فوق هام السحب ( الشعر الشعبي) على متن القوافي

[الحمدان]

عقب الغياب اللي تبرره الليالي والظروف
سلام تسليمة وفا من غايب عذره معه

.....

[الحمدان]

اكتب على كيفك ترى الناس تقراك
وان كنت طيب طاب مثلك كلامك

خذهـا نصيحه وخلها دوم وياك
كل ما احترمت الناس زاد احترامك

.....

[الحمدان]

يالله بالعافيه والستر والجنه
ورزقٍ عن الناس يغنينا ويكفينا

آمين

[الحمدان]

باب الغلا لأجلك محصّن ومقفول
حتى ولو غيرك طرقه وتسوّل

حبّك يحكم القَلب ويصول ويجول
فارض على العشّاق حظر التجوّل

أنا معك عن باقي الناس مشغول
وأحنّ لك وأحتاجك أكثر من أوّل

.....

[الحمدان]

قالوا علامك كل ماحل طاريه
تنسي البشر حولك وتذكر خياله

قلت أنشدوا قلب ليا غاب يرجيه
قــلـب بـعـد فرقى حبيبه يعزتيله

قالوا علام القلب متولع فيه
دور لعل القلب يلقى بديله

قلت الغلا ماهو على كيف راعيه
لو الـغـلا بالكيف قلنا حلاله

.....

[الحمدان]

اللي على البال لو مرّت على الشارع
غنّى لها الغيم يا حلوة من أنتي له

.....

[الحمدان]

ياللي علينا بالمحـبه تغليت
يالله توكل رافقتك السلامه

لا تحسبني بتبعك كان صديت
مااتبعك دام الراس وسطه كرامه

من صد جازيته بصده وصديت
ومن يتبع المقفي يقل احترامه

وكانك نويت تذل هالراس أخطيت
والله لتبطي ماتنزل من مقامه

انا ترى لاقفيت ياهيه اقفيت
ماعاد ارجع لو تقوم القيامه

.....

[الحمدان]

وجدي على شوفه وداره وزين احكاه
وجودٍ تحطم صلب الأضلاع من دونه

.....

[الحمدان]

شوف العيون اللي تزايد سهرها
تشتاق للماضي وتقراء المكاتيب

عينن تودك كيف تعمي نظرها
وتحرق مدامعها وتتجاهل الطيب

وقلبن يحبك والمشاعر أمرها
تخفي حنانك بالضلوع المحاديب

.....

[الحمدان]

ما اظن حد من غيبة الناس سالم
لـو ينعزل لازم تجيه النميمه

طعن القفا في ذا الزمن صار قايم
والحق غايب والصراحه جريمه

.....

[الحمدان]

ليه الحلا عيا يفارق عيونك
مدري ولكن الحلا كل شي فيك

من كثر حبي مسكني في سجونك
احكم على كيفك وانا اقول لبيك

يكفي حبيبي منك كثرة جنونك
حتى طيور الشوق باسمك تناديك

.....

[الحمدان]

أصعب إجابه قلتھا في حياتي
ماعاد لي خاطر وأنا خاطري فيك

وأقفيت أحمّل في ضلوعي شتاتي
عجزت من زود الغلا لا ألتفت فيك

.....

[الحمدان]

عـلـيـك من قـلبي عِـتابَـه والملام
‏من صادق إحساسه وصادق غِيرتَه

‏ياليت وضـعك مثل وضعك قبل عام
‏قـدام باب الـحـب نــكـرَه سِــيـرَته

‏كـنت المـقيم اللي عَـمَر قلبك غرام
‏وصـرت الغـريب اللي يحن الديرته

.....

[الحمدان]

نعزّ النفوس وما اشتكينا من الأقدار
لو أن العـرب سلّت علينا خناجرها

طبعنا وقار وصمتنا عزّة ومقدار
ووجيه ما تعرف قدرنا ما نقدمها

.....

[الحمدان]

قولوا لأهل ذيك المرابع والدِّيار
‏مانسينا الودِّ لو حنَّا بعيد

.....

[الحمدان]

امارس التلميح لكن ما ابوح
الغيوم احيان احلى من المطر

.....

[الحمدان]

ردفك المليان والخصر النحيفي
والنهود اللي عواقبها وخيمه

والعيون السود والعنق الزريفي
مهلكات الحب واسلحة الجريمه

.....

[الحمدان]

‏بين عفويّة مزاجي وبين العنفوان
‏أعطي العالم على قدرها وأسلوبها

.....

[الحمدان]

‏ما حرّك احساسي مرور العابرين
قلبي عن أشباه المشاعر في غنى

.....

[الحمدان]

‏ماغبت عن قلبي ولا هان طاريك
‏ومافيه احد يقدر يكون بمكانك

‏لا جاتك الضيقه وشانت لياليك
‏اتذكر الي باع عمره على شـــانك

[الحمدان]

والله اني في هواك العفّ راضي
‏مثل مايرضى المواطن عن بلاده

.....

[الحمدان]

‌‎ما أقول لك عود كما كنت بالحيل
وشلون ترضى النفس شرب البواقي

شوقي كما شوقك محته الغرابيل
وخلي كما حبك خذته السواقي

.....

[الحمدان]

مايموت الـود لـو مات الكلام
لك مكان وذكريات ولك شعور

ما انت عابر في حياتي والسلام
انت حتى في غيابك لك حضور

.....

[الحمدان]

‏لي الشرف في حبها لو حبها أصعب خيار
ولها الشرف إني أنا بدّ العرب حلالها

.....

[الحمدان]

القبول الي من الله فالوجيه السمُحه
صبّه الله فيُ محيا الجادل المملوحُه

.....

[الحمدان]

ادمنت حبك بالحشا داخل النفس
صاين غرامك والهوى وكل العهود

.....

[الحمدان]

صحيح غيرك في العذاري مزايين
لاكن وش جاب النجوم لقمرها

.....

[الحمدان]

لا تذخرون الناس لليوم الاسود
‏بعض الاوادم حدّها بيض الايام

.....

[الحمدان]

‏ماني على لحظات هالعمر نادم
‏واذا خسرت إنسان اخليه منسي

.....

[الحمدان]

‏ياكم كربةٍ تمسي ولا هي بحول افراج
وربك يريد وتصبح الصبح منفرجة

.....

[الحمدان]

‏يآ حظ من يدعي له الناس بالخير
كاسب قلوب الناس من فعل طيبه

فـي كل قلـبٍ لـه معـزة وتقـدير
وطـاريه عـند الناس كلن يـجيـبه

.....

[الحمدان]

‏لا تنتظر من ناقص العقل حكمه
ولا تنتظر من فاقد المرجله خير

ولا يغرك فالردي لمعة إسمه
الريش ما طيّر نعامه وهي طير

.....

[الحمدان]

ليا سجو العالم مع الوقت ما سجّيت
خذيت الطريق اللي فجوجه تسليني

.....

[الحمدان]

‏اصد عن زلة قريب الجماعه
مانيب سيفٍ يضرب كتوف راعيه

والا الشجاعه مانقصنا شجاعه
لكن ترا الدنيا سلوم ومشاريه

.....

[الحمدان]

يا ليتنا نجـرح مثل باقـي الناس
ونكسر خواطر من كسرنا ونقسى

لكننا مــن كثر ما نملك احساس
نجبـر خواطر مــن كسرنا وننسى

.....

[الحمدان]

الجو رايق والسماء ممتلي غيم
‏ والنفس فيها من الاماني كثيـره

‏ الجو غيم ومنظره يشرح البـال
‏ تنسى الهموم وتبتسم دون سبه

.....

[الحمدان]

هذا محلك وابتدى معك مشـوار
‏على الوفا والطيب تكتب سطوره
‏
‏من الفرح رحبت بك نثر واشعار
‏يامرحبا باللي يشرف حظـوره

.....

[الحمدان]

‏سبحان من ميزك عن كل مزيون
وسواك من دون المخاليق فتان

مبسم يخلي صاحي العقل مجنون
وخد كما ورد نبت وسط بستان

.....

[الحمدان]

ياقلب لاتظهـــر خوافيك للنــــاس
يكفيك من يعلم جميع الخــــوافي

عيش الأمل لو كنت غرقان بالياس
ياكم بلوى جت بعدها عـــــــوافي

.....

