فوق هام السحب ( الشعر الشعبي) على متن القوافي

[الحمدان]

احلى الكلام اللي تقوله ورى الناس
‏الله يوفقهم ويستر عليهم

بقلمي

[الحمدان]

‌‏قلبك الي دوّر لقلبي بديل
ضيّع القبله وهو وسط الحرم

.....

[الحمدان]

زعلّني الوقت والظاهر نسيت ارضا
‏مدري الصبر غلطتي ولاّ الوفا عيبي
‏
‏محتاج قلبٍ يطلّعني من الفوضى
‏يشعل بصيص الامل ويعيد ترتيبي

.....

[الحمدان]

‏إن كنت لك حلم يالله قوم حققني
‏حِث الخِطا في سبيل أحلامك وثابر
‏
‏وإن كنت عادي وعابر لاتعلقنّي
‏أنا أكبر مْن الغرام العادي العابر

.....

[الحمدان]

‏سلامتك جعل أكثر الخلق تفداك
‏حتى عيونى جعلها فدوةٍ لك

‏ليت الوجع ياغاية الروح ماجاك
‏ليت التعب لامن بغى ما يدلك

.....

[الحمدان]

‏قلوب البشر ياصاحبي لها مفاتيح
وكل قلب مفتاحه بوصف وعلامه

واذا تريد مفتاح من غير تصريح
افتح قلوب الناس بالإبتسامه

.....

[الحمدان]

‏ياهل التواصل يارقيقين الاطباع
ياكل غالي له محبه وقيمه

حبيت اهديكم تحيه بالإجماع
وارسل سلامي للقلوب الحميمه

سلام ياساس الاناقه والابداع
سلام من قلبي وداخل صميمه

يامن غلاكم في خفوقي والاضلاع
وغلاتكم بالقلب عندي عظيمه

مني لكم مع التحية

[الحمدان]

‏يارب تجمع كل غالي بغاليه
واجعل لهم من كل شر سلامة

واجعل لنا من منزل الطيب عاليه
وأحفظ عبيدك من دروب الندامه

.....

[الحمدان]

ليه المسا يزيد في وجهه الشوق
ويكشف شعور اللي للاحباب مشتاق

في جيته سهم الوله يرتفع فوق
يموت دونه شوق وتحيا به اشواق

.....

[الحمدان]

طالت ليالي البعد والقلب مشتاق
مدري متى بلقاك واشفي جروحي

اي والله ان القلب للوصل تواق
واني بدونك يسكن الهم روحي

انت الذي لاضقت في دربك انساق
وإن ضاق كوني ليك اعلن نزوحي

تعال يامولى المحاسن والاخلااق
ياكل ماتمناه واغلا طموحي

.....

[الحمدان]

ياللي غيابك مايسدونه الناس
لو تجتمع كل المخاليق عندي

لك في حنايا الروح وحشه ومجلاس
ما للغلا لك وسط الأضلاع حدي

يامن حضوره اذا حضر يلغي الناس
وإن غاب ماغيره بعيني يسدي

.....

[الحمدان]

‏لاتنحني ياطير لاصادفك ريح
من ينحني مرة تحنت عظامه

افرد جناحينك لو تقوم وتطيح
حتى تنال المبتغى والزعامة

.....

[الحمدان]

المحبة من الله والغلا والقبول
لاتكلّف شعورك فوق مايُحتمل

لاصفالك زمانك قول اللي تقول
ولا تكدر مزاجك وحاصره بالامل

.....

[الحمدان]

‏وين انت اللي ماتعرف الخيانه
ياللي وجودك غير وبطلتك غير

الوقت من دونك بلا ايات خانه
ياللي على شوفك نسوق التباشير

.....

[الحمدان]

انا اتخذت القرار اللي يناسبني
وعن معظم الناس قمت اغيّر الوجهه

من يبدي الوصل لايمكن يعاتبني
ومن يقطع الوصل خليته على وجهه

.....

[الحمدان]

‏في مجتمع كذاب ويحب النفاق
‏نفسي تحب الإنعزال بحالها

‏ناس تمثل لي الغلا والأشتياق
‏وأنا أدري إني ماخطرت فبالها

.....

[الحمدان]

في تجربة حبي لقيت اللي لقى جاري جرير
عند امعزوفة ساكن الريان يمطر مدمعي

يابن عطيه يازعيم الشعر يا اخوي الكبير
نوايحك فالشام هزتني وانا في موقعي


سفر الدغيلبي

[الحمدان]

لقيت الشعور اللي تمنيتني القاه
هلا بالحبيب اللي معوضني الله فيه

انا قبل اعرفك مات قلبي من الاشباه
ترا قلبي أشباه المحبين ماترضيه

يفوت القطار ويعبر العمر لين أقصاه
بسيطه ولا تكون المحطه غلط واتيه

انا ماني بعاشق يغني على ليلاه
انا العاشق اللي كل ليله تبي تغنيه

تمنوني العالم وتدري وش اتمناه
وجودك في عمري لذة العمر ياراعيه

ولا اعطيتهم قلبي وقلبي معك برضاه
خذ القلب كله ماني لغيرك مخليه

.....

[الحمدان]

يامطول الغيبه ترى الشوق يزداد
‏لك وحشةٍ من شاف عيني فهمها

.....

[الحمدان]

مانيب قايل وش غيرك وش جاك
ماجاك غير ابشر وسمعن وطاعه

غرك غلاك وكثر لبيه خلاك
تحسب قلوب الناس عندك بضاعه

تذكرني اذكرك وتنساني انساك
الوصل وصل والقطاعة قطاعه

.....

[الحمدان]

الصبر قسمي في زماني ليا ضقت
وعمري على مايفرض الوقت اعيشه

اناظر لسابق ظنوني ولا فقت
مناظر المسجون دون الدريشة

الناس تحسبني ماعمري تضايقت
وانا دروبي كل ابوها وحيشه

قالوا بدون يدين وشلون صفّقت
واقول هذي فزعة الله وجيشه

حراً وعن دار الشماميت حلّقت
لو كان راسي دوبه بعز طيشه

والله ولو يكسر جناحيني الوقت
نذراً علي ما اخذ من البوم ريشة

.....

[الحمدان]

‏على طاري الفرقا وذكرى مضت تنعاف
‏أبي تسمـع اللي مابعد باح في سرّه

‏هديتك خفوقٍ منصفك بالغرام إنصاف
‏وهذا جزاء المعروف بيدينك تضرّه

‏وأشيل الحمل وأنسى ولاملّت الأكتاف
‏أكابر وكنّي أسعد إنسان بالمرّه

.....

[الحمدان]

بين شيٍ مستحيل وبين ريبه
السؤال اللي يحير كيف فكّر

خطوة العاشق ترا دايم غريبه
مايعوقه فالهوى بابٍ مسكّر

.....

[الحمدان]

ان كان ماضحيت للي تحبه
‏راجع شعورك يمكن القصه اعجاب

‏مافيه داعي للهوى والمحبه
‏مادام في قلبك مزايين واحباب

.....

[الحمدان]

حك المعادن يوضح لك مصادرها
ثم تكتشف لونها وتشوف طيبها

وحتى البشر ماتحددها مناظرها
مانعرف أصنافها حتى تجرّبها

.....

[الحمدان]

ترى غناة النفس هي اكبر غناه
وترى جمال الشي ماقل وندر

وترى التغافل اكثر اوصاف الدهاه
وترى الذكي هو اكثر العالم حَذر


.....

[الحمدان]

‏جوي ترا اليوم يحتاج توبيس
‏توبيس ناخذ فيه كل اخويانا

‏اللي قرا تبويس يحتاج تبويس
‏واللي قرا توبيس يركب معانا

.....

[الحمدان]

‏اخاف الشوق والفقدان والحاجه
‏كثر ماصار عندي من الجفا عقده

‏انا حتى اللي متعوّد على ازعاجه
‏ليا منّي فقدت إزعاجه أفتقده

.....

[الحمدان]

من طوّل الغيبات يفقد مكانه

ياخذ غنايم غيبته مانبيها

بقلمي

[الحمدان]

‏ماركنت لعزلتي في رجاء لفت انتباه
‏غير اشوف ان باقيٍ لي مع الاحلام دين

‏من يطارد حلم ويعيش عمره في رجاه
‏ما اعتقد لاجته فرصه يفكر مرتين

.....

