فوق هام السحب ( الشعر الشعبي) على متن القوافي

[الحمدان]

ماتعودنا على سب الرفيق
ولا تعودنا على ترك الخوي

فالجبال السود نفتح له طريق
ونلوي ذراع اليالي له لويي

....

[الحمدان]

افواه الرجال احر من فوهة البركان
وقلوب الخلايق مالها مركز صيانه

رصاص السلاح أهون ولا نظره الحقران
اذا شافها المسجون بعيون سجانه

....

[الحمدان]

حكمه اليوم :
‏الصمت باب مغلق اذا مررتم به
لاتطرقوه حتى لاتوقظوا
أوجاعا أخذت من أصحابها عمرا
‏حتى نامت بسلام

بقلمي

[الحمدان]

هذي وصية
أكثر من أنها بيتين والسلام :

‏أنسحب من كل قلبٍ ما يشيلك
‏وأبتعد عن كل عينٍ ماتودك

‏ولا تجي للي تجيه وما يجيلك
‏ولا تعد اللي تعمد مايعدك

....

[الحمدان]

‏فقدته وجيت أدفع ثمن غيبته وأشريه
‏وأقول المفارق ذنب والوصل تكفيره

‏من أول يداري خاطري مثل ما أداريه
‏وذلحين مدري ويش عذره وتبريره

‏حلمت إني البارح توفّيت بين إيديه
‏وعز الله إن أبشع من الحلم تفسيره

....

[الحمدان]

‏ياليتني من قبل ما أحبه أقفيت
‏ولا إن دروبي عن دروبه تناحت

‏ياليتني في لفة الدرب زليت
‏كان الدموع من العيون أستراحت

....

[الحمدان]

مامرتني الذكرى القديمة مرور اكرام
‏أحس بوجعها ينتششر داخل أعماقي

‏تعشى الحزن طراف كبدي وشبع وقام
‏وأنا خايف يعود ويفطر على الباقي

‏أعذّل على نفسي وأقول الفرج قدام
‏وأردد مصير الحي بالحي متلاقي

‏لو أني من التفكير والهم والأوهام
‏ ماعاد أقدر أقف وأتحمل على ساقي

....

[الحمدان]

باع الهوى يانود واختار ثاني
وانا الين اليوم ماشوف غيره

ماعاند ظروفه ووقته عشاني
اقفى وقلبي ماعرف وش مصيره

ياما تمنينا سوا أحلى الاماني
وياما بنينا احلام ياهي كبيره

كم قال فيني شعر ولحّن أغاني
أنتي الحبيبه الاولى والاخيره

ياكيف بعد الحب أرخص حناني
يالله عسى بفراقنا ألف خيره

....

[الحمدان]

‏لاتدور مواصل من يدور جفاك
‏المقفي لاتنتظره ولا تتبعه

‏من يهمش كرم قلبك وينسى وفاك
‏سل سيف الجفا وأخذ الحبل واقطعه

....

[الحمدان]

‏حنا فقدنا منهو أغلى من الروح
‏لكن عشنا عقبهم غصب عنا

‏هذي هي الدنيا مسرات وجروح
‏محدٍ يحقق كل ماهو تمنا

....

[الحمدان]

‏نهاية الحب دايم مؤلمه للجميع
‏تعذب الي مشى وتعذب الي قعد

‏هو ضاع مّني وانا متاكد اني بضيع
‏من بعده الضيعه الي ما بعدها بعد

‏الموت قام يتشوف لي مع كل ريع
‏ويقول وينك ترى بيني وبينك وعد

....

[الحمدان]

وجهك مع الناس ياخذ فكري الساهي
ياللي صباح الخير مع شوفتك يفرق

لو تعرف الشمس قيمة وجهك الزاهي
اتحلف بالله لو ماقمت ماتشرق

....

[الحمدان]

الوقت وصدوف الليال السريعه
‏مصيرها تكشف قناع المقنّع

‏وتبين اللي طيب راسه طبيعه
‏وتبين اللي طيب راسه تصنّع

....

[الحمدان]

يا طير ياللي بالفضا عيشتك غير
‏وش حيلة اللي ضايق البال قلي
‏
‏ياليت لي مثلك جناحين واطير
‏واشوف من هو بالغلا فاطنن لي

....

[الحمدان]

صمتك عن الزلات طيب وشجاعه
‏تكبر بعين الي على الطيب رباك

‏خلك سوات الضلع عزم ومناعه
‏لايزعلك هرج الردي لو تقفاك

....

[الحمدان]

سود الليالي علمتني حاجتين
‏ان الحياة دروس والعيشة كفاح

‏ان حاربوني بالنجاح الساقطين
‏اقول حرب الساقطين اكبر نجاح

....

[الحمدان]

مكارم الناس بالاخلاق مذكوره
‏وبيض النوايا تبيض وجه راعيها

‏والكلمه الصادقه ماهيب مستوره
‏من بين الاجواد ماتقصر مساعيها

....

[الحمدان]

كل وقت يمر إصحى تخسره
‏ماحد بيعطيك من عمره عمر

‏سبّح الله واذكره واستغفره
‏أسهل الأذكار أعظمها أجر

....

[الحمدان]

لاضاقت الدنيا وجا الموقف الصلب
‏وكثرت همومك واتعبتك بنكدها

‏السجدة اللي تالي الليل من قلب
‏ماخيب الله دعوة اللي سجدها

....

[الحمدان]

اتعب على الطيب ترى رفقته عز
‏والاّ الردي مافاد نفسه يفيدك
‏
‏الصاحب اللي لالمح جيّتك فز
‏هذا الذي لازم تعدّه عضيدك

....

[الحمدان]

سولف مع العالم مثل ما يحبون
‏واترك لهم على الهوامش مساحة
‏ٰ
‏اثنين في هذا الزمن ما يعيشون
‏راعي الضمير ومن يقول الصراحة

....

[الحمدان]

ان كان حظك مافرشلك وغطاك
‏لاترتجي من حظ غيرك يغطيك
‏
‏مادام رزقك كاتبه يوم سواك
‏خلك صبور وقاسم الرزق يعطيك

....

[الحمدان]

سقنا فعول الطيب لو الزمن شاح
‏على الوفا بروس المراقيب نرقى
‏
‏لا احدٍ يقول ان الوفا بالزمن راح
‏دور ومن دور مع الناس يلقى

....

[الحمدان]

الناس صايبهم عمى قلوب وعيون
‏وأول عماهم عاكسين اصدقاهم
‏
‏ان صادقو طيب يقولون مجنون
‏وان صادقو نصاب سموه فاهم

....

[الحمدان]

الهرجه اليا جتك من غير ميزان
‏أفضل طريقة ردها صد عنها

‏صدتك عنها تجرحه قدر الإمكان
‏وده يرجعها ويدفع ثمنها

....

[الحمدان]

لله حكمة فالظروف الشديده
مهما تضايقنا ومهما إنحرجنا

لاتحسب ان الله ينسى عبيده
إصبر وعند الله نلقى فرجنا

....

[الحمدان]

واجهت خذلان ماحد واجهه قبلي
من اقرب الناس لي في هذه الدنياء

منشان لا تنخدع ياصاحبي مثلي
نصيحتي لاتثق في حد ثقه عمياء


ناصر الرخيص

[الحمدان]

عن ياوجع اسولف لو سألني الغير؟
توجعني الشلونك وانه اردها بخير
كسروا خاطري كسرة جناح الطير
وياطير اليعيش بكسرة جناحه
حرمل والگبر لازملي باب البيت
چكليتة نذر عند عاچر انضميت
لا ربك انطاها ولا أني النطشيت

شعر عراقي

[الحمدان]

‏تذكّرتك وأنا لا زال في قلبي حنين وخوف
‏تصاغرت السنين وما تجيب ولا تصاغرتك

‏تعوّدت أني أكون الغريب اللي عليه ظروف
‏لأنك أرض وظروفي تخون الأرض غادرتك

‏على كثر الوجيه اللي تمر ولا تزل الشوف
‏إلى مروا تذكّرتك وإلى غابوا تذكّرتك

....

[الحمدان]

‏جوِّد يديني أنا ماطحت فيك الا متساوي
‏وأنسني بين الكلام، وبين سلسالك وجِيْده

‏لين أمدّ الأرض وأسري لك مع الأمر السماوي
‏وأتشدَّد فيك لابه وأهتدي عينك عقيده

‏جعلني لا أشتد عزمي في هواك وجيت غاوي
ماتذكر ياحبيبي غير الأيام السعيده

....

[الحمدان]

تجاوزتك ياجرح الكلمه اللي قالها مجروح
تجاوزتك ياكذب الكلمه وياصدق راعيها

مناضيح المواجع تتضح لك في شفيف البوح
تْبيّن الوجعه اللي في صميم القلب كانيها

وأنا بين الخطأ والصح ماقررت وين أروح
أخاف وخوف الأنفس مايوصلها مشاهيها

أجامل لي عبادٍ مالها في دنيتي مصلوح
أعرف وجيهها وأصواتها وأجهل مباديها

يقولون السحابه في مثانيها البروق تلوح
وأنا أقول السحابه تحمل الما في مثانيها

عساها تنهشم فوق الضلوع اللي تحتها فوح
تطفي نارها ولا تقضقض مابقى فيها

عروشٍ خاويه ماعاد فيها للسعاده روح
سكنها الحزن وأطفى نورها وأمحل بأراضيها

سقى الله يوم كانت تكتفخ فيها حمامة دوح
ترفرف للزهور اللي منابتها مواطيها

تطير الفجر لا غازل نواظرها شعاع الضوح
وترجع مع مغيب الشمس قلبي بين أياديها

تقاوم خوفها واليا تحشرج صوتها المملوح
أهدي روعها وأمسح يدي على ثناديها

سمحت من السنين اللي خذتها والخطأ مدموح
ألوم ظروفها ولا أرتجي فرحة لياليها

شعر عراقي

[الحمدان]

كثر ماني على بابك أمر أحزن على حالي
إليك الدرب ياخذني عنادًا روحه وجيّه

ألا يا عزي لحالي يضيق وتحسبه سالي
وأنا اللي ما سلا باله ولا له بالسهو نيّه

نجوم الليل والقمرا شهودي بالفضا العالي
بكيتك تحتها حزنٍ معَ نجمٍ طفى ضيّه

على شانك عزيز النفس يذرف دمعه الغالي
وحروفه من وجعها خطّت الشعر وبكت زيّه

دخيل الله من وحشة تطول ومقعدك خالي
تعدوى لي غيابك لين أحدث داخلي كيّه

طلبتك والذي سوّاك نقْضي عمرنا التالي
على سلمٍ معه ننسى عويل الماضي وغيّه

عسى دربك يجيبك لي وأبقى لك وتبقى لي
ويظللنا الهوى بالبهجه ونحيا تحَت فيّه

تعال ولو صعَب دربك تقوّى والله الوالي
واذا نادى عليك الهجر تكفى ردّه وعيّه

أبي باكر اقول بفرحتي بك يا سعد فالي
أنا اشتقت أنده لك واسمع يا بعد حيّه

....