[الحمدان]

من همل الطير ما عود على راعيه
يستاهل الضيق من فرط بشيهانه

.....

[الحمدان]

‏اصد عن زلة قريب الجماعه
مانيب سيفٍ يضرب كتوف راعيه

والا الشجاعه مانقصنا شجاعه
لكن ترا الدنيا سلوم ومشاريه

.....

[الحمدان]

وجعل النفوس الي تحلت بالأخلاق
تصبــــح وتمسي ما تشوف النكاده

.....

[الحمدان]

‏الورد يبقى ورد في كل الأزمان
‏لو غيرو بالورد حجمه ولونـــــه

‏وأنا أحب الورد في كل الألوان
‏وأحب ناس بطيبهم يشبهونــه

.....

[الحمدان]

على رفقة الطيب يسير الزمن قدام
‏اماري بطيبه وأرفع الراس واردد

‏سلامي على اللي ما تنكر مع الأيام
‏غلاه ونباه وموقف الطيب متجدد

.....

[الحمدان]

النـــاس يعميهـــا عن الصح الغرور
يا شيـــن نفس ٍ بالخطــأ متعايشه

تركت كل اللـــي ورد بين الســـطور
وحفظت وش قال الرسول لعايشه

مؤمـن بما عنـــد الله الحــي الغفور
أحسن من اللـــي في يدينــي حايشه

طامــع بغفرانه وقصر من القصور
تفتـــح علــى نهـــر النبــي درايشــه

.....

[الحمدان]

يالله تجازينا برحمة وغفران
وأعتق رقاب ٍ حانية لك ذليله

أنت الكريم اللي على العبد منّان
والعبد ماله غير رحماك حيله

آمين

[الحمدان]

‏هي شيخه الزين والاخلاق والعفه
سبحان من زيّن الخلقه وسواها

هـي بكفه وخلق ربي كله بكفه
تفرق عن العالم بمجمل مزاياها

الوجه والخد والعينين والشفه
تبطي بطون الحريم تجيب شرواها

.....

[الحمدان]

يارب لاتكشف لي عيوب الأصحــاب
خلني على عميـــاي فيهـــم ولا ادري

مشكلتي ان أمثالي شوي واغـــــراب
منين أجيب أصحاب من نفس قدري

.....

[الحمدان]

أنا بنت الحياة ونصرة المسكين
أحبّ الطيب واتفيّــا مـــن ظلالــه

أحب النّاس وأعشق فيهم الغالين
وأحب اللي يعيش العمر في حاله

.....

[الحمدان]

مهما سقتنا الحياه امرارها عايشين
نضحك لو ان الليالي شانت نفوسها

.....

[الحمدان]

مارخصنا رفيــق ولا ظلمنا عـــــدو
كلن حسب فعلـــه يحــدد مكانــــه

إن طبت طبنا فــــوق طيبك وزدنـا
وإن شنت ماكنا على الأرض شفناك

.....

[الحمدان]

مارخصنا رفيــق ولا ظلمنا عـــــدو
كلن حسب فعلـــه يحــدد مكانــــه

إن طبت طبنا فــــوق طيبك وزدنـا
وإن شنت ماكنا على الأرض شفناك

.....

[الحمدان]

‏خل الصبر مبدأك لو خاطرك ضاق
‏ودام المجامل ماله أضرار جامل

.....

[الحمدان]

ماكل ساكت ما على خاطره شي
ولاكل صرخات الحناجر لها صوت

.....

[الحمدان]

تعبنا من الايام والعالم الفاضين
‏نجامل وآثر ساس البلا يوم جاملنا

.....

[الحمدان]

قـدر مـقـام اللـي يـقـدر مـقامـك
‏واجز الذي عاملك بالخير خيرين

‏أحـذر تـنقص للـوفـي اهتمامـك
‏مايجحد الـوافيـن غيـر الـردييـن

.....

[الحمدان]

قلوبنا من طيبها تحفظ الطيب
واللي يجينا من ردى الناس ننساه

.....

[الحمدان]

‎كم رجلٍ سخي بفعول المكارم تعلَّى
‎وكم رجل غني ماارتقى بكثر ماله

‎فعل الطيب يرفع القدر لامنه تجلى
‎وقدر الرجل فعله ماهو بعمه وخاله

.....

[الحمدان]

جعلني لاعشت عايش على ستر وغناه
مكتفي مالي ورى الناس شي مرتجى

.....

[الحمدان]

طال صبري والشتاء ليله طويل
وانتهيت وعادني في بدآيته

الدقيقه فيَه عن عشرين ليل
عند من شوفة حبيبه غآيته

.....

[الحمدان]

‏دنياً غثاها مالقينا له علاج
‏الا مع السجه وكثر المداجي

‏في ديرةٍ ماحولها نت وابراج
‏جوٍ خلا فيه الهبايب علاجي

.....

[الحمدان]

‏كيف أتوب من الهوى وادله واقفي
‏وانت طيفك كل ماسجييت جاني

.....

[الحمدان]

‏ودعتك الله ما بقى شيء ينقال
‏الا انك اجمل شيء غاب بحياتي

آمين

[الحمدان]

يعجبني الصاحب اذا كان طحطوح
والصدق يعجبني وقول الصراحه

الجـيـد وسط القلب له قدر مطروح
واعـتـز به فــي كل ديـره وسـاحــه

بوقف مـعـه لا كان ضيق ومجـروح
واشيل هـمـه واعـتـني في جراحـه

الراس يفـدا كل غالي مـع الروووح
بالذات اهل الصدق واهل الفصاحه

.....

[الحمدان]

حي المساء اللي يجيبك على البال
ياواحدً ماغبت ولا غاب طاريك

معك المساء طربان في كل الاحوال
يصحى على صوت المشاعر يناديك

.....

[الحمدان]

صمتها يغنيها عن بعض الكلام
ولا حكت تداوي اللي ما يداوي

من رضاها تضحك الدنيا معاه
ومن زعلها تقلب الدنيا عزاوي

.....

[الحمدان]

‏عليك بالتقوى ترى العز بالدين
ولا فيه شيٍ ينْفعكًْ غير دينك

ََالموت ماخلى ملوك وسلاطين
ولابد من يومٍ تشوفه بعينك
ََ
لو كان تملك في رصيدك ملايين
غير العمل مافيه شيٍ يعينك

وان كان تبغى لك معزه وتمكين
لا تّتْبعْ الشيطان دربه يهينك

.....

[الحمدان]

حُـبك مو حلو وهَجرك دَلاله
شَني تَواعَدني وتْــروح برساله

المـثلي تَگـابله المفُروض وتــَنوح
هَذا مَوادعك ما بَيعَــداله

محد عَلـمك من تعَــشك إنَسان
أذا جَاسه الوجع تبچــب ببداله

گلبك ما يَـــحس بألجاي أمر بَي
ما بَزك عَلي مَــحد حَـچاله

بَسلفنه الكلمه ما تنضَم بالحَلوك
شعَجب ما سَامع العَفته شَجراله

شعر عراقي

[الحمدان]

ماهن ارقاق احبالي
ولاني خصيص ولا اقليل والي

غالي وعندي في الزمان غوالي
احباب وقرايب ميزتي امحضيه

ما في جفاک انريد نبقى جالي
قديم للغلاء عندي تجارب حية

ولاك لولي للي غلاک التالي
ياما موادع في الزمان سبيه

ماتعيربي ميلة الوقت الحالي
ليام يقلبن بين الضحى وعشيه


الشاعر منصف التواتي ليبيا

[الحمدان]

‏إن طغت سود اللّيالي على وجه الظّروف
‏عاد لِي شيمة ومبدأ على وجه الثّرى

.....

[الحمدان]

المعزه بين الاصحاب كنز وراس مال
علمـوا من يجهل العلم هـذا علمـوه

ما جهلنا في ‎حقوق الرفيق بكل حال
لا حداه الوقت جيناه لامن هملوه

.....

[الحمدان]

‏مانجحد الطيب والمعروف والرفقه
ونقدر الطيب لا شانت ظروفه

ومن يمتلكني بمعروفه على رفقه
اموت ما أنسى مع الايام معروفه

.....

