فوق هام السحب ( الشعر الشعبي) على متن القوافي

[الحمدان]

مديت لك عمري على كف يمناك
وغيرك على رجوى هلا مد عمره

نزعت بيبان الثقل غاية رضاك
وشرّعت لك قلبي ويا طول صبره

ميّت شعور وفز قلبي لطرياك
وأعرف شعوري مايجي غير مرّه

....

[الحمدان]

‏اصبر على جور الليالي والايام
‏واطلب عظيم الشان في كل حزه

‏دنياك لاترميك في بحر الاوهام
‏في طاعة الله لك مهابه وعزه

....

[الحمدان]

على النقى والبياض وصافي النيِّه

‏نعامل الناس صادقها وحاقدها

بقلمي

[الحمدان]

قالوا تمنى قلت ياما تمنيت
الحظ ضدي والأماني كثيره

ياما كتبت من القصايد وغنيت
الحظ عاثر والخواطر كسيره

....

[الحمدان]

‏يابحر انا بنشدك كم ضايقن جاك
وكم شاعرن حولك يخط القوافي

تعرف خوافي ناس ماتعرف خفاك
تبلع هموم الناس ماقلت كافي

....

[الحمدان]

‏عندي أمل أن اللقى ماهو بعيد
‏رغم الجفا رغم المصايب والزعل

‏عندي أمل أنك بترجع من جديد
‏وأشوف قلبك ليه عن قلبي رحل

‏عندي أمل أني بسولف لك قصيد
‏وأشبع أسماعك قصايد من غزل

‏عندي أمل لكنّ خوفي لو يزيد
‏هذا الغياب ويقتل أحلام الامل

....

[الحمدان]

‏والله لو تدري بقلبي كم اغليك
‏ان تحلف ان دم الشرايين دمك

‏تصدق اني وين ما اروح الاقيك
‏طيفك عطر من وين ما اروح اشمك

....

[الحمدان]

‏ياليل لاتقسا على قلب مشتاق
‏يكفيه من جور المعاناه مافيه
‏
‏دقايقك تمضي تلاهيف واشواق
‏والنّوم محروم المحبّين جافيه
‏
‏ياما احتوى صمتك تفاصيل عشّاق
‏وكم باح لك فاقد بمكنون خافيه
‏
‏من زود ثقلك هقوتي صعب تنطاق
‏بعض البشر ياليل مافيه كافيه

....

[الحمدان]

‏فتنة المفتون في آخر زمانه
‏العيون وساع والمبسم يغرّك

‏ليّنٍ من لِين عود الخيزرانه
‏كل ماهب الهوا الهادي تحرّك

....

[الحمدان]

‏مؤمن بالقدر والصبر أتخاذي
‏مَابعد ضيق الصدور إلا سعتها

‏ويش يحزن خاطري والأرض هذي
‏كل حيٍ فوقها يرجع تحتها

....

[الحمدان]

‏خلك مع الوافين تضحك لياليك
‏
وأهل الردى والمصلحه لاتجيهم

بقلمي

[الحمدان]

عضت شفايفها وأنا جاني الموت
تغمز بعينٍ وزادت الطين بلّه

كن الثنايا ثلج وتعض في توت
ومن خدها تقطف من الورد سله

ومعلقه في نحرها عقد ياقوت
ومن البياض العقد ضيع محله

عنقا طويلة راعية خصر منحوت
البطن ضامر والفواكة مطله

اذا أقبلت هيبة لها تقطع الصوت
واذا أدبرت من ردفها جاك عله

....

[الحمدان]

‏الا ياغزال في عيونك سهوم الموت
وفي مبسمك جنة وفي شوفتك راحه

ياحلو المعنق والسوالف وحلو الصوت
زما صدرك الي لالبستي عليه الكوت

تضايق من الملبوس خوخه وتفاحه
على خصرك يقيس عقاله ومسباحه

شموخ ودلال وقدرك اغلى من الياقوت
وفيك الجمال اليوسفي يلبس وشاحه

....

[الحمدان]

‏لابد من عقب المصاعب تياسير
‏والآدمي يصبر وصبره عبادة

‏نتعب ونقطع بالركادة مشاوير
‏وسعي الطفاقه غير سعي الركادة

‏ظروفنا صعبة وتبغى مناعير
‏معها على سود الليالي جلادة

‏بكره يبين الصبح ويغرد الطير
‏وامشي مع العالم واوزع سعادة

....

[الحمدان]

‏أصد عن بعض الخطا والتفاهات
‏اللي تضيع وقت من خاض فيها

‏ودك ترتب قائمه للعلاقات
‏ناسٍ تبيها وناس تسحب عليها

بقلمي

[الحمدان]

الزله إن جتني وهي مالها روح
دخلتها في فن حسن التعامل

أسكت وأمشيها تحت بند مسموح
وتلقى لها في وسط صدري معامل

معمل يبرمجها سواليف ومزوح
ومعمل يزينها بنفسي وأجامل

معمل عتب ياخذ له شوي ويروح
ولا بعد دخلتها سوى عفو شامل

....

[الحمدان]

نصيحة محب....

في بعض التجاهل اهتمام
في بعض الصمت كلام
في بعض التسامح ذكاء
وفي بعض الكلام دواء

بقلمي

[الحمدان]

‏طرف الليل حتى ساد صمت المدينه
وانتهت جلسة السّمار والجو هادي

لو نسيم الهواء لاهب هب بسكينه
في ضلوعي من الفرقى مناديٍ ينادي

غربة الفقد للي قام يفرك يدينه
غربة اللي قضى عمره بسجن انفرادي

ياعذابي من اللي حال بيني وبينه
التقاليد وسلوم العرب والمبادي

حط راحة يميني فوق راحة يمينه
خايف من الفراق وخايف من التمادي

غاب قدام لايخسر رضى والدينه
واكتست صورة الايام لون الرمادي

عاده أغلا من كنوز الذهب فالخزينه
وعاده أجمل غرام وعاده افضل عيادي

في ظلام الدجى كن القمر في جبينه
آية الحسن أهل المدن والبوادي

وكن عكش الرموش ان سلهم العذب عينه
صفة القوم لاسلو سلال الهنادي

في نحاهم يطيح الشيخ طيحة غبينه
أن وخذ من مراحه مقرعات التوادي

من غيابه وروحي معه مثل الرهينه
تهت بين الدروب وهمت كل وادي

مالقيت الجواب المقنع ان قلت وينه
ولا لقيت الكلام اللي يريح فوادي


....

[الحمدان]

يارقيق الطبع يا الذوق الفريد
ليت تعرف داخلي معنى غلاك

انت عشق وانت حب وانت عيد
وانت نور الكون وانواره معاك

كل لحظه يا الغلا حبك يزيد
وكل يوم اعشقك لاخر مداك

ايه احبك واعشقك واعشق وازيد
وانتثر واموت في روعة هواك

....

[الحمدان]

ياماخذه وصف الغزال بجمالك
روفي بقلب ممتلي حب واشواق

اهيم بك والروح ودها وصالك
وانت القريب ولاكن الصد حراق

وان كانها عالحب فأنا حلالك
خل المحبه كلها ضم واعـناق

في وصفك النادر وحتى خصالك
ضاع القصيد وضاع تعبير الاوراق

في خدك الايمن عذاب وتهالك
والخد الايسر فيه من نور الاشراق

شوفك مزن ياليت قلبك حكا لك
لانه دليل لكل هايم وعشاق

تبي الصراحه كان شي طرالك
انت الوحيد اللي له القلب خفاق

....

[الحمدان]

الله يزيل الضيق عن شاكي الضيق
ويعوض الضايق سرور وسعادة

ويحقق الأحلام للناس تحقيق
ويزوّد الصابر صمود وجلاده

بقلمي

[الحمدان]

من يقول انساك في يوم وتهون
من يقول انساك ياعمري كذب

في حياتي غير حبك مايكون
مسكنك مابـن جفني والهدب

لو يطول البعد قلبي مايخون
ينتظر لقياك واشواقي لهب

....

[الحمدان]

‏انا معك مثل النبض في وريدك
وانت معي مثل ائتلافي للانفاس

حسي بايدك ملمس النبض بايدك
يسار صدرك بالنبض دوم حساس

هذا انا في مسكني ما ازيدك
غير اشتياقي وغيرتي دون مقياس

....

[الحمدان]

‏وشلون اخفف لهفتي واشتياقي
والشوق ياخذني معك وين ماروح


قربك حياة الروح عكس الفراقي
اقسى من ايا روح لافارقـت روح

....

[الحمدان]

‏الشعر كان الطريق وكان وصلك هدف
وانا رفيق الشعر وأسلوبه وما يحتوي

أنت اجمل الناس بعيوني وخير الصدف
وانا لك العاشق المتألق الفوضوي

....

[الحمدان]

لاتستثير الشوق باحساس مغليك
وانت بعيد وشوفتك مستحيله

حبك كبير وصادق الود يدعيك
واحساس خلك مايضيع دليله

اطلب تدلل وش تبي قول واعطيك
ولعيونك اسري بالدروب الطويله

....

[الحمدان]

‏يا زارعا حُبّ النبيّ بقلبه
‏أسقيت زرعك بالصلاة عليه

‏هذا محمدُ ما تشوّق عاشق
‏أحدا كشوق العاشقين إليه

‏يا ربّ صلّ على النّبيّ مُحمّد
‏ما أشرقت شمس وطار حمامُ

‏ياربّ صلّ على النّبيّ مُحمّد
‏ما اشتاق أن يحيا بطيبة مسلم


اللهم صل وسلم وبارك على نبينا محمد

بقلمي

[الحمدان]

‏يسعد مساء الترفه المزيونه
تاج الغرام أم العيون النجلا

ويسعد جمال اللحظه المجنونه
وإشعالها بين القلوب الخجلا

[الحمدان]

‏كل الحياه بحسك الغالي تزين
من عقلك الراقي لاخر جنونك

أنا الوحيد اللي يعيش بمسائين
وقت المساء ووقت شوفة عيونك

....