[الحمدان]

عجايب ناسٍ ودنياً عجايبها بدون قياس
‏سحاب فالسما يعسف على البيداء عواصيفه

‏من المرتاح والانسان من يخلق وهو عساس
‏الى زانت مرابيعه نهبها من يده صيفه

‏نموت من التعب لكن في طرد السبب لا باس
‏ثقيل الحمل اعده مع ثقيل الهم تخفيفه

....

[الحمدان]

ووجهي كل ما مسّه من الغربه وصب وأحزان
‏طفت فيه الحياه ولاذكرك أشعل قناديله

‏ياربي وأنت جلاّي الظلام الراحم المنّان
‏يارب المرسلات ورب قلبي وانت تاوي له

‏أعوذ بنور وجهك لاتصيّرني ضعيف ايمان
‏تلقّاني بعطفك يا كريم إن قلّت الحيله

....

[الحمدان]

أمان الله عليك مْن الليالي والزمان الشين
‏وضيقة صدرك اللي ماهيّ بْـ ادناة مـ اشرحتَه

‏عساك السالي اللي دوم مجلاسك مع الطربين
‏ولك ضحكات مِلَّا يحسب أن الأرض من تحتَه

‏احنِّك من دموع التفرقه والحزن بعد البين
‏ومن صمت الوداع وعبرةٍ فـ الحلق جَرّحتَه

‏ومن هالليلة الليلة ومن بكرة ومن بعدين
‏ومن ليل الحنين وشوقه ومن باقي اسلحتَه

‏تقول تْزين وانا داريه والله مابتزين
‏وذا وضع الليالي مـ اضحكت قلبي وفرّحْتَه

‏مثل مانت بـْ تشوف ان البقا طيِّب لنا الاثنين
‏انا اشوف المفارق طبّ للاثنين مصلحته

‏تقول انك قسيتي والصحيح اني عجزت آلين
‏لو ان ماهوب ودِّي فـ الجفا هالحين صرّحته

....

[الحمدان]

تعدّى الظروف بلين جانب وقوّة باس
‏وتوكّل على اللي بيده العجز والقدره

‏من يحطّ قدره سلعةٍ في يدين الناس
‏لايزعل لاحطّوه الاوادم تحت قدره

....

[الحمدان]

إنَّ الإنسان لِيَكفِيهِ
مِنْ كُلِّ هٰذهِ الدُنيا
وَقلقها وَصخبها وَنِزاعها
قلبٌ دافِئٌ غَضٌ يَلِين لهُ
إذا خشنت عَليهِ الحَياة

بقلمي

[الحمدان]

رسالتي لك....

أثر الزوجة الصالحة على زوجها

قال ابن العربي المالكي :
وإذا لم يبعث الله سبحانه للرجل
زوجة صالحة وعبدا مستقيما
فإنه لايستقيم أمره
معهما إلا بذهاب
جزء من دينه
وذلك مشاهد معلوم
بالتجربة قلت :
ولذلك أرشد النبي
صل الله عليه وسلم
إلى ذلك بقوله فاظفر بذات
الدين تربت يداك

[الحمدان]

صلاح قلبك في خوفك من خالقك

قال أبو سليمان الداراني :
ما فارق الخوف قلبًا إلا خَرِب

وقال إبراهيم بن سفيان :
إذا سَكَن الخوف القلوب
أحرق مواضِع الشًهوات منهَا
وطرَد الدّنيا عنهَا

بقلمي

[الحمدان]

دايم على الخاطر تجي مثل الأمطار
وانا اعترف أني من الشوق ضامي

أنا فرشت القلب لك ورد وازهار
وأنت بغلاك أخذت كل إهتمامي

....

[الحمدان]

مسا الخير يا غلا من تعلق فيه قلب وبوح
نثر حرفي غلاه وصار روضه في دواويني

مسا الورد يا عطر الورود اللي شذاه يفوح
مساءٍ يربط شعور الغلا اللي بينك وبيني

....

[الحمدان]

‏كل ذكرى ترتبط معك بـ مكان
‏حبلها بـ الذاكره جداً متين
‏
‏َشفت فيك اللي فقدته من زمان
‏لاتخليني يتيمك مرتين

....

[الحمدان]

‏لـو نجازي كل غلطـه بـ الزعـل
مـا بقى معنـا من الرفقه رفيق

بس نتجاهل عن المخطي لعل
يدرك الغالي ويرجع لـ الطريق

....

[الحمدان]

الله يمسيكم من الخير بالخير
ويكتب لكم طيب الحياه وسعدها

ويكفيكم شرور الزمن والمقادير
ويرزقكم الجنه وزايـد رغدها

بقلمي

[الحمدان]

‏يوم الوفاء يجمع شتات المخاليق
‏يطري على قلبي من الخلق مخلوق

‏فكري معك ي صاحبي له طواريق
‏منت برخيصٍ ي بعد كل مخلوق

....

[الحمدان]

ياروعة المساء فـي طـلـة مساكم
يانفحة الورد والأشواق نسقيها

أجمل ورود المساء في كاس لقياكم
أبيات شعر توصف لكم معانيها

....

[الحمدان]

لاتلتفت للناس وتقول قالوا
عليك في نفسك ولا تتبع الناس

وان كان هم فى غفلة الوقت مالوا
خلك جبل واثبت على مبدأ وساس

....

[الحمدان]

ليت الليالي ترجع شوي ونعيد
ذاك الزمان اللي من الهم خالي

يوم الوفا والطيب ماله مواعيد
عادة قلوب الناس في كل حالي

....

[الحمدان]

‏قالت ترى عيني سكن فيها غلاك
قلت إسكني في وسط عيني ياغلاي

قالت مكاني وسط قلبك في حشاك
قلت أصلاً أنت قلبي اللي في حشاي

....

[الحمدان]

لو نكتب الشوق ما تفنى دفاترنا
يفنى الورق والقلم يكتب لنا وصاته

ولو نكتب الشوق يطلع في مدامعنا
الشوق واضح على المشتاق نظراته

....

[الحمدان]

يارب الاحلام واحلامي تحدّاني
‏مالت على يدِي وأزريت احققها

‏ارزقني الفرحه اللي يوم تغشاني
‏احتاج فتره طويله لين أصدَقها

....

[الحمدان]

‏ياروعة المساء في طله مساكم
‏يانفحة الورد والأشواق نسقيها

‏أجمل ورود المساء في كاس لقياكم
‏أبيات شعر لكم توصف معانيها

....

[الحمدان]

لاهانت الرفقه على من نصافيه
‏الصد للنفس العزيزه كرامه

‏ماللوفاء سوق نبيعه ونشريه
‏ولا لنيات الخلايق علامه

....

[الحمدان]

رساله لك....

أَشد النَّاس استعظاما للعيوب بِلِسَانِهِ
هُوَ أَشَّدهم استسهالا لَهَا بِفِعْلِهِ

ابن حزم

[الحمدان]

‏للحب في الخافق رموز وعلامات
‏تعطي إشاره عن غلا شخص موجود

‏والصاحب الغالي على الـروح بالذات
‏يعرف تفاصيله اذا كان مقصود

....

[الحمدان]

ميهمني العنب بالعافيه اعله الناس
ليش اتعب واكمز وانه ما الوحه

اتحاشاه واهمله وما افكر بي
ولا اخلي الكرامه اسلال مطروحه

اذله بعزتي ومااحب اكَلّ للناس
احتقره ويجيني لبيتنه بروحه

الفقير المالبس بالذله ثوب العيد
يكشخ بالحزن وتخبل جروحه

شعر عراقي

[الحمدان]

لون وزداد بغيابة لويهن
همومي وحضرت مشعل لويهن

تمنيت الحچي ويهن لويهن
واعرف شلون احاچي الگطع بيهن

شعر عراقي

[الحمدان]

اشيل حمل الزمان بنفس مجبوره
لو عزت النفس قادتني على قبري

واسج الاقدام والأحوال مستوره
كبير و أحـلام عمـري كـلها كبـري

....

[الحمدان]

طراة الحياة ولذة العمر لا سجيت
‏مع ارضٍ تسر النفس والعين شوفتها

‏فجوجٍ تمد الشوف من حيث ما لديت
‏بعيدٍ عن ازعاج المدينه وضجتها

....

[الحمدان]

مـن ذاق فـي دنياه حلو المشاريب
لا يحسـب أوقـات السعـاده مقيمه

العـمـر رحـلـه والمـواقـف تجاريب
ومن لاستفاد من التجارب مصيبه

....

[الحمدان]

‏لاضاعت الخـوه مـن يدين الأنذال
يـبـقـى لـهـا عـنـد الـنـشـامـا بـقـايـا

وأن خربوا سمعة هل الطيب جهال
سقنـا المراجل مـثـل سـوق المطايا

....

[الحمدان]

خلك علـى مبداك مـا يلحقك عيب
وإلـزم مقولة دايـم الـنـاس للـنـاس

من جاك قاصد طيب قابله بالطيب
واترك ردي القـول والفـعل والساس

....

[الحمدان]

‏البارحه في حال واليوم في حال
‏وأحوال غيري مدري اليوم عنها
‏
‏لاشك كل الناس نازل ورحال
‏محدا ظمن روحه ونفسه ظمنها

....