[الحمدان]

تزاحم الضيقات بالصدر الرحيب
‏نفتح ملف الهم ونقفل ملف

‏يالله بجاهك من ترداي النصيب
‏وبحماك يالله من مقاشير الصدف

‏نشيب ورموش الليالي ماتشيب
‏ونعف وصدوف الليالي ماتعف

.....

[الحمدان]

ترى اجتماع القوم يرفع مقامها
وترى تفرقها يضيع حقوقها

لاتحسب دنياك دايم هواين
الاقدار تجري والعواصف تسوقها

من طرد الزلات عند ابن عمه
يفرح عدوه والخسارة يذوقها


سحمي السبيعي

[الحمدان]

حبه مكفيني عن مطالع الغير
امشي وعيني بالثرى حشمةٍ له

.....

[الحمدان]

ما تسَتريح العينَ والبال مهـموم
‏ولا يستقر الحال والقلب خــَـايف

.....

[الحمدان]

من يقول انساك يكذب مانسيتك
كيف وانت القلب من دونك عصاني

انت لو تظمأ من عروقي سقيتك
وانت لو تبعد يصير العمر فاني

.....

[الحمدان]

أيدك بيدي وخنودع أهلنا
گول أحبك وخل ينطوي زعلنا

هو عمري كلمة وأنتَ ألمحتفظ بيها
گول أحبك لا تستحي وأنة وياك أحجيها

شعر عراقي

[الحمدان]

اغيب واليا جيت واجد يحضرون
وانا حضوري يشرف اللي يبوني

من منبري هذا ابي الناس يدرون
من حطني بعينه مكانه عيووني

.....

[الحمدان]

‏مآ يغير ضحگتي حگم المزآج
ولآ يغيـر نظرتي أعمى بصــر

لآ تقــول إن الزمن گلہ عجآج
العجآج يموت في ساعة مطر

مطلق العتيبي

[الحمدان]

‏في عيوني صورتك تبقى دفينة
وبالحنايا حبك ‎الغالي متين

دام ‎نبضك جوهرة عندي ثمينة
والله أنك داخل اعماقي ثمين

.....

[الحمدان]

‏آكتب سطور الحب وابوح بالحب
لكن قلبي يترك البوح ويروح

مهما كتبت القلب ما ينفعه طب
الا بقربك يا هوى القلب والروح

.....

[الحمدان]

‏هذا المساء ما يشبه إلا مباديك
جداً جميل وطلتك به جميله

يسعد مساك ويسعد الله لياليك
عساك تسلم في مساء كل ليله

.....

[الحمدان]

‏لبى وليفي سيد الحسن والذوق
قلبي يحبه والمشاعر صفو له

مكانته بالقلب مثلا القمر فوق
يبطون عذالي وهـم ما وصلو له

.....

[الحمدان]

برد و غزل وأفكار شعر وهواجيس
‏وهموم مدري وش بلاها تجيني

‏ليل وعتب وأشواق حب واحاسيس
‏تجمعت في وسط قلبي وعيني

.....

[الحمدان]

ان كان حضك ما فرشلك ولا غطاك
لا ترتجي من حض غيرك يغطيك

.....

[الحمدان]

أنا في غنى عن زايف المدح والإعجاب
ولا يوم قلت لراعي الطبل طبّل لي

.....

[الحمدان]

مايرتفع من طاح قدره من العين
لو يمتلي لولو من الراس للساس

.....

[الحمدان]

أليأس حطم سنين الجهد واحلامي
والحزن سيطر ونظرة واقعي اوهام

زالت جهودي على عثرات اقدامي
واتبعثرت أُمنياتي وانتهت لَـ احلام

وما بقى لي سوى ما خطت اقلامي
يا هل عساني بِشعري انتسي الألام

.....

[الحمدان]

لاتحسبين الضروف تحدّني من دونك
كل ضرف انطحه وجهي وأخيّب ضنّه

مستعد أبيع عمري لأجل اشوف عيونك
وش ابي بالعمر وانتي عيونك أجمل منه

.....

[الحمدان]

ارحل يا أغلى من عرفته من سنين
‏من وين ما ساق الهوى هبايبه

‏خلّك تقفّي وانت مجروح وحزين
‏ولا تقفّي وانت نفسك طايبه

.....

[الحمدان]

حسايف الحزن يغشى وجهك الطاهر
والورد في وجنتك حرام تغريقه

يفداك قلبٍ على ما تشتهي حاضر
يفداك باللي بقى لي من معاليقه

.....

[الحمدان]

مظنون عيني أشوفه صافيٍ جوّه
‏قوافي الشعر يحبكها وغنّاها

‏توّه يزين المساء بناظري توّه
‏قلبي يهلّي قبل لا العين تقراها

.....

[الحمدان]

من صد عني جعل ربي يقويه
الله معاه و لا شكينا غيابه

لا يحسب اني لا صفى الجو اباتيه
انا ابدوي لا شد قفت ركابه

ياما انتظرت الين زلت محاريه
ارجي وصاله يوم جدد صوابه

حظي كما طيراً تعلى وانا ادعيه
عيا يرد وضاع حضرة جنابه

حابس العطوي

[الحمدان]

ما قد خبرنا بدارنا ننوخذ حك
مادام ابن سلمان مايقبل الجور

شمس الحقيقه باكر تبين لا شك
ينزاح ليل الظلم مع فجة النور

اجمل تظامن تدعمه قوة الدك
لحظة تعاون جبّرت قلب مفطور

لازم نحشر الظلم في خانة ال يك
حتى يبين الحق ونفك مقهور

حابس العطوي

[الحمدان]

ان عشت بالدنيا سواة التماثيل
الله و كيلك راح عمرك خساره

قم واحتزم وافعل فعول الرجاجيل
وافهم ترا كسب النشاماء تجاره

حابس العطوي

[الحمدان]

يعجبني الساطي و يذهلني القرم
واخاف نذلاً ما يواجه خصومه

شفني صريح ولا دخل طبعي البرم
افخر بخوة من تنومس علومه

حابس العطوي

[الحمدان]

يا سكون الكون يا خيوط الفجر
ياهدوء النفس يا بداية حياه

عاشقك ياليل ما يطيق الضجر
لو سهرتك بوح والنغمات ااه

حابس العطوي

[الحمدان]

قضيت الليل وعيوني سهارى
وحار ة رجل من نفسه شقيه

سبب ريمٍ عن عيوني توارى
وانا القناص بفياضاً عذيه

تصادفنا جهاراً بالنهارى
ووردني على حياض المنيه

نهبت القلب يا سيد العذارى
واخذته دون تصريح و عطيه

حابس العطوي

[الحمدان]

‏احيان اهيجن واغسل صدور
‏وابني من القاف ما اطيقه

‏العب طرب وانطنخ واثور
‏وابكي الضد واشيقه

‏العمر مره علينا يدور
‏والشعر كثروا عشاشيقه

‏قاف البريره يجي محكور
‏يشد شعّار ذويقه

‏غني وانا اجاوبك بسرور
‏من نبع قافي و توثيقه

‏‌حابس العطوي

[الحمدان]

حبك مزاجي لا طرالك تشفقت
وانا على ما قيل ضد المزاجي

ما ارجي وصالك مير ليتك توفقت
واخترت درباً ما بها ايا انعواجي

حابس العطوي

[الحمدان]

ماني وانا حابس بعوقاً ولد عوق
انا حفيد متعّبين النجيبه

ارفع مقامي عن هل الغي والبوق
واطلق احصاني في رياضاً رحيبه

وصح الله لساني على الذرب والذوق
و عن الردى والفحش ما يلتويبه

نطقه عن اعراض البشر مرتفع فوق
ما هو براعي عذربه في صحيبه

حابس العطوي

[الحمدان]

عمر الهوى عشته بحكمه
طبقتها فعل مختصي

حافظ على القلب من دكمه
قامت تعاقب و ترتصي

وهرجاً يجي بصاحبك اكمه
لا بد من يوم يقتصي


و لو الزعل طاول بعكمه
ساعة غضب كون ممتصي

حابس العطوي

[الحمدان]

ياللي خذيت القلب مني هديه
امانتك قلبي معك لا تخليه

اهيم واسرح و النوايا مطيه
واشرب قراح المي من نبع صافيه

واعشق دروب العز هي والحميه
وابعد عن رخوم الرجال المسافيه

ابوسعود

[الحمدان]

يا اخر الليل عطني العلم من بدري
‏وش انت ناوي ترجع لي من الذكرى

‏ان كانها حزن ف أنا ممتلي صدري
‏وأن كانها خير يمكن ضيقتي تبرى

.....

