشه والوناسة

أن قلت هاتو سالفة يا رجاجيل
كلن على الجوال دنق براسه

....

[الحمدان]

انا بنت من يكرم الضيف والجار
وانا حفيدة من لايهاب المنايا

ابوي له سيره وجيره وتذكار
يشهد له المجلس وشيخ القضايا

وجدي وابو جدي لهم كامل الدار
في عهدهم شاخوا وقادوا سرايا

....

[الحمدان]

رح لـ السهر وأصحابك المزاحه
‏ليلك مع الافراح توه بادي

‏وان كان تنشد ويني من الساحه
‏ومن كل صوت في الغياب ينادي
‏
‏انا فقدتك وافتقدت الراحه
‏والابتسامه والمنام الهادي

‏انا الشجاع اللي القصيد سلاحه
‏وان كان اخذته من يديه فعادي

....

[الحمدان]

احرص على خوة اهل الدين والطيب
اللي بذكر الله كثيرين حكاها

اهل العلوم الغانمة والمواجيب
اللي على المسجد سريعه خطاها

....

[الحمدان]

ام‏ا تمرجلنا على العز والدين
والا احسن الله في المراجل عزانا

من لانشوفه في صفوف المصلين
نفارقه لو هوه من أعز اخويانا

....

[الحمدان]

‏الحياه مغامره والتضحيه سموحه
‏حاجةً تخلف طريقك للصعود أخسرها

‏الفرص ما تترك الابواب لك مفتوحه
‏كان ما عندك مفاتيح القفول أكسرها

....

[الحمدان]

لو ان ضياع العمار يروح مجاني
‏والله ما اعود لو ان الضيعه الضيعه

‏كنك على بيعة الدنيا تحداني
‏وانا اللي مضريً روحي على البيعه

....

[الحمدان]

‏الطيب مايوخذ سلف وأستعاره
والمرجله ماهيب درسن ودستور

والرجل تعرف قيمته من وقاره
ماترفعه شيخه ولا مال وقصور

....

[الحمدان]

‏أنسى هموم البارحه واضحك اليوم
واضحك على نفسي إذا قلت مرتاح

هو القدر والخير والشر مقسوم
آمنت باللي في يده كل مفتاح

....

[الحمدان]

يامالك الملك يارحمن سبحانك
لي خمس دعوات ياربي تحققها

جودك وسترك وعافيتك وغفرانك
والخامسه روحي من النار تعتقها

....

[الحمدان]

‏يحق لك يا باشة الزين والخود
وانتي عيونك سحر ملعون خيّر

في عينك اليمنى حرايب وبارود
وفي عينك اليسرى حمامٍ مسير

....

[الحمدان]

لاتـامن الطيب ولا تأمن الشين
خلك فطين وخل نفسك حريصه

حنا بزمن فيه أختلاف الموازين
ما عاد تعرف غاليه من رخيصه

....

[الحمدان]

الكرم والطيب مايعرف إلا الطيبين
والردي مااحدٍ يبي لاغداه ولا عشاه

الكفو مفتوح بابه على طول السنين
والردي ماينفتح بابه إلا في عزاه

....

[الحمدان]

في عيونك كل شيٍ يبتدي ماله نهايه
‏فرصةٍ من نالها يمكن يحسد اللي تفوته

‏كنها ميدان حربٍ فيه لـ الأسلام رايه
‏ندري إن الموت فيه وندخله نبغى نموته

....

[الحمدان]

‏لاجاك ضيق أستغفر الله وترتاح
‏وإن صار هم أكثر من الحمد لله
‏
‏وإللي رفع قدر البشر بين الأرواح
‏ماخاب من هـو ردد أستغفر الله

بقلمي

[الحمدان]

قريب وصله لو بعيد المسافات
‏جعله بحفظ الله ويعيش هانـي

‏الفكر ما ينسـاه في كل الأوقـات
‏واردد اسمـه كل لحظـه وثوانـي

‏انشهد ان الحـب للقلـب نبضات
‏يسكنه واحد ما معه شخص ثاني

‏الحـب وصله دون غيره وبالذات
‏نبض المشاعـر والرجـا والأمانـي

....