[الحمدان]

بلغ طويلين السنام السلاما
وبلغ قصيرين المدارك بثنتين

مانكبر الا في عيون النشاما
ولانصغر الا في عيون المساكين

....

[الحمدان]

‏ترى الطناخه واضحه فالمطانيخ
تاضح وياضح في نباهم طناخه

من دون تنشد عن فعول وتواريخ
ترى الظفر فالوجه يفرْق مناخه

....

[الحمدان]

لاتستحي مني ليا شفت بي عيب
‏وتروح تحكي بي مع اللي حكا بي

‏اللي منعك تقدم النصح بالطيب
‏يمنعك من هرج القفا في غيابي

....

[الحمدان]

كل بندق معلق ماقرح
جعله البخص في سوق اسلاح

من فسل في حضاها ونطرح
من عيون السنافيات طاح

ياسلا خاطري نبض الفرح
لا البنادق تبادل قاح قاح

....

[الحمدان]

ازرق العود والنادر من اغلا السلاح
كسـبنـا والـرجال تبـين وسـومها

ان وردنا روينا عذب صافي قراح
وان قدمنا كسرنا القوم بخشومها

....

[الحمدان]

من ينشغل في نفسه يعيش مرتاح
ومن ينشغل بالناس ماذاق راحه

ويافاتحٍ قلبك لمن جاء ومن راح
اللي بصدرك قلب والا استراحه

....

[الحمدان]

ياصاحـــبي مـا لطفارا مخاويين
الناس تبغا اهل الجيوب المليه

والـمشكله فـينا طـفارا عـزيزين
نـقدح طناخه والـمخابي خـليه

نفزع مع المسكين واحنا مساكين
نـبغى الـــجمالـه والــنوايا مـطيه

نـكرم ونتـجـمل ومـصروفـنا ديـن
نـعطي ولا نلــحق عـطانا الاذيه

نسج كن احنا من اهـل الـملايين
وجـروحـنا بـــين الــحنايا خـفيه

ونخاوي اهل الطيب فالعسر واللين
وكـلن يـــدور كـــيف يـــنفع خـويه

لراعي الجميل نعيش مثل المساجين
لــــو كــان مــسقانا ســــوا كـــاس مـيه

عاداتنا مــن يـوم عـد وضعنا زيـن
ودار الــزمان الــشين واحـنا كذيه

الله يـــجملنا ونــــحيا عزيـزيين
وقــدام نلقا الــذل نلقا الــمنيه

....

[الحمدان]

وياصاحبي من يسال بدنيته ماضاع
وبيت الكرم لاجاعو الناس ماجاعي

وحذراك لاتركن علئ الماكر الخداع
وسوم الشريه واختبر كل بياعي

ومبداك بين القوم ماعاد له مرجاع
ومد النضر لافوق في كل مطلاعي

وحاسب زمانك كل ما رامتك لوجاع
وعود لربك كل ماجاك مصكاعي

وبنت الردي ماينفعك خدهاء اللماع
يجيك الولد مطفوق مامنه منفاعي

يقولون عيب البيت لاطاح فالصناع
واناء قول ساس البيت محسوب للراعي

وسرك حصانك بايجيك الندم لاشاع
وتتناقله لنذال في كل مذياعي

ومن سَره المنزال ماسرره المطلاع
ومن كثر الاقوال فاالفعل مضياعي

وحذراك من ذي يصنع اخلاقه اتصناع
ترا من وراه علووم ماسرت الواعي

وكن ذيب واحذر لفتت الذيب لامن جاع
يبيع العهود وياكل الشاه والراعي

عطاني زماني درس واضح بدون قناع
يضيع العمر ماحقق امال* طماعي

واناء قلت قولي ياعسا يصغو السماع
واناء للنصايح من هل العرف سماعي


شعر يمني

[الحمدان]

استقام الوقت وإلا ما استقام
يا ظروف الوقت عاد الله كريم

ما يذل الله في الدنيا كرام
ولا يعز الله في الدنيا لئيم

....

[الحمدان]

انا خويك ليا شانت ملامحهم
ثن المصايب وثلثها وربعها

ان كان ودك نسامحهم نسامحهم
ون كان ودك نخربها نخربها

....

[الحمدان]

الليالي جوها ماهو بصافي
بين هم وبين غم وبين حره

ماتميل الا على راس السنافي
والردي صكات بقعا ماتضره

....

[الحمدان]

ماني بفاضي للمشاريه واللوم
ولحدٍ يدوّر من ورا الهرج زله

تمسكوا فيني تراني من اليوم
عادي أخربها مع الشعب كله

....

[الحمدان]

‏فن التغافل من فنون الدهايا
واليا تغافلنا ماهو نقص فينا

نكرم لحانا عن خباث النوايا
واللي يقولونه مايمشي علينا

عقّال ياموصّي مانبغى وصايا
وعقولنا مانشيلها في يدينا

....

[الحمدان]

الزير لاجل كليب ضحئ بجساس
ونا يضحي بي مهلهل زمــانه

راح الامل عندي وخيم علئ الياس
وكثرو اهل الخداع واهل الخيانه

واليا تباني اعطيك لناس مقياس
شوف قيمة الرجال كلمة لسانة

....

[الحمدان]

اشلون مايعشق خفوقي بك الهمس
وانتي الجمال اليوسفي في زماني

سود العيون وفوقها بسمة الشمس
من طرف عينك سهم عينك رماني

انتي هوى الحاضر مع الغد والامس
وانتي غرامي والهوى والاماني

....

[الحمدان]

‏المكان الخالي من زولك كرهته
لو جمال الكون لعيوني تسخّر

أنتي وحدك باقي وغيرك ركنته
مالهـم عندي قبول ولا تسـمـّر

قلبي اللي لو سـلا لمتـه ولمـتـه
كيف ينسى من خفوقي له تجيّر

....

[الحمدان]

رسالتي لك....
الباقيات الصالحات

كـل تـسـبـيـحـة صــدقــة
سُـبـحـان الله

كـل تـكـبـيـرة صــدقــة
اللَّه أكــبــر

كـل تـحـمـيـدة صــدقــة
الـحـمـدُ لله

كـل تـهـلـيـلـة صــدقــة
لا إلــه إلا الله

[الحمدان]

خذوا الخلق الرفيع من الصحاري
فـإنّ الـنـفـس يـفـسـدهـا الزحـامُ

وكـم فـقـدت جـلالتـهـا قـصـورٌ
ولـم تـفـقـد مـروءتـهـا الخـيـامُ

....

[الحمدان]

أهديتك الحلم وأنت أهديت حرمانك
‏إلى متى وأنت في حزني تسـاومني

‏هذي سوايا الغياب وهذي أحزانك
‏وهذا شتات الخفـوق اللي تقاسمني

‏تبقى المواجع معاك ويبقى تحنانك
‏وتبقى أنت عندي أعزّ إنسـان ظالمني

....

[الحمدان]

مدح النشاما واجب دون مصلوح
والا الردي مامدحه لو هو بناخي

نمدح رجال بالفخر تبني صروح
‏ربع على كبد الردي تنجح الكي

....

[الحمدان]

مثل ماتجيك الكربة إللي بدون إشعار
يجيك الفرج من خالقك وأنت ماتدري

[الحمدان]

العافية والستر مع راحة البال
هذي الثلاث أعدها راس مالي

ياللي تقول الغالي أشريه بالمال
اللي يجي بالمال ماهوب غالي


....

[الحمدان]

‏عوّدت نفسي ما آتعوّد على إنسان
اللي وصل من مُرّ الأيام كافي

خيبات وجروح ومواجع وخذلان
مافيه أحد يبقى على طول وافي

....

[الحمدان]

خرجنا من السجن شمّ الانوف
كما تخرج الاسد من غابها

نمر على شفرات السيوف
وناتي المنية من بابها

....

[الحمدان]

‏ودي أبوح بخاطري شي مكنون
‏وخوفي من دموعي تهــز المهابه

‏بشكي لمنهو قارن الكف بـالنـون
‏أنـــه يداوي القلب مما جرى بــه

....

[الحمدان]

الطير لامن طار من كفوف الأخيار
لاصار عايف مايعود لمحله

وشلون لامن طار من كف بوار
ماهو بكفو فوق كفه يشله

ماهو معود لك ولو الزمن دار
عافك وعاف القرب منك ومله

....

[الحمدان]

‏مسآء آلوفى وآلمنهج آلسمح وآلميثآق
مآبين القلوب آلي تربت على آلفطره

مسآء آلنسيم آلهاديء آلبآرد آلمنسآق
ليآ حرك آلورد وتعآنق معه عطره

....

[الحمدان]

يامرحبـا ترحيـبة الروح للروح
ترحيبتن فيها غلا بين الارواح

فاحت قوافي الشعر ياصاحبي فوح
فوح الغلا مع اشقر البن لا فاح

....

[الحمدان]

رغم صــكات الزمن ماني بـنادم
زودتني عــزم واصرار وجساره

والله إني ماخسرت من الاوادم
غير من كانت معرفتهم خساره

....

[الحمدان]

مشكلتي اكتم ضيقتي كتم الانفاس
راسي عنيد وكبريائي زياده

لو مامعي منصب وموكب وحراس
معي ثقة حاكم وهيبة قياده

....

[الحمدان]

غفلت عن عمري وسايرت الأيام
والعمر مثل العصر والعصر فوات

وكسبت من كثرالاماني والأحلام
حلمٍ تعلق لاتحقق ولا مات


....

[الحمدان]

غفلت عن عمري وسايرت الأيام
والعمر مثل العصر والعصر فوات

وكسبت من كثرالاماني والأحلام
حلمٍ تعلق لاتحقق ولا مات

[الحمدان]

لبيه ياصوتٍ سمعته وفـزيت
فزت غريب سامع صوت غاليه

من كثر حبي له على طول رديت
قال السلام وقلت من القلب لبيه

....