[الحمدان]

‏مال الطناخه غير روس المطانيخ
الي سلوم اجدادهم مانسوها

ولا كل راعي بشت شيخ ولد شيخ
تالي الزمن حتى الرخوم لبسوها

متعب بن كروز

[الحمدان]

‏مايفرح الرجال طيحة بناخيه
ولايزعل الطيب نجاح ابن عمه

واللي يحارب بالمواقف عوانيه
انا اشهد ان الحسد يجري بدمه

.....

[الحمدان]

أحذر تخاوي من هو بالوجه رجال
خاو اللي لا طحت تفداك عينه

السيف وهو سيف أنواع وأشكال
سيفٍ شطير وسيف بالبيت زينه

.....

[الحمدان]

هذا جزانا نطيب ومالنا منه
يناظر الرجل أبوه وينسخ فعوله

أتعبني أبوي جعل أبوي في الجنه
ماجيت نصفه ولا ربعه ولا حوله

.....

[الحمدان]

وقت الرخا كلٍ يسولف عن الطيب
وان صكت الايام مامن صمايل

عليك باللي في وقوفه مكاسيب
يغنيك عن كثر الحكي بالفعايل

.....

[الحمدان]

تعيش ياراسي وتفداك الأنذال
ومن لاحسب لك لاتحسب حسابه

كم واحدًنحسبه محزم ورجال
يوم أحتمى الميقاف ماينغزا به

الله يجيب الصدق ياوسعة البال
ندمح خطا الأصحاب ولا القرابه

حنا نحشم رجال من حشمة رجال
والصبر ينفذ والزلابه زلابه

يعني على ماقيل من ضمن الأمثال
ان لم تكن ذئبا كلتك الذيابه

.....

[الحمدان]

والله ان وجيهنا فيها حيا
نستحي واثر الحيا صاير قليل

مير حنا مانعيش الا اغنيا
ولا نموت الا على العلم الجميل

واثقين ولادخل فينا ريا
وان زرعنا طيب ماندور حصيل

انقيا ونعيش ونموت انقيا
ولا لنا غير الله الوالي وكيل

.....

[الحمدان]

الأرض لولا رحمة الله والله انها ما تزين
الحمد له والشكر له على عطاه السرمدي

والناس فوق الارض يا ناسين يا متذكًرين
اللي بخير اللي يعرف التايه من المقتدي

ترى الردي يستر عليه الله في دنياه لين
يحارب الطيّب ويدرون الرجال انه ردي

.....

[الحمدان]

ان كان تبغى الله بلطفه يقديك
خلك مع المولى ويا خير هادي

يالعبد لك رباً عن ألناس يغنيك
اطلب عظيم الشان رب العبادي

اسجد لرزاق الخلايق ويكفيك
يكفيك في يوم اللقا والتنادي

.....

[الحمدان]

انا مع العز لي سيره و حبل وثيق
وثيابي اللي علي طولي وانا طولها

ماقلت تكفى لحد حتى وانا مستضيق
من خوف لايحسب اني دايم اقولها

.....

[الحمدان]

لا ينحني راسـك و تـرخـص مقـا مك
ما دام ها الدنـيا من تـراب لـتراب

خل العلوم الطيـبه دوم امامـك
و خـلك وفين بالقرايب والاصحاب

و لا تــنـظـر لهرج المهابيل دامـك
مع النعم و الزود يحسب لك احساب

والـوقت كـانـه دار والـهـرج ضـامك
ما يـجرح الاجـواد يـا كـود الانـذال

.....

[الحمدان]

ياصاحبي لو تسـمع هـروج عني
من ناس قالوا كلمة ما لها ساس

حاول تعــاملني بما شفت مني
ما هو تعـاملني بما قالـوا الناس

.....

[الحمدان]

يا صاحبي والناس فيها وفيها
ومن يبذل المعروف لابد يلقاه

لا تعطي الحاجه و تسأل عليها
كف الكريم ليا عطت شي تنساه

.....

[الحمدان]

يا الله يلي تعز العبد وتذله
اغفر اذنوبي ليا ضاقت بي أعمالي

احيان نخطي زعل وأحيان من زله
ونرجع ونستغفرك ونتوب طوالي

آمين

[الحمدان]

ليا صار لـك قـدره على نـفـعـة المحتاج
لا تـذخـر عساها لـك مـن الـذنـب كفاره

لـولا حـاجـتـه مـا وقـف بماقـف الاحراج
ولا قــام يـكـشـف لــك خفايـاه واسـراره

.....

[الحمدان]

ترا رفقت الطيب مثل رفقة الذيب
ان ما عطاك الصيد يحمي جنابك

رفيقك رفيقك ستر وجهك عن العيب
زهابك بيومٍ مايكفي زهابك

.....

[الحمدان]

الطيب يجبرني على ردة الطيب
واللي تردى ماترديت مثله

يحدني للطيب سلم ومواجيب
وكلن يعود ساعة الضيق لأصله

.....

[الحمدان]

رفيقك الطيب على الوقت لك عون
سيفً معك في كل لازم تسله

ورفيقك العله مثل شبك أبو سنون
يوذيك في طويه ويوذيك فله

.....

[الحمدان]

الحرار تموت ماتاكل لحوم الحرار
والثعل عند الرعيه يدور مطمعه

عيش ياراسي على العز والدنيا مدار
ماتضيق صدورنا والدروب موسعه

.....

[الحمدان]

تموت الرجال وتندفن ما يموت الصيت
عسى الله على درب الهدايه يقدّيني

يقولون تسلى في حياتك ليا غنّيت
واقول السعاده في صفوف المصليني

وانا في رجا الله واطلبه كل ما صليت
عن الناس واللي من ورا الناس يغنيني

.....

[الحمدان]

جعلنا لاحدنا الوقت واحتجنا
ما نهين النفس من سبة الحاجه

وما تغير غبر الايام منهجنا
وما نرد اللي من القل محتاجه

.....

[الحمدان]

واتجنّب مجلس اللي ما اعدّه راس قوم
واتنصى مجلس الليّ يسرّك لاغزا

مجلسٍ مدهول في كل ليل وكل يوم
ومجلسٍ مايدهل الا فرح والا عزا

الله يعز المطاليق ويذل الرخوم
ولا يحمّل طيّب الراس وزر ولا وزا

.....

[الحمدان]

اليوم ما عاد به صكات و مواجه
في ساير الناس لا أشكك ولا أريّب

لا شفت من غيّرت الأيام منهاجه
جزعت منه جزوع مْجري الهيّب

مالي ورا الناس لا مطلب ولا حاجه
ما دام رايي وجيه و منهجي طيّب

يا الله بـ لاما رفيقٍ يضحك حجاجه
و يا الله بفرقـا رفيقٍ شبحه قريّب

.....

[الحمدان]

ليت العمر ينباع والله لشريه
وأروح للطيب وأزود سنينه

والا الردي لعل تقصر لياليه
مامن وجوده فايده خابرينه

.....

[الحمدان]

عيا الزمن يصفا وحنا مستحين
يطحن امانينا مثل طحن الرحى

يقسى ونقسى لايلين ولا نلين
ويصحي اللي له ضميرٍ ماصحى

ان زان ولا شان حنا صابرين
وبنموت عاد وجيهنا فيها سحى

.....

[الحمدان]

يالله تبعدني عن النقص والعيب
وتبعد لساني عن مناقيد خلقك

اسألك يا ربي حياةٍ على طيب
وأسألك غفرانك وسترك ورزقك

آمين

[الحمدان]

الرجل لامنه تكبر على الناس
تراه من ورك المطية تدلى

لوهو من شيوخٍ بعيدين الأرماس
من يستهين بحق الأجواد وللى

.....