[الحمدان]

طوال المساري والطواري مضيق وتيه
‏مساريك مشؤومه والافكار مزحومه

‏يدف الشعور لداعي الشعر واغنيه
‏من الفقد واحساسه وضيقتّه واهمومه

‏تحن القلوب ودافع الشوق ما ادانيه
‏والاشواق ما هي سلعةٍ باول السومه

‏تمسّكْت في بالي وحطيت شيٍ فيه
‏عليك انت يا عذب الطواريق مالومه

‏سرابك شقا لامرني من غلاك اجيه
‏من اقصاي تاخذني وصورتْك معدومه

‏اعرفك واعرف ان الجفا ما انته براعيه
‏مثل ما اعرف الطيّب بمجناه واسلومه

‏الاسماء واجد واسمك اللي يجي طاريه
‏لو انك بعيد و غايتي منْك محرومه

....

[الحمدان]

‏
‏مهما ومهما صار تبقئ انت حُبي
‏أغليك لو عني تباعد خطاويك

‏لا طحت من عيني تلقّاك قلبي
‏ولا طحت من قلبي علئ الكف اداريك

[الحمدان]

يمرنـي واشتـاق واسـكت واخليـه
‏اخـاف مـن بعـض المـهابيل تـدري

‏مدام اهو يدري عن القلب وش فيه
‏ما فيه داعي ابدي اليوم عذري

....

[الحمدان]

‏شفت الفجر مع طلعة النور ضاحك
‏قلت الأكيد إنه لمح بسمتك لمّح

‏مدري صباح الخير وإلا صباحك
‏بالحالتين الخير في وجهك السمح

....

[الحمدان]

‏لو ما شعر قلبك بلهفة مكاتيبي
‏ليه أشقي القلب في نجواك وأضرّه

‏موتّني هْيام خلّ الناس تدري بي
‏وأحذر تغيب وتموّتني من الحرّه

....

‏

[الحمدان]

‏قالو تحب وقلت يا ناس حبيت
‏كثير لاكن فيه واحد لحاله

‏معاه أنا في قيمة الحب حسيت
‏وأنا احسبنه طيش وقت وجهاله

‏هذاك لامن سج عني وسجيت
‏يمر في بالي وأنا امر باله

‏اليا اتصل من غير موعد وتوقيت
‏استبشر بفرقاه حزت وصاله

‏ماني بشارح قصته في شطر بيت
‏طيفً من الواقع تسابق خياله

....

[الحمدان]

‏يقول الشاعر الكفيف
طالب الصعّاق
مخاطباً معشوقته :

‏أخذي حياتي لكن أعطيني الوعود
‏إنك لو يطول الفراق بترجعين

‏الله خذا عيوني وجابك يالعنود
‏تكفين لاتوخذ عيوني مرتّين

[الحمدان]

‏بعض العرب ودك تحطه بجنبك
‏وبعض العرب ودك تحطه على جنب

‏وبعض العرب شوفه ينسيك ذنبك
‏وبعض العرب شوفه يسبب لك الذنب

ذائقة

[الحمدان]

طبعي كذا من فضل ربّ العالمين
‏قناعتي تفـرض عليّ حقوقها

‏لو ارسم البسمة على وجه الحزين
كنّي ملكت الأرض واللي فوقها

....

[الحمدان]

‏أسامر طيوفك كل ماغابوا السمّار
‏مع إني وحيد شلون ما آحس بالوحدة

‏ورى كل بسمة فاتنة تلفت الأنظار
‏عليها المشاعر فآخر الليل متحدة

‏حبيبي لاتخشى ضيعتي والحياة أقدار
‏ضياعي حقيقة عمر ماهيب منجحدة

‏تبيها وصل ولا تبيها فراق اختار
‏أنا ما قدرت أختار منها ولا وحدة

....

[الحمدان]

‏مصير الأيام تكشف لك كنين الصدور
كانك تشوف الوجيه وتجهل قلوبها

قلبك دليلك ليا اشتبهت عليك الأمور
لا تقرب اللي يجيك الشك من صوبها

....

[الحمدان]

ماعاد تنفع فيني اعذارك
‏شكراً على جرحك ولاهنتي

‏خذاك غيري جعله مبارك
‏خانك ذكائك لو تفاطنتي

‏من كان حوله ناس واختارك
‏ماهو مثل من ما لقى الا انتي

....