[الحمدان]

العين سكرها عن العور والعرج
والأذن عن سمع الهزيلات صنها

واليا بغيت الطيب قلل من الهرج
ونفسك عن الهفوات قصر سنها

الهرج كثره ينزلك منزلٍ حرج
والصمت نعمه مايقدر ثمنها

حذراك لاتركب على مايل الخرج
والناس بالغرات لاتمتحنها


مشعل التريباني الشمري

[الحمدان]

ماخاف شر المعاصي غير حي الضمير
الادمي مايسره غير طيب اعمله

ياقوم عز الحياة اللي مداها قصير
تغر قلب الغشيم اللي غشاه اجهله

كم طيرت من ملوك وحولت من وزير
لو عز قارون ماله فالاخير اخذله

مع انفتاح الحياه وشرها المستطير
ماغير نجمع ذنوب وبالصلاة اعجله


خالد المذعور

[الحمدان]

الجمايـل يـوم سمـوها جـمــايــل
هي بنـات افعـال طلقيـن اليميني

صنعة المعروف من راعي الفعايل
هي الجميــلة والجميلة ما تشيني

وماتشيـن الا بشوف اهل الفشايل
معذربين الطيـب خـالين اليدينـي

يالكريم اللي ثبت والوقت مايــل
يالله انـك تجعـل ايـامـــك سنيني


صالح حاضر

[الحمدان]

نكره اللي صدّ ونعاف من ينسى الجميل
راحلين تاركين الحياه الفانية

يعتقد مافيه غيره بهالدنيا بديل
الدقايق ما تحسّب حساب الثانية

للأسف بعض الخلايق رضاهم مستحيل
لو عطيته عين يسأل لمين الثانيه


عبادي الزهراني

[الحمدان]

أربع تخلي الرجل من دون قيمه
ويصير من بين الرياجيل ممقوت

الكذب والغيبه ونقل النميمه
وكثر الكلام اللي بلا فعل وثبوت

وأربع سبب فرقى النديم ونديمه
المال والنسوان والحسد والموت


مهنا السعدي

[الحمدان]

ياوجودي كل ماحال دون الراي راي
والضروف القاسيه ساريٍ مفعولها

كم نويت اقول كلمه تبيّن وش بلاي
ومنعتني شيمتي واستحيت اقولها

خايف ابدي بعض الاسرار وافرّح عداي
عالمٍ ياليت ربي يرد عقولها

اربع وعشرين ساعه وهي تمشي وراي
كنّي آخذ لقمة العيش من محصولها


سفر

[الحمدان]

خمس الفرائض صلها بأمن وخشوع
حافظ عليها فالركوع وفالسجود

وصل الرواتب كلها لله طوع
انكان تبغا الفوز والجنه خلود

وانكان ضاعة لاسجود ولا ركوع
حسيبك المولى وحراصك شهود

في يوم شمسك ميل عن راسك يروع
والنار قدمك تصتلي ذات الوقود


زايد بن محيا

[الحمدان]

تعبنا من اللي راح ونشيل همّ الجاي
ولا عاد ندري وين تمضي بنا الدنيا

هنا الفكر متشتّت ومابين راي وراي
نخاف العواقب وإن حكينا على استحيا

أحاسيسنا متبلّدة والفرح نسّاي
ونشوف الخطا ونصدّ وقلوبنا عميا


عبادي الزهراني

[الحمدان]

الصبر مفتاح الفرج والغضب شين
والـنـاس مـاتـقـدر تـعـدل عـوجـها

احرص على فـعل الوفـا والنبا الزين
والارض مـاضـاقـت وسـاعٍ فجـجـها

دنـياك هـذي مـاصـفـت لسـلاطيـن
كـم واحـدٍ حـول مـن اعـلـى درجـها

اصبـر عـلى صـكاتـها وحفـظ الـديـن
وطلب مـن الله في سـجودك فرجـها


سعود بن سالم

[الحمدان]

عندالرخاءيا كثر منهم حواليك
وعندالمِحَن بعداد روس الاصابع

لاتحتري لين الحوادث تفاجيك
وتكشف لك وجيهٍ مجرد طوابع

دقق مثل مايدقق البنك بالشيك
وأكرم جنابك عن ضعيف الروابع

ريال الذهب مافيه ريبه وتشكيك
يصعب على اللي يزيفون المطابع


عبدالرحمن المرخان

[الحمدان]

‏تبي النعم يابعده على شاربك بعداه
مادامك تحب الروح والمال تقصربه

فلا يستحق النعم من ترتعد يمناه
من المد ولا في اللقا زرقة الحربه

ولابه بخيلٍ عند ربعه يجي له جاه
ولا به ذليل باللقا ينتستربه


مشعل بن ساير

[الحمدان]

انا لاجفيت الرجل يوم الدروب رحاب
الى ضاقت الدنيا علي ما تذكرته

ولا احب من فرغه ولا اكره بدون اسباب
ولانيب لامنه صفى الود عكرته

مثل لو اصير امشي على قوقل ماب
لو ادل دربي قبل ماوصل ماسكرته

احس ان فيها دناه وسوء اداب
واحس اني ارخصت الجميل وتنكرته


محمد المقحم

[الحمدان]

ارفع مقامك عن مهابيط الوطاه
ترى الرجل ماينحدر مهما حصل

لاتصير مثل اللي ردى نفسه دعاه
يفطر عقب صومه على ثوم وبصل


عبدالرحمن المرخان

[الحمدان]

مانيب عايش لجل جمع الدنانير
ولاهمني منصب ولا زود رتبه

مادمت متعافي ومبسوط وبخير
ماجات به سود الليالي غدت به


مهنا السعدي

[الحمدان]

‏قالها الشاعر/ رشيد الزلامي
الله يرحمه قبل 15 سنه

عسى الله يستر لاتصير النياق فحول
توقف تهادر والجمل رافعٍ ذيله

كلامي صحيح ويشهد الله على مااقول
أشوف الهوايل مير مافي يدي حيله

[الحمدان]

سقى الله زمان فات عاد القلوب نظاف
قبل ما يجي وسط الشرايين جرثومه

تغيّر مسار الناس يالله ياروّاف
تروف بقلوبٍٍ من عنا الوقت مظلومه

....

[الحمدان]

عليك السلام ورحمة الله ي هاك البيت
احييك والك العذر لو ماتحييني

ياليتك بعد شدوا هلك مع هلك شديت
علشان ماتقعد بدربي موازيني

حصيلي من الذكرى حسافه وليت وليت
سقى الله يوم ان الليالي تمنيني

رميت الهقاوي في رحابك ورحت وجيت
وضيعت معك سنين من زهرة سنيني


سفر الدغيلبي

[الحمدان]

صباح المطر والنار والدله الرسلان
صباح القبال السمح والخاطر الراضي

صباح الرفيق الي لاجيته وانا زعلان
تلاشت جميع اهمومي وطابت امراضي

....

[الحمدان]

ان جاتنا الطيبه بالطيب زدناها
الطيبه بالعسـل والسمـن نمزجهـا

وان جاتنا الثانيه نصبـر ونرفاهـا
يمكن اليـا فاق راعيهـا يعالجهـا

وان عادها عـودةٍ ماعـاد ينساهـا
من حربةٍ في صميم الصدر نولجهـا

مسمومةٍ يبلـش الدكتـور بدواهـا
مايقنـع الخبل لين انـه يلامجـهـا


عبدالله ابن زويبن رحمه الله

[الحمدان]

كم على وجه الاراضين من ذيبٍ جويع
يجتلد ليله نهاره ولا يلقى عشاه

والكسل ماهوب يلحق لذات الربيع
والصلاه ابرك من النوم حي للصلاه

والجمايل في بنوك الجمايل ماتضيع
وراعي المعروف لاجاء يدورله لقاه

ولاتعرض صاحبك شدة الوقت السريع
اتركه للوقت والوقت يبحث لك مداه


سعد بن جدلان

[الحمدان]

مجالسٍ تنصى لحاجات الاجواد
ومجالسٍ ماغير قهوه و شاهي

ولو القضيه بس دله وبرّاد
تكفي عن بيوت الرجال المقاهي


سعود الحافي

[الحمدان]

رخص الحصان ورخصوا الطيبيني
وغلي الحمار وما اشتبه له من الناس

وقام الردي يدحـم بجنـب متيني
وابن الحموله قام يمشي مـع السـاس

وقلّ الرفيق وقـلّـوا الغانميـنـي
وكثر الحسد وأهل النمايـم والأنجـاس

وشان الزمان وشـان وجـه الضمينـي
وتغيّـرت كـل الطبـايـع والألـبـاس


سليمان بن شريم

[الحمدان]

يالله يآرب يآمعبود رب العبآد
يامبصر ألنمله السودا بجنح الظلام

فيك الرجا والأماني والأمر لك يُعآد
تغفر لنا كل زلآت ألفعل والكلام

وتزيّل كرب القلوب ألي بها ألهمّ زآد
وظروف هذا الزمان تمر برد وسلام

اللهم آمين

النجم العالي

[الحمدان]

أنا لابغيت أسج من طلعت المرقاب
تعرض لي المقرود حظي وتنكيده

تداوج همومي بالصدر دوجة الركاب
على تكسي والعيد باكـر مواعيده

على واحد قلبي معه عاد عمري شاب
ولا زال معلـوق الضماير مواريـده

نزح وانتزح مني ودبر مع الأجناب
يبي موتري دونه ثمانين تبريـده

....

[الحمدان]

لاتبكين لامن غبت باليوم واليومين
ترى والله آن مـ اغلى من دموعك الا انتي

اهوّن على روحي معى كل ليه ووين
ولاهان عندي دمع عينك ولاهنتي

كبار الاسامي والبخت والجناب الزين
ماتقنعهم كبار المعاذير يابنتي


مبارك بن رادعه

[الحمدان]

ودك أنّ الآدمي لا طرق سمح الدروب
ما يعوّد لـ المكان المريب ولا يجيه

دسمان بن مناحي

[الحمدان]

خاطري داروه ياللي تدارون اليتيم
وان بكت عيني من الدمع لاتنهونها

ياعرب تكفون من كان له قلبٍ رحيم
كل نفسٍ صابها الحزن لاتقصونها

حالي اللي راحت اشجار وديانه هشيم
مبطـيٍ ن ما زيد دب الحيا بغصونها

لاجرى ماهــا ولا زيد حركها النسيم
مــن بطا الأمحال فيها تغير لونها

....