[الحمدان]

فجيوبنا خل عنك المحفظة والرزم
والله يا دينار ما تلقاه فجيوبنا

والحمدلله بخير وننعزم وانعزم
واليا بغونا النشاما روّحوا صوبنا

.....

[الحمدان]

النفوس العظيمة تعرف اللي تبيه
ما تدوّر رضا العالم وتركض وراه

من يجامل وجيه ويستحي من وجيه
راح عمره وهو يمشي بدون إتجاه

البس اللي يعجبك واكل ماتشتهيه
دامك في طاعة الرحمن عيش الحياه

لا تروح لمكان الا وراحتك فيه
ولا تجي من مكان الا بسيره وجاه

.....

[الحمدان]

ثنتين للرجال تشجيع للخير
ممشى الحياء ومجالسة كل مقدام

وثنتين للرجال همّ ومخاسير
ممشى الدهر ومجالسة كل نمام

.....

[الحمدان]

ألذّ من بارد الماء في نهار رمضان
‏سوالفٍ منك لين أموت ما أملّها

.....

[الحمدان]

مافاز فيها إلا انت يا حزام الأمان
ضميت ناس ماقدرت أضمها

.....

[الحمدان]

على مشارف ثغرها ينبت التوت
ويا حظ من ياكل من التوت حبّه

.....

[الحمدان]

يامل قلبآ من هوا الزين مجروح
من كثر مونس حبها في فوادي

ودي اخب الحب لناس مابوح
من شأن مايدري كثير القرادي

مغير أجاوب حايم الورق وانوح
وعيا يوصلني لغاية مرادي

اثر ألهو يصبح له القلب مجروح
خصآ لياجا دون المحبين حادي

حداني اللي راحله قبل ماروح
وخلاني أبقى فالمتأهات غادي

ياليتني ادري عن الوضع مسموح
أقدكم لهم من دون عيب ونقادي

.....

[الحمدان]

‏حيا الحنين اللي بصدري يوم مات
‏مع السحاب اللي تساوى وانهمر

‏كن المطر يطق باب الذكريات
‏اللي ما تفتح بابها الا للمطر

.....

[الحمدان]

تمر أيام عمرك دون رغبة عاث فيك اليأس
‏على ضفة مشاوير السنين تقول ميتٍ حيّ

.....

[الحمدان]

الطيب طيب الذكر والعز عز النفوس
والجود جود الرجال وفعل ماجوبها

.....

[الحمدان]

ليه المطر بالذات ريحـه وصبّـه
‏كنّه رسولٍ بيـن الاحباب بالـذات

‏اشتـاق فيـه لشوفتـك واتنـبّـه
‏للي نسيته مـن مواقـف ونظـرات
‏
‏لا استانس الخافق ذكر مـن يحبّـه
‏ورجع يراجع فالوناسات مـا فـات

.....

[الحمدان]

وش يفيد الشوق لو ما يكسي قلوب العرايا
وش يفيد النور لو ينقاد لاعين الضريره

انتي اسمى من هوى النزوه واعزّ من الحمايا
في عيون الفارس اللي سلّ سيفه من جفيرة

وان ظفرت بقبلةٍ من ثغر معسول الشفايا
ليه لا وانا الكبير اللي طموحاته كبيره

.....

[الحمدان]

النبأ الزين يكفي عن قعود و خروف
مانصـوك العرب مِن جُوع ولا ضمأ

.....

[الحمدان]

أســـــــــوق عـذري وأحسن الظن دومآ
طبع الظروف أحـــيان تقسى عليــنا

تلعب بنا الدنيا وشين المقاديـــــــــر
لكن غلاكـــــــــم في الحشا ماحيينا

.....

[الحمدان]

يا صاحبي مادام للحــب موضــوع
احفظ وبكره حصة الدرس تسميع

انا غلاي اصلي من الحـب مصنوع
ما هو من اسواق المحبيـن تجميع

.....

[الحمدان]

لا أقبلت خيل الاماني مسرعة والحظ قام
‏دعوةٍ لك مستجابه عنّها الغيم انجلا

‏والشعور اللي تبسم للقا من بعد عام
‏والمواني والشواطي تنتظر قولة هلا

.....

[الحمدان]

إلا انت خلك معي ولا تجافيني
غيرك يروح وجعله مايجي ثاني

لاصرت مني قريب وما تخليني
ما همني من هجر قلبي وخلاني

.....

[الحمدان]

‏مِن البيدْ سِقت رِكابي لداري المَهجور
‏ولقيت الدروب تِردّني في مِيادينكْ

.....

[الحمدان]

‏ ‏بين الردا والطيب تصنيف للناس
‏يأخذ بها الآنسان تقرير سمعــه
‏
‏إما يجي مثل الذهب طيب الساس
‏والا كمـا القصدير ماغير لمـعــه

.....

[الحمدان]

ادري عيونك تراقب كـل ما اسـوي
واللي بقوله تطمن وآحسن النيه

مـافـي غيرك مـولع بالحشى ضوي
وانته عذاب الخفوق اللي لعب فيه

من بعد ما ربي على القلب ولاه
واجتاح قلبي واحتما فيه عنوه

انساه كيف انساه والقلب مأواه
وهو رفيق الدرب في كل خطوه

قلبي يقول اهواه واهواه واهواه
من بين كل الناس نقاه نقوه

ادمنت حبه وادمن القلب حلواه
لاهو معي مايعرف الطرف غفوه

هو دنيتي وانا حياته ودنياه
اقضي معه وقتي بفرحه ونشوه

خليت له قلبي بلاده ومنفاه
ولا احتمل من ساكن القلب جفوه

يبات يكتبنا هوانا ونقراه
ونردده في ظلمة الليل غنوه

عزفت له لحن السعاده وغناه
وكلما غنيت لحنه تأوه

سمع وترجم نبض قلبي ولباه
وانا أفهمه لوما بكلمه تفوه

اجمع خفايا قلبه أدناه واقصاه
يمكن من اعضاء جسمه اصبحت عضوه

عشقه لي ارواني وعشقي له ارواه
واحتل قلب آدم هوانا وحوه

مااطيبه عيشي بقربه وما اشهاه
وكل ماحولي بدونه مشوه


ابو المختار

[الحمدان]

انا نويت أرحل وعيّا عليّ الرحيل
‏يقول ما به وطن لأوجاعك إلاّ هنا

.....

[الحمدان]

من هو عرفكم صعب والله ينسى
وانا عرفت رجال تسوى قبايل

لكن ضرؤف الوقت بالحيل تقسى
مافرقت بين الكدش والاصايل

حابس العطوي

[الحمدان]

زود الغلاء في بعض الاحيان نقصان
اللي توده لا قسى الوقت ينساك

لكل شيٍ في هذا الوقت ميزان
لا تندفع ويضيع دينك ودنياك

.....

[الحمدان]

يالله بدعوّة من حدا والديني
‏ألقى اثرها في حياتي وانا حي

آمين

[الحمدان]

مـرنـي وهـيّــج أشـواقــي و حـنـيت
‏ماكنت أظن بعد هالعمر له طاري

كني بعده أحلم ومن شفته صحيت
‏نـفـض عـن ذكـراه مـابـه من غباري

.....

[الحمدان]

‏ليتك تعرف ان الهوى سهم ذباح
وقلوب عشاق المحبه رقيقه

وليتك تعرف اني ليا شفتك ارتاح
والقلب يسعد يوم يلقى رفيقه

.....

[الحمدان]

‏يقول خذنـي لك وأنا أقـول حياك
قلبـي وطن وضلوع صدري معابر

أنت تعـال وإعتق الشــوق بخطاك
كلي دفا وإحساس وأحلى مشاعر

.....

[الحمدان]

‏تهادت الشمس للمغرب ومال الظلال
‏وكل العصافير ضمتها غصون الشجر

‏وانا عيوني على ظلي وعندي سؤال
‏من يطوي الليل لين امسك صلاة الفجر

.....

[الحمدان]

‏اكتسحت القلب كلّه
‏صرت شريان ووريد

‏ما زعلت انك ملكته
‏وودي اعطيك المزيد

‏اعترف لك انك اجمل
‏شخص ياعذب القصيد

‏واعتبر نفسي بحببك
‏صاحب الحظ السعيد

.....