[الحمدان]

عن هجير الروح كان الصمت ظلّي
‏وإن حكيت أغني الغربه وأموّل

‏ليه أدور نصفي الثاني وأنا اللي
‏في حياتي مالقيت النصف الأول

.....

[الحمدان]

‏تعاتبنا بقسوه لين شفتك للغياب ارتحت
‏ذبل فيك الغلا واللي بقى ماعاد يلزمني

‏تساميت وخذتني عزتي عن كل شي ورحت
‏وانا في كل خطوه كنت منتظرك تكلمني

.....

[الحمدان]

جيتك ابي ارتاح من همي وحزني
وزودت جرحي جروح ماقدر انساها

ادور اسباب واقول يمكن الخطا مني
اقلب الصفحات لكن عجزت القاها

احاول امسسك الدمع ولكن ينفلت مني
حتى دموعي تبي من العين فرقاه

.....

[الحمدان]

طبعي أجنب عن الناس وأصد
لاشفت مالا يستحق اهتمامي

في ذمتي ماهو بمعجزني الرد
انا اعتبر صمتي جزء من كلامي

لكن عندي لكل حاجه لها حد
قبل توصل هيبتي واحترامي

صدي عن اللي مايبادلني الود
شيمه لنفسي واحترام لمقامي

.....

[الحمدان]

لاحضورك علاج ولا غيابك مرض
‏عيش عمرك لنفسك وأترك الآخرين

‏لاتحبّ الحياه أكثر من المفترض
‏ولا تخاف الفراق فكلّنا راحلين

.....

[الحمدان]

نمشي على النيات مانحمل الكيد
ونفوسنا من فضل ربي سليمه

ناخذ ونعطي دون نقصٍ وتحديد
عوايدن طول الليالي مقيمه

.....

[الحمدان]

اشواقي اللي من البارح أجمّعها
‏خذلتها وانت في بحر العذر غارق

‏فالصوت نبره انا اول مره اسمعها
‏الظاهر انك حبيبي ناوي تفارق

.....

[الحمدان]

‏الله يمسيكم من الخير بالخير
‏ويكتب لكم طيب الحياه وسعدها
‏
‏ويكفيكم شرور الزمن والمقادير
‏ويرزقكم الجنه و زايد رغدها

.....

[الحمدان]

ناس غلاهم دخل القلب ماراح
يمشي معك في خافقك وين ماتروح

سبحان من سخر غلا بعض الأرواح
بعض البشر تفديه لو يطلب الروح

.....

[الحمدان]

أنت القصيد لاطرى شعر بالبال
أنت الفرح وانت الحزن والمشاعر

وانت السفر لاصار بالعمر ترحال
وانت الوطن لاعاد لأرضه مهاجر

.....

[الحمدان]

‏احذر تعاتب من تعمد يجافيك
لوم العتب بعد التجافي مذله

لاخير في من باع عهد الوفا فيك
ولاخير في خلن جفا عهد خله

.....

[الحمدان]

‏لو القصايد تجيب اللي على بالي
كل القصايد تروح لخاطر عيونه

ياويل قلبي ويا وجدي على حالي
لامر طاريه وجهي يختلف لونه

.....

[الحمدان]

تعال عيوني عدهن عتب وياك
عفتني وبقن بيه شكد نياشين

مارهمن بدونك ليلي وجفاك
فاضحني السكوت ودمعة العين

يمر ليلي واكولن باجر انساك
يجي ابالي حنينك مدري امنين

صبر ماظل بعد لأن روحي تهواك
تعدي ايام هجرك جنهن سنين

شعر عراقي

[الحمدان]

تفداك نفس شالها الشوق صوبك
ويفداك قلـب مالقى مثلك أبد

وتفداك عين ماتبي غير شوفك
ويفداك عمر مافدى قبلك أحد

.....

[الحمدان]

اشكي غيابك وانتظر لحظة عناق
لوكانت الدمعه تردك بكيتك

ماعاد فيني شيء يستحمل الفراق
لو في يدي تعديل الاوضاع جيتك

اتخيلك في كل الاوقات واشتاق
واكذب على نفسي بكلمة مرتاح

.....

[الحمدان]

ياسبحان من حط الشتاء للبشر ترفيه
‏تقول الرحابه والسعد فيه مزروعه

.....

[الحمدان]

والصحه أحيان على هيئة بشر
‏لاشفت من تغليه شفت العافيه

.....

[الحمدان]

ياهيه ياللي تنقل القال والقيل
وتحطني في موقفٍ ماحصلي

بيني وبينك دعوةٍ تالي الليل
اخذ بها حقي وانا في محلي

بقلمي
... احذر ان يشتيك احد إلى الله

[الحمدان]

نداري تقلاب الزمن والزمن دوار
‏يغير مضامين النفوس ومشاعرها

‏صبرنا عليها والصبر للحليم اشعار
‏تجينا الامور الكايده ونتصاغرها

‏سحانا وقار وصمتنا عزه ومقدار
‏ووجيهٍ ماتعرف قدرنا مانقدرها

.....

[الحمدان]

وجودي على إللي ماتهيأ على مشهاي
‏عليه الحسوف تجِر روحي وتوجعها

‏حسبت النصيب مع الليالي يجيب مناي
‏وتردى النصيب وعزة النفس تمنعها

‏جحدت الطعون وصرت صابر على بلواي
‏من الياس حتى النفس عافت مطامعها

‏عليك الخلف ياعالم السر يامشكاي
‏لك إيديننا في حال رجواك نرفعها

.....

[الحمدان]

العذر في بعض الأحيان مايلقى القبول
‏في وسع صدرٍ تحمل زعل لين امتلا
‏
‏مشكلة غلطتك ماتقبل انصاف الحلول
‏والمصيبه لك معزه وتقدير وغلا
‏
‏قلت سامحني وأنا الصدق مدري وشقول
‏خايف أسامحك مره وتاخذها حلا

.....

[الحمدان]

لاتهادت ظلمة الليل والعالم هجاع
‏كن متمثني ضلوعي حرابٍ فاريه

‏أتنهّت والهقاوي ضياعٍ في ضياع
‏والمقدّر ماعنه والليالي جاريه

‏الزمان يسل سيفه على قلب الشجاع
‏مايحنّه والمخاليق ماهي داريه

‏والله إنه مايحدّك تكب الإجتماع
‏غير ضيقٍ ما يخفى وذكرى طاريه

.....

[الحمدان]

أدنى مايأثر بنا وأدنى مايملا الصدور
‏تقول الأيام تطلب من حدانا قضاء

‏أحياناً الصمت للتعبير منفذ عبور
‏ لاهو علامة زعل ولا علامة رضا

‏خلّو يتيم المشاعر يستفيض الشعور
‏ضلوع صدره على مشهاب جمر الغضا

‏تقول زحل وعطارد فوق صدره تدور
‏لامن صدره فضاء عوّد مجرّة فضاء

.....

[الحمدان]

قلوبنا من طيبها تحفظ الطيب
‏واللي يجينا من ردىٰ الناس ننساه

‏حنا بشر نخطي مع الوقت ونصيب
‏وان بان في ثوب الخوي شق رقعناه

.....

[الحمدان]

قد سمحت وطابت جروحي وعيّنت خير
‏متكل باقي حياتي على صدق النوى

‏والله ان قلبي من العام كنه عش طير
‏رغم ضعف بنايته مايطيح من الهوى

.....

[الحمدان]

الذكريات بكل الأحوال تشقيك
‏مافيه روح من الحنين استراحت

‏تحزن على ذكرى حزينه تبكيك
‏وتضيق من ذكرى جميلة وراحت

.....

[الحمدان]

يسعد ‎مساء الناس الراقيه
اللي لهم بالقلب قدر ومقام

اللي على طهر النوايا باقيه
وترقا صداقتهم معزه وإحترام
‎
بقلمي

[الحمدان]

كنه يقول العشق فيكم وفيني
مع أنه الساكت وأنا ماتكلمت

أنت تبي الصمت بينك وبيني
طيب أحبك كيف تنقال بالصمت

.....

[الحمدان]

كل الصباحات ماتكمل بلا شوفك
اصحي وخل الصباح بشوفتك يكمل

صباح قلبك شعورك ضحكتك خوفك
صباح لمسه يديك ووجهك الاجمل

.....

[الحمدان]

‏يوم طاوعت كبريائي وقسوتي وعنادي
صديت عنه والمحبه قدرها متواجد

يالنسيّم اللي تمر دياره وترتادي
بلغه شرهه خفوقي والسلام الواجد

.....