[الحمدان]

‏واحد من الناس يكفيني وراضيبه
ماريد غيره ابيه اموت واحيابه

يامر وينهى ولبي له مطاليبه
تفداه روحي وقلبن تله انهابه

الزين والذوق هي جملة عذاريبه
وحلو النبا مع دلولن حيل جذابه

....

[الحمدان]

‏مملكة سحر الطبيعه والجمال
في عيوني انتي اجمل مملكه

تحتويني فا الغنج يام الدلال
وفالحنان اللي بداخلك املكه

....

[الحمدان]

حط عينك بعيني بس حتى دقيقة
بي تشوف ان حبك غير كل الخلايق

حط يدك بيدي واجل همي وضيقة
لمسة اليد منك تجعل البال رايق

لمني واحتويني شوف جراحي عميقة
ضمني وسط حضنك بس حتى دقايق

حط راسي بصدرك واكتشف للحقيقة
واكتشف ان حبك غير كل الحقايق

بيدك امسح براسي بس مسحة رقيقة
للتعب يمكن انسى ذا لقلبي مضايق

اعتقد كل هذا بي يطفي حريقة
واحدة لن حبك شب فيني حرايق

....

[الحمدان]

‏سلام ياملح الحبايب والأقراب
يامزين الدنيا وزايد حلاها

مثلك يهد الحيل فرقاه لا غاب
أما حضوره للضوايق شفاها

[الحمدان]

لبى الحياه اللي غرامك نمطها
أمشي على سطر الغلا وأكتبك حرف

وأغمض عيوني وأشوفك وسطها
آناظرك وأغض عن غيرك الطرف

....

[الحمدان]

‏سبحان من ريّض أشواقي على همسه
لين آخر الليل صار بساعتي بدري

سوالفه من حرير وضحكته ونسه
رقراق نهرٍ على طول السنه يجري

اللي تبي صبّحه بالخير او مسّه
هو كل الأوقات بس الناس ماتدري

....

[الحمدان]

شل قلبي معك يازين ارجوك شله
شل قلبي ونا بحط اسمك محله

وان قدك في حضور الزين ياقلب قله
صاحبي قال لي انك دوا كل عله

....

[الحمدان]

‏كفي بكفك للغلا تنقل احساس
وعيونك الخرسه تحاور عيوني

روحي وروحك والمشاعر والانفاس
صارت جسد واحد بكونك وكوني

....

[الحمدان]

‏ياكبر قدرك بعيني ولكن ماتشوف
الغلا اللي لك تجدد وفي قلبي ربا

الطواري كل يومٍ تجيبك والطيوف
والمشاعر في غيابك مراضى واتعبا

لو تاخذك الليالي وتاخذك الظروف
مانسيتك شاء من شا ويأبا من أبا

ولو مايبقى من الوصل شي الا الصدوف
مرحبا بالصدفه اللي تجيبك مرحبا

....

[الحمدان]

‏كل الحياه بحسك الغالي تزين
من عقلك الراقي لاخر جنونك


أنا الوحيد اللي يعيش بمسائين
وقت المساء ووقت شوفة عيونك

....

[الحمدان]

‏واحد من الناس يكفيني وراضي به
ماريد غيره ابيه اموت واحيابه

يامر وينهى ولبي له مطاليبه
تفداه روحي وقلبن تله انهابه

الزين والذوق هي جملة عذاريبه
وحلو النبا مع دلولن حيل جذابه

....

[الحمدان]

‏مملكة سحر الطبيعه والجمال
في عيوني انتي اجمل مملكه

تحتويني فا الغنج يام الدلال
وفالحنان اللي بداخلك املكه

....

[الحمدان]

‏دلة أهل المفارق كل ساعة تفوح
بين جمرة عذول وبين كلمة خوي

كل حاجة مع الأيام يمكن تروح
غير حبٍ تربع في ضلوع ابدوي

....

[الحمدان]

‏ماعاد خلّيت للأشواق صوبك مرور
ماتدري إن الحبايب يُخلقون أبرياء

عاملتني بإصطناع الكبرياء والغرور
وأنا لسان الغرور وسيّد الكبرياء

....

[الحمدان]

ياللي تبي الطيب ومعانق الطيب
ثلاث سجلها وطبق سندها

كرامه الجيران ونطح المواجيب
ويمناك للمحتاج ابذل جهدها

....

[الحمدان]

الوقت وصدوف الليال السريعه
‏مصيرها تكشف قناع المقنّع

‏وتبين اللي طيب راسه طبيعه
‏وتبين اللي طيب راسه تصنّع

....

[الحمدان]

‏إن غبت يبقى الشوق جالـس محلك
‏وإن جيت حل الحب في موقع الشوق


‏غلاك عندي فوق ولا أحدٍ وصلك
‏ولك منزل في القلب ماجاه مخلوق

....

[الحمدان]

‏وش عليك إن طوّل البعد يالغصن المريف
‏السنين تخلّي الناس تترك شفّها

‏يوم تِفرحك السحابة ويجرحك الخريف
‏كل دمعة تعتذر لي عشان أكفّها

‏ولا أنا قد ضاع وقتي على الضلع المنيف
‏للهنوف اللي عباة القصيد تضفّها

‏جادلٍ لا شاقها البرق وأغراها الرفيف
‏السماء تقرأ عليها والأرض تزفّها

‏إن تهادت يفهق الليل برّاق القنيف
‏وإن مشت تمشي على الريح يوم تدفّها

‏وش يعذرني من الشعر فالقدّ الرهيف
‏كل مافلّت شعرها وحنّت كفّها


....

[الحمدان]

‏صباحك نور لاقلنا صباح النور
‏صباح الورد لاشق السما نوره

‏على خد الحلا ينثر غلاك زهور
‏ويحفظ في عيون الشوق لك صورة

....

[الحمدان]

‏يالله بصبحٍ يجتمع فيه ثنتين
‏سترك وعفوك ياكريم العطايا

‏ونك تثبتنا على منهج الدين
‏والرابعه تمحو جميع الخطايا

....

[الحمدان]

أمك نجاتك كان تبغى نجاتك
‏وفرصة نجاتك بالحياه أغتنمها

‏أرخص لها مالك وكرّس حياتك
‏وأحرص على رغباتها وأحترمها

‏دعواتها خير ورضاها غناتك
‏والجنه الجنه مواطي قدمها

....

[الحمدان]

ترى الجمايل خساير في بطون الرخوم
‏تتعب وبس التعب ياخوك ماله خلف

‏بعض البشر تفرح انك في لزومه تقوم
‏وبعض الاوادم خساره فيه ربطة علف

....

[الحمدان]

‏لاتعلق حياتك بين هذا وذاك
‏من يروّح فمان الله ومن جاء هلا

‏يارفيقي ترى الدنيا ماتسوى عناك
‏رحلة العمر محفوفة بمر وحلا

‏بين يربى بعزك واحسن الله عزاك
‏اختصار الحكاية كلها من إلى

....

[الحمدان]

‏ما أَلتفت للماضي اشوف قدام
‏شعوري فالدنيا شعور المسيّر

‏كبرت حتى فـ اختياري للاحلام
‏لو ان عمري في حياتي صغيّر

‏وظروفي ان مرت علي بعض الايام
‏قبل اتعلم منها ماتطيّر

‏في عام احبك وافترق عنكْ في عام
‏في عام واحد كم شعور يتغيّر

....

[الحمدان]

‏طوّلت وش صار منت بعاده اتطول
‏نطرتك وماقدرت ابقى وانا ناطر
‏ㅤ
‏ماعاد انا الاولي يالصاحب الاول
‏ادنات مايجرح وما يكسر الخاطر

....

[الحمدان]

‏خذيت من مر الزمن ماكفاني
‏وعطيت غيري كثر ماكنت محتاج
‏
‏بغيت لي حاجه وحظي عصاني
‏من عقبها صديت منعاً للإحراج

....

[الحمدان]

انا ورثت الشعر من جدي وابوي
شعر وفروسية وشيوخ ومطانيخ

ابني بيوت الشعر واتعزوى باخوي
والبيت بيت الشيخ ومورث لشيخ

....

[الحمدان]

انا ما دخلت تويتر انظم غزل واعجاب
وادور على عشاق مابين زيد وعمر

انا بنت شيخٍ واحسب لخطوتي حساب
وادور على الطالة واجدد سمو الفكر

....

[الحمدان]

يسعد صباح احبابنا وين ماكان
‏اللي علينا من غلاهم يمونون

‏الله يجنبهم صواديف الازمان
‏ويستر عليهم وين ماكان يمشون

بقلمي

[الحمدان]

خل اتكالك على اللي يعلم الخافي
‏خذ مابدا لك وخل اللي يخبونه

‏اليوم حتى الكريم الصادق الوافي
‏لابد في المجتمع ناس ٍ يسبونه

‏ماترضي الناس لو إنك عسل صافي
‏حتى العسل فيه ناس ٍ مايحبونه

....