[الحمدان]

اما جلوس العز بين الاجاويد
ربعٍ على المذهب ونعم البطانه

والا لحالك سج رجلك مع البيد
واحذر جلوس المهزله والمهانه

....

[الحمدان]

أمِيلُ بقلبي عنكَ ثم أرده
وأعذِرُ نفسي فيكَ ثم ألُومُها

وأشكو عليكَ اللهَ مما يصيبُني
فروحي إذا صديتَ قلَّ نسيمُها

....

[الحمدان]

خلك ثقيل وخل كلامك بـ مقياس
ماكل من يسمع همومكك فزع لك

بعض البشر من حبها تقول لاباس
وبعض البشر من حقدها تبتسم لك

....

[الحمدان]

‏أنا أدري إنك تمر وتدخل حسابي
وأحيان تقرأ الشعر وأحيان ماتقرا

حتى ولو ماتحط لشعري إعجابي
يكفيني إني أمر البال وأنت أدرى

....

[الحمدان]

على دلتن ماهي مثل قهوة الاتراك
بها زعفران وهيل والبن خولاني

اسلطن مع الفنجال الاول بدون إدراك
ويوقظ سبات الفكر فنجالها الثاني

....

[الحمدان]

‏تراني على ظن النشاما وربي فوق
ولانيب من صوب المطاليق متردي

اسوق القدم للطيب رغم المتاعب سوق
وتبطي ظروف الوقت مابيحت سدي

....

[الحمدان]

‏يكفيك عن بعض الردود إبتسامه
‏والشخص ما كل السوالف تهزه

‏ناس تعاملها بعز وكرامه
‏وناس تجاهلها لنفسك معزه

....

[الحمدان]

بـعـض البشـر بأخـلاقـهـا تـشبـه الـغيـم

‏مـن ويـن مـا تقـبـل تـسـوق الـبشـايـر

....

[الحمدان]

‏من عطاه الله في دنياه حُسن النيّه

‏عاش في راحه ولو مايملك إلا ثوبه

....

[الحمدان]

‏نعيش ف الدنيا العريضه ونحلم
ويمكن نحب اشياء وفيها مضره

يارب وانت اللي عن الغيب تعلم
اكتب لنا اللي فيه خير ومسره

....

[الحمدان]

صباحك ورد يا قلبن بعيد هناك
وصباحي شوق ولهفة وصالك

فداك الـخافق الي دوم يتمناك
عسى تصبح وانا يازين ف بالك

....

[الحمدان]

ياصباح الخير يالوجه الصبوح
ياشبيه الصبح لامنه صحى

نظرت عيونك على وجه السًـفوح
مثل نور الشمس في وسط الضحى

بقلمي

[الحمدان]

‏يا مرحبــا باللـــي يـــدور حضـــوري
يا مرحبــا مليـــار مــن داخــل الروح

ناســن تواجدهــــم يــداوي كسـوري
بلســم مــداوي كــل ضايق ومجروح

غاليـين فــي قلبــي وغايــه ســروري
شمعـه حياتــي قربهــم راحـه الروح

ملزوم انا فــي قربهـم شي ضروري
اصبــح تواجدهــم بالاعماق مطروح

....

[الحمدان]

محبتي لك نقاها مثل بيض القلوب
‏ماهي محبّة أبي سنابك وصوّر والو

‏وبكرا لا طال الطريق وظلّمن الدروب
‏تدري ب إن المحبه وأهلها ماخلو

....

[الحمدان]

ياراسي العالي اللي تعشق العالي
لاتلتفت فالوجيه وفي محاسنها

إشادة الناس ماهيب اكبر آمالي
اكبر امالي يعجزون العرب عنها

....

[الحمدان]

‏في وجودك اعشق الدنيا معاك
‏وفي غيابك كل بسمه تختفي

‏ي عسـاني ي الغلا أبقى معـاك
‏أنت روحي وأّنت قلبي ودنيتي

....

[الحمدان]

احيان ودك تكون بكلمتك واعي
ترا السوالف مع الجلاس منقوله

لا تذكر اشياء قيلت مالها داعي
ما كل شيٍ سمعته لازم تقوله

....