[الحمدان]

وقلب جرحته لاتحاول تداويه
‏خله يعاني من قساوه طعونك

‏بالله قلي ماحصل وش تسميه
‏أغلى حبيب لك بلحظه تخونه

‏حاولت بك ولاحصل شي ابيه
‏وخيبت ظني خيب الله ظنونك

‏تصفي لغيري بالمحبه وتغليه
‏وتبيع ناس بالموده يبونك

.....

[الحمدان]

رجلٍ الى مال الزمن يرتكي له
ورجل ٍ الى مال الزمن جاك مايل

ورجل ٍ ذخيره للظروف المهيله
ورجل ٍ يجي مع ظرف الايام عايل

تكشفهم اوجيه الليالي الطويله
لك تنكشف كل الامور الهوايل

الهاب بدر

[الحمدان]

ياسلام الله على من يجيني قبل اجيه
‏من وفاه يبادر بكلّ طيب مبادره

‏من يحصّل صاحبٍ طيّب يحافظ عليه
‏والله إنّ الطيّب اليوم عمله نادره

.....

[الحمدان]

‏أضحك وأنا لجروح الأحباب جاحد
‏أداري المكنون عن كل عين

‏ماودّي أفرّح على القلب حاسد
‏ولا عذابي في عيوني يبين

‏شيٍ يهون وشي بالحيل كايد
‏ياكود تجريح الخفوق الحزين

‏من عانده وقته وقلبه يعاند
‏مالت به الدنيا يسار ويمين

.....

[الحمدان]

عشت ياصوتٍ يعود الليل ذكراه وحنينه
قالو العالم نساك وقلت والله مانساني

والله ان قلبه جريح ووالله ان نفسه حزينه
ووالله انّه مثل ما أعاني من الفرقا يعاني

لو نسا وجه الفجر صبحٍ يصبّر ساهرينه
مانسيتك يا أوَّل أحبّك نطق فيها لساني

.....

[الحمدان]

طفل الوله شاب راسه وانهدم حيله
شف من متى مانعه لايطري عيونك

تسمح لي اعيش بك في بالي الليله
بعض الليالي قهر تنعاش من دونك
.....

[الحمدان]

‏وصل الكلام آخر حدود الميانة
‏واللي تعثر قام واللي قسى حنّ

‏مافيه احد يستاهل انّك عشانه
‏تعيش راجي فضل وتموت ممتنّ

‏ودّك ترجّع كلّ شيّ بمكانه
‏بسّ المسير لوين والخطوة لمنّ

‏لاخانك اللي كنت خوفه وأمانه
‏بيخونك التعبير ويخونك الظنّ

.....

[الحمدان]

ياحبيبي كيف بالله تتركني وحيد
للوصال احبال وانت قطعت احبالها

وش يفيد الهجر بالله قلي وش يفيد
حالتك يرثى لها وحالتي يرثى لها

.....

[الحمدان]

رفيقي الوافي على الراس اغليه
مكانته يرقى لمثن السحايب

اشتاق له لني اعزه وباغليه
حاظر معي حتى ولو كان غايب

.....

[الحمدان]

‏مكتفي باللي يجي منك من باب الوصال
‏إن عجزت تسوي الصعب سوّ المفترض

‏أرسل إن عيت عليك الظروف الاتصال
‏الرسايل بعض الاحيان توفي بالغرض

.....

[الحمدان]

‏ماهو بكيفك تأخذ القلب وتروح
‏أما تجي وإلا مع القلب خذني

‏في غيبتك كني جسد مابها روح
‏وعن نقص حالي كل واحد نشدني

.....

[الحمدان]

ياشين طعم الصبر لاصرت مجبور
تصبر ولا تدري وش الايام تعطيك

.....

[الحمدان]

‏عقب البطا ماني بقايل تاخرتي
‏ياما من الشوق كنت اصنع لك الحروة
‏
‏يامرحبا ياهلا بك عد ماغرتي
‏من غاويات القصيد وطاري النّسوة
‏
‏تتغير الناس وانتي ماتغيرتي
‏للحين وجهك جميل وبسمتك حلوة

.....

[الحمدان]

مشتاق لك يابو العيون الكحيلات
مشتاق لك والشوق فيني زياده

ياسيدة كل البنات الجميلات
ياراحة احساسي وكل السعاده

فيك الحلا قد فاق كل الاميرات
يادنيت العاشق وغايت مراده

ليتك معي في جانبي كل لحظات
والراس جنب الراس فوق الوساده

واقطف لش الازهار والورد باقات
ياوجبة المغرم وشربه وزاده

.....

[الحمدان]

بنت الاصول من البنات الاصيلات
وهاجوسها بالشعر يطلق زناده

باشعارها الفـنان ينغم بشيلات
شيلات لضايق تسلي فؤاده

كلمات ع الواقع عتاب وحزينات
للجرح هن مثل الدواء في العياده

.....

[الحمدان]

بالامس كان الورد بالقلب مزروع
واليوم قد قلبي عبوات والغام

صار الهوى والحب والشـوق ممنوع
واصبح عذابي بين الآلم وارغام

ما أسعد اللي من لضى الشوق موجوع
وما اتعس اللي من جمود الاسى نام

جمر الهوى اللي كنت الاقيه مفزوع
ليته يعاودني ولو عبر الاحلام

اشتقت نار الشوق والقلب مفجوع
تقضي على ليل المخاوف والاوهام

اليوم الاول كانت الساعه اسبوع
واليوم هذا صارت الثانيه عام

أين انت يامن كنت لي عز موضوع
وباختصر عمري معك بعضـه ايام

.....

[الحمدان]

على البال ياللي كل مامرّني طاريك
‏بدت كل تنهيدة تمارس هوايتها

‏إذا الحب ماكفّاك مدري وش يكفّيك
‏الاحلام ما اخذت من وجودك كفايتها

‏وإذا الذكريات ولهفة الشوق ماتعنيك
‏لاتنسى الجروح اللي تعيش برعايتها

‏عسى الأمنيات اللي توجّد على ماضيك
‏يسخّر لها الله من يقوم بعنايتها

‏عيونٍ غوت من بعد فقدك وش يدرّيك
‏لعلّك تكون انت السبب في هدايتها

‏أنا لو ينسّيك الزمن ماني بناسيك
‏محبتك قصة ما اقدر أكتب نهايتها

لو الوقت يرجع قبل اعرفك وقبل اجيك
‏وقبل الهقاوي تنثني دون غايتها

‏باروح أنتظر فأول مكانٍ جمعني فيك
‏وبآعيد تجربتي معك من بدايتها

.....

[الحمدان]

أثر الغلا لازاد عن حدّه أنباع
‏مثل الدفى لازاد يصبح حريقه

.....

[الحمدان]

‏ياطير في عالي سماك ايش الاخبار
هل من خبر ياطير للي عشقته

ذاك الذي له داخل القلب مقدار
بالله هل ناظرت زوله وشفته

لامر لك قله انا حيل منهار
من كثر غيباته ترى العيش عفته

وقله انا عايش بدونه على نار
وخايف اموت بيوم ماقد نظرته

.....

[الحمدان]

‏ياخِل فيني شوق ماحل بإنسان
ياخِل احس الروح ماهي بروحي

ياخِل حبي في سما حُبك ادمان
ياخِل داويني وداوي جروحي

يشهد عليا من خلق كل الاكوان
الواحد اللي يعلم اسرار روحي

إني احبك حُب ماحبه انسان
حبً من الاعماق ياروح روحي

.....

[الحمدان]

خل البشر تذكرك بالخير والطيب
السمعه الزينه رصيد وغنيمه

ان جيت تلقى المسهلا والتراحيب
وان غبت تمدحك النفوس الكريمه

محبة العالم من اغلى المكاتيب
بعيونهم بتشوف معنى الحشيمه

.....

[الحمدان]

أرسل تحيه على قدر الغلاء الصافي
لأحباب قلبي على نغم الوتر والدان

بحساس شعري ونظم الحرف والقافي
ممزوج بشواق فيها صافي الألحان

سلام مني سلام الصاحي الغافي
سلام رايق معطر بالعطور اللوان

فيها من العود وانسام الهواء الدافي
والزهر والورد مقطوفه من البستان

.....