[الحمدان]

هذي هي الدنيا حظوظ وتوافيق
‏اما وطـاك الحظ والا وطيته

‏تعيش في غيبوبة الوقت وتفيق
‏شي تذكرته وشي نسيته

‏بس الوكاد انه بعد نشفت الريق
‏مالك سوا بنيانك اللي بنيته

‏السد خله دايما فالصناديق
‏منشان ماتصدم بشي هقيته

‏والطيب فعل وله دروب وطواريق
‏وسوه لوجه الله لامن نويته

....

[الحمدان]

غفلت عن عمري وسايرت الأيام
‏والعمر مثل العصر والعصر فوات

‏وكسبت من كثر الاماني والأحلام
‏حلمٍ تعلق لاتحقق ولا مات

....

[الحمدان]

‏انا ياجماهير الفرزدق وابو تمّام
‏لو اني ملكت الساحة بصكها الشرعي

‏اشوف القصيد الباهت اللي بدون إلهام
‏من المستحيل يجوّز البنت فالقرعي

‏لاشفت المواتر تزدحم فالطريق العام
‏تعديتها وانا معَ الشارع الفرعي

‏يحارب لي الحظ القوي من 3 اعوام
‏وانا مابعد شليت سيفي ولا درعي

‏ابو زيد عنده خطةٍ تذبح العلّام
‏ماعلم بها بنت الزناتي ولا مرعي

....

[الحمدان]

‏المساء لـ اللي هدبها سَرق كحل الظلام
‏كنّها على مداهيل صدري حالفة

‏عينها تِغني عن الهمس وحروف الكلام
‏كل مارمّد ضياء الليل تشعل سالفة

....

[الحمدان]

‏احيان اناوش بالطموح الغيمه
‏واحيان ماشوف لطموحي قيمه

‏عندك مثال الحين جلّ احلامي
‏ابريق شاهي خادر وتلقيمه

....

[الحمدان]

ادري انه محد يدري وش اللي جاني
غير ما باليد حيله وش تبون اسوي

حالفين باالله لاغني جميع الحاني
لين يبرا خافقٍ فيه الحزن متلوي

....

[الحمدان]

‏متصنع الطيب لايمكن يجي طيب
‏يتعب من الطيب ويعود على طبعه

‏دايم ضعيف الروابع شبحه قريب
‏حتى رداه ان تردا في حدا ربعه

....

[الحمدان]

عن المجامل وكسب الناس ورضاها
‏رضا ضميري على نفسي بيغنيني

‏انا لدنياي والعالم لدنياها
‏ويا جعل يفداني اللي مايدانيني

‏اياميَ الباقيه قررتَ ابحياها
‏على حسب مايلائمني ويرضيني

‏العمر يسلب من الدنيا مزاياها
‏ورغباتي تقل كل مازادت سنيني

‏أشياء ياكثرها كنت أتمناها
‏الحين ماعاد تسوى شيء في عيني

....

[الحمدان]

‏يطق الزمان وكل طقة لها منحاه
‏ولاهو صحيح إن كل طقة بتعليمه

‏ياكم واحدٍ طقه زمانه ولا صحّاه
‏ولاهوب قادر يفهم أبسط مفاهيمه

....

[الحمدان]

جهز دلالك وشب النار عقب الصلاة
‏واستشعر الصبح لاتهمل ولا ثانية

‏واجمع عليك الرجال اللي ماعنهم غناة
‏واخوانك اللي عليك قلوبهم حانية

‏والا تقهويت دور مرزقك في الحياة
‏على شان باكر تقهوى مرة ثانية

....

[الحمدان]

‏الحب مليون نوع وكل نوع ِيصيد
‏يصيد وجه الرضي ويصيد وجهَ ودر

‏واغلاه لك يامخليني قريب وبعيد
‏لين امتلى دفتر الايام عجز وصدر

‏يالغالي الي جرى حبك بمجرى الوريد
‏امنعني من الردى ومن الجفا والغدر

‏خلك معي كل يوم نحب حب ٍ جديد
‏تراك لو غبت لحظه ضاع عمري هدر

....

[الحمدان]

المساء وعيونك حكايات عشاق
لاسلهمت لي ضعت كلي من الشوق

انت مسائك يشتعل كله اشواق
وانا مسائي فيك يمنحني الذوق

....

[الحمدان]

كل ماطاحت سدول الليل قلت الله يعينك
‏مكتسيك الهم ياوجهٍ بكا زهرة شبابه

‏فاقدك من بسمة شفاهك ليا مطلع جبينك
‏مثل فقدي لـ الشعور وللقصيد و لـ الرحابه

....

[الحمدان]

‏مابي يروح العمر وتروح وياه
‏انا ابي دايم اشوفك ملاذي

‏تخيل أصبح على وجهك ؟ الله
‏ماراح أدور أمنية غير هذي

....

[الحمدان]

مايستميل القلوب إلا الكلام الرقيق
‏ولاتفيض العيون إلا من أشواقها

‏يجذبني العمق وأحتاج الجمال العميق
‏وأخشى من أحضان مايفهمني عناقها

....

[الحمدان]

‏اذا شاب الغياب وشحّوا المقفين
‏انا اعرف الليالي طبعها جاحد

‏من اول كنت ادوّر عن لقى والحين
‏اشوفك ما اشوفك كلها واحد

[الحمدان]

على كثر ما أشوف ان يدينك تشح دواي
‏أجيك الحزين اللي من الهجر مستدرك
‏
‏ومع إنِّ الزمن في كل ليله يجيب أقصِاي
‏لكنّي ما اعرف اهين قدري ولا قدرك
‏
‏لو تغيب يكفي شوف طيفك على يمناي
‏ترى لِك بصدري شيء ماهوب في صدرك

....

[الحمدان]

‏معي منك جرح وسم بالله عليه وداو
‏اداريك واحنك من اثمه ومشروهه

‏عط الراي قلبك شف هوى القلب وين وهاو
‏ترى السعي في غير المشاهي هو التوهه

....

[الحمدان]

‏فرط الثقه باحبابك تخلّيك عايش في وهم
‏يجرحك جرح ٍ مايجي عقبه صبر ومكابره

‏أحب اروح بصمت لا اجادل ولا ابادل تُهَم
‏اذا إنجرحت أقفّل الموضوع واقطع دابره

‏اواصل مواصل وفي وافارق مفارَق شهم
‏أموت ما اذكر ذنب محبوبي لو إني خابره

....

[الحمدان]

‏الشـوق ما يهدأ علـى غيـــر مشتاق
ياللـي غـــلاك بداخـل القلـب باقي

يا طيــر ياللـي بالجناحـــين خفاق
بلـــغ سلامـي والوفـــاء واشتياقي

للي خذا مابــين جوفـي والأعماق
واللي ملك كـل الشعــور العماقي

قله رفيقـك مـات مابـين الأشواق
بين البعـــاد وبين جمـــر الفراقي

اميرة الورد

[الحمدان]

يفداكٍ قلبــي والغــلا والشرايين
ويفــداكٍ روحــي والمــحبه تلـيها

ضميتك بقلبــي وسكنتكٍ الــعين
ومن دون شوفتكٍ دنيتي ما ابيها

....

[الحمدان]

لبئ القصيد اللي مزاجي يروقه
هرجٍ يفوق الشوق ساكن ب الاعماق

قلبن ضمئ هاجوس يروي عروقه
حلو الشعور متبادلن بين عشاق

واجمل حلايا ساكنة وسط ذووقه
شم النسيم يفوح من بوح ينساق

هطلت مزونٍ في لوامع بروقه
وسيولها بالحب لقليبي اغراق

أميرة الورد

[الحمدان]

‏حي الله اللي عليه الكبد محتره
اللي ذبحني غلاه يابشر بدري

تلعب على القلب والشريان وتفره
والعقل سلم له بالغصب مايدري


....

[الحمدان]

في عيونك هاجس أحلامي كبير
ما ينازعها منازع في غلاك

ودها تكـتب عن السر الخطير
بالرموش السود مايفضح عناك

....

[الحمدان]

مثل المطر ياصافي الروح ذكراك
‎تغسل هموم النفس وتروي ظماها

ِ‎سألت ربي ياأبيض القلب يرعاك
‎ويعطي العيون الي تظرك عماها

ِ‎عسى السعاده دايم الدوم وياك
‎عسى الفرح يأتيك من سابع سماها

....

[الحمدان]

أكتب شعوري وسط شعري لو تبي
وارسم خيالك وسط قيفان الشعر

أنت الهوى والشوق وغاية مطلبي
أنت الحياة أنت العمر أنت العطر

....

[الحمدان]

رساله لي ولك....

لاترضوا أن تعيشوا في الهامش
هامِش الوقت
هامِش الإهتمام
وخاصة هامِش المشاعر
حينَ يُرمى لكم بفُتات المشاعر
لتقتاتوا عليها لا لتُقيموا صلبكم
بل لتمنعكم من الموت شوقاً
كونوا في الصفوف الأولى
وخذوا المبادرة
وإلا فانسحبوا برؤوس مرفوعه
لم نُخلَق لِنعيش نصف حياة
ولا لِنَكُن في هامشِ أحد
جِئنا ملوكاً أعِزاء بأنفُسِنا لا بِأَحد

بقلمي

[الحمدان]

‏من عقب ماكانت الأيام تجمعنا
ماكنت متصور أنك تبتعد عني

شكراً على كل حاجه مالها معنى
وآسف على الأهتمام اللي بدر مني

....