[الحمدان]

‏من أوّل احطّه على الجرح ويطيب
‏واليوم لا احطّه على الجرح زاده

.....

[الحمدان]

‏ما ينكسر عـــزم ٍمقــرّه على ساس
‏لو يلحقه من لوعـــة الوقــت خله

‏اللي ورى العالم لا يمكن يجي راس
‏لو يلتفـــت ما يتبعـــه غـــير ظلّه

‏لا تنتظر الانصــاف من ساير الناس
‏الناس عــوق الناس والمنصف الله

.....

[الحمدان]

‏بلغيه ان عاد صدري رغم كونه هادي
‏تفرحه لشيا البسيطه وايتباها فيها

‏لو نوا يرجع وسج من الهديه عادي
‏يا هدية غايبً جات ونست راعيها

.....

[الحمدان]

‏ابتسم له واتلذذ في كثر تعذيبه
‏ادري انّه في جروحي ماهو بمتمادي

‏اونس بغيبته ضيق اللي تمنى صيبه
‏لاح شيبه من حرارة ما وطاه وزادي

‏واترقب مثل عودٍ جر له ترحيبه
‏شايفٍ خيرة عياله من بطى وبعادي

.....

[الحمدان]

‏انا فيني مشاعر تستهيض البلبل الصدّاح
‏انا فيني قصايد طيّرت من عيني ارقادي

‏أنا أكره ناس للحاجة تجيني بدمعة التِّمساح
‏وأنا أللّي أكرم الصّادق ولو هو ياخـذ أعيادي

.....

[الحمدان]

‏من عرفت إن التخاذل من كبَار العيوب
‏ماعطيت النفس فرصه تدوّر معذره

‏طالب العليا لو تضيق به كل الدروب
‏كن في صدره عن الياس عودٍ ينهره

‏اصرفي نظرات الإشفاق يالريم اللعُوب
‏أنا ما ينظر لي إلّا بعين المفخره

.....

[الحمدان]

عيش الحياه وفضها اليوم سيره
‏العمـرمره والتــوافـــيق قــدام

‏يموت حلم وينخلق حلـم غـيره
‏ما توقف الدنيا على موت الاحلام

.....

[الحمدان]

‏ليه ساكت و الحنين يهبْ برده
‏وأنت صوتك يا رهين البال دافي

‏طاح من غصن الغلا والحب وردة
‏لا يطيح الغصن طاح الورد كافي

.....

[الحمدان]

لا تسأليني في البشر من تشبهين
أنتي مثل للحين ما جا لك مثال

بلا حور عين وبلا غمّازتين
جمالك أجمل من علامات الجمال

.....

[الحمدان]

بين مضمار التوهمّ و مضمَار الوكاد
تركض الرغبه والأحلام تبسط فرشها

.....

[الحمدان]

واحدٍ مهما تضيق بعينه الأرض الرحوبه
ما يبيّن في عيون الناس ضعفه وإنهزامه

.....

[الحمدان]

هذي دلعها غير و جنونهّا غير
محلا الطفوله في سوالف دلعها

اليا ازعلت قالت اشوفك على خير
واليا رضت جابت لي الغيم معها

.....

[الحمدان]

حلوه لها وجه طفولي وجذاب
ما كن صفعات السنين اتعبتها

تفتح لبيبان الأماني مية باب
وتسكر أبواب الشقاء شيطنتها

حتى سوالفها مع الروح تنساب
وتكسر مجاديف الملل سالفتها

أشوفها وأنسى التعاسه والاتعاب
وأذكر مساحات القلوب وسعتها

.....

[الحمدان]

تعال يا كل الوطن مع شعوبه
أنا بدونك ديرةً مابها حيّ

.....

[الحمدان]

ما يهدّي لهفة الشوق يا كود العناق
السوالف عبر الاقمار ما توفي غرض

والله أن درب المواصيل للعشاق شاق
يا وقوف يدرك الوصل يا طيحة مرض

.....

[الحمدان]

أمد لك حبّل الوصل وأنت ترخيه
الفرق واضح بين هاوي وعايف

.....

[الحمدان]

حاولت اعديها مع الصدر الوسيع
وارسم على وجه الزعل وجه الرضا

لكن بعض احيان قلبي ما يطيع
بعض الخطا يضيق به وسع الفضا

.....

[الحمدان]

‏جفت عروق الشوق يا سارق الروح
وإنسـاب في صــدر المواجع غيابـك

إرحم جنون العقل في ساعة البوح
لا ينكسـر صمـت الغــلا مـن عتابـك

.....

[الحمدان]

البلد مزحوم والبنيان تكّت خاطر
والعرب روتينها ببيوتها يذبحها

زين سج الرجل في جوٍ عليل وماطر
عند ذودٍ زينها عند البدو مادحها

.....

[الحمدان]

يمكن يضحك بس لاهو بالهنا مرتاح
القلب لو يسلى نظر عينه يحن لها

عبدالله الحربي

[الحمدان]

يوم أنتظرته يسومه سامه بكلمتين
واوميت للي يحرج يوم سامه بعه

عبدالله آل لزيوح

[الحمدان]

ماني موصف ويش ويش وكيف كيف وباختصار
هات المحبه والغلا واخذ المحبه والغلا

.....

[الحمدان]

ودي أفضفض لي على شيطان
وإذا خلصت اقرأ آية الكرسي

علي مسفر

[الحمدان]

ترى سكوتي ماهو إنك على حق
يزبن خطَاك بوجه قدرك وأخليه

.....

[الحمدان]

‏ترا القصيد العذب تطربله الناس
‏مثل الهبوب البارده تنعش الروح

‏لاطرز المعنى تعابير وحساس
‏يبطي صداها بين عاشق ومجروح

.....

[الحمدان]

نفسك على العز سقها للعلا والصعود
‏مهما تشوف الظروف القاسيّه متعبه

.....

[الحمدان]

‏لا شحت كفُوف الزمن امالنا مثل السحاب
تمطر صبَر وأرض القناعة والرضا تستعذبه

.....

[الحمدان]

‏العز يبقى والصداقة توافيق
ياحظ من خاوى الرجال الكريمة

والرزق بيد الله ربّ المخاليق
محيي الأراضي من سحابة وغيمة

لو خيّروني بين كل المطاليق
بختاركم يا أهل النوايا السليمة

ويبقى غلاكم في صميم المعاليق
وتبقون راس المال وأكبر غنيمة

‏لو طاحت أسواق الذهب والصناديق
ماطاح سوق أهل الوفاء والعزيمة

.....

[الحمدان]

‏ولا تحزن على عثرات عمرك جعلها تفداك
‏تشوف المقبل أجمل كل ما توقف على حيلك

.....

[الحمدان]

لو كنت تعشقني كثر ما احبك
ان كان نبداء الحب كل مانتهينا

جرحي عطيب مايبي غير طبك
والشافي الله لاتمنن علينا

.....

[الحمدان]

‏کابر علــى دمعك وخــلك هادي
وان جابوا لطاري المفارق سيره

قول المفـــارق لو کســرنا عادي
اختاره الله واخــتياره خـيره

.....

[الحمدان]

تغيّر الجو وإحلوّت بك البحّه
ما ألوم أنا الجو عنده ذوق لأختارك

سولف فداك التعب والضيق والكحه
وإلا تعال بمرضك الحين نتشارك

.....

[الحمدان]

لاتحاول تبهـر الـنـاس وتدور قبول
القبول ان جاك ربك هـو اللي نزله

.....

[الحمدان]

لاستانس الخافق ذكر من يحبه
ورجع يراجع فى الوناسات مافات

هيهات ينسى القلب شخصٍ لعبّه
وهيهات يدله خاطري منك هيهات

.....

[الحمدان]

ثلاثة اشياء سـلام الروح والراحه
‏الراحه اللي على ما قيل نفسيه

‏القرب لـ الله وترك الناس سرّاحه
‏وافراغ قلبك من الاحقاد كليّه

.....