[الحمدان]

طيفك مثل طبع الهواء وين ماكان
‏ألقاه حولي وين ماكنت واكون

انت السماء والارض وانواع الالوان
‏وانت القمر والشمس والغيم والكون

....

[الحمدان]

إن جيت قلت مرحبا الله يحييك
‏وإن رحت منتب اعز من راح عنا

‏تغيب ماجبنا مجالك وطاريك
‏وترجع وتلقانا مثل يوم كنا

....

[الحمدان]

ان كان حبي لك هو اعظم خطاياي
ما اقول يانفسي عن الحب توبي

اجمل خطاياي واخـر حـدود دنياي
واصدق معاذيري واطهر ذنوبي

....

[الحمدان]

تدرون ويش أطيب من الجاه والمال
وأطيب من الشهَّرة ومن محتواها

لاصرت متعافي وعندك ستر حال
والناس مالك حاجةٍ من وراها

....

[الحمدان]

تبي الكلام الصدق بيني وبينك
‏اسمع معي هالبيت مادمت وياك

‏من باع كل الناس من شان عينك
‏حطه بعينك واجعله نور دنياك

....

[الحمدان]

‏يسعد مساء اللي فقدني من الناس
لاغبت يفقـــدني و لاجيـــت هلاّ

ياسيــدي قـدرك علي العين والراس
هاك القصيد وفي قصيدي تسلاّ

....

[الحمدان]

‏حي المساء اللي نشوفك تجي فيه
ياللي عليك الروح كل يوم توله


يالذ واجمل شي تطري طواريه
ياغاية المشتاق واللي يقوله

....

[الحمدان]

‏فرشت لك رمشي وخليته إلباس
اهـم حاجه ياهوى البال تدفى

لايلحقك شكه ولا نوع وسواس
انا عضيدك لو بك الناس تجفى

....

[الحمدان]

‏على سبيل الصمت يامكبر البوح
‏والعين تحكي بوح قد طال صمته

‏بعض الكلام يعانق الروح ويروح
‏وبعض الكلام يموت بك مانطقته

....

[الحمدان]

بشويش ي شوق لفى اخر الليل

هونك على جرح المخاليق هونك

....

[الحمدان]

المجتمع مخلوط صاحي ومجنون
ماكل شخص تفكره يقضي الحاجه

خلك معاهم مثل داين ومديون
تاخذ وتعطي كل واحد علاجه

....

[الحمدان]

‏ياحي طبع اللي يصون الصداقه
حتى لو انّه ماتعنّى وسيَّر

يحفظ أصول المعرفه والعلاقه
ويبقى على طول الدّهر ماتغيّر

....

[الحمدان]

ترى صدور الناس مثل المخازن
‏ياما بداخلها من الشر والخير

‏وأكبر نجاحك في الحياة التوازن
‏والصبر لاصكت عليك المقادير

....

[الحمدان]

‏هذا المساء يحتاج دلة وفنجال
وقلوب ينبع من صفاها العذوبة

لا فكروا بدنيا ولا فكروا بالمال
والضيق لو هو حولهم مادروبه

....

[الحمدان]

‏في سما صدري لك نجوم وقمر
‏وفي محيط القلب شمسك شارقة

‏لاتحسب إن الغلاء وقت ويمر
‏والله إن حبك علامة فارقة

....

[الحمدان]

أجعل أسمك فالمقام الأولي وأصنع مصيره
‏يوم تقسيم الفعول ويوم ترتيب الأسامي

‏حتى فالدين الصفوف الأوله غير الأخيره
‏الاجر يفرق ليا صليت فالصف الأمامي

....

[الحمدان]

‏من يماشيني على الطيب يبشر بسعده
‏يعتبر روحي بروحه ولو راحت فدى

‏ومن يماشيني بعكسه فيلزم مقعده
‏والله انه لانزل من صعود ولا بدى

‏لاعملت الطيب فاللي يعرفه يشهده
‏والردي تعمل به الطيب ويعود ردى

‏وكل من سويت به علم طيب وجحده
‏كم جميل حط في غير موضعه وغدى

....

[الحمدان]

الحظوظ تطيب من طيب السريره

والنوايا البيض راعيها موفق

....

[الحمدان]

صغار الجمايل في عيون الكبار كبار
‏
وكبار الجمايل فالردييّن مجحوده

....