[الحمدان]

‏لو طلبت العين تفداك العيون
‏ولو طلبت القلب لك قلبي فدى

‏يابعد من يعشقون ويكر هون
‏لك خفوقي يعشقك لأبعد مدى

.....

[الحمدان]

لو بقى للهيل صبرٍ على فوح الدلال
مابقى للقلب صبرٍ على شيء يرتجيه

.....

[الحمدان]

‏حظك كبير بفكّة الريش ياطير
لك خاطرٍ مابيّح الوقت سدّه

عطني جناحك بس في حزة عصير
ولك وجهي إنه لأظلم الليل أردّه

.....

[الحمدان]

ياطير ياللي في السماء فارد الريش
‏خذني على ريشك ديار الحبايب
‏
مافي بالسماء ياطير نقطه وتفتيش
‏ولا على المشتاق دفع الضرايب

.....

[الحمدان]

‏من شالنا بالعين شلناه بالعين
وان ضاقت الدنيا لقانا رصيده

ومن خصنا بالزين نكسيه بالزين
غصب ٍ على خشم الامور العنيده

.....

[الحمدان]

‏ليش التغلي صار بالناس عاده
واصحابنا الغالين ليش يتغلون

ماهو بذنبي صرت طيب زياده
ذنب الزمن خلا البشر مايحسون

.....

[الحمدان]

كبدي اللي من الايام فيها وفيها
كنها حدر جمر وكنها فوق مله

البشر ماهي بتنباع لجل اشتريها
وانا ماعفت احد من رخص ولا ممْله

عزة النفس تمنع من تربى عليها
وانا قلبي ماقلت اخذه ولا قلت خله

الحقيقه بتسمعها ولو ماتبيها
انتهى كل شي وربي وربك الله

.....

[الحمدان]

‏رضا البشر ماهو بآيه منزله
خل العقول الطايشه في طيشها

احيان تفكيرك يحل المشكله
واحيان حل المشكله تطنيشها

.....

[الحمدان]

العيون اللي تراقب من بعيد
ياعساها ماتشوف الا الهنا

استريحي يالغلا مامن جديد
العهد باقي وأنا مازلت أنا

.....

[الحمدان]

مرحبا من سبب ولا بليّا سبايب
ياسبب كل جرح ويا دوى كل علّه

ياحبيبي بدون أدنى شكوك وطلايب
والله وبالله اللي كوّن الكون كله

إنك الحاضر اللي كن ماهوب غايب
وإنك الغايب اللي ماتغير محله

.....

[الحمدان]

يامرحبا مليار باللي لفانا
ترحيب مايحصى ولا هوب معدود

باللي له التقدير يسبق غلانا
واللي احترامه عندنا ماله حدود

.....

[الحمدان]

‏على صعيد الظروف ومعطيات السنين
الناس مابين ضيقة بال وأزمة فكر

ملت من الشعر والشعار والمنشدين
تحتاج عن جلسة الغاوين جلسة ذِكر

بقلمي

[الحمدان]

مرحبا ترحيبةٍ تضفي على شبه الجزيره
مثل ما تضفي على كل الدول هيبة وطنّا

.....

[الحمدان]

يامرحبا ترحيبة ترفع الراس
نفخر ونذكر في وجود النشاما

ترحيبة من قلب وشعور وإحساس
ريح النفل منها وريح الخزاما

.....

[الحمدان]

غير الوفاء والطيب لا ماتخيّرت
لو مالت الأيام ماني بمايل

باقي على ساق الوفاء ماتغيّرت
تسوقني الشيمة وأسوق الجمايل

.....

[الحمدان]

سقا الله ذيك الأيام وياحلو ذكراها
ايام عمري مضت حاسبها ومحصيها

سنين حفظتها لأجل ارجع اقراها
ذكرى مكان وزمان وناس اغليها

.....

[الحمدان]

اوفيت لك دام الوفا حصانه الشوق
وتستاهل الاشواق ياراعي الطيب

انت الوفي وفارس الشوق ياذوق
ومنزلك مابين الضلوع المحاديب

.....

[الحمدان]

يامرحبا تحية مالها حدود
ترحيبة يفخر بها الضيف والجار

اللي لفا يستاهل المسك العود
ويستاهل الترحيب وطيب الأشعار

.....

[الحمدان]

انا ادري ان الليال السود خداعه
شفني من مرافق الرديان متخلص

بعض العلاقات كنّها غاز ولاعه
ان طولت ست خمس ايام وتخلص

.....

[الحمدان]

ان زانت ظروف الليالي ضحكنا
وان كانها شانت ضحكنا عليها

.....

[الحمدان]

بنت الشيوخ الي تشرف عربها
مهره اصيله راسها دوم مرفوع

هي الاصيله من عرفها حسبها
تخضع جزيلات القصايد لها طوع

.....

[الحمدان]

‏الليالي تحد اللي عليها صبور
وحضي يحدّني وهو على حدّها

كل ماجات فرصه قلت زانت لمور
مْسكتها الليالي والعنت جدّها

.....

[الحمدان]

واحذر تصير انسان ضايق وحساس
وتبالش العالم على كل زله

واصبر على دنياك بالعزم والباس
حتى لو انك عايش فوق ملّه

.....

[الحمدان]

‏راسي على عزه ونفسي عزيزه
وأبعد عن اللي ينقص القدر والشان

وربي عطاني طبع ثابت وميزه
ما أطرد ورا المقفي ولو كان من كان

.....

[الحمدان]

الله يعين اللي طوى قلبه الشوق
البرد منّا وأقشر الشوق منّا

.....

[الحمدان]

في اخر الليل صلوا واذكروا ربكم
تطمن قلوبكم وصدوركم تستريح

واللي نصحكم اكيد بقلبه يحبكم
هذاك من ينصح بذمة ودايم صريح

.....

[الحمدان]

لولا طباع الناس في هذا الوجود
ماكان قالوا كل شارب له مقص

من تواضع للبشر قدره يزود
الا الغرور ان زاد بالواحد نقص

.....

[الحمدان]

من خلقت الناس شماته ومداحه
ريح ضميرك ونفسك لاتضايقها

الشجره الطيبه بالطيب فواحه
ماتختلف لو سموم القيض تطرقها

.....

[الحمدان]

مايثمر الشوك برحيه وتفاحه
حتى لو ان القراح العذب يغرقها

ارضى الله الوالي ان كانك تبى الراحه
ورزقك على اللي خلق خلقه ورازقها

.....

[الحمدان]

وش خطاي إلا المحبة وش رجايّ إلا وصاله
‏وش يبي غير الموّدة والغلا والمقدريّه

‏دللوه اللي ربوه صغيّر واسرف بي دلاله
‏ليت لي قلب يطيق الصبر وعيون خليه

‏والغضي لو لاعه التحنان وبقلبه عداله
‏ماغدت من دونه القيعان جردٍ جرهديه

.....

[الحمدان]

احد يجيب الشعر من قدح راسه
‏واحد يجيبه بالذهب والدنانير
‏
‏والقصد واضح مايبيله فراسه
‏عمر الذهب ماصار في يوم قصدير

.....

[الحمدان]

‏جاك البراد وراح صوتك وزكّمت
سلامة أوجاعك ولو كان كحّه

صوتك حلو لاتذبح الشّوق بالصمت
أحبّ صوتك لاغدا فيه بحّه

.....

[الحمدان]

‏لاعلى عيني غشاوة ولا على وجهي قناع
‏مقتنع في حجم علمي وفي حجم اجهلي

‏البشر فيهم هوامش ومن سقط المتاع
‏مالهم تأثير واضح على مستقبلي

‏والحياة ومجريات التلاقي والوداع
‏خضت لي فيها تجارب وجيت بما يلي

‏يوم فضّلت انعزالي على كل اجتماع
‏استرحت وصارت الراحة ألزم ماعلي

.....

[الحمدان]

أحلى مافي الوقت في الدنيا صديق
إنْ ذَكَرتُه تلحقهْ كلمـة كفو

يفرح إنْ تفرح وإذا ضايق يضيق
وقفته تغنيك عن ميّة أخو

.....

[الحمدان]

‏الليل والعزله وقافي ومعناي
‏والامنيات الناجيه والغريقه

‏ياخذني التفكير فيها من اقصاي
‏لين الصباح يفك بالشمس ريقه

‏صدري وسيع وضحكتي في محياي
‏لو اني من الضيقه اشعر بضيقه

.....