[الحمدان]

اول حياة الفتى مشوار وعساسه
مسافه في عجاج العمر يقطعها

وثاني حياة الفتى تدريب ودراسه
تصعب ظروف الحياه وينشغل معها


رشيد الزلامي رحمه الله

[الحمدان]

لاتحسب انك فالمواقف صتيمه
وأنك مع العربان راعي سياده

يوم انت سويت حفل وعزيمه
لو طبت مره ماتحمل زياده

تتعب يديك مع اليدين الكريمه
لاصار مال الطيب فالرأس عاده

سوات نارً ولعت في هشيمه
لو ولعت بالسرع ترجع رماده


مشعل عيد البقمي

[الحمدان]

من وصايَا رشيد الزلاميّ


خلك على صكات الايام صبّار
ويومٍ يفوتك لاتمنى رجوعه

[الحمدان]

كانك تصلي صلاتك بأمر ربي نجيت
من هول دنياء تشيب الروس من شيبها

اغنم ترى العمر فرصه واخر العمر ميت
الروح سلفه من الله وانت تدريبها

ولاتامن الوقت لو انك دلهت وسليت
تجر المقادير والله عالم بغيبها


سعد الجذع

[الحمدان]

وجودي وجود اللي حداه الزمان ودج
تهايق عليه الفقر مع سبعة أرواعي

الا وآهني اللي دله فالمنام وسج
لاطالب ولا مطلوب والوقت مطواعي

أخذ له زيارة للمدينة وصام وحج
وصلى هويّد الليل والناس هجاعي


مصلح بن عياد

[الحمدان]

رجال سوالفها نميمه وقيل وقال
ماترتاح في دنياك حتى تفارقها

طراة الرجال صدورها مغلقه باقفال
مايعلم بخافي سرها غير خالقها


مهنا السعدي

[الحمدان]

مجاراة
مـعرضه دنياك للنقص والزود
الا العمر مافيه نـاقص وزايـد
بن زابن


دنياك تاخذ منك بذلٍوومجهود
لكن مـنـهـا لاترجـى فـوايـد

خالد بن حميد

[الحمدان]

العز للنفس واجب والحيا سنّه
وأنا يديني من الثنتين مليانه
ْ
ورزقي على اللي ليآ اعطى شي مامنه
والا يدين العرب تعطي ومنانه
ْ
وان شحوا الناس ربك يعطي الجنه
مايغني الا كريم الوجه سبحانـه
ْ

رشيد الزلامي رحمه الله

[الحمدان]

عسى قبرك مثل قلبِك بياضٍ ممتلي بالنور
وتحتك جنةٍ خضراء وسحابة خير ممطورة

م

[الحمدان]

ياربي وأنت جلَّاي الظلام الراحم المنَّان
يارب المرسلات ورب قلبي وأنت تاوي له

أعوذ بنور وجهك لاتصيِّرني ضعيف إيمان
تلقَّاني بعطفك يا كريم إن قلَّت الحيله

م

[الحمدان]

ياوجـودي ليت مالي على الدنيا وجـود
او وجودي ليتني عشت بالكون اوّحدي
ِ
وياعذابي لادنى الليل وابـذلت الجهـود
ابغي ارقـد واثـر نـومي محارب مرقدي
ِ
اتقلب في فراشي وخلق الله رقـّود
وينه اللي يقسم النوم واقول بعدي
ِ
مرحباً ياقشر الاقدار لا جيتي وفود
فطرة الله في ضلوعي تحيّي موقدي

....

[الحمدان]

الشيب ماهوعيب يامعذرب الشيب
الشيب في راس الـولد لـه سبايـب

اماكـريمٍ شاب يبحـث عـن الطيب
ولاشـجـاعــاً عـذبـتـه الـمـصـايـب

اذا جهلت انشد ترا مابها عيب
لاتنخـدع للجـهل وانت السبايـب

عيب الـفـتـى مافيه شك ولاريب
ترك الفروض وقطع وصل القرايب


رشيد الزلامي رحمه الله

[الحمدان]

لا تحسف وأبذل الطيب في كل أتجاه
من قضى للناس حاجه قضى الله حاجته


فارس بن هضيب

[الحمدان]

أجمّع له سْمان الهَرْج خوفٍ من التقصير
وإلى جيت بْشرح له كلامي تهيزلته

يجيني منْه هيبة معزَّة سحى تقدير
أقابله عندي علم وأروح ما قلته


سعد ابن جدلان

[الحمدان]

شهبٍ جثا ميره مدا خيلهن حو
دخانهن ريحه تقل ريح جاوي

واليا تعزل واهج الجمر قم سو
كيفٍ يكيف محرقين القهاوي


سعد السلمي

[الحمدان]

مايفرح الرجال طيحة بناخيه
ولايزعل الطيب نجاح ابن عمه

واللي يحارب بالمواقف عوانيه
انا اشهد ان الحسد يجري بدمه


المجاراة

والحسد علة قلب ابسط معانيه
يلبس الرجال ثوب المذمه

ولا ينجذب للعز والطيب راعيه
ولايندفع نحو الامور المهمه

بالمختصر راعيه محدن يدانيه
وهو سلعته مابين غيبه ونمه

....

[الحمدان]

الفقر ماهو فقر قل الدراهم
آلفقر فقر اخلاق وسط الرياجيل

من دونها نلقاك ضايع وواهم
يقوله اللي جرب العدل والميل


فايز المنصوري

[الحمدان]

يامل قلب ٍ يلوعه طاري الفرقا
كما يلوع الحمام الورق شيهانـه

إن حوّلن حوّلت وإليا رقن ترقـا
متعليّتهـن وهـي حدمه وجيعانـه

على وليفٍ نحا مع روق عن برقا
عليه عيني بصاف الدمع غرقانه

أبوثـمـانٍ رهــاف ودقــةٍ زرقـــا
موتي ولا صدته عني وهجرانـه

....

[الحمدان]

طبـع الـردي مايحـسـن الـظن فالـنـاس
لانـه يـحـسـب الـناس مثله مترديه

ولـيـا سـمـع لــه كلـمـةٍ جــاه وســـواس
قال انت تقصدنيةوهرجك فيه ظنيه

قـلـه عـســاك ابـخـيـرومـاجور لابـــاس
انــتـــه مــريـــض وعــلــتــك بـاطـنــيــه


فهيد الرويس

[الحمدان]

يـوم إنـهـا يا صـاحبي صارت عـنـاد
أنـتـه مـعي والا مـع النـاس ضـدي

حـلـمـت فـيـك الخـيـر لكـن م فـاد
حـظـك ليا طـال الـزمـان امـتـردي

تبغى الحقيقه ان ترديت وش عـاد
الـفـرق واضـح بين جـدك وجـدي


مسحل الميزاني

[الحمدان]

عزي لمن عايش حياته بوجهين
ماهو غدر خوف العرب ينقدونه

وجه الحزن تقراه في نظرة العين
ويحط وجه المزح والضحك دونه


عبدالله الطلحي

[الحمدان]

ياعزوتي تكفون وانتم تسوقون
لحدن يحاول يلتفت صوب جواله

الناس ماتت بالحوادث تشوفون
وش ذنب بيتك لافقد راس ماله

م

[الحمدان]

علامة يعرف بها كل حَسّاد
النشده اللي فاضحه طبعه السي

والثانيه يبخس نجاحات الاجواد
يثني على الأموات ويعادي الحي

لو الهوا عنده قطع عنك الامداد
عنده محاذير المروه ولا شي


ضيف الله أبا العون

[الحمدان]

إذا شفت بإسلوب التعامل سمو أخلاق
ترىَ يعتبر عنوان للشخص وأخلاقه

ياكم واحدٍ محبوب والبعض ما ينطاق
والعالم على شَين الخُلق مالهم طاقه


النجم العالي

[الحمدان]

عسى من سعى بالشرّ بين العرب يلقاه
ويقطع جزيل المدّ رزقه ومطلوبه

....

[الحمدان]

بيت من ذهب ....


تدري من اللي كليفٍ رد معروفه
اللي تجي نفعته قدام تطلبها


فهيد الرويس

[الحمدان]

من معطيات التجارب وإختصار الكلام
أنجح عقول الخلايق فالزمان أربعة

من فضّل الصمت لازادت هروج الأنام
ومن ينثر الطيب لاشاف العرب تجمعه

ومن شاف زلّة رفيقه في طريقه وشام
ومن بر في والدينه برّه بينفعه


مسحل الميزاني

[الحمدان]

‏من بلاغة الشعراء في وصف العيون :

‏يا فلذّة كبدي المتفرّده بين الصبايا
‏وش يقول الشاعر إللي عينك أوسع من خياله
‏جمال بندر

‏طرف خادرته لو أقرب منه وأقوس إتساعه
‏لاتغارب يمكن أحلف إنّه أوسع من خيالي
‏عويّد النجود

[الحمدان]

روس الرجال الها مكانه وتقدير
ومن ضاق من شان البهيمة بهيمة


محمد بن هضيب

[الحمدان]

ألا يا الله إني طالبٍ طاعتك ورضاك
وعلمٍ ليا ذكروا هل الخير نذكر به

أنا في رجى عطفك وأنا ملتجي بحماك
تفرج هموم القلب يافارج الكربه

إليا ذعذع الغربي وحرك غصون الراك
وناح الحمام بعالي الصوت يجهر به

أجاوب حمام الدار يا لايمي عساك
يحدك زمانك يم من لانبي تقربه


رشيد الزلامي رحمه الله

[الحمدان]

الليا عطاك الوقت يانفس جودي
وان دبرت يانفس وشهو عليها

من خلقت الدنيا زمانك جحودي
شومي ليا ضاقت ولا تقتفيها

ثلاث تكفي دون حضرت شهودي
اغلا من الدنيا وما تحتويها

ارضي بدينك وارضي انك سعودي
ومن عزوت جهينه ومرباك فيها

تركي الحرازه

[الحمدان]

صوت حسادنا واضح ومسموع جدّا
دايم أهل الحسد ما يثمر الطيب فيهم

أوجعتهم وهي مثل المريض المسدّا
كيف لو إنها فالجو حامت عليهم


عمران الزراقي

[الحمدان]

شيخ المواقف غير ياشيخ الخيال
لاتحط نفسك في مواقف ضيّقة

ترى البشوت الي على متون الرجال
يبيعها هندي بسوق عتيّقه



مسحل الميزاني

[الحمدان]

رساله لي ولك.....