[الحمدان]

‏ترى الغلا يعطى من الروح للروح
‏وانت الذي تسكن معاليق روحي

‏اسرار حبك دونها الصمت والبوح
‏وعطر المشاعر من غلاتك يفوحي

....

[الحمدان]

شحت علينا أشـعارنا والقوافي
‏وزادت مواجعنا على العدل والميل

‏من نام منكم جعل نومه عوافي
وراعي الغلا معذور لو يسهر الليل

....

[الحمدان]

فارض قدرك على القلب حبك من سنين
‏المشاعر صادقه والجوارح صامله

‏والله ماشوف المخاليق كون بنص عين
‏وأنت لامريت لديت عيني كامله

....

[الحمدان]

والله ماقفّى واحدٍ عنّا وقلنا له تعال

نقول دلّوه الطريق اللي يودي لاغدى

....

[الحمدان]

‏الصمت صوت الصبور اللي بلاه الكلام
‏والصد عين الحليم اللي يقود العمى

‏من يبغى يعيش بالدنيا رفيع المقام
‏لاشاف بالارض غبنه يرتفع لـ السما

....

[الحمدان]

ليه المسا يزيد في وجهه الشوق
ويكشف شعور اللي للاحباب مشتاق

في جيته سهم الوله يرتفع فوق
يموت دونه شوق وتحيا به اشواق

....

[الحمدان]

لولا الغلا مانشدتك وين هالغيبه
ولولا انت ماتهمني ماقلت لك وينك

لكن مساء الخير والاحساس والطيبه
لاعاد تبطي عسى روحي فدا عينك

....

[الحمدان]

‏الليالي فانيه و العوافي ماتدوم
‏والوجيه الضاحكه ضيقها بصدورها

‏لا ابتدا ليل الحزن وانفرا جيب النجوم
‏استضاقت واستباحت جميع امورها

‏والقناعة كنز والناس معطى ومحروم
‏والحظوظ احيان بالوقت تلعب دورها

....

[الحمدان]

يامعاتب النفس فيها مايكفيها
مانيب طيب ترى لو قلت لك طيّب

اشوف بعض العرب دب الوحا فيها
معها طريق التعامل صار متسيّب

....

[الحمدان]

‏إلى مرت الليلة يكون الشعور شعور
‏ولالي مساء لا شحّ مزْنك وينبوعك

‏تهادى على مد النّظر وجهك المآثور
‏تجوع العيون أحبابها، كيف ما أجوعك

‏وتفيض الصدور ويخلف الشور راعي شور
‏ولا لي جدى في صدتك أوْ فـ رجوعك

‏وتمرّ الهقاوي بين ليل الحكي والنور
‏وأنا مامعي غير أنت واسمك وموضوعك

....

[الحمدان]

‏يمكن عنيده لكن اعشق عنادي
‏عندي ثقه بالنفس والاساس موثوق
‏
الله خلقني للقيم والمبادي
‏أعرف حدودي واحترم كل مخلوق

....

[الحمدان]

ليه المسا يزيد في وجهه الشوق
ويكشف شعور اللي للاحباب مشتاق

في جيته سهم الوله يرتفع فوق
يموت دونه شوق وتحيا به اشواق

....

[الحمدان]

مسيت بالخير يا أغلا شخص قابلته
ياللي دفا صوتك المبحوح يلعبي

قلبي حركات بعض الناس دابلته
ولا انت لبئ حركاتك على قلبي

....

[الحمدان]

مسني بالشوق يسعد لي ‎مساك
كل ‎لهفه تنتظر موعد لقى

‎قلبي وروحي وتفكيري معاك
كلها ‎تحسب لوصلك كم بقى

....

[الحمدان]

البعد وحشة والمشاعر غريبه
يامطول الغيبات غرك زمانك

تدري متى تندم على كل غيبه
لاشفت غيرك جالس في مكانك

....

[الحمدان]

‏جعل ماجانا من الوقت كفارة ذنوب
‏
وجعل طربات الليالي تجي متخاوية

....

‏

[الحمدان]

‏شفت الفجر مع طلعة النور ضاحك
قلت الأكيد إنه لمح بسمتك لمّح

مدري صباح الخير وإلا صباحك
بالحالتين الخير في وجهك السمح

....