[الحمدان]

ياكثر ماتطري علينا الطواري
باحلامنا و قلوبنا بكل الاوقات

نجامل العالم غصب و نجاري
واعصابنا بكل ديرة لها اشتات

وكلام يوصلنا من الصدق عاري
لكن عسفنا نفوسنا للمسرات

نجود الفيصل

[الحمدان]

مع الحنين يفز قلبي لطاريك
لاشفت بالجوال رقمك فديتك

لاجلك ابيع الكون كله وشاريك
ياكحل عيني دام قلبي عطيتك

نجود الفيصل

[الحمدان]

انشد وانا انشد والاحاسيس بالقلب
والشوق هو مكسب معك ياغلاتي

وما يتعب قلوب البشر غير هالحب
ولكن معك بالذات يسعد حياتي

نجود الفيصل

[الحمدان]

خذ قصيدي ياشذى الورد لا ندا
وانتبه لي واستمع موجز النشره

والله انك بالغلا فارقٍ جدا
مثل فرق الابتسامه عن الكشره

.....

[الحمدان]

عن البال ماراحت طواريك لجل تعود
مثل كل ليلة طيش مرَّت على تايب

طبيعي بأن الناس تستشعر الموجود
وأنا أستشعرك موجود وأستشعرك غايب

.....

[الحمدان]

حبيبة عيوني وأول الدرب والمشوار
معك ياحلو دربي ويا خفّ خطواتي

أشوف الوجيه العابره مع طريق المار
ولا زال وجهك في جميع إتجاهاتي

وش البال لو مافيه طاري ولا تذكار
وش الحب لو ماكنتي أول علاقاتي

.....

[الحمدان]

أدوّر سبب للسالفة معك مدري كيف
لو تقول مدري قلت أبنشدك عن مدري

.....

[الحمدان]

لاجيت في بال الغلا عدني ضيف
ضيفٍ من ظروف المعزب تساما

دور العشيق يردني للعنا كيف
وانا زعيم العاشقين القداما

.....

[الحمدان]

الحياه ملكعه تبغى لها نسبه لكاعه
وانت غامر لاتفكر فالزمن جوده وشحه
ٰ
بس تكفى لايصيبك قل دين وقل طاعه
لو تمر بقل مال وقل نوم وقل صحه

.....

[الحمدان]

ضمني من شغف لهفه ومن قلب حار
لارماني جليد البرد رمية عطب

ليه اكسر حطب واحاول اشب نار
وانت في ضمتك نار بليا حطب

.....

[الحمدان]

ياصاحبي والضيق متولج الجاش
باين على وجهي من الضيق أدله

ماكني الا ضايع الفكر منداش
ودرب السنع عيت عيوني تدله

.....

[الحمدان]

احبابي اللي في هواكم اغني
ترا حياتي بعدكم ماهي زينه

البارحه اطق طاري وأغني
أغني ابيات عليكم حزينه

.....

[الحمدان]

ياكثر ماغنيت في يوم فرقاك
ابيات تنزف من جروحن حزينه

انا وحزني والليالي وذكراك
الاربعه فينا مواجع دفينه

.....

[الحمدان]

الله يذكر ذيك الأيام بالخير
وانتي قريبة كنت اشوفك بعيدة

واليوم انتي غير وانا بعد غير
ياليت وقت ٍ راح نرجع نعيده

يرف قلبك لي مثل رفة الطير
اكتب من دموع المعايد قصيدة

انسي معك معاد ابي اي تبرير
من ضحكتك تبعث حياة جديدة

احب اعيش الحب بلا معاذير
احب اعيش المستحيلة اكيدة

.....

[الحمدان]

وجهك علي خير وحضي معك غير
معرفتك اغلى حاجتن مقتنيها

لاقلت لي مساك الله بالخير
كني ملكت الارض واللي عليها

.....

[الحمدان]

اشوف لك من وين مارحت ذكرى
ولاشفتها صديت عنها ودنقت

ماكل جرحٍ لاخذا أيام يبرى
بعض الجروح يزيد شره مع الوقت

.....

[الحمدان]

لو كان للماضي وجع باكر افراح
ولو للحبايب ذاكره مانسوني

رشيت من عطر التغاضي ولا فاح
الا بعد ما اقفوا ولا ودعوني

.....

[الحمدان]

‏قوم مسي علي مادام وجهك مساء
مايعدل مزاجي في مساي سواك

جيتك بوردتين وفنجال قهوه وبوح
وجيتك إحساس روح ونبض وحياه

.....

[الحمدان]

مشاعري ماجت عبث فيك يابنت
ولاهو مجرد هرج قاله لساني

يشهد عليا الله فيني تمكنت
وحبـك وعشقك يا الغلا في كياني

خذمن قصيدي كل مافيك دونت
وخذ من شعوري كل مافي بياني

خطيتها لك كل ابوها واعلنت
انك حبيب الروح طول الزماني

.....

[الحمدان]

‏شواهد الشوق مدري وين أوديها
مشتاق وأقول أنا مانيب مشتاقي

مدري شقا حالي اللي طاغيٍ فيها
والا مجال الغلا ماعاد ينطاقي

.....

[الحمدان]

لاتبلش القلب في ودّه وفي هاته
ولا تتبع النفس ثم ماعاد تقدرها

خلك قنوع ولا تعطي القلب مشهاته
ماضيع الطيبين الا مشاعرها

.....

[الحمدان]

نمشي على حكم الزمن غصب عنا
ونقول ياقلب العنا الف لاباس

حتى ولو بالقلب سهم طعنا
نضحك ونخفي كل جرح عن الناس

.....

[الحمدان]

اضحك وسولف وابتسم للمخاليق
‏وخل الامل بين العيون وهدبها

‏دنياك ماتسوا يجي داخلك ضيق
‏وايامك اللي ماضيه لاتحسّبها

.....

[الحمدان]

أجمل عطر ريح الثرى بعد الأمطار
خل العطور اللي من أسواق باريس

ياما حلى عقب المطر شبة النار
مع هاجسٍ يمطر مشاعر وأحاسيس

.....

[الحمدان]

سكرت انا باب العتب والنقاشات
ماعاد لي خاطر افتش وابرر

كثر العتب شوّه جميل العلاقات
خل النوايا البيض عنك تقرر

.....

[الحمدان]

يذوب طرفي في مشاهد عيونك
وتشهق لك الأنفاس من قو الإعجاب

صحيح عاقل بس انا أعشق جنونك
ياللي غديتي كل ناسي والاصحاب

.....

[الحمدان]

الناس بالدنيا تواريخ وأرقام
أحباب وأصحاب ومعارف وخلان

وإنت بقلبي جامع الأربع أقسام
وقدرك بقلبي دايم الدوم ماهان

.....

[الحمدان]

لوكنت ماحبك ولا أغليك بإحساس
ماكان اسمك بين الأضلاع منحوت

لكنني أخفي غلاتك عن الناس
والناس غايتها متى حبك يموت

.....

[الحمدان]

مفتاح قلبي معك ياكامل الزين
مسموح لك تدخل ولا عاد تطلع

وإذا طلعت اطلع من القلب للعين
وان ماعجبك الوضع للقلب ارجع

.....

[الحمدان]

دخيل انا وجهك الي يشبه اسلوبك
وعيونك السود والا الوجنه الحمرا

إليا مشيتي مشت كل العرب صوبك
الضاهر ان العرب تمشي على القمرا

الحب والعشق يُبنا من على طوبك
والزين يمشى على امرك ماهو بأمرا

من يوم ماقلتي اني صرت محبوبك
وانا كرهت العذارى بيضه وسمرا

.....

[الحمدان]

‏ياحلو صوتك وانت مليان بالبرد
في نبرتك فرحه ولهفة ورعشه

من هب صوتك امتلى مسمعي ورد
الله يالك في مساء الشوق وحشه

.....

[الحمدان]

وين أنت ياللي كتبت الشعر لعيونك
عطني تفاصيل حرفك وترك الخافي

ان كان حرف القصيد يحرك اشجونك
وشفيك ماتبدي إعجابك على قافي

.....

[الحمدان]

ياصاحبي مادام للحب موضو؏
احفظ وبكره حصة الدرس تسميع

انا غلاي اصلي من الحب مصنو؏
ماهو من اﺳواق المحبين تجميع

.....