لاتحمل هم الدنيا فانها لله
ولاتحمل هم الرزق فانه من الله
ولاتحمل هم المستقبل فانه بيد الله
فقط إحمل هما واحدا
كيف ترضي الله
لأنك لو أرضيت الله
رضي عنك وأرضاك
وكفاك وأغناك

[الحمدان]

عساي ما اثقل على قلب مخلوق
ولا اسـوي ما يسـبب عـتــابه

انا احـب الذوق وادور الذوق
عند التعامل والحكي والكتابه

...

[الحمدان]

رسالتي لك....

يُعجَبون بك
ثم يحبونك
ثم يملّون منك و يتركونك
هذه هي طبيعة البشر
هم يتغيرون كالفصول
ونحن علينا أن نرتدي
مايناسب كل فصل

بقلمي

[الحمدان]

‏ياخاطري لاتحسب الضيق ذباح
ضاقت خواطر ناس قبلك وراحت

أصبر وتلقى للفرج فيه مفتاح
أصبر ولو كان السدود استباحت

...

[الحمدان]

لك الغلا مـكنون بالحب والشووق
وأحلى المشاعر في سموك تجدد

محبتك فاقت على كل مخلوق
أسال خفوقي كان وودك تأكد

عندي على زود الغلا اربع شهود
قلبي ودمعي والسهرر والقصايد

وانت اذا تقول الغلا حي موجود
عطني على حبك لي إثبات واحد

...

[الحمدان]

‏القلب قلبك مع عيوني والانفاس
كلي لاجل عينـك حـلالك حـلالك

مالي لزوم بقرب غيرك من الناس
يكفي وجـودك جـعل غيرك فدالك

....

[الحمدان]

‏من مبتدى صمتي لنقطة عبـــورك
استرسل الفكره معك وقتل الصمت

هب النسيم وجاب ريحة عطــــورك
شميت عطرٍ فــاح من يوم سلمـت

ما تدري إن النــور لا جيت نــــــورك
ولا تدري إني في غيــــابـك تألـمـت

....

[الحمدان]

‏من عيونٍ ترسل السهم المميت
من بروز الصدر والخصر النحيل

صابني سهم المحبه مادريت
والهوى قبلي حصدله كم قتيل

أشهدان الله بلاني وابتليت
في عنود الريم ضافيت الجديل

بنت شيخٍ له مقام وذيع صيت
من النجوم الي تلا لاهي سهيل

غيره من البيض اموت ولاهويت
من يرد العلم ويحوش الجميل

....

[الحمدان]

‏حـي الله اللي عـليها الـكبد مـحتـره
اللي ذبـحـني غـلاهـا يـاحمد بـدري

تـلعب عـلى القلب والـشريان وتـفره
والـعقل سـلم لـها بـالغصب مايـدري

فـتـنة جـمـالـه غـريبـه حـيل بالمــره
والمشكله ياحمد صاب السهم صدري

...

[الحمدان]

‏القاك في درب القصايد والاشعار
والقاك في كل المشاعر أحادي

مالك شريك بقلب حطك له اسوار
واشوف غيرك في عيوني جمادي

جتني طواريك مع الليل زوار
احسها كل ما تصيح وتنادي

اعبر بها يمك على موج الافكار
خيال لكنة بقلبي وكادي

....

[الحمدان]

يـ عشق ماله نهايه لو يموت الغرام
يـ وجه أحبّه ليا منّه ضحك أو كدر

يـ أغلى من الكل واقربهم غلا وأهتمام
يـ درب أحبّه ولا لي عن طريقه مفر

...

[الحمدان]

هذا المساء ما يشبه إلا مباديك
جدا جميل وطلتك به جميله

يسعد مساك ويسعد الله لياليك
عساك تسلم في مساء كل ليله

...

[الحمدان]

تغيب ياغايب وأنا دوم مشتاق
حرقت قلبي طالبك خاف ربك

ان كان في غيبتك تلميحه افراق
لاشفتني ميت ترى الذنب ذنبك

...

[الحمدان]

يامن علي روحي وقلبي تغليت
وقطعـت عـني يا الغـلأ إتصـالك

ما كان ودي ازعجك بس حبيت
أسـأل واطـمن كيـف صـار حـالك

فلا تفتكر إنـا من الشـوق حنيت
وإلا تفـكر جيـت طـالب وصالك

خُذ راحتك مع الذي أنت حبيت
وإلا سـؤالـي زاد فـي إنشـغالـك

...

[الحمدان]

‏الشوق في وجهي تفاصيله
‏والحزّن فيني لا شعورياً
‏
‏وإذا تعبتي مْن الجفا ليله
‏أنا تعبت أشتاق يومياً

...

[الحمدان]

قهويتني من صافي الود فنجان
فنجان عيا خاطري لايرده

ساقه يمين اللي من الشوق ولهان
وانا على كيفه وعلى مايوده

...

[الحمدان]

يشتاق لك قلبـي وتشتـاق عينـي
واوله على همس الشعر من شفاياك

همسك يبدد هاجـس الشـك فينـي
شف وش كثر قلبي على البوح ينخاك

...

[الحمدان]

‏والله غلاك أكبر من حروف وأقواس
صعب أشرحه صعب أوصفه في مقاله

غلاك فكر وهاجس وروح وأنفاس
غلاك شيءٍ ماتشيله رساله

...

[الحمدان]

الود ودي في غيابك أنا أجيك
وانثر ورود الشوق وأعلن قدومي

وأعطرك من فيض شعري وأغنيك
وأنسى على شوفتك باقي همومى

...

[الحمدان]

أضحك وخلك كبـير ودوس أوجاعك
لايستفزك كلام الناس ياقلبـي

أضحك وقل للذي بـيحاول اخضاعك
لن يستطيع يوم أخضاعك سوى ربي

...

[الحمدان]

مال السكوت بحضرة الحب ميثاق
‏لايخدعـك من قال زيـنك سكـوتـك
‏
‏سولف ترا مغلـيك لا صار مشـتاق
‏وده يضـم مـن الغـلا روح صـوتك

...

[الحمدان]

الله عليـك شـلون فيني تكــوّنـت
‏سوّيت فيني شي ما كان فينـي

‏ولخاطرك ما أشوف بالناس إلا أنت
‏يا إحساس يكبر كل لحظه بعـيني

...

[الحمدان]

أعاتبك في صمت وأحبك بصمت
وأشرَه وأنا جفني من الدمع غارق

مابي تفارق لو بكيتك وعاتبت
عمر القلوب الصادقه ماتفارق

...

[الحمدان]

ما يهز المشــآعر غير شخـصً وحيد
يتبع القلب طيفه في صحاري الظما

المحبه قديمه وانت بعدك جديد
ياقديـم المحبه لـك عـيونـي حما

...

[الحمدان]

مرساك صدري لو تضيق المراسي
قلب عطاك الحب من غير منه

ماهمني لو كان لك قلب قاسي
حبك بقلبي فرض ماهو بسنه

...

[الحمدان]

اشوف الوصل عن بعدك لها في خافقي مقياس
ولولا البعد عن قربك سرايا الوصل ميعادك

كتبت الحرف والمقصود لاشعشع مع الهوجاس
عليها ذكريات بتمرذكر الود وندادك

رساله شوق لاالمشتاق ماهب الهواء نسناس
وماهبت رياح الشوق تتسابق بامجادك

وذلحين كيف يمر البعد لي ماطابها الاحساس
كتبت اسمك على الجدران والتاريخ بميلادك

منقش في صخور اوتادها باالمسطره والماس
وانا اسمي مسمى في برامجها وتعدادك

....

[الحمدان]

‌‎لاتحسب الشوق في داخلي قل
ولا تحسب الروح تسلا بلياك

ولا تحسب الجوف من حبك مل
عيني فدا عينك وقلبي فداياك

...

[الحمدان]

‏كـل القصايد جعلها ‎فدوة لك
والشاهد الله ‎كلها يالغلا فيك

دأم ‎الحشا بيتك وصدري ‎محلك
قصايدي مثلي ‎تحبك وتغليك

...

[الحمدان]

دنىٰ الفجر وعيون المفارق على ماهي
سهيره وفيها من لظىٰ الشوق مافيها

ياعيني علام الحزن فيك غير متناهي
دخيلك دموع الحزن والقهر كُفيها

...

[الحمدان]

لا تراقب ما أقوله من بعيد
وانت في كل القصايد مقصدي

كان تبغىٰ مني اعطيك الجديد
إقترب مني ويا الدنيا اشـهـدي

إن حُـبك صار يجـري فـ الوريد
من فــؤادي لىٰ دماغي لىٰ يدي

وانك الحُب الحـقيقـي الوحـيد
وان جُرحك لا يزال فينـي نَدي

أيه احبك بس يا الحــظ العنيد
عاشقك ماهو سفيه ولا ردي

...

[الحمدان]

من عقب ما اعطيتك فؤادي بيدّي
واعطيتك اغلا ما لدىٰ احساس شاعر

لا زلت تحسب غلطتك بيتعدّي
غلطان والله ياعديم المشاعر

دامك تحديت كون قد التحدّي
ما عُدت محبوبي ولا انا بـ شاعر

...

[الحمدان]

في تمام الثانية فُقت بعد المنتصف
لم يعد للحب والعشق والإحساس مكان

المشاعر يشهد الله ماهي تنوصـف
وان حاولت اختصرها فـهـٰـذا اكبر جنان

كيف أوصف قلب عاشق تعرض للقصف
أعذروني يغني الصـمت عن بوح اللسان

...

[الحمدان]

‏ودي بشوفك كل مااصبحت وامسيت
ممســاك فـي قلبـي وصبحـك بعينـي

ان قلـت احط بداخـل العيـن لك بيـت
خـايـف يحـول الرمـش بينـك وبينـي

وان قلت احطـك داخـل القلب عييـت
صعبه علي اخفيك عن شـوف عيني

...

[الحمدان]

يامرتع الذود ماجِفّل ولا هِجّي
‏يطربلها مع هبوب الشرق وصباها

‏لجت ضلوع الخفوق وحبها لجّي
‏لجت على الشرق ودهوره ومضماها

...