[الحمدان]

‏احب نفسي لاعذرت اللي مهو وجه معذور
واحب نفسي لا تركت عرض العرب واسرارها

واخاف من يوم الرحيل ويوم تنبيش القبور
كثر ما اخاف من الذنوب كبارها وصغارها

....

[الحمدان]

ضايق ومستانس وراضي وزعلان
مدري وش اللي جمًع الكل ​فييني

احيان اجر الصوت مغرم وطربان
واحيان اجر الصوت وتھل عيني

....

[الحمدان]

بيني وبينك وصل الاشواق ممدود
‌‌يجتاحني طيفك لو المسافه بعيده

‌القلب مايعرف مسافات وحدود
‌‌القلب طيرٍ لاعشق فك قيده

....

[الحمدان]

يامساء الكيف والبن النظيف
‏نسكبه للي لهم قدر وغلا

‏ندري أن الكيف ما يكمل بكيف
‏إلا إذا حطوا مع القهوة حلا

....

[الحمدان]

‏يامل قلبٍ كل مامات همّه
‏دارت دواليب الدهر لين تحييه

‏احدٍ ينام وحطّ راسه بكمّه
‏وأحدٍ تخمّ النوم عينه وتخطيه

....

[الحمدان]

‏ما الله خلقني للمخاليق تبّاع
‏ولا أشرب الشربه وغيري سكبها

‏أما خذينا مطلب الروح بذراع
‏وإلا تعف أرواحنا عن طلبها

....

[الحمدان]

‏يسعد مساكم ياهل الطيب والجود
ويسعد مسا منهو على القلب غالي

انتوا غلاكم داخل القلب موجود
ماينمحي من وسط قلبي وبالي

....

[الحمدان]

‏غابت مشاعر خاطرك واختفى الصوت
وراحت بقايا طلتك مع وعودك

ياغايتي تدري وش اقسى من الموت
إنك تعز إنسان ناسي وجودك

....

[الحمدان]

يامن مررتَ على حروف محمدٍ
‏احذر تمر على الحروف بخيلا

‏ردد صلاة الله واتلُ سلامَه
‏أَكرِم لسانكَ بكرةً وأصيلا

اللهم صل وسلم وبارك على نبينا محمد

[الحمدان]

معي وجه واحد ماتغير مع الايام

‏على حشمته عند الاوادم وتقديره

....

[الحمدان]

‏مااخترت غيرك وقلبي فيك وصاني
انته دواء النفس غيرك مايداويها

يحرم علي حب غيرك واحد ثاني
ياطب قلبي وياروحي وامانيها

....

[الحمدان]

‏العمر كلّ ما زادت أيامه نقص
‏والنَّفس تكسب طيبها بأخلاقها

‏كم واحدٍ قلبه على الدّنيا حرص
‏واقفى وخلاها وهو ماذاقها

....

[الحمدان]

نعيش فالدنيا معاريف واحباب
نسمح خطايانا ونعذر بعضنا

واللي يدور للجفا فكه الباب
خلوه يفرح ياعرب في عوضنا

حنا بشر وتردنا كلمه عتاب
ولاعمرنا للناقصات انخفضنا

....

[الحمدان]

قالوا علامك كل ماحل طاريه
تنسى البشرحولك وتذكر خياله

قلت انشدوا القلب ليا غاب غاليه
قلبن تعب من الشوق يا ويل حاله

....

[الحمدان]

مساء الذوق والورد وغلاكم
‏وشموع الود والبسمه القريبة

‏مساء الطيب ياروعة حلاكم
‏مسائي عطر طلتكم وطيبه

....

[الحمدان]

مسيت بالشوق يا اغلى من تمنيته
ونفس تحبك عن عيون البشر عيت

لاشفت اسمك على الجوال واوحيته
كل المشاعر لعينك هلت وحيت

....

[الحمدان]

لازان جو القصيد وفاحت الدله
نقدع ثمار الحروف وطعمها حالي

وأسج مع هاجس يبري لي العله
وأسعد ولو كان قلبي من الفرح خالي

....