[الحمدان]

ياشينها لاجيت ضايق ومشتاق
واللي توده بالغلا ملتهي عنك

هنا هنا موت المشاعر والأخلاق
تبطي خناجر خيبة الشوق تطعنك

.....

[الحمدان]

غيابك يشابه غيبة الامن عن الاوطان
هذي العين مدراره وذي الكبد وهّاجه

بكتك العيون بدمعة الوجد والحرمان
وبكتك الضلوع برجفة الفقد والحاجه

.....

[الحمدان]

يالابسه البرقع على هونك شوي
من شوفتك ضيعت وزن القصيدة

طلة جبينك بالسماء تشعل الضيء
ونظرة عيونك في حلاها فريده

.....

[الحمدان]

مديت لڪ من خافقي صافي الشوق
وترڪت باقي الناس لجلڪ وجيتڪ

تعال خل الحب يرقى بنا فوق
عطني من اعماقڪ مثل ماعطيتڪ

[الحمدان]

الورد لو عاش طول العمر بأحضانك
ماجف غصنه ولاذبلت مراهيفه

وشلون يذبل وهو ياخذ من ألوانك
وشلون يذبل وانفاسك سواليفه

.....

[الحمدان]

‏عند العناد بهامتي ألف عفريت
‏لكن تجي بالطيب تاخذ عيوني

.....

[الحمدان]

لاتنكر المعروف لو إنه شوي
‏من قدّم المعروف ردّ امعروفه

سعد بن جدلان

[الحمدان]

‏لاتعاتب قلب مايحفظ غلاك
ودعه في صمت واعزم بالرحيل

ولاتقول الشوق وردك الهلاك
لو يحبك مالقى غيرك بديل

.....

[الحمدان]

‏سجل قصيد الغلا بإسمك وسجلني
‏أول متابع لحاسيسك ولمساتك

‏لو تكسر البيت كمل لاتكلمني
‏يكفيني اسمك مسجل باخر أبياتك

.....

[الحمدان]

مرحبا بالطّاري اللي في خيالي جابك
مرحبا يا أعز من يستاهل الترحيبة

.....

[الحمدان]

‏اسهل مفاتيح القلوب ابتسامه
‏واترك عيوب الناس وتموت راضي

والصمت في بعض المواقف كرامه
‏وقد قيل ثلثين السعاده تغاضي

.....

[الحمدان]

عسى مدهال ملهوف الحشا للرايح الصباب
يصب من الوله ويعانق المحبوب محبوبه

.....

[الحمدان]

وشلون ذا الرقم ماعاد اتصل فيني
اللي لو اغيب ساعة يحترق جوفه

العام نصف الرسايل بينه وبيني
واليوم ادوُر على رقمه ولا اشوفه

.....

[الحمدان]

يقول :
ارجعي لي ويرجع لك حجاجي ضحوك
جيّتك كافيه مثل الحيا في الوسم

ولما رجعت قال :
جيتي وكملتي جروحك بجرح ثقيل
وانا الجروح القديمه ماتخطيتها

[الحمدان]

مرحبا ياشيخة البيض تلعات الرقاب
مرحبا يا أعز من مر وأغلى من رحل

فارعٍ فيها من الحسن م لذ وطاب
يتزين في مضاليلها الخرس الكحل

فكّت أبواب المحبه في قلبي باب باب
وجيشها أجتاح المحاني وسيطر وأستحل

.....

[الحمدان]

احذر من اللي يتصيد خطاياك
حتى ولو كان الصديق المقرب

تلقاه خلفك ومتخفي يتقفاك
وهمه خبرك اللي يجيه ومسرب

نجود الفيصل

[الحمدان]

‏لابارك الله في الصدفه وحزتها
صدفه وعدت بعد كادت تجيب أجلي

والله مدري عقب فكت عبايتها
انا على موتري والا على رجلي

.....

[الحمدان]

القصيد احيان نوع من الطب البديل
يستريح ويستلذ الحشى برعايته

.....

[الحمدان]

اصبر على الدنيا ترى العمر مقسوم
محدنٍ حياته جت على ماتمنى

.....

[الحمدان]

على النقاء والبياض وصافي النيه
نعامل ناس صافيها وحاقدها

.....

[الحمدان]

ورّد البرد خدك وأنت خدك رقيق
وما رحم عودك الميّال ريح الشّمال

من بنفسج ثغرك ووجنتك لاتضيق
حاول البرد تشويهك وزادك جمال

.....

[الحمدان]

أنا حياتي قصيدة وزنها صعب
والحظ خبلٍ تهجّاها وكسرها

.....

[الحمدان]

ياحي من جاني وفي عينه الشوق
ياحي منطوقه وياحي شوفه

الغالي اللي بالغلا منزله فوق
كل المشاعر في حضوره شغوفه

.....

[الحمدان]

مزيونه وجمالها فوق كل الوصوف
ومن زينها تضحك على كل البنات

لادبرت تطوي ملابسها الردوف
وان اقبلت يارب عفوك والثبات

.....

[الحمدان]

انتي القصيد وحرف بوحي ومعناه
وانتي الحنان اللي غزى الروح توه

انتي الطبيب لوحده القلب ودواه
وانتي السحاب اللي روى الروح نوه

.....

[الحمدان]

خلوني امشي في غرامه وخلوه
‏دام الغلا يمشي بدمي ودمه

‏انا عليه احن من خافق ابوه
‏واشفق عليه ان غاب من خافق امه

.....

[الحمدان]

كان يكذب على قلبي وأنا داري
‏وعديتها من باب قرب المحبه
‏
كم أرقع له وأمد إعتذاري
‏من موقف خايف إنه مايحبه
‏
واليوم لاقدر ولا هو يداري
‏كنه يكسر في غصون المحبه
‏
ماكنت أظن ولا طرى لي طواري
‏أن الليالي تخلف اللي نحبه

.....

[الحمدان]

‏انت العلاج اللي شربته على الريق
‏جرعة شفا تقضي على كل عله‏

‏وانت الكلام العذب في ساعة الضيق
‏اللي سماعه يطرد الضيق كله

.....

[الحمدان]

الغلا اللي كنت اخاف انه يعدّي عدّا
‏أسرع من الليله اللي مستحيل انساها

.....

[الحمدان]

لاطالـت الخوّة تبين العذاريب
‏وتعرف قراح البير وإلا هماجه

‏ابعد عن اللي لازعل ينكر الطيب
‏اللي تقلب عشرته مع مزاجه

‏ان راق رقّاها طوال المراقيب
‏وان ضاق ضيقّها على ادناة حاجه

.....

[الحمدان]

‏الخيره احيان تاتي لك بما تكره
والنفس لولا الأمل ياويش يحييها
⠀
احسن ظنونك بربك وانتظر بكره
بتشوف مايسعد عيونك ويرضيها

.....

[الحمدان]

‏انا في رجا الله واطلبه كل ماصليت
‏عن الناس واللي من ورا الناس يغنيني

بقلمي

[الحمدان]

‏لو نطلب الناس ماسرّت ولا ضرّت
الخالق الله وحنا من مخاليقه

يالله بنفحات جودٍ كل مامرّت
يمر معها فرج ربي وتوفيقه

.....

[الحمدان]

اصبر على ماجاك وإقبل بما جاك
وحبل الرجا خله مباري لحبلك

لو تضرب الدنيا من هناك لهناك
مالك من الدنيا سوى ماكتب لك

.....

[الحمدان]

بعض الاوادم عطاه الله على طيبه قبول
ان جاك زاد الغلا وان غاب زاد الغلا

.....

[الحمدان]

رطّب لسانك بذكر الله العظيم
يارفيق الخير قول استغفر الله

فيه تفرج كل هم وكل ضيم
ومن ذكر ربه يلاقي الخير كلّه

بقلمي

[الحمدان]

الناس نعمه ونقمه والثقه ماتدوم
مهما تكابرتها والا تصاغرتها

بعض الاوادم ليا شفته نسيت الهموم
وبعض الاوادم ليا شفته تذكرتها

.....

[الحمدان]

كم اقنعه طاحت وبانت حقايق
وكل واحدن بان ايش هوه مخبي

تساقطوا جمعه سوا في دقايق
بفضل ضيق الوقت وبفضل ربي

.....

[الحمدان]

رافق ولكن لاتوافق على خمس
لو يطلبونك صحبتك لاتوافق

فاسد وراعي بخل والمزعج العمس
ومعهم رفيق المصلحه والمنافق

.....