[الحمدان]

‏الحب شيء في الفؤاد له ألَق
الحب زهرٌ في المشاعرِ أو أرق

ماقيمةُ الحب وقيمةُ أهلهِ
إن كنّا نحكيه خفاءً للورق

فالحب في صوت الدعاء أمانةٌ
وصلٌ برغمِ مكاننا حين افترَق

والحب إن غاب اللقاءُ لقاؤنا
ذكرٌ وفيّ للفؤاد إذا طرق

الحبّ أن تأتي بحينِ إجابةٍ
فأراكَ في الدعواتِ أوّل من سبق

....

[الحمدان]

ياقلبي أدري فيك طاهر وحساس
لاباس وإن كانت جروحك كثيره

حزنك وضيقتك وانعزالك عن الناس
صدقني انها بعض الأحيان خيره

....

[الحمدان]

اللي يحبك تحـس بحبّه وحرصه
يخـاف يجرح شعـورك لأنه يحبك

لمواصلك يستميت ويصنع الفرصه
مايعترف بالسعاده غير في قربك

....

[الحمدان]

العز هيبة والشرف يرفع الراس
والكذب سلعة مالها أي قيمة

والبيت مايبنى على غير مقياس
لابد توضع له قواعد سليمة

خذلك من الدنيا تجارب مع الناس
واسلك دروب أهل العقول الحكيمة

واعلم بأن الناس آلاف الاجناس
والعيب يجلب لك عواقب وخيمة

....

[الحمدان]

حي المسا اللي يساوي ملايين
ومن دونكم مالقى المساء لونه

يسعد مساكم يامساء المحبين
أنا اشهد أن الغلا تستاهلونه

إليكم مع التحية....

[الحمدان]

"ماودي افتح مع العالم ملفاتي
ولاني من اللي يدوّر عندهم خِلـّه

أنا على نيتي وامشي بنيّـاتي
ولاني بمجبور اجيب اللغز مع حله

خليت لفظ المحبّه من حساباتي
إلا محبة لمن حبه لوجه الله

ماهمني ساعة الفرقى متى بتاتي
ما دام عندي قناعة تبري العله

....

[الحمدان]

‏ياروعة المساء فـي طلة مساكم
يانفحة الورد والأشواق نسقيها

أجمل ورود المساء في كاس لقياكم
أبيات شعر توصف لكم معانيها

....

[الحمدان]

صوتك يرد الروح ويثير الاحساس
ومع كل نبره منه يزداد شوقي

اليا اختلط مع بحته حر الانفاس
كنه يضخ العافيه في عروقي

....

[الحمدان]

‏مسائي لكم من اعماق قلبي مشروح
‏ياللي غلاكم بداخل القلب ماراح
‏
‏ناس تجي وتروح ماهزت الـروح
‏وانتم غلاكم ثابت وسط الأرواح

....

[الحمدان]

‏ياحي طبع اللي يصون الصداقه
حتى لو انّه ما تعنّى وسيَّر

يحفظ أصول المعرفه والعلاقه
ويبقى على طول الدّهر ماتغيّر

....

[الحمدان]

‏جيتني صدفة وحبيتك كثير
والصّدف مافيه أحد يختارها

والله انك عن عباد الله غير
ويش معنى الليل دون انوارها

....

[الحمدان]

في كل يوم القلب يهوى مزه
ماعد دريت القلب وينو رايح

الله يهديه وان ماشي بزه
اهوين هذا القلب طايح طايح

....

[الحمدان]

مايهز المشاعر غير شخـصً وحيد
يتبع القلب طيفه في صحاري الظما

المحبه قديمه وانت بعدك جديد
ياقديم المحبه لك عيوني حما

....

[الحمدان]

‏قلبـي معــك عنـدك وضعته امانه
حاول تشـوف اخبار قلبـي ومافيه

لاتسألونـي يا الغـــلا عــــن مكانه
مكان قلبـي فــي ضلوعك مخبيه

مابه لزوم اعطــي لحبـك ضمانه
ضمانتك حبك وعشقك سكن فيه

حافظ عليه من الزمـن وامتحانه
أمنتك الله احفظ القلب واحميه

....

[الحمدان]

‏أعطرك من فيض شعري واغنيك
وانسى مع شوفتك باقي همومي

وامد لك فنجال عشقي واخليك
تصرخ بعال الصوت ضاعت علومي

....

[الحمدان]

في هالزمن ياصاحبي عيش دنياك
لا لاتحاول تفهم اللي حواليك

تكشف لك الأيام من كان يهواك
ومن هو يمثل دور انسان يغليك

وناس ليا شافوا الزعل في محياك
تسابقوا من فيهم اللي بيرضيك

صعبه تلاقي فالبشر بعد فرقاك
من يذكرك بالخير لاحل طاريك

....

[الحمدان]

بعلمك وش داخل الصدر واهديك
بيت على بحر الأحاسيس موزون

يومي ليا منه إبتدا وانتهى فيك
إي والله اني اسعد إنسانه بالكون

....

[الحمدان]

‏ناداك قلبي من ورا ذيك الاضلاع
واعطاك من وجد الضمائر وفاها

والروح والاحسااس لبوك خشاع
يامعتلي عرش الخفوق وسماها

يامنشغل عني ترى الفكر ماطاع
يمحو خفايا الذاكره في رجاها

....

[الحمدان]

لاصار طب البرد ضم الحبايب
‏الله يعين اللي حبيبه مجافيه
‏
‏واللي حبيبه دوم مبعد وغايب
‏ما أظن حتى النار ممكن تدفيه

....

[الحمدان]

‏سبحان من ريّض أشواقي على همسه
لين آخر الليل صار بساعتي بدري

سوالفه من حرير وضحكته ونسه
رقراق نهرٍ على طول السنه يجري

اللي تبي صبّحه بالخير او مسّه
هو كل الأوقات بس الناس ماتدري

....

[الحمدان]

‏على النقا نبقى ولو عاقنا عوق
‏ويبقى الوفا منّا وفينا وإلينا

‏ووجيهنا بيضا وهاماتنا فوق
‏وإن ضاقت الدنيا ماضاقت علينا

....

[الحمدان]

‏يامرحبا باللي يدور حضوري
يامرحبا مليار من داخل الروح

ناسن تواجدهم يداوي كسوري
بلسم مداوي كل ضايق ومجروح

غاليين في قلبي وغايه سروري
شمعه حياتي قربهم راحه الروح

ملزوم انا في قربهم شي ضروري
اصبح تواجدهم بالاعماق مطروح

اليكم مع التحية

[الحمدان]

محبتي لك نقاها مثل بيض القلوب
‏ماهي محبّة أبي سنابك وصوّر والو

‏وبكرا لاطال الطريق وظلّمن الدروب
‏تدري بان المحبه وأهلها ماخلو

....

[الحمدان]

ياراسي العالي اللي تعشق العالي
لاتلتفت فالوجيه وفي محاسنها

إشادة الناس ماهيب اكبر آمالي
اكبر امالي يعجزون العرب عنها

....

[الحمدان]

احيان ودك تكون بكلمتك واعي
ترا السوالف مع الجلاس منقوله

لاتذكر اشياء قيلت مالها داعي
ماكل شيٍ سمعته لازم تقوله

....

[الحمدان]

رَضيتُ بِما قَسَّمَ اللَهُ لِي
وَفَوَّضتُ أَمري إِلى خالِقي

كَما أَحسَنَ اللَهُ فيما مَضى
كَذَلِكَ يُحسنُ فيما بَقي

....

[الحمدان]

المسافات خجلى من دروب الرجا
والملامات ثكلى من سواد الوجيه

باقي ليام حبلى ياحروف الهجا
وجه مايعتريه اللوم لاترتجيه

....

[الحمدان]

‏ساري الليل م ادري وين عز الطلب
كل ماشـفت زولْ قلت ربعي قريب

غيب الجدي والسبعه وصبحي قرب
النجوم اختفت كل الشواهد تغيب

وابتدا الضاو يبدي والظلام انسحب
طال ليلي وانا ماخلت نار العزيب

كيف لو انهد حيلي قبل ما اجي العرب
ومن وصف لي وصف بالجدي وانا غريب

....

[الحمدان]

اعشق الليل لأن الصبح شغل وصخب
لازم اتعيش يومك وانت حازم لبيب

عادتي في سكون الليل اشوف العجـب
اهتدي بالنجوم ونظرتي ماتخيب

درهموا بالركايب يا زهات السلب
وردوها وراها قيض حـامي لهيب

شايف الوقت يمضي والزمن من ذهب
وما يضم الركاب الا القوي اللبيب

واين راعي المشورة والوفا والصحب
والله اني بحاجة للرفيق الصليب

الفسالة سهيلة والجمالة تعب
والمراحل طويلة حظنا والنصيب

‎....

[الحمدان]

والأنسُ باللهِ حَالةٌ وجدَانيَّةٌ
وهِي مِن مقاماتِ الإحسَان
تَقوىٰ بثلاثةِ أشيَاء
دوامُ الذِّكر
وصِدقُ المحبَّة
وإحسانُ العَمَل

وقوَّة الأنسِ وضعفُه:
عَلىٰ حسَبِ قوَّة القُرب
فكلَّما كانَ القَلبُ مِن ربِّه أقرَب
كانَ أنسُهُ بهِ أقوىٰ
وكلَّما كانَ مِنهُ أبعَد
كانَت الوحشَة
بينَه وبَينَ ربِّه أشد

ابن القيم

[الحمدان]

رحم الله امرئ
أحيا حقًا وأمات باطلًا

علي ابن ابي طالب رضي الله عنه

[الحمدان]

نحن قوم أعزَّنا الله بالإسلام
فمهما ابتغينا العزَّة في غيره
أذلَّنا الله

عمر بن الخطاب رضي الله عنه

[الحمدان]

‏ياكثر مانخفي من اوجاع ودموع
وياكثر مانشكي ولا احدن سمعنا

ماجور ياقلبن من الحزن موجوع
نوفي لهم بس الوفا مانفعنا

....