[الحمدان]

‏أنتي أطهر ذنب وأجمل غلط وأشجع قرار
‏حطك الله في ليال العمر ليلة قدر

‏الهزيمه في عيونك بطعم الإنتصار
‏من يقاوم سحر عينك ورمشك لاخدر

‏مادريت إنك مسحتي دموعي بالخمار
‏لين قالت رعشة إيديك يامجنون إدر

‏وإدفنيني في بياضً نشع فيه الحمار
‏عاشقً فارق حياته على مفرق صدر

....

[الحمدان]

‏ودي أخشه عن العذال في عيني
‏وأنا أستفرد بطلته وبهجة وصوفه

‏من الغلا عن جميع الناس معميني
‏وغيره من الزين مايعجبني بشوفه

....

[الحمدان]

‏أحبك كنّ ما قبلك عزيز ولا سواك شعور
‏لو إن الناس مرتني أحبك من حناجرها

‏كأنك أرض تأويني وكن العالمين بحور
‏وكني شعب ما يقدر يسافر أو يهاجرها

....

[الحمدان]

‏على وين رايح عاد عمري معك مامل
‏تعوشب معك واخضر عوده على نبعه

‏يا دربي الوحيد شلون اهدك وانا مادل
‏سوى وجهك اللي يهدي الرشد واتبعه

‏ على دربك تفل الخطاوي وينبت فُل
‏هذا الدرب وهذي زحمة اهله وذا طبعه

‏عليك البشر تفتح شبابيكها وتطل
‏من يشوف وجهك شاف روحه على ربعه

....

[الحمدان]

طرب طرب لاتخفض الرتم والصوت
‏سولف علي دام المساري طويلة

‏الصبر فرض العمْر والعمر موقوت
‏وأيامنا مهما تزايد قليله

‏خلّ التشرّه والعتب في بطن حوت
‏ليالي الفرقا على بُعد ليلة

‏بيني وبينك نازح البعد ممقوت
‏لو ان ما فـ القرب منّك فضيله

‏سلك الحرير يفوّت العقل ويفوت
‏اثر الهقاوي فـ الهوى مستحيله

‏مدري وش اللي ساق رجلي على الموت
‏جيته قبل لاياخذ الروح غِيله

‏صرت المساء والصبح والشرب والقوت
‏منّك وإليك الدرب وأنت الدليله

‏الغاية أنت ودونك سلوم وخبوت
‏والا الثلاث حروف هذي وسيله

....

[الحمدان]

بعض البشر يعجبك حتى احترامه
وتحب فيه تجمل صفآته وترتاح

ان غاب تشفق في لقاه وسلامه
واليا حضر همك من القلب انزاح

....

[الحمدان]

‏أنا اشهد ان الذوق معروف راعيه
وانا اشهد ان الزين يغري حضوره

طاريك عندي كنه العطر لافاح
يابدر في كبد السماء شع نوره

....

[الحمدان]

دروس الأيام خذنا قسمنا منها
وأسرار الأيام ما نعرف خوافيها

اللّي حفر حفرتن لأخيه يدفنها
يمكن يدور الزمان و يندفن فيها

....

[الحمدان]

ياهوى البال عدّاك العتب والملام
لوغيابك مسوّي شي ماهو قليل

تقتل احزان صدري منك كلمة سلام
مثل ماتقتل الافراح يوم الرحيل

من ثناياك سم ومن رموشك سهام
لين ماطاح حزني من ضلوعي قتيل

من بقايا تناهيد وبقـــــايا حطام
كل ماهب نسناس النسيم العليل

انتظرتك على بحر الهوا والغرام
وانت ماجيت حتى مثل عابر سبيل

ارحب ارحب وعداك العتب والملام
من عينك اليسراء تفعل المستحيل

....

[الحمدان]

والله انك ياعديل الروح غاليي
واثمن من السر بأعماق الضماير

فرحه عيوني ليا شفتك قبالي
فرحه الكسبان من بعد الخساير

....

[الحمدان]

لغز الموت ....

إن سر الموت يكمن في لغز النوم
لأن النوم هو نصف الطريق إلى الموت
نصف الإنسان الراقي يموت أثناء النوم شخصيته تموت عقله يموت و يتحول إلى كائن مثل الإسفنج و الطحلب يتنفس و ينمو بلا وعي و كأنه فقد الروح
إنه يقطع نصف الطريق إلى التراب و يعود مليون سنة إلى الخلف


د. مصطفى محمود

[الحمدان]

من غلاك ادور اسمك مع اللي يرسلون
وامسك الجوال واذني على سماعته

سولف لي ودي ادلَه مع اللي يدلهون
خلني مع قربك انسى الفراق وساعته

....