[الحمدان]

‏إلى متى والناس تكذب على الناس
وإلى متى بعض الأوادم تجامل

ماتت ضماير ناس ماعندها إحساس
والكذب صار أرقى فنون التعامل

.....

[الحمدان]

‏المكارم ماهي بكبر البيوت
كم كريمٍ سقف بيته من عريش

مايهم تعيش وافعالك تموت
المهم تموت وافعالك تعيش

.....

[الحمدان]

‏احذر من اللي ينقل الهرج لعداك
يظهر لك الطيب وهو منه معدوم

قلبه مريض ويخلط السم بدواك
يعرض عليك الرأي والرأي مسموم

.....

[الحمدان]

اليوم بكره بعد بكره بعد عام
يبي يطيح قناع وجه المقنّع

ماتخفي الايام تبديه الايام
لاشع نور الحق غاب التصنّع

.....

[الحمدان]

من ينشغل في نفسه يعيش مرتاح
ومن ينشغل بالناس ماذاق راحه

ويافاتحٍ قلبك لمن جا ومن راح
اللي بصدرك قلب والا استراحه

.....

[الحمدان]

احدً على كثر الصبر مالقى شي
واحدً وهو مرتا ح زانت أموره

أحدً يموت وموتته توجع الحي
واحدً غيابه مثل حزة حضوره

.....

[الحمدان]

احترامك للبشر ماهو بخوف
بل دليل انك أصيل ومحترم

لاتغير ميزتك لجل الضروف
عيش عمرك بالشهامه والكرم

كم ضعوف فارقوا الدنيا ضعوف
وكم نشاما ذكرهم فوق القمم

.....

[الحمدان]

نجلس مجاليس الشرف والسلاطين
وبوجيهنا هيبة ملوك وزعامه

ماننتظر مدح الفعايل من سنين
الله خلقنا بالفخر روس هامه

.....

[الحمدان]

عشنا على ألدنيت مطانيخ واكرام
مأتنحني هاماتنا لجل حاجه

نسوقهأ قدأم وألعز قدام
مافيه ضيق الا على الله افراجه

.....

[الحمدان]

‏مهما تحس بضيق صدرك والانفاس
خل الامل بالله في داخلك حي

لو شفت هم انسان غيرك من الناس
يصير همك في عيونك ولا شي

.....

[الحمدان]

‏الناس بالدنيا طبايع وعادات
تصعب على الإنسان يرضي بَشَرْها

عليك في دينك وكل العبادات
واترك بلاوي الكون واحذر خيرها

.....

[الحمدان]

أكرم موازين المخاليق الأخلاق
وأكبر كنوز الأرض كنز القناعه

[الحمدان]

يالموت لك هيبة تهز السلاطين
ولك حزةً ماتدريي الناس عنها

ولك ضربةً تقطع احبال الشرايين
ولك طعنةً ماغيرك اللي طعنها

ولك ضربةً بالهند والسند والصين
والغرب وبشام الديار ويمنها

ولك صدمةً تفجع قلوب المحبين
ولك خطفةً ماينفع الحرص منها

.....

[الحمدان]

مع الله تزين ايامنا والسنين تزين
ومع الله تطيب الناس لاضاق خاطرها

.....

[الحمدان]

‏عسىَ ربي يقوي عزمنا مابين حل وحال
وعسى هقواتنا دايم على العليا مراقيها

.....

[الحمدان]

اللي مع نفسه ترى ماهو وحيد
ترى الوحيد اللي مع الناس الخطأ

.....

[الحمدان]

‏تجمل مع العالم وخلك حسين اخلاق
‏جميلك هو اللي لامن اقفيت يبقى لك

.....

[الحمدان]

‏يسعد صباح اللي طلع للدوآمات
‏ويسعد صبآح اللي على فراش دآفي

‏اللي طلع يارب دربه سهالات
‏واللي بفراشه يارب نومه عوآفي

.....
‏
‏

[الحمدان]

كل يوم يموت فالأنسان حاجة
لين يوصل لآخره ويموت كله

.....

[الحمدان]

ولا اساوم على حسن الخلق والذوق والتهذيب
‏ولو تجمح بي افكاري بغير الخير ما اسرجها

‏عسى نفسي إذا لاقت من الدنيا كثير الريب
‏ماتوقن غير بالمعروف والاحسان يوهجها

.....

[الحمدان]

‏نتصالح مع زمنا وانتحارب
والفلك دوار والدنيا سريعه

اكتسبنا الصبر من كثر التجارب
واكتسبنا العز ميراث وطبيعه

.....

[الحمدان]

بين الصبر والصمت وخاطر حزين
ماقلت ياليل العنا وش جرالي

‏ومن كثر صدماتي بناسٍ عزيزين
‏قمت أتحرى صدمتي من ظلالي

.....

[الحمدان]

‏خلك فطين وعاشر الناس باحسان
والطيب سوه كان تقدر على الطيب

واختار لك صحبة نشاما على شان
مايخدعك ثعلب وﻻ يجرحك ذيب

.....

[الحمدان]

مابين حب الجميل وبين كف القشر
‏اهل المعاريف ضرتها معاريفها

‏معاد الاعمال بالنيات بين البشر
‏الناس تاخذ نوايانا على كيفها

.....

[الحمدان]

خل النوايا الطيّبة نَصب عينك
‏وإعبر طريقك لامشيت وترفَق
‏
‏حتىٰ لو إن أهل الردىٰ محتسينك
‏من أخلص النيّة لربه توّفق

.....

[الحمدان]

‏ياكم أحب سروري وهو يكرهني
ويا لكرهي لحزني وهو يهواني

طبعُ الرياحِ كذا لا بأس ياسفني
إنّ الحياة حياةُ العالم الثاني

.....

[الحمدان]

كل عسر لا دارت الدنيا يلين
وكل ضيق يلقى بأمر الله سعه
.....

[الحمدان]

تهب الذكريات ويصبح الصّبر الجميل حطام
‏ودمع الفقد يجري مانوى طرفي على وقفه

‏فراقك مايهوّنه الزمن لو مر ميّة عام
‏فراقك جرح مع زود السنين يزود في نزفه

.....

[الحمدان]

تدري وش اللي يقهر صدور الأجواد
‏رخومٍ تحسب نفسها طيور شلوى

.....

[الحمدان]

‏في حاجات واجد لو تثير إنتباه
‏تجعل المرء مايستأنس بجيته

‏كل مايكبر الإنسان في هالحياه
‏يضعف الشوف لكن تتضح روئيته

.....

[الحمدان]

قبل الدموع تهلّ والفرقى تحين
تكفين بأسال والجواب يهمّني

بالله من علمك تلويح اليدين
أنا أحسب يدينك ماغير تضمّني

.....

[الحمدان]

‏تعايش مع العالم وطنش كثير علوم
‏وبابٍ تحس إنّه وراه الغثا سده

.....

[الحمدان]

وأبعد عن الكذاب نقاض العهود
‏ولا تصدق كلمته مهما حلف

‏واللي تطبع بالردى مافيه فود
‏طبعه على مر الزمن مايختلف

.....

[الحمدان]

عليك مُتوكلين وبك نظنُّ الظن الجميل
فياربُ قدَراً جميلاً وخيراً يتبعه الرضا

.....

[الحمدان]

حُرية الفكر هي أبسط حقوق الحياة
‏والعاقل اللي يعرف حدود حريته

‏من سكر أبواب قلبه لاتفتش وراه
‏من حقه يعيش بالدنيا خصوصيته

‏فقير الأدراك أفعاله تأكد رداه
‏تكشف لك أسراره السودا وماهيته

.....

[الحمدان]

تلخبط جهاز المخ وانهارت الاعصاب
‏وفورت دمي وارتفع ضغطه العالي

‏لكن في رجى اللي من رجى رحمته ماخاب
‏هو الواحد العالي وهو ربنا الوالي

‏وهو الخالق الرازق وهو المعطي الوهاب
‏له الملك كله والكمايل والاكمالي

‏رئوف رئيفٍ رحمته تنقذ المنصاب
‏يغيث الديار الممحله عقب المحالي

.....

[الحمدان]

بعض المشاكل حلها بالفراسه
لاشان وجه الوقت وامتس حبله

يضيع فيها فيلسوف الدراسه
ويحلها لك شايبً يتبع أبله

.....