[الحمدان]

يا روعة اللحظات بيني وبينه
‏غلاه متعدّي الزمن بالمسافات

‏حسه وضحڪاته وصوته وعينه
‏تسوى الحياه بكرها والملذات

...

[الحمدان]

ياكبر حبك في الضمير ومقامك
‏أبيع لجلك كل مخلوق واشريـك

‏أدمنت حبك والقوافي عشـانك
‏اصوغها من صافي الحب وأهديك

...

[الحمدان]

الشوق لك شدني يا اغلى مخاليقه
‏وقوافي الشعر تطرب لاتذكرتك

‏بيني وبينك غلاءصادق مواثيقه
‏على الشرف والوفى بالصدق خبرتك

...

[الحمدان]

بعاملك مثل ما أشوفك تعاملني
‏والشي لازاد عن حده قلب ضده

‏خل الغلا والتكبر عنك واسمعني
‏من طاح من محجر العينين مارده

...

[الحمدان]

رح مراح اللي من كبار الخطايا معفي
لا تقول اخاف نظرات العرب وألسنها

انت حبك والله انه مثل نقطة ضعفي
حاجةٍ مهما حصل ماني مسولف عنها

...

[الحمدان]

يامزونً عـلـى لندن كـثـيفه
ليت دربج على يمة وطناا

زين برقج من المنشا رفيفه
من يشاهدك بعيونه تـهنـى

لو خذيتي من الشوق النصيفه
ماقعدتي ثواني دون اهـلنا

...

[الحمدان]

مما قاله الشعراء في حُب الأجنبيّة :

ضيدان بن قضعان:
والهوى اللي يطرح الرجال في يدين أجنبيه
علةٍ بالجوف لا تبرى ولا يلقى دواها

مطلق بن شويه:
ما يجرح القلب العزيز ويظلمه
الا غرام الأجنبي للأجنبي

فلاح المورقي:
ما طاب جرح اللي هوى بنت الاجناب
لو حبته يظهر من الناس حجّير

[الحمدان]

اقلعت طيارة الحب واخلاها المطار
الكرامه قدمها والعزوم تسوقها

[الحمدان]

تجاوزتك ياجرح الكلمه اللي قالها مجروح
تجاوزتك ياكذب الكلمه وياصدق راعيها

مناضيح المواجع تتضح لك في شفيف البوح تبين الوجعه اللي في صميم القلب كانيها

وأنا بين الخطأ والصح ماقررت وين أروح أخاف وخوف الأنفس مايوصلها مشاهيها

أجامل لي عباد مالها في دنيتي مصلوح
أعرف وجيهها وأصواتها وأجهل مباديها

يقولون السحابه في مثانيها البروق تلوح
وأنا أقول السحابه تحمل الما في مثانيها

عساها تنهشم فوق الضلوع اللي تحتها فوح
تطفي نارها ولا تقضقض مابقى فيها

عروش خاويه ماعاد فيها للسعاده روح
سكنها الحزن وأطفى نورها وأمحل بأراضيها

سقى الله يوم كانت تكتفخ فيها حمامة دوح
ترفرف للزهور اللي منابتها مواطيها

تطير الفجر لا غازل نواظرها شعاع الضوح وترجع مع مغيب الشمس قلبي بين أياديها

تقاوم خوفها واليا تحشرج صوتها المملوح
أهدي روعها وأمسح يدي على ثناديها

سمحت من السنين اللي خذتها والخطأ مدموح
ألوم ظروفه ولا أرتجي فرحة لياليها

...

[الحمدان]

‏مابين شوق الوله وانفاس تغريدك
‏يطيب جو القصيد وينتعش جوه

‏على دروب الوصل تزهر مواعيدك
‏يامرحبا والغلا شبيت لك ضوه

...

[الحمدان]

يسأل عليك اللي من الناس يغليـك
يسـأل ويـرسـل ما يبـي غيــر ردك

سلام والخافق من الشـوق يطريـك
مشتـاق لـك ليت الرســاله تشــدك

...

[الحمدان]

‏على ابتساماتك وطاريك الرحيب
‏على مهل لا جيتني على مهل

‏احب وصلك وإن غدا وصلك صعيب
‏حنا نحب الصعب ونعيف السهل

...

[الحمدان]

‏اعتبرني ليا من ضاق صدرك مكان
‏فدوتك لو بكيت الليله بـ طولها

‏اعتبرني حضن لامن فقدت الحنان
‏خل سحب الهموم تصّب هملولها

‏اعتبرني ملاذ تحس قربه بـ امان
‏وايّ كلمة تخاف تقولها قولها

‏اعتبرني شعور وفاقده من زمان
‏وجا يلبّي ندا عينك ومرسولها

...

[الحمدان]

‏نامت اللهفه وصوت الليل هادي
‏السهر ماحقق لرمشي غرضنا

‏ننحرم من كل حاجه حيل عادي
‏بس ما نحرم بعضنا من بعضنا

...

[الحمدان]

حبيت لـي شـجاعٍ مايخيّـب ظـني
‏ابلجٍ لا من نصيتة قال انا من دونك

‏كل مـايلمح دمع عيني يقوم يغني
‏كل حاجه هينه الا دموع عيونك

...

[الحمدان]

‏كم زلةٍ من صاحبٍ طافت لو إنها ما تطوف
‏وكم هقوةٍ كبّرتها راحت مراح أسلافها

‏شفت الحقيقة يوم حطّيت النقط فوق الحروف
‏بعض الحقايق ودّك إنْ المنصدم ماشافها

‏لحدٍ يعاتبني ويا معاتبني إنْ عاتبت روف
‏مشاعر الجافين ما أحب أكسب استعطافها

...

[الحمدان]

أعاند النفس وأقنعها بما لا تريد
والنفس لا أقنعتها بالصدق زعلتها

طبيعة النفس عن منوالها ما تحيد
لو إني أقدر على التبديل بدلتها

يا راعي الصدة اللي ما سبقها وعيد
متخيل كل شيء وما تخيلتها

لاتحسب إن الرسايل عالقة فالبريد
أنا كتبت الرسايل بس ما أرسلتها

...

[الحمدان]

قالت متى تفضى ابي منك بيتين
قلت العصر لامن سجع نايح الورق

قالت بسيطه هذي الصوره الحين
فكّر بها واحرص عليها من السرق

الصوره اللي ي الربع كلها عين
وودي انزلها تصلي بكم شرق

...

[الحمدان]

رضا الناس ماهو بأية منزله
خل العقول الطائشة في طيشها

احيان تفكيرك يحل المشكله
واحيان حل المشكله تطنيشها

...

[الحمدان]

ضيدان بن قضعان قال :
الوصل ماهو ذنب والوصل بالذات
يحسب بشرع الحب مثل العباده

ومحمد بن فطيس قال :
تغانم الوصل لأن البعد لابدّه
ياتيك في يوم ثم ياخذك بـ أدراجه

وفي بيت يعلمكم مرارة الشعور :
الوصل دلة والرسايل فناجيل
والشُوق شايبً مبطي ماتقهوى

[الحمدان]

لاتساومني وانا أدري وانت تدري
إني اعاف الجفى لكن ما أخافه

خابر قدرك بصدري بس صدري
ما تعود يلحق المقفي حسافه

...

[الحمدان]

من صب لي من دلته ربع فنجال
صبيت له من خافق الروح دله
ٰ
ومن ساق لي بالطيب قول وافعال
اسوق له الروح والعمر كله

...

[الحمدان]

عن قلة الحيله يقول محمد بن مربيد :

تغانمت الطريق اللي يجي بيتك من الصوبين
احسب اني بشوفك واحسب ان الوقت يمديني

وانتهى بـ :
تركت الدار بيساري وأخذت اول طريق يمين
وأنا شهب العلوم تحدني والشوق حاديني

[الحمدان]

ما قل سفهاء قوم إلا ذلوا
مصعب بن الزبير

لولا مجننا كلتنا المجانين
وتطمع بنا الجهال لولا جهلنا

سعد بن جدلان

[الحمدان]

ماعاد عندي رغبه أتمسك بشي
أنا يا دوب أتمسك بـ صبري

مرتني أمور طوت خاطري طّي
وماسيّلت دمعي لو سال حبري

وماني بـ شاكي على الناس مافيّ
دام عند الله ضمادي وجبري

...

[الحمدان]

يسعد مسائك وانت تقرا ولا ترد
كن المساء لاحل يشبه غموضك

شالت ظروف الوقت من بيننا الود
وانا لازلت اشتاق واقول وينك

...

[الحمدان]

الإسراف في الحُب يقودنا إلى الفشل إلى الأنكسار إلى الوحدة
وأخيرًا إلى الكراهية

دسمان بن مناحي
من اسرف فالغلا لا بد له يومٍ من الايام
تدور ابه الدواير لين يسرف فالكراهيّه


و بندر الدويش
الاسراف في حبك لعب في حياتي دور
والاسراف حتى بالمشاعر مهو طيب

[الحمدان]

الغايب اللي تلّ قلبي من أقصاه
ما عاد آحس إن ذكرياته ملاذي

البارحة جاء من يذكّرني إيّاه
ليته تخيّر له طريقٍ محاذي

طرّا عليّ قصيدتي عقب فرقاه
اللي ما كان بـ رغبتي واتّخاذي

بدا يعدّ أبياتها قلت بـ الله
شف لك قصيدة ثانية غير هذي

...

[الحمدان]

ان بغيت اخلي اعصابي تلين
قمت اطالع وجهك وسماحته

وانتي الله يحفظك لاتستحين
خلي المشتاق ياخــذ راحته

...

[الحمدان]

للوطن عز ومهآبه واحترام
لو حكيت بموطني مهما حكيت

مايوصّف موطني شعر وكلام
يعجز التعبير عن وصف الوطن

دام عزك ياوطن

[الحمدان]

‏خلك على وضح النقا تكسب الناس
‏وان ما كسبت الناس راحتك مكسب

‏وكلٍ على جوه ويقدح من الراس
‏الناس كلٍ له طبيعه ومذهب

...