[الحمدان]

يالله عسى الوقت يمضي على خير
وكل الامور اللي على البال تفرج

وتشرق لنا شمس الامل بالتباشير
ونلقى لنا من ضيقة الصدر مخرج

....

[الحمدان]

‏الله يعين اللي من البعد مجروح
مشاعره طول الليالي حزينه

يسابق القمري على نغمة النوح
ويعزف على نغمة بقايا سنينه

....

[الحمدان]

ﺑﻌﺾ ﺍلبشر ﻳﻔﺮﺽ ﻋﻠﻴك ﺍﻟﻐﻼ ﻓﺮﺽ
ﻣﺜﻞ ﺍﻟﺬﻫﺐ في كل ﺍلأحوﺍﻝ ﻏﺎﻟﻲ

ﻳﻤﺸﻲ ﻏﻼﻩ ﺑﺪﺍﺧﻠك ﻃﻮﻝ في ﻋرض
ﻗﺪﺭﻩ كبير ﻭمكسبه ﺭﺍﺱ ﻣﺎلي

....

[الحمدان]

‏عليك قلبي طواه من الوله طاوي
والصدر ضاق وتبيّح كل مكنونه

مدري عقب هالغياب المرّ وش ناوي
خلّيت روحي من التفكير مرهونه

كل شي في غيبتك بالعين متساوي
نفس الطعم والشعور وشكله ولونه

واليا فقدت ايّ شي اقول بالهاوي
فقدت كل الحياه بغيبة عيونه

....

[الحمدان]

ﺍﻟﻘﻠﺐ ﺻﺎﻓﻲ ﻭﺍﻟﻀﻤﺎﻳﺮ ﺳﻠﻴﻤﺔ
ﻭﺍﻟﻄﻴﺐ ﻋﻨﻮﺍﻧﻲ ﻭﻋﻨﺪﻱ ﻣﺒﺎﺩﻳﻪ

ﻭﻟﻲ ﺍﻟﻔﺨﺮ ﻗﺪﺭ ﻭﻣﻬﺎﺑﻪ ﻭﻗﻴﻤﺔ
ﻣﻨﻬﻮ ﻳﻤﺎﺷﻴﻨﻲ ﻋﻠﻰ ﺍﻟﻄﻴﺐ ﺃﻣﺎﺷﻴﻪ

ذائقة

[الحمدان]

ياعين لاتبكين والعالم سكوت
مهما بكيتي مارجع من فقدناه

لو البكا يرجع على فايت الفوت
منّا إلـى يوم الحشر ماسكتنا

بقلمي

[الحمدان]

‏دروب المراجل كايده ماعليها لوم
‏ولا ياخذ الكايد سوى واحدٍ نشمي

ينومسني اللي في المواقف يجي زيزوم
‏ماعنده سوى الثنتين تم وعلى خشمي

....

[الحمدان]

‏ماكل من يضحك سعيدٍ بدنياه
‏وما كل من يبكي دموعه حزينه
‏
‏احدن بكى والكل يدري عن بكاه
‏واحدن مع الضحكة تحس بونينه

....

[الحمدان]

‏كل مازهمت القصيد وجيت ابا عده
يخنقني الضيق ويزاحمني على انفاسي

مايذبح الشاعر الا احساسه بالوحده
من ياخذ اجري ويعتقني من احساسي

....

[الحمدان]

في ذمتي ساكت وماجبت لك سيره
بس اكثر الناس في شعري يشوفونك

احيان ألمح لهم والدافع الغيره
واحيان اموه عليهم لايعرفونك

....

[الحمدان]

ماجابك الشوق صوبي يامدمرني
ولا جابتك هالقصايد يوم تقرأها

ناطرك لو عزتي بالصد تجبرني
والا العرب لو تقفي قلت فرقاها

....

[الحمدان]

‏انت عنــدي عز من شافــت عيوني
وانت عنــدي عز مـن قلبــي هواه

وانت عنــدي عز مخلوقـن بكوني
وانت عندي شخص له قيمةوجاه

وانت عنــدي شي لايمكـن يهوني
وانت عنــدي شي غالــي مستواه

وانت عندي من تربـع في جفوني
وانت عندي من سكـن قلبي غلاه

....

[الحمدان]

‏يازينها تكتب على الخاص ممنوع
وتدخل علي بالخاص وتقول وينك

ويـنــك ترا قـلبـي تـعنـا ومفجوع
وانا علاجي شوف رمـشك وعـينك

....

[الحمدان]

عساني ما أثقل على قلب مخلوق
‏ولا أسـوي مايسبب عتابه

‏أنا أحب الذوق وأدور الذوق
‏عند التعامل والحكي والكتابه

....

[الحمدان]

الطيبون أصناف....
مثل أشكال الزهور
ومثل أنواع العطور
فالروائح تختلف
ولكن يجمعها طيب
اللهم أشرق وجوهنا
بنور طاعتك
وأملأ قلوبنا بحبك
اللهم ارزقنا حلاوة الأخوة
وطول الصحبة
ولذة المغفرة وصفاء الود وتجنب الزلل
وبلوغ الأمل وحسن الخاتمة بصلاح العمل

مني لكم مع التحية

[الحمدان]

يسعد صباحك ياساكن بين ضلعين
عوج الحنايا ضمتك واستراحت

ترسم صباحات الغلا اول حرفين
حب وود بعطر الاشواق فاحت

....

[الحمدان]

مؤسف إنّه على قلبي وقلبه يجور
ومحزن إنّه قريب وما قدرت اقربه

باروا الناس واللي ماهقيته يْبور
سرّه البعد والصوت الحزين اطربه

....

[الحمدان]

لهَسة صُواب زعلك حَار بينه
وطبيب الطْيب السل حَار بينه

عفتنه واحنا لأجلك حاربينة
اهلنا ولا گُلت فشلة وخطية

وبچتف مخلوع وأنتَ طارحتني
أمس وايدك بسدية طارحتني

ياريت أمي بشْهرهَا طارحتني
ولا أعِيش وأشوفك خُنت بيه

وصدى صوتَك يدك بالراس و إيران
بعقلي وگلبِي من فرگاك وإيران

حرب صَدام ثمَن سنِين وإيران
رضت وأنتَ عْلى زعلك ذاك بيه

شعر عراقي

[الحمدان]

فيني من الثقل مايحسبونه غرور
بس فيني ثقه وتواضع مايفهمونه

بنيت بيني وبين الردي حاجز وسور
وفرشت لأهل الطيب مايستحقونه

....

[الحمدان]

‏ياربي وأنت جلَّاي الظلام الراحم المنَّان
‏يارب المرسلات ورب قلبي وأنت تاوي له

‏أعوذ بنور وجهك لاتصيِّرني ضعيف إيمان
‏تلقَّاني بعطفك ياكريم إن قلَّت الحيلة

بقلمي

[الحمدان]

الطيب للانسان مثل المناعه
يستخدمه لمكافحة بعض الامراض

واكبر مرض واجب علينا انتزاعه
الحقد والغيبه وتشويه الاعراض

....

[الحمدان]

‏مافيه مثل العافية ستر وغناه
‏إن جات للمسلم تراها كافية

‏كم واحدٍ يطلب ملذات الحياة
‏وإذا مرض مايطلب الا العافيه

[الحمدان]

‏بعض العرب طبعه صراحه يحيّر
‏اليا تركته جاك وإن جيت خلّآك

‏و بعض العرب مثل الذهب ماتغيّر
‏مادام له عندك قدر صعب ينساك

....

[الحمدان]

‏ماكل من يضحك سعيدٍ بدنياه
‏وما كل من يبكي دموعه حزينه
‏
‏احدن بكى والكل يدري عن بكاه
‏واحدن مع الضحكة تحس بونينه

....

[الحمدان]

ماني بحاجة ناس ما عندها احساس
انا بحاجة شخص لاطحت جاني

ياكثر مانسمع ترى الناس للناس
بس الحقيقة طبع هالناس ثاني

....

[الحمدان]

‏بعض البشر لاغاب عن ناظر العين
احس كل الناس في الكون راحت

وبعض البشر لو غاب ايام واسنين
ما اشتاق له قلبي ولا النفس ناحت

انا اشهد ان البعض ماله شبيهين
بافعاله اللي مثلما الطيب فاحت

غالي وحُبه حل بين الشرايين
ومكانته وسط القلوب استباحت

....

[الحمدان]

ماتوقف الدنيا على غيبة انسان

شف المقابر كم بها ناس غالين

[الحمدان]

الحر مايرضى على نفسه الميل
‏
وإن كان شانت باعها ما شراها

[الحمدان]

ترا الوفا بقلوبنا ماله اسباب
‏
فطرة خلقها الله وصارت طبيعة

[الحمدان]

‏لك من مسائي وانفاسي نصيب
وكل احاسيس قلبي فيك حيه

أشغلتني وكيف عن عيني تغيب
وطيفك معي ومشاعري لك

[الحمدان]

همسك بعطر الورد مُترف وغرقان
‏مدري هو أنت العطر أو العطر فيك

أعزف مسانا شعر بإحساس فنان
‏وأنا بروعة ها المساء جيت أمسّيك

....

[الحمدان]

ياحبيبي كان ودك بالجميل
لاتغيرك السنين وتنعزل

الحضور اللي بلا موعد جزيل
والغياب اللي بلا سبه هزل

....