[الحمدان]

‏فديت عينـــك لو تبي العيــن خذها
وخذ النظـر مادمت في الروح غالي

واشلـــون اغليها وحبـــــك سكنها
وانت الوحيـد اللي سكن في خيالي

لا تسألونــــي يا هــل العشق عنها
ضاع الجواب وضاع معها السؤالي

اخفيــــــت طاريهـا وقلبـي علنها
وقال اعشقـك يابعد حالـي ومالي

.....

[الحمدان]

‏انت عنــدي عز من شافـــت عيوني
وانت عنــدي عز مـن قلبـــي هواه

وانت عنــدي عز مخلوقــن بكوني
وانت عندي شخص له قيمه وجاه

وانت عنــدي شي لايمكـن يهوني
وانت عنـــدي شي غالـي مستواه

وانت عندي من تربـع في جفوني
وانت عندي من سكـن قلبي غلاه

.....

[الحمدان]

‏رغم الظروف اللي تعّكر لنا البال
‏نضحك ولو ناطى بالاقدام جمره

.....

[الحمدان]

انتي جديدي وانتي اخر حروفي
وانتي وجودي وانتي الكون كله

وانتي غرامي وانتي احلا ظروفي
وانتي الهناء لي عشت انا تحت ظله

.....

[الحمدان]

نهارٍ غثيره يرضي الخاطر الزعلان
لك الله كن الشمس بالغيم محجوبه

تخفّى بعضها فـ الغثير وبعضها بان
مثل بنت عودٍ يوم شافوه هلو به

عطوه النشاما منحر المجلس المليان
وهي تتقي من زحمة الناس في ثوبه

.....

[الحمدان]

‏يا شرهة العاقل عسى مابه خلاف
ويا ناقل المشروه ويش أنت ناقل

شرهة رفيقي حملها فوق الأكتاف
لو حملها من فوق الأكتاف ثاقل

عز الله ان بعض المشاريه تنعاف
إلى نقلها شخص ماهوب عاقل

‎حمدان المري

[الحمدان]

تـبـيـنـي اعــلــمـك عــلــمً تـضـمـه
واتـبـرمـجـه في قلـتـك بين اذانـيـك

لا تنشغل في شخص منتب تـهـمـه
ولا تعـتـني في شان ماهوب يعـنـيـك

تـرى الصـلاه اللـي عـلـى غـيـر يـمــه
شيطانها عن طــاعـة الله ايـلـهـيـك

هذال العتيبي

[الحمدان]

جعل ربي مايورينا العجايب فينا
يضعف الانسان ويضيع دهاه وكيده

كل يوم وربنا من عرشه ينادينا
مير وين ان اللي يعرف ان المنادي ميده

مهطعين تجيبنا الاخبار وتودينا
من ثلاث شهور جاك الذيب جاك وليده

‎ناصر الحمادين

[الحمدان]

ما كل من ربا شنب صار رجال
وما كل من ركب الخيل صار خيال

.....

[الحمدان]

‏النفس طيـر وطاعة الـرب روضه
‏ونفسٍ تفـوز بطـاعة الله حظيظه

‏والادمـي لاطاع واكمـل فـروضه
‏تطيب نفسه كان نفــسه مريضه

.....

[الحمدان]

يامرحبا باللي يراسل على ذوق
حرك شجون القلب وأخضر ربيعه

مانسى محبينه لو الوقت به عوق
راعي الوفا نشريه أبد مانبيعه

ابشر بعزك لوتبي النجم من فوق
تامر على روحي وهي لك مطيعه

.....

[الحمدان]

في ديارٍ مالها في نظر عيني مثيل
ذايقٍ في جوها الرحَب لذّات الحياه

.....

[الحمدان]

يقش راسي لازهمني كفو لزته الضروف
وانا ضروفي مثلما ضرفه وزيد اقسئ قليل

ودي له ارخي منكبي وابيع له مخ الكتوف
اهون ولا اشوفه وهو موجوع من رد البخيل

.....

[الحمدان]

غديت أودِّع المقفي ولا أحب أسمع التبرير
‏ اشوف إن التفاصيل الصغيره مالها داعي

.....

[الحمدان]

صبرنـــا على الدنيا ومسحنا دموعع العيــن
وجـــحدنا الوجع لو أن جـوره قد أمرضنـــا

.....

[الحمدان]

ودي أضحك ضحكة اللي حققت الايام حلمه
‏وودي أذرف دمعة التايب على العمر المولي

.....

[الحمدان]

تعرضت الطريق الصعب ماخانتني الخطوات
‏ونطحت الدرب بعزوم الشجاع وحسن نياته

.....

[الحمدان]

‏احذف كل اللي يسبب لك ازعاج
‏ولا تفكر في شعوره دقييقه

‏خل التخلي لك على طول منهاج
‏وشف كيف تصفى لك وجيه الخليقه

‏الناس مافيهم إذا باروا عـلاج
‏ومن لا يثّمن قيمتك في حريقه

.....

[الحمدان]

‏بعدك أنا المشهد الي صعب تصويره
‏وتمر الأيام وأوضاعي هي اوضاعي
‏
‏مشتاق للّيل والشرهات والغيره
‏ومشتاق لسألتك الي مالها داعي

.....

[الحمدان]

مـاغـيـرت بـعـد الـمسافـة غـلاتـك
‏لو تكـثر الأميال مابـيـننا البـين

‏حتى الحروف بشوقها اليوم جاتك
‏يا قربك لقلبي وبعدك عن العين

.....

[الحمدان]

على صورتك ماني بمستامن النظرات
‏ياكيف أتصبر نظرتي وانت سارقها

‏خذاك الغياب ومجرياته وحب الذات
‏وانا غيبتك لليوم ماني مصدقها

علي فهد الوطري

[الحمدان]

هـــاذا زمان القرد يصبح مفـــداء
والشرذمـــة يصبح مواطن حضــاري

صرنا غرابة في زمانن تـــردا
تطـــاولو فينا عيال الجـــواري

.....

[الحمدان]

لا صكّت أبواب البشر لا تبالي
باب الولي مفتوح في كلّ الأوقات

سبحانه

[الحمدان]

‏ما كل من يكتب عن الحزن مجروح
‏ولا كل من يكتب غزل صار عاشق

‏خواطر تجي على البال وتروح
‏اكتب عن الاحزان والبال رايق

.....

[الحمدان]

‏اهل الوفا فــي معرفتهم غنيمه
وفي غير عرف اهل الوفا ماتشوقت

أخـلاقهم كالمــسك نفحه وقيمه
يزيد وسط السوق سعره مع الوقت

[الحمدان]

جـاوب عليه ياصمت من قلب حـساس
وحـــط مرســـال الولــه فـي بريـــــده

قلـــــه لــه الاشواق بالطن تنقـــــــــاس
وكامــــــل ايمانــــي ونـــور العقـــــيده

لانـــه ذهب خالص وجوهر من الــماس
غــــيره بشـــر والله ما انا اريـــــــــــده

.....

[الحمدان]

‏لا طابت نفوسنا من شي واقفينا
‏لا عوّد اللي خذاه الموت عوّدنا

.....

[الحمدان]

اضحك ترى عوج الليالي مدابير
وما للخلايق في قضا الرب حيله

ترى الشـدايد قافيـتها التياسير
يالــلي تـشيل الــهم ربك يزيله

.....

[الحمدان]

ياملهمة شاعر مثقف وفنان
ليش الغياب الي جرح خد خلك

دونك بيوت الشعر من دون بنيان
عودي لمن هو بالمشاعر سكن لك

قلبي بدونك بيت مهجور سكان
ومن كبرائي ماقدرت أتصل لك

خايف أدق الرقم وتقول غلطان
ماهو انا ذي بالمحبه يذلك

صحيح لك هاوي وضامي وعشقان
بس الرحيل بدون سبه يقلك

ماهو انا يقفي وان كان من كان
وتبع خطاه لو كان قلبي يجلك

.....

[الحمدان]

يامساء الشعر لا غازل عيونك
واستلمها من هدبـها لا هدبــها


والمساء العذب ما يكمل بدونك
وانتي اجمل صدفـةٍ ربـي كتبها

.....