[الحمدان]

‏جيتك من أقصى الدروب وبكره مسافر
‏على مواويل يا دنيا من أنتي له

‏عطني من الوصل لو بروس الأظافر
‏إن شفتك اليوم ولاّ شفتك الليله

...

[الحمدان]

‏عن ضجيج الناس وأحداث اللّيال المستمرّه
‏ودّي أبعد عن مدى الأنظار لو إني لحالي

‏ما ورى كثر العلوم الدارجه غير التشرّه
‏يوم ترضي لك قريب ويوم يزعل منك غالي

...

[الحمدان]

‏حاربي كل الدروب المستحيلة
‏واجمعيني في ذراك وفي محلّك

‏سولفيلي يا حياتي كل ليلة
‏كل ليلة في حياتي فدوتنّلك

‏ليه مالي بالطويلة والطويلة
‏حقّها واجب من حقوق التملّك

...

[الحمدان]

‏قالو وطن قلت الوطن عالي الشان
‏بصدور شعبٍ باالولا مستديمه

‏قبلة بلاد العرب في شتى الأوطان
‏لمكه ودار اللي رضع من حليمه

‏والمجد والتاريخ والعز سلمان
‏ومحمد ولي العهدعزم وعزيمه

‏تسعين عام وفوقها الجهد مالان
‏عزم الملوك بعز تبقى حشيمه

دام عزك ياوطن

[الحمدان]

‏يا سيدي محتار من وين ابتدي
‏لكنني مشتاق والله العظيم

‏والشوق مهما جاد ماهو بأجودي
‏ما كنه الا الطيب من كف الغريم

...

[الحمدان]

‏لمع ضوّ القمر واثره عكس نور الضياء وطل
‏علي اجمل من اللي شفته بنوره ولا ادري كيف

‏اثر جفنه على رمشه جفير وسلّته لا سل
‏يذكرني بفتوحات وحكايا مالها توصيف

‏عجزت ألقى لمثلي حل من عنده لمثلي حل
‏ويفتي لي على النظرة فتاوي تقبل التحريف

‏انا ذاك الوحيد اللي عشق له في حياته ظل
‏وانا ذاك الوحيد اللي حلم بإنّه يعانق طيف

...

[الحمدان]

‏لاخير في الدّنيا لمن ضيّع الدين
‏لو حازها من برّها لابحرها

‏كم حازها قبله ملوك وسلاطين
‏واليوم رهن اعمالها في حفرها

‏عاشوا على ظهر البسيطة عزيزين
‏وتحوّلوا في بطنها عن ظهرها

‏ويوم الحساب ويوم نصب الموازين
‏كلٍ يحصد البذرة اللي بذرها

...

[الحمدان]

‏انت الوحيد المهم اللي بقربه تطيب
‏جروحي الواجده وهمومي الراهيه

‏قبلك يابعد الفرح مني وبعدك قريب
‏روحي معك بين مكتفيه ومتباهيه
‏
‏خطاك عندي قدا واعذارك اللي تجيب
‏احبها وادري انها كلها واهيه

‏اهم حاجه ما ياخذك الزمان وتغيب
‏وغيرك لو يروح جعل يروح في داهيه

...

[الحمدان]

‏يجهل الإنسان وظروف الحياة تعلم
‏والدروس موضحه لناس صوت وصوره

‏ والذكي يصبح لدورات الزمن متولم
‏ويتوقع دوم عكس الحاجة المذكوره

‏يمكن يمر الرفيق الغالي وما سلم
‏ وهو يدرأ خاطره ويقدره ويزوره

‏وينزع الله حكمة الدنيا من المتعلم
‏ويمتلكها الفاشل اللي يمسح السبوره

...

[الحمدان]

عرفتني من غير ميعاد صدفه
‏وكانت علي أجمل من ألفين ميعاد
‏
‏إسمع شُعوري كان تحتاج وصفه
‏ودي معك كل يوم عشناه ينعاد

...

[الحمدان]

‏لاتعاتبني على قل اتصالي
‏وانت تدري لو تبيني عند عينك

‏ولا تحاسبني على الغيبه لحالي
‏قبل تسال انت وينك انت وينك

...

[الحمدان]

‏متواضعة قلب رغم إني فخورة فَكر
‏ثرثارة العقل صمتي يلفت الانتباه

‏ما يستخيرون فيني يسجدون الشكر
‏لله على أنه وهبهم صُحبتي بالحياة

‏أطري على بالهم مثل القصيدة البكر
‏وأغيب غيبة مفارق ما يطالع وراه

...

[الحمدان]

‏امسيت في محادثتك اراقب مراسيلك
‏وأعد مثل الطفل من واحد لعشره

‏واسمع قديم الرسايل يوم اناديلك
‏سوالف بيننا ماهيب منتشره

‏سويت لك كل شي وش عاد اسويلك
‏قدرت احبك ولكن ماقدرت اشره

‏انكر غلاي ومعاريفي وحبي لك
‏لكن انا طالبك لاتنكر العشره

...

[الحمدان]

‏دخل عليّ الخاص يسأل عن الحـال
وينشد عن اخباري ويبغى التعـارف

قلت العفو قلبي عن الدرب ما مـال
والقلب عن بعض العلاقـات طـارف

مـا دار في راسـي ولاجـا على البـال
افتــح مغاليـق الصـدر وانت عـارف

لا تتعـب الاقــلام يـاطيـب الفــال
حتى لو استخدمت شمس المعارف

...

[الحمدان]

أنا اشوف الثواني كل ما مرّت معك تحلّو
‏يطيب العمر بمقابل سنا وجهك وضحكاته

‏وأنا اللي ودّي انطق قبل لاتمشي حبيبي توّ
‏احس الوقت تسبقني معاك احيان ساعاته

...

[الحمدان]

‏يااهل القلوب البيض والخاطر الطلق
‏صلّو صلاةٍ فضلها ما يخلّى

‏من سلّم وصلـى على سيّد الخلق
‏عليه رب الخلق سـلم وصلّى

اللهم صل وسلم وبارك على نبينا محمد

[الحمدان]

الثـــلاث اللــي توصــلك لـ نجاحك
‏طيب عــزم وطيب عرف وطيب نيه

‏ون حصل معهن قبل تنهض جناحك
‏طيب قـــول وطيب طبع وطيب جيه

‏أختصرت من الليــــال ومن كفاحك
‏أكثـــر من النصــف من هــذي وذيه

‏وإن كسبت المجــد لا تخسر فلاحك
‏بالتـعـــالي والتـــزري والـــخطيـــه

...

[الحمدان]

خل العتب واقفل مجال المشاريه
‏إن كان تبغى تشتــــري راحة البال

‏ما فيها أحـــد يستاهل إنك تداريه
‏إلا اثنيـــنٍ علقـــوا فيــك الامـــال

‏أبــــوك وامـــك حقهــم ما توفيه
‏والله لو إنك تبــذل الحــال والمال

‏ولا كــل من جــاراك لازم تجــاريه
‏عليك يلقـــون الريـــاجيل مدخال

...

[الحمدان]

‏المرجله بـيـن الـرجـال أخذ وعطاء
‏اسـمـع وخـل الـعـالـم المسـترجله

‏ماهوب عيب ليا اعتذرت من الخطأ
‏الـعـذر فـي بعض المواقـف مرجلـه

...

[الحمدان]

‏لاشفتني فـِ لحظتي ارسم الصمت
قرب وقلــي ويــن قلبك ووينــي

لاتنزعـــج حتى ولــو مــا تكلمت
إن ماسمعت الصــوت طالع بعين

...

[الحمدان]

‏النيه الطيّبه مــن طيب منبعها
‏وكلّن على قدر طيبه يسرج خيوله

‏مـثل القصيده يدلّـك طيب مطلعها
‏عنها وتبقى بكل لسان مقيوله

...

[الحمدان]

ياطير بلغ من علينا تغلا
صافي تحياتي وجل السلام

قله ترى من هو تغلا تخلا
لو هو فؤادي مبتلي في الغرام

ما انا من اللي قال عنهم تسلا
انا من اللي يصدقو في الكلام

...

[الحمدان]

لو فيك من الدنيا ما فيّك
قل الحمدلله ولله الخيره

مدام الله اللي بيعـافيّك
كف بث حــزنك لـ غيره

...

[الحمدان]

لبئ القصيد اللي مزاجـــــــي يــروقه
هرجٍ يفوق الشوق ساكن ب الاعماق

قلبن ضمئ هاجوس يـــروي عروقه
حلو الشعور متبـــادلن بين عشـــاق

واجمل حلايا ساكنة وسـط ذووقه
شم النسيم يفوح من بوح ينسـاق

هطلت مزونٍ في لوامــع بروقـــه
وسيولها بلحب لقليـبي اغــــراق

...

[الحمدان]

‏ياعزة النفسِ كوني في العلا قمرا
فالعيشُ دونكِ مثل الغصنِ إن مالا

ماقيمةُ المرءِ أن ضاعت كرامتهُ
فضلُ الكرامةِ يعلو الجاهَ والمالا

...

[الحمدان]

‏اكتب على كيفك ترى الناس تقراك
وان كنت طيب طاب مثلك كلامك

خذ هالنصيحه وخلها دوم وياك
كل ما احترمت الناس زاد احترامك

ذائقة

[الحمدان]

‏يارب حنّا عبادك يالعـظيم الحليم
‏نـوّر عـلينا الدروب و نوّر قـلوبنا

‏نطلبك عطفك ولطفك يالعزيز الكريم
‏هوّن علينا الـشدايد وإغفر ذنوبنا

يالله استرني بـ لطفك دام سترك ثوبي
‏واغفر لـ عبد ٍكساه الذنب واصفح عنّه

‏مذنب ولا جيت اقارن رحمتك بذنوبي
‏اذكر ان ذنبي عظيم وعفوك اعظم منّه

...

[الحمدان]

ياشيـن مس الشوق في كبد مشتاق
مثـل الجمر لاشـب من تحت دلـه

يبـطي به العاشـق من الشـوق مافاق
ويحط في كبده ثمانين عله

...

[الحمدان]

الله يسامحك والشرهه على قلبي
‏ليته قبل لا يحبّك شاور الخيره

‏عبدالرحمن بن جزا