[الحمدان]

‏انت الوحيد اللي اشوفه بدنياي
ماكنك إلا في زماني وحيدي

ليتك تعرف اللي نريده بمعناي
وأنك بدمي جاريٍ في وريدي

....

[الحمدان]

‏لاينشغل بالك ولا يلحقك شك
بالقلب منزالك مدار السـنيني

باب الغلا مفتوح لاجلك ولاصك
انت الوحيد اللي سكن نون عيني

....

[الحمدان]

‏تقولين أحبك قلت مالشّعور لسان
على قلبي المغرم وروحي تمكنتي

أحبك مع أفراحي وأحبك مع الاحزان
وأحب الحياه اللي معك كيف ماكنتي


....

[الحمدان]

قلنا صباح الخير والمسك والنور
للي يتابع كل حرف كتبته

واللي يبادرني من القلب مشكور
أعظم تحياتي لقلبه نسبته

إليكم مع التحية

[الحمدان]

‏علاقة العربي بالقهوة علاقة سرمديّة
وثيقة يتقهواها كيف ويكتبها شعور

يقول مدغم أبو شيبة :
أما أني أنساها نسى الله من نسى ذاك القبال
‏ياصبّ روحي صب دلتها على فنجالها

‏ويقول ضيدان بن قضعان :
‏ لو بقى للهيل صبرٍ على فوح الدلال
‏مابقى للقلب صبرٍ على شيء يرتجيه

[الحمدان]

‏رسالتي لكم .....

من مغرب يوم الخميس
إلى مغرب ‌يوم الجمعة
‏وكل ثانية كنوز من الصالحات
وخزائن من الحسنات
‏فاغتنمها في الصلاة على النبي
صل الله عليه وسلم
والدعاء والاستغفار
‏
‏تقبّل الله منّا ومنكم
وغفر لنا ولكم


بقلمي

[الحمدان]

يكفي وجودك ماعليا من الناس
في حضرتك مرتاح قلبي وبالي

....

[الحمدان]

يسعد مساء من هو كما معدن الماس
‏اعشقك واعشق ضحكتك مع مزوحك

‏ويسعد مساك الممتلي برد واحساس
‏ويسعد مساء قلبك وعمرك وروحك

....

[الحمدان]

أحدن على شانه تجوز المشاريه
‏واحدن تعدى بالخطايا حدوده

‏ومن لايعزك لاتعزه وتغليه
‏ومن لارفع قدرك تجاهل وجوده

....

[الحمدان]

الشعر من صدق المشاعر سرى لك
والقلب من نبضه كتب لك حروفه

من وحشة غيابك تعنى وجالك
ماردته بالوقت كثرت ظروفه

....

[الحمدان]

رسالتي لك....

إقترب من الذين يشعرون بك
يفهمون صمتك
يحتوون قلبك في لحظات ضعفه
مَن يشاركونك كسرتك
أولئك الذين يحسنون الظن بك
الذين لايتصنعون الحب
والذين إذا تغير مزاجهم
لاتتغير مشاعرهم أبداً

بقلمي

[الحمدان]

خلك كبير وخل عنك الملامات
لاتشغلك ناسٍ تعيش بجهلهـا

عين الصغير تشيل همّ الصغيرات
وعين الكبير تشيل دنيا بأهلها

....

[الحمدان]

‏دنياك ياصاحبي حظوظ ومقادير
‏تضحك معك والله يعينك عليها

‏ناسٍ بقوة حظها تطرح الطير
‏ وناسٍ تطير طيورها من يديها

....

[الحمدان]

‏لو شلت هم مايشيله جبل طي
‏حذراك لاتبدي على الناس سرّك
‏
‏من قال لك وش فيك قل له ولاشي
‏ومن قال كيف الحال قل له تسرّك

....

[الحمدان]

اما تجي خوه على العز والطيب
ولا المصالح طيب راسي رفضها

الذيب ميت جوع ماياكل الذيب
والا الضباع أضباع تاكل بعضها

....

[الحمدان]

‏ذبحني غيابك يامن الروح لك بيت
والقلب فاقد لك من اعماق ذاته

بكيت من بُعدك عليا وونيت
ونت مصاب اليآس دمر حياته

في كل لحظه لاذكرتك ووليت
اصيح لك من قلب واضح شتاته

فيك الامل ياللي في القلب حليت
وانت السلا للقلب وانت امنياته

....

[الحمدان]

‏وتين قلبي تمنى ملاقاك
مشتاق لك بالحيل ودي اشوفك

ياكم سهرت الليل وانا تمناك
ودي بضم ايدك وضمة كفوفك

قلبي غدا في نار من عُقب فرقاك
والعقل متلهف يعانق طيوفك

والروح مشتاقه لطله محياك
والعين ولهانه تمنى تشوفك


....

[الحمدان]

‏ياعين نامي مابقى لك من الليل
لاتحترين اللي مـن الخلق ناموا

اظن مالك من وراهم محاصيل
ولا ظنتي حسوا بشوقك وقاموا

ياشوق والله مابقى داخلي حيل
من السهر واصل عيوني تعاموا

....

[الحمدان]

‏عيش بـ صراحه وإبتسامه وطيبه
وتصير لـ أجلك معظم الناس عشاق

إنك فقير المال ماهي مصيبه
بس البلا لاصرت معدوم الأخلاق

....

[الحمدان]

‏عاد المساء والقلب ينبض مساء خير
عسى يدوم الخير دائم عليكم

والمعذره لو تلمسوا أي تقصير
مني فانا منكم وعائد إليكم

أسعد مساكم ماسبح بالسماء طير
يامن فؤادي بالوفاء يحتويكم

إليكم مع التحية

[الحمدان]

‏دايم أقول الحب عنوان إلانسان
مآهو قصدي حب نظره وعلاقه

الحب تعطي والعطا فيه عنوان
وإنك تعامل من تحب بلباقه

....

[الحمدان]

صديق وافي معك انصحك لاتخسره
لان الوفي لاخسرته ذا الزمن تندم

لاغاب فجاه تضل العمر تتذكره
وتذكر انك خسرته دون ماتعلم

وراعي الطيب والمعروف لاتنكره
من يفعل المعروف قله دايمن تسلم

ون شفت النذال تتامر عليه اخبره
ووقف معه ساعة الشده بليل اضلم

....

[الحمدان]

دام الغلا ف القلب ما اقدر انساك
ودام الهوا بتنفسه مانسيتك

قلبي اخذته والمشاعر بيمناك
والنبض لك ياروح روحي عطيتك

كيف اتركك والقلب دارك ومئواك
والروح منزل لك وقصرك وبيتك

ياجعل قلبي ياغلا الروح يفداك
وبكل غالي ياحياتي فديتك

....

[الحمدان]

مدري علامي ضايق والقلب تعبان
ابعد عن همومي وهمي يجيني

كني انا والجرح ياناس خلان
أعانق الفرحه وهي ماتبيني

....

[الحمدان]

‏شفت فيك من المحبه ما يزيل اتعابي
‏وضعت ماعينت شيٍ فالحلا يقرب لك

‏ومن كثر مازاد حبي بك وزاد اعجابي
‏كل حاجة في الخفوق من الغلا تفدا لك

....

[الحمدان]

إن حداك الليل بالسيف الشطير
ابتسم له غصب كانك هازمه

وإن رماك الهم فالبحر الغزير
صب له فنجان وكنك عازمه

....

[الحمدان]

ماكل من غابوا عن العين ينسون
البعد مايرخص من الناس غالي

ولو ألتهينا أحبابنا مايهونون
ويبقى الغلا لو فرقتنا الليالي

....

[الحمدان]

‏تمطر مشاعرنا من الود مالاق
لاهل النفوس الطيبة والانيقة

اللي غلاهم في صميمي والأعماق
ومكانهم وسط الخفوق العميقه

يسعد مساكم بالمحبه والاشواق
واطيب ورود الكون واجمل رحيقه

خطيتها من هاجسي فوق الأوراق
مني لكم يا اهل القلوب الرقيقه


اليكم مع التحية

[الحمدان]

تفداك نفسٍ شالها الشوق صوبك
ويفداك قلبٍ ماغدر فيك او خان

وتفداك عينٍ ماتبي غير شوفك
ويفداك عمرٍ مافدا غيرك انسان

وتفداك روحٍ هايمه في طيوفك
ويفداك بالٍ مايجي مِنه نِسيان

وتفداك نظــره ماتناست وصوفك
ويفداك راسي ودم روحي والابدان

....

[الحمدان]

مادام عزلتي عالناس راحه ليا
تفعدت منعزل عنهم مريح راسي

لقيت خلطتي جرت سريب وسية
من ناس كنت حاسبهم ذراي وناسي

جايبيني في قول ماهو ليا
كلام والكلام يجيبلي وسواسي

الناس شوهوا هاللي نظيف النية
وداروا اللي ماهوش قاسي قاسي

نعيش منزوي ممنون مادا بيا
خير من خبر منه اتضيق انفاسي

فلان قالي والا يقول عليا
شديت خطوتي عنهم حجرت مداسي

لاهدرزت شاهي اوقات عشية
ولا ميعده وان العصير الماسي

لقيت فالتباعد راحتي النفسية
مرتاح منبسط رايق لذيذ انعاسي

....

[الحمدان]

مو كل صاحـب لاضحك لك يحبك
البعض تلقاء وراء ضحكاتهم الخيانه

الي اذا احتاجك تراه طول جنبك
وقت الله الله ماعليه الركانه

ذا ينكر العشره ولا خـاف ربك
يغدر ويتمضهر لنا بالديانه

يضحك امامك وخلف ضهرك يسبك
في ذا الزمن ماعاد باقي امانه

....