[الحمدان]

‏تعـالي نكتب فالمحبه روايه
‏باسمك وباسمي واسمها قلبي يهواك

‏انا هويتك عشق ماهي حكايه
‏تنقال في هــذا وتنقـــال في ذاك

‏جيت وتركت الناس كلهـــــا ورايه
‏شلتك هنا في القلب والعالم هناك

.....

[الحمدان]

ياوليف الروح ياحلو الوصايف
يابعد من شافت عيوني عيونه

ايه احبك غير عن كل الولايف
حب صعب ان الاوادم يعرفونه

الغلا لك والمحبه وانت شايف
كيف عذال الهوى منك مغبونه

.....

[الحمدان]

صوتك شجاني حــي صوتك وطاريه
انا اشــهــد إنــه دغــــدغ الجسم كله

إن قلـت أتناســـــــاه مانـي بناسيه
قبل أستمـع لـه كــــان في القلب عله

وحين إستــمـعـتـــه مد للقلب أياديه
صوتٍن بحوحٍن ماعلى الكون مثله

مسكين من مثلي سمــع وإبتلش فيه
ماعد بـرح موضـــــع قــدم من محله

وكل مـــا حـــاول بقــــــوه يقاويه
تزّوّود الذكـــــــــرى عــلـى الطين بله

صوتك شـجاني واشعل القلب ياهيه
لو عاد اشوفــك كيف وازيد قُبله

.....

[الحمدان]

ملهمة قلبي واحاسيس الكلام
سيّدة اعذب حديث المغريات

اسمها الأول ملذات الغرام
واسمها الثاني مزعلة البنات

أنتثر كلي تفاصيل وهيام
واجتمع شاعر قصيد وأمنيات

وان تغيّبتي انا ماني تمام
انعمس وتضيق بي الاربع جهات

[الحمدان]

اغليك جداً عسى الله لايبين غلاك
ياواحدً لو طلب عمري مايغلى عليه

والله مدري وش اخطائي ولكن خطاك
انك الي الان ماتدري وش اللي تبيه

واني اللي الان ماني مستعد لجفاك
تبيني اذوق طعم الانكسارات ليه

.....

[الحمدان]

قال لي ودعتك الله قلت روح دربك اخضر
رافقك قلبي وفكري يالغلا قبل السلامه

الفراق اصبح ضروري واللقاء ماهو مقدر
مانقـول الا وداعاً نلتقــي يوم القيامه

والنصيب الله يعينه كم مفارق به تعذر
بينما وجه النصيب ابيض تعداه الملامه

كلنا نرمي خطايانا على الوقت الموقر
في الكبيره والصغيره تم ظلمه واتهامه

من تأمل في طباع الناس واتمعن وفكر
تتضح له صورة الواقع وتتجــلى امامه

من يضيع من يده فرصه ثمينه ما تكرر
بي يجي له يوم يذكرها ويشعر بالندامه

الغلط لو يدمحه من كاهل المخطي مبرر
ما وعد بكر ابن وائل بالفنى عم اليمامه

وفي النهايه ما نفع صيته وسيفه والمشهر
طاح واصبح تحت رحمة سيف خيال النعامه

.....

[الحمدان]

‏لاتــحاسبني علـى حـالتي وآخر ظهـور
بعد ماقفلت الابواب واعلنت الرحيل

فرق واسع بين جبر الخواطر والكسور
الكسر يجبر وجبـر الخـواطر مستحيل

.....

[الحمدان]

‏كل ما شفتك خفق قلبي جالك
‏يثني الترحيب في طلّة عيونك


‏إستلمني عشق يا عشقي لحالك
‏مازاستلذ العشق يا عشقي بدونك

.....

[الحمدان]

جندت الاحرف وصدق الشوق جندني
والحب والعشق كم طوع وكم جند

وكلما زاد حبي زاد يبعدني
لافك باب الهوى كلا ولا بند

وليش يامنتها آمالي تعاندني
ماتعلم انك اذا عاندت اصير اعند

لازلت مشتاق واحلامي تراودني
واتنفسك بالولة نفحة كعود الند

اريد ان اسعدك وانت تسعدني
احنا مع بعض ذي ندكي على مسند

الى متى بوعدك وانته تواعدني
على السعاده وقلبك حين تنام اعند

وريت الابيات في حبك تساعدني
يامن نقشتك بحرف ابجد وبالمسند

.....

[الحمدان]

وين اودي شوق قلبي والوله
‏لو غديت بعيد عني ما اسمعك

‏تملك احساسي وفكري تشغله
‏ترحل طيوفك وفكري يجمعك

‏هاك قلبي هاك ليتك تقبله
‏خذ سنين العمر او خذني معك

‏انت تالي الحب عندي واوله
‏من يقول اني نسيتك يخدعك

.....

[الحمدان]

‏كنت احسبك نادر ومالك شبيه
‏واثرني انا النادر والواجد عليك

.....

[الحمدان]

لك صباح الشوق يا محيي الشوق
ولك عظيم الود واشكال الغرام

عيني اليمنى على حبك تفوق
وعيني اليسرى على وصلك تنام

.....

[الحمدان]

‏القلب واحد والمخاليق عدّه
‏ولا هز قلبي بالهواء غير واحد

‏أنت الوحيد اللي خفوقي تشدّه
‏وغيرك أجامل حضرته لا تواجد

.....

[الحمدان]

‏ان قلت احبـــك يغار الحب من حبك
‏وان قلت غالي غـلاك اغلى من الغالي

‏لله درك ملكـــت القلـب فــــي قلبـــك
‏والروح ترخـــص لعينــك يا بعد حالي

.....

[الحمدان]

خِلِّي ما يسـوى تعريفه
‏ حـيلك يـا قلـبي حـيلك

‏لكــن الأقــدار مخـيفه
‏ تحـطك مــرة وتشـيلك

‏يا همـس هذي تصريفه
‏ دخيلك ياهمس دخيلك

.....

[الحمدان]

‏القلب معك و فدوةٍ لك ليا ضـاع
‏تصرفي به واشتري به وبيعـي

‏لو ضاع والله مايجي فيه شفـاع
‏أنا ولي أمره ولأمرك مطيعـي

‏أما أنت يالمجمول يفداك من بـاع
‏والله مابيعك وأنت زهرة ربيعـي

‏يابو جبينٍ بالدجى له تشعشـاع
‏ومجـدلاتٍ مثل ذيل الطليـعي

.....

[الحمدان]

‏⁧امطير ربعي متعبين الاصايل
‏اهل الوفا واهل الفعول المسماه

‏اهل الوفا واهل النقا والفضايل
‏واهل الكرم والجود والوجه والجاه

.....

[الحمدان]

‏لامحرقٍ جوفي ولا الدمع نازل
‏لو دمعة العاشق مافيها مناقيد

‏عن كل حاجة من طرفك متنازل
‏حتى السلام اللي من العيد للعيد

.....

[الحمدان]

‏مايطلع الصبح لين يقوم من نومه
‏ومن نور وجهه تنوّر سبع الأراضي

‏الصبح لو مايجيني غير بعلومه
‏لقيتني رايق ومستانس وراضي

.....

[الحمدان]

ياقلبي اللي معك ذقت الامرين
‏متغير شعور وصفات ومعالم

‏ماتقدر الدنيا تزعلك والحين
‏يزعلك كنو ويرضيك سالم

.....

[الحمدان]

‏انتي بنت الصّبح ساسك من هنا
‏مُستحيل الزين هذا ساس طين

‏إنتسائل لا ظهر نوُرك لنا
‏من متى الشمس تطلع مرّتين

.....

[الحمدان]

‏أبرك مصاديف العمر يوم لقياك
‏من يومها صرت بحنايا خفوقي

‏لبّى طريقٍ ساقني صوب دنياك
‏ولبّى دروبٍ صوب دربك تسوقي

.....

[الحمدان]

‏كمل غيابك أزمة الشوق عدت
‏مابيك ترجع خاطري منك طايب

‏قلبي نساك وكل الاشواق صدت
‏انا وانت ماعاد نصلح حبايب

.....

[الحمدان]

دام المساء يجمع على الود غاليين
‏يسعدمساء نبض المشاعر والاحساس

‏ويسعدمساء من يسكن القلب والعين
‏ويسعد مساء باقي المواليف والناس

.....