[الحمدان]

الشاهد الله مانسيتك دقيقة
حتى بمنامي تزورني بكل الأحلام

ما هي قصيدة هذي والله الحقيقة
مالك خيروقي هايم بحبك هيام

الشاهد الله ما نسيتك دقيقة
حتى بمنامي تزورني بكل الأحلام

ما هي قصيدة هذي والله الحقيقة
مالك خير وفي هايم بحبك هيام

ودي بشوفك ما تهمه الطير قال
و يحكموني من بعد أشوفك إعدام

عايش و قلبي تشتعل فيه حريقة
ودي يومي يمضي في غيابك شهر لعام

ودي بشوفك ما تهمه الطير قال
و يحكموني من بعد شوفك إعدام

عايش و قلبي تشتعل به حريقة
ودي يومي يمضي في غيابك شهر لعام

يكفي جفا هذا الهجر ما أطيقه
إرفق بحالي كان بإيدي لك سلام

غرقتني بلج حمر الغريقة
و أنا بزماني كنت شاطر و عوام

يكفي جفا هذا الهجر ما أطيقه
إرفق بحالي كان بإيدي لك سلام

غرقتني بلج البحور الغريقة
و أنا بزماني كنت شاطر و عوام

عاشق و روحي بودادك عاشقة
جاري بشراييني و ساكن بالعظام

إرجع دخيلك مغرمك جف ريقه
مدرك عليه الموت بعد الأيام

عاشق و روحي بودادك عاشقة
جاري بشراييني و ساكن بالعظام

إرجع دخيلك مغرمك جف ريقه
مدرك عليه الموت بعد الأيام

....

[الحمدان]

‏على تفاصيلك وعطرك عظيم السلام
وعيونك اللي تجيب العيد من غير عيد

لو ضمت كفوفي كفوك علي الحرام
ماحط في ذمتي غيرك من الغيد غيد

يا منتهى كل شي وفيك مسك الختام
يا ملهمة كل حرف وكل طرقٍ جديد

انا علي القصيد اللي عليه الكلام
وانتي عليك الكلام اللي عليه القصيد

....

[الحمدان]

المراجل كايده والمناصب ماتدوم

والكفو يبقى كفو في اللوازم كلها

....

[الحمدان]

جينـا نسوي للموادع بروفه
نبي نشوف اشكالنا لـ انتهينا

جتنا العقوبه وجتنا الحسوفه
حتى بتمثيل البروفه بكينا

....

[الحمدان]

خذينا مع اهل المرجله نجمتين وتاج
وكسبنا وســـام الطيب والعز منهجنا

نعز الرفيق ونكـرم الضيف والمحتاج
ولا نرخص النفس العزيزه ليا احتجنا

....

[الحمدان]

لو أقول إن البحر مثل الهوى ماهوب قدّي
‏ماقدرت أقول قلبي تاب وأعرض عن دروبه
‏َ
‏ولو أتوب من الذنوب اللّي جنت الايام ضدّي
‏ما قدرت أتوب عن ذنبٍ يعنّ القلب صوبه
‏َ
‏كيف أتوبك يا أجمل ذنوبي وأوقف عند حدّي
‏وأنت ذنبٍ لا غفره الله ولا لي عنه توبه

....

[الحمدان]

عشنا على الدنيا مطانيخ واكرام
ما تنحني هامتنا لجــل حــاجه

نسوقهـــاا قدام والعز قـــدام
مافيه ضيق إلا على الله فراجه


....

[الحمدان]

لسنا بقول الشعر نمدح أحمدا
لكن قوافينا ستُمْدح سرمدا

صلى عليك الله يا شمس الهدى
صلى عليك الله يا بدرا بدا

قد أشرقت من نوركم يا سيدي
جنبات كل الكون حتى غردا

يا أعظم الأيتام أنت مبجل
لك خافق في الخافقين تفردا

يا أيها الأمي منك تعلمت
علماؤنا إذ أزهروا عتم المدى


اللهم صل وسلم على نبينا محمد
صلوا عليه وسلموا تسليما