[الحمدان]

اجي على الموعد ولا الاقيك
وتلومني لو انا عليك ابطيت

ياصاحبي وين العدل وشفيك
كلما أنا جيت من يمك اقفيت

....

[الحمدان]

‏الشـوق ما يهدأ علـى غيـــر مشتاق
ياللـي غـــلاك بداخـل القلـب باقي

يا طيــر ياللـي بالجناحـــين خفاق
بلـــغ سلامـي والوفـــاء واشتياقي

للي خذا مابــين جوفـي والأعماق
واللي ملك كـل الشعــور العماقي

قله رفيقـك مـات مابـين الأشواق
بين البعـــاد وبين جمـــر الفراقي

....

[الحمدان]

لاترخص احساسك وتجرح غرورك
واحذر مع القاسي تلين جنابك

من لايموت من الفرح في حضورك
خله يموت من القهر في غيابك

....

[الحمدان]

قال المثل من حفرحفره لغيره يصيده
يتحمل اوجاع ظهره لاوقع وصطها

ومن برجله ربط حبله ولواه بيده
يصبرعلى سحبت الساحب متى شدها

وكل واحد من اعماله يراجع رصيده
والناس ربي يجازيها على اعمالها

....

[الحمدان]

بيني وبينك مشاعر دافئه
نشعر بها بيننا لو مانبوح

ما اقول نسبة ثمانين بالمئه
أقول جسمان مشتركان بروح

....

[الحمدان]

‏الجروح احيان للمجروح خيره
‏لاتعد الجرح بالعشره خساره
‏
‏لو درينا عن هوانا وش مصيره
‏كان قبل الحب صلينا إستخاره

....

[الحمدان]

‏قد قلت لك يابوح صدري تركد
‏ ماكل شخصٍ لادعيته يلبيك

‏مهما شكيت الحال علمٍ موكد
‏محدٍ يحس بلوعتك غير مغليك

....

[الحمدان]

‏لك منزلٍ بين الرجا والتمني
ولك دعوةٍ مافارقت قلب ولسان

ادعي عساك تكون فيني ومني
عل وعسى مايملكك غيري انسان

....

[الحمدان]

‏مع فعولنا تكبر هقاوي ويقنب ذيب
‏وعلى الموقف الصامل ندسّم شواربنا

‏تتوب الرخوم مْن المراجل وفعل الطيب
‏وحنا على كسب النواميس ماتـبنا

....

[الحمدان]

لاتاخذك شكه مع اللي يشكون
‏ماني بلا مرخص ولاني بجاحد

‏قلبي لو ان حوله من الناس مليون
‏مافيه غيرك ساكنه وانت واحـد

....

[الحمدان]

والله اني حرةٍ من مواكير الحرار
‏معربٍ ساسي وراسي على العليا رساء

‏ماعطيت لجاهل الراي وجهات اعتبار
‏ولا حسبت لنظرة الحسد بعيون النساء

‏قيمتي في عين نفسي عمارٍ في عمار
‏والي يتمنى من الخلق طيحتنا يخساء

....

[الحمدان]

واجهت خذلان ماحد واجهه قبلي
من اقرب الناس لي في هذه الدنياء

منشان لاتنخدع ياصاحبي مثلي
نصيحتي لاتثق في حد ثقه عمياء

بقلمي

[الحمدان]

‏وين الذي غايب عن العين ياناس
اتفرمت احساسي معه في غيابه

بُعده هدم بالعقل فكري والإحساس
والقلب يشكي يارفاقي عذابه

أمنتك الله لو معك قلب حساس
ارفق بعاشق ذاب ماحد درابه

أمسي أفكر فيك وأحس باليأس
واتخيلك في وهم قاسي سرابه

....

[الحمدان]

‏يارب لامنّك طويت السجلات
وامرت روحي في موادع جسدها

خذها وأنا ساجد بأحد الصلوات
وقد تبت توبة صادقة مابعدها

....

[الحمدان]

‏زان حالي في لِقاك وطاب فالي
انت وجهك من يشوفه مايملّه

كيف ما افضى لك وانا بعز انشغالي
وانت لحظة معك تسوى العمر كله

....

[الحمدان]

الله عطانا نظر وشعور حساس
ناخذ علوم المعرفه من مراجعها

ونسايرالوقت ونقيسه بمقياس
ونواجه النفس بالواقع ونقنعها

بقلمي

[الحمدان]

لولا القيم ماصار للناس قيمه
ولولا المواقف ماظهر راعي الطيب
.
وتبقى المعزه للرجال الحشيمه
اللي لهم وقفات وقت المواجيب

وتلقى السعاده للقلوب السليمه
اللي لهم هيبه وبعدن عن العيب

ومن طاوع الشيطان شاف الهزيمه
ولاخير باللي ماشكر عالم الغيب

....

[الحمدان]

‏يطيح واقف راعي الطيب لو طاح
طيبه رصيده فالشدايد يشيله

يموت راع الطيب والطيب ماراح
يبقى مع الأجيال لو راح جيله

....

[الحمدان]

‏التوفيق الحقيقي....
أن تتوكّل على الله
بكلّ جوارحك
وتؤمن بقدرة الله الكاملة
على تصريف أمورك
وفق رحمته ولطفه ومعيّته

بقلمي

[الحمدان]

أنت حبك مرتبط في حب ذاتي
أعمق من إعجاب وأصدق من موده

أنت تسع أعشار مجموع أمنياتي
أمنياتي الماضيه والمستجده

أنت صوتي وابتساميّ والتفاتي
للحنين الليّ ماوقف عند حدّه

أنت مستقبل جديد لذكرياتي
والوحيد الليّ عجزت أكون ضده

....

[الحمدان]

لولا ظروف الوقت ماقيل لابأس
ولولا الأمل ما يبتسم فالزمن حي

الله خلق هالناس تحتاج للناس
لاتبخل إليا صرت تقدر على شي

....

[الحمدان]

‏ياقلبي لاتفضح مشاعر البوح
خل الغلا مستور بينك وبيني
⠀⠀
اغليه من قلبي ولا ودي ابوح
ليت المشاعر حكمها في يديني

....

[الحمدان]

‏سألت سود الليالي واين ضاو الـقـمـر
قالت لي اطرح سؤالك للسماء والنجوم

قلت اطرحه كيف قالت ياقليل البصر
استعلم الجار عن جاره تحصل علوم

قلت المسافة بعيدة رغم بعد النظر
وانـا ونـور الكواكب والـثـريـا خصوم

حتى سهيل اليماني لـو طلبته خـبـر
عن الذي غاب حملني جميع الهموم

قالت وانا وايش دخلي غاب والا حضر
قلت الخبر مـن جهاتك والإجابة لـزوم

فقالت الصبح يصبح خير لاجـاك شـر
قلنا قد الصبح مثل الليل ظالم غشوم

قالت لي ايش ذي تدور قلت دفع الضرر
قالت لي افضل وسيلة للـدفـاع الهجوم


....

[الحمدان]

الحسد والحقد ماهو من صفاتي
لو بنوا لابليس في الفردوس دار

وان تراني نلت من كيده كفاتي
ذاك مابيني وما بينه جدار

موقعي ثابت وانا مؤمن بذاتي
نجم عزي ماتغير له مدار

ياحكاياتي خذي مني وهاتي
ارتفاع البعض في الدنيا انحدار

....

[الحمدان]

‏المحبه ثلاث ارباعها اهتمام
‏وانت لاجيتني ماهمك إلا تروح

‏المحبه بدايتها نقيض الختام
‏أولتها هدايا وآخرتها جروح

....

[الحمدان]

‏يحن قلبي للحبايب ويشتاق
‏والشوق يرسم طيفهم في منامي

‏لو يعرف المحبوب قدره بالأعماق
‏مايبتعد عن وصل خله ثواني

....

[الحمدان]

‏ياوجودي كل ما هبّ نسناس الشمال
‏وجد من حدّه زمانه على اللي مايبيه

‏ياوجودي كلما اضحيت ثم مال الظلال
‏لاغفت عيني ولاذقت شييٍ مشتهيه

‏وجد من قفّى و هْو في رجا كلمة تعال
‏وإلتفت من عقب ماقفى ولا أحد ٍلدّ فيه

ضيدان بن قضعان

[الحمدان]

‏يا عذابي لادنا الليل من روس الجبال
‏وإنتهى يوم ٍ من العمر ماعاد أرتجيه

‏وأنتي أبعد من سما الحلم ووصالك محال
‏يابعد من هلّ دمعي ضحى الفرقى عليه

‏ياغناتي لاتحسبين دمعي يوم سال
‏ضعف ولا خوف ولا كذا ولا كذيه

....

[الحمدان]

‏والله اني من رجال يضدون الرجال
‏ لكن الحظ الردي ساق دمعي كلبيه

‏والله اني كل مادار حوليك الجدال
‏قمت كنّ ﺎلموت يشر على قبري بديه

‏والله ان قد لي وانا اصد لاجالك مجال
‏صدت الي لاتضايق تذكر قبر اخيه

....

[الحمدان]

‏من سألني قلت مدري واذا عاد السؤال
‏قلت له تكفى سؤالك ترى ماهو وجيه

‏وش تبيني اقول عن من ترى ذبحي حلال
‏والخطاء منها علي صرت احبه واهتويه

‏عذرها لو ماتعذر مثل واضرب مثال
‏واحد مايعرف الحر الاشقر يشتويه

....