[الحمدان]

أحمل طموحاتي على كفّ الأحلام
‏وأقابل الدنيا بصبر وشراسه

‏وما زلت أعاني من شقى جور الأيام
‏ولا زالت الأحلام قيد الدراسه

.....

[الحمدان]

يمكن يكون الخير كله بعينه
‏باللي نشوفه كلنا شر هالحين

‏ولا وش الحكمة بخرق السفينه
‏وقتل الغلام وفي جدار اليتيمين

.....

[الحمدان]

التغافل عن ضجيج المجتمع وإزعاجه
لذةٍ من ذاقها ماعاد فرط فيها

.....

[الحمدان]

اما عن الأماني :
تمنيت شي وقدر الله شي وصار
ولا لي سوى وجه الرضى لو تصنّعته

واما عن الخيره :
انا هقيت ان راحة العبد فيما اختار
واثر خيرة المولى لعبده مسنّعته

واما عن الواقع :
تبون الصراحه والله اني بغيت انهار
ظروف الحياة اقسى من اللي توقّعته

[الحمدان]

اما عن الأماني :
تمنيت شي وقدر الله شي وصار
ولا لي سوى وجه الرضى لو تصنّعته

واما عن الخيره :
انا هقيت ان راحة العبد فيما اختار
واثر خيرة المولى لعبده مسنّعته

واما عن الواقع :
تبون الصراحه والله اني بغيت انهار
ظروف الحياة اقسى من اللي توقّعته

[الحمدان]

‏عزت علي نفسي ونفسي عزيزة
‏ماهي بترضى موقف الذل والهون
‏
الله جعل فيها الكرامه غريزه
‏ياكون في راس الهرم ولا ماكون

.....

[الحمدان]

لك في عيوني همس وحروف وابيات
ولي في عيونك من دفا الحب تجديد

ياسيد إحساسي تموت المسافات
في داخل عيونك وتحيا المواعيد

.....

[الحمدان]

لاتعتقد إني مع الناس لاهي
ربي عليم إني معك حيل مشغول

مهما بطيت وشفتني عنك ساهي
يردني شوق المحبه على طول

.....

[الحمدان]

‏ليه اعبر لك عن احساس الغلا
وانت شايف في عيوني كيف أبيك

في حضورك خافقي يردد هلا
وفي غيابك خافقي يسأل عليك

.....

[الحمدان]

‏احبك كثرماضاق السجين بلعنة الاسوار
‏احبك كثر ماهاج البحر واجتاحته ثوره

‏احبك كثر ماننسى واحبك كثر مانحتار
‏احبك كثرمايسهر محب وفي يدهه صوره

.....

[الحمدان]

الورد يهدى من وفا الناس للناس
إلا انت غير الناس نهديك الورد

يازين صوتك لا انسكب عطر الأنفاس
ذوب مسامع عاشقك سكر السرد

وإن صافحت يمناك كفي على ياس
تزهر ايديني وتعشب اضلوعي الجرد

في منطقك ياسيدهم در وألماس
والشعر يرهي منبعه وين ماتِرد

.....

[الحمدان]

يسعد مساکم كل ماغيم الجو
يامن حضوره غيم ومشاهده ديم

تفرح بك الدنيا كما طلعة الضو
وانا عليك اشفق من البدو للغيم

.....

[الحمدان]

‏مدري متى ياعين ودك تنامين
نامت عيون الناس والليل قفى

عمر السهر مالم شمل المحبين
نامي وشوق القلب كفى ووفى

.....

[الحمدان]

قالو قصيدك يا أنفاس كله فراق
وش فيك ماترحم معاليق جوفك

قلت العذر والجوف يحرق الاوراق
ياقلب خلك مادرو وش ظروفك

.....

[الحمدان]

اضحك ولا تهمك تفاهات الحياه
‏اللي يدقق في الحياة يملّها

.....

[الحمدان]

متـابعيني قلايل بس لو تدري
عمري ماحسيت من قلتهم بضيقه

والذوق نادر وأنا بإسلوبي وفكري
محدن يتابعني الا ناس ذويقه

.....

[الحمدان]

‏لانامت الناس قمنا بالهوى نسري
ناس تبوح المواجع وناس تخفيها

ألليل ماله رفيق وخوته شينه
إن طاب لك بأوله ماطاب تاليه

.....

[الحمدان]

نشكي الزمن والزمن لو كان يتكلم
يشكي من الخلق من كثرة بلاويها

ليت البشر من قديم الناس تتعلم
أن الخطا تصنعه من فعل أياديها

.....

[الحمدان]

تعيش الآوادم بالأمل والعمار قصار
‏وراها محاسب والله اللي يحاسبها

‏رجانا وملجانا هو الواحد القهار
‏ولي العباد اللي يحقق مطالبها

‏قرينا الكتاب اللي نزل لؤلي الأبصار
‏بشير ونذير ولا به آية نكذبها

‏قريناه بالغنه والإخفاء وبالإظهار
‏وبالإدغام واللي بالحركات نعربها

.....

[الحمدان]

بعض الرجاجيل لامنها ولا عنها
‏مثل التماثيل لاتاخذ ولا تعطي

‏نحد عنه عيون الناس والسنها
‏وهو علينا يحد الناس من مبطي

‏دام الرجاجيل تفرقها معادنها
‏لاتبتدي بالخطا وتجامل المخطي

.....

[الحمدان]

ليتك مثل برد الشتاء دون ميعاد
تاتي وتلمس كف منهو يحبك

شبيت نار الشوق عندي ولا فاد
ليتك تحس شوي وتخاف ربك

.....

[الحمدان]

‏جرديني من حنيني والمعاناة العميقه
‏وإجمعيني في سكون الليل وأطراف الرسايل

‏كيف أعدّي كل ذكرى تردف الضيقه بضيقه
‏كيف أعاتب كل دمعٍ قامت عزومه تمايل

‏صوتك إللي صرت أخافه كيف أنامه وأستفيقه
‏كيف أبادلك التجافي والجفا ماله بدايل

‏شاعرك ناحت شجونه في معاليق الخليقه
‏ليه رمشك لاهداه الله ولا رد الجمايل

.....

[الحمدان]

راح ليل ولاح فجر وحرّك الشوق الحنايا
‏والهوى مثل الاسير اللي مايدري وش مصيرة

‏ودي اصافح يد الفرحة وابادلها التحايا
‏وابتجح مثل الامير اللي خطب ودّ الاميرة

‏واتفقّد نور وجهك في الدروب وفي الزوايا
‏والمحه في كل عفريّة وريمٍ مستذيره

‏وش يفيد الشوق لو مايكسي قلوب العرايا
‏وش يفيد النور لو ينقاد للعين الضريره

‏انتي اسمى من هوى النزوه واعزّ من الحمايا
‏في عيون الفارس اللي سلّ سيفه من جفيرة

‏وان ظفرت ببقبلةٍ من ثغر معسول الشفايا
‏ليه لا وانا الكبير اللي طموحاته كبيره

‏بين عذبات الوصوف وبين ترفات الصبايا
‏شفت في وجهك ملامح سكرة الموت الاخيره

‏وان تمعّنت التفاصيل الصغيرة والحلايا
‏ضعت مابين الحلايا والتفاصيل الصغيره

‏في عيونك مايورّد عاشقك حوض المنايا
‏وفي قصيدي مايغيّر خارطة شبه الجزيره

‏غبتي وباقي لك بصدري من اللهفه بقايا
‏ياسرابٍ ماتت احلامي على رجوى غديرة

‏لو ماتلهمني الصبر ذيك الرسايل والهدايا
‏مت حزن ومت شوق ومت غبن ومت غيره

.....

[الحمدان]

‏جيت بأحساس الغريب اللي ذكر طاري بلاده
‏لاسمع لحن اغنية ولا قرا مطلع قصيده

‏قلت بأن الحب سلم وقالت ان البعد عاده
‏لين راحت لا معي طاري ولا ذكرى سعيده

‏لابسٍ ثوب التصبّر والتحمّل والجلاده
‏ولا انا شوقي كثر ماهي عن عيوني بعيده

‏مالقيت من البنات الغيد غادة مثل غاده
‏لا وصايفها الدماث ولا خصايلها الحميده

‏من بعدها صرت اعرف الحزن ماعرف السعاده
‏العنود اللي مع الايام لا زالت عنيده

‏لذّة الدنيا بنحر الجادل الفاتن قلاده
‏كان مرجحها الهوا غنّيت من فرقا الفقيده

.....