[الحمدان]

‏أن رجعنا للتواصيف لله الكمال
‏لا أنتهى ليل المزايين جاتك تبتديه

‏كنها غفل مع البدو طاويها الحيال
‏مايميز وصفها الا نبيه من نبيه

‏واهني اللي وصلها وذاق من الزلال
‏رشفة مع غفلة الناس من فيها لفيه

‏واعزتي للي سواتي عشق مالا يطال
‏ويوم طاله ضيع الحلم بين أمه وإبيه

....

[الحمدان]

‏ياول احلام الطفولة على حد الخيال
‏الرجا باللي حمى البيت من حملة بريه
‏
‏حال دونك سيف عنتر وتاسع حول حال
‏باثر حول حال دونك وانا أدعي هيه هيه

‏هيه يالي غرك الحسن واطغاك الجمال
‏والله ان اموت ماشفت لاوصافك شبيه

‏لو يسام الحسن والتيه بجنيه وريال
‏مابقى في سوق غيرك ريال ولا جنيه

....

[الحمدان]

‏كيف اهدك للمقادير وانتي راس مال
‏راس مال ومال والمال مايعطى السفيه

‏حافظك حفظي لعيني ورمشي لك جلال
‏وانتي تشحين بالماء وانا شفي مويه

‏شايف ظلمك وساكت وطال الليل طال
‏لاتركتي طعن قلبي وانا ماقلت ليه

....

[الحمدان]

‏لو بقى للهيل صبر على فوح الدلال
‏مابقى للقلب صبر على شي يجيه

‏كنت احسب ان الغلا زال واثره لايزال
‏ في الحشى ماكنه الا دخيل في الوجيه

‏ساقني حبك على الموت وسنيني هزال
‏والظروف اقسى من الظلم للعرض النزيه

....

[الحمدان]

‏انتي تسوقين عقلي على حد الهبال
‏تحسبين ان من بغى شي يقدر يشتريه

‏ولا انا ياوجد حالي وجود مايقال
‏ وجد من ضحى بغاليه لرضى والديه

‏ويا وجودي ياول العمر قبل البس عقال
‏وجد من باع اخر العمر في رغبه ذويه

....

[الحمدان]

‏أنا على وضح النقا صنت مبداي
‏أموت قبل أفقد مقامي وأنا حي
‏ٰ
‏من تزعله يمناي ترضيه يسراي
‏ومن راح من لاشي يرجع بلا شي

....

[الحمدان]

‏اسوي المعروف من طيب راسي
‏حتى الردي لاحام حولي عطيته

بقلمي

[الحمدان]

‏تـزيـن الخواطر كل ما زانت الأحوال
عسى أحوالنا وأحوالكم دايمٍ زينه

[الحمدان]

نكره اللي صدّ ونعاف من ينسى الجميل
‏راحليين* وتاركين الحياه الفانية*

‏يعتقد مافيه غيره بالدنيا بديل
‏الدقايق ماتحسّب حساب الثانية

‏للأسف بعض الخلايق رضاهم مستحيل
‏لو عطيتـه عيـن يسـأل لمن الثانيه

....

[الحمدان]

‏جامل ولو ان المجامل شين
‏واحذف خطاء المخطي وراك ورح

‏اصبر و خل الصبر لك رووتين
‏حتى لو ان الصبر عندك شح

‏وان شفت صافي الماء غطاه الطين
‏ ووصلت اليا حدود الكرامه ضح

‏لاعاد تسمع رااي عطهم ليين
‏ اللي مايمشي صح يمشي صح

....

[الحمدان]

‏محبّتك فوق العتب والمشاريه
ومشاعري تلقى بقربك دواها

على كثر ماشافت عيوني وجيه
مافيه وجهٍ غير وجهك ملاها

....

[الحمدان]

‏ماكل من يكتب عن الحزن مجروح
‏ولا كل من يكتب غزل صار عاشق

‏خواطرٍ تجي على البال وتروح
‏أكتب عن الأحزان والبال رايق

....

[الحمدان]

‏ليت الزمن مايكشف وجيه الأصحاب
‏اللي لهم قدر ومعزّه وقيمه

‏لابان لك وجه الحقيقه بلا أسباب
‏بين الذهول تعيش حاله سقيمه

‏طعنه لها ميراد مابين الأحداب
‏من كف كنت تبادله بالحشيمه

....

[الحمدان]

‏لاتوعد بشي واحساسك ماهو قده
‏ترى المشاعر ثمينه والوفا نادر

‏لاتجـازي اللي عطاك الود بالصده
‏ماكل قلب على حفظ الغلا قادر

....

[الحمدان]

لعل الصباح اللي يكفكف ظلام الليل
‏يجيب الفرح والخير لاطارت طيوره

‏يسر القلوب اللي تحراه مثل سهيل
‏طلوعه يخلي كل هالناس مسروره

....

[الحمدان]

‏مع اليل وقلوب الاوادم تحب تهيم
مساك الغلا مدام جا للغلا سيره

وجودك وفا يرسم اماله هطول الديم
يهيمن في الخافق على الله تدبيره

....

[الحمدان]

إذا تخلّى النـــاس عنك في كَــــرب
فاعلم أن الله يريد أن يتولى أمرك


الإمام الشافعي

[الحمدان]

‏ياصوتك الي بنبراته طمأنينه
أشتقت له ألف مرّه وأنت ماتدري

[الحمدان]

هذي الرسالة من أسيرك وغاليك
ياليت تقراها على قد مهلك

والله مافي بالبشر من يساويك
لابين خلانك ولا بين أهلك

واقسم بمن صورك وحط الحلى فيك
عهد علي ما انسى غلاتك وقدرك

....

[الحمدان]

‏الحیاة ادروس والدنیا کتب
ورحلة ابن آدم رفوف المکتبة

کل حرف من دروسه له سبب
وکل درس فی حیاته تجربه

....

[الحمدان]

انت نبض الروح وانت نسايمها
وانت حنين الشوق لاصرت مشتاق

وانت خفايا النفس وانت عوالمها
وانت حب سطا في عمق الاعماق

....

[الحمدان]

‏مابقول اشتقتلك تعرف غلاك
وانت والدنيا على قلبي سوى

دام تدري مامعي غالي سواك
ليش تخنقني وما غيرك هوى

....

[الحمدان]

‏عزمتك على قلبي وغيرك عليه صعيب
كشفت العلوم وشلت غيرك وقفلته

وكانك تبي تعرف مكانك وبالترتيب
ياكبر المكان اللي عطيتك وتجاهلته

....

[الحمدان]

‏قال وهو في سكرة الحب لبيه
‏لبيه ياقلب ملكني وصنته

‏قلت الوفاء عهدٍ علي ياملبّيه
‏مايسكنه حي بعد ماسكنته

....

[الحمدان]

اهديك انا قلبن من الود شاريك
ارحب على نبضه وتسكن وريده

روحي مع قلبي مع العمر يفديك
هذا كلام الصدق ماهو قصيده

وانت راجع ياغلايا خوافيك
وخليك واثق بي ولك ماتريده

مادمت انا والقلب مابين اياديك
ارتاح واتمتع بلحظه سعيده

[الحمدان]

‏مسيت بالشوق يا اغلى من تمنيته
ونفس تحبك عن عيون البشر عيت

لاشفت اسمك على الجوال واوحيته
كل المشاعر لعينك هلت وحيت

....

[الحمدان]

جرح البدن نلقى طبيب يداويه
‏لاشك جرح القلب وشلون يبرا

‏ياموجعن قلبي ترفق براعيه
‏وش ذنب قلب ولعه نور بدرا

....

[الحمدان]

‏وان فقدتك رحت ادور عنك طاري
لالقيتك رحت أدور بوح صدري

والله اني ماهويتك باختياري
واسأل حروفي تراها عنك تدري

....

[الحمدان]

لولا الغلا مانشدتك وين هالغيبه
ولولا انت ماتهمني ماقلت لك وينك

لكن مساء الخير والاحساس والطيبه
لاعاد تبطي عسى روحي فدا عينك

....

[الحمدان]

‏يابسمة الشوق يارمز الغلا السامي
يا أروع إحساس صادفني وحسيته

جاني خيالك يسوق الحب قدامي
واقبل بطيفك وعانقني وضميته

....

[الحمدان]

نعيش بالدنيا العريضه ونحلم
ويمكن نحب اشياء وفيها مضره

يارب وانت اللي عن الغيب تعلم
اكتب لنا اللي فيه خير ومسره

....

[الحمدان]

النفس عودها على العز تعتاد

‏وارفع مواطنها عن الذل والهون

بقلمي

[الحمدان]

‏‌ليت مافي العمر تلويحه كفوف
‏لافراق ولا وداع ولا سفر
‏‌
‏وليت مايعوق الوصل أية ظروف
‏لامسافه لا اختلاف ولا عذر

....

[الحمدان]

لايوجد أجمل من الأصيل
إن أعطيته شكر
وإن رأى مايُعيب ستر
وإن احتجته أعطى وبذل
وحتى في الخصام
لافَسق ولا فَجر

مني لكم....

[الحمدان]

القلوب اسرار والدنيا عبر
والعمر لو طال تاليه الرحيل

والخواطر كسرها ماله جبر
لو يعيد لوقت مضيه لجميل

....

[الحمدان]

خلك مع اللي لادرا بضيقتك ضاق

وأبعد عن اللي لادرا بضيقتك صد

[الحمدان]

حي الله اللي في حسابي يمرون
‏في كل يوم وكل ليله وحزه

‏يامرحبا مليون تردف ترليون
‏باهل الوفاء والعز واهل المعزه

بقلمي