فوق هام السحب ( الشعر الشعبي) على متن القوافي

[الحمدان]

صحيح ماجتنا الليالي على الكيف
مره تجينا ثقال ومره خفافي

الحال مايحتاج نشده وتوصيف
ماكل يومٍ ينحسب لي عوافي

ظروفنا تشبه سحابٍ من الصيف
بعد المطر تهب صلف السوافي

وليا نشدنا من يحب السواليف
قلنا بخير ولا لحقنا خلافي


.......

[الحمدان]

يمكن أبشع صفة فيني الزعل والعناد
‏وأملك أسلوب قاسي بس ما اجرح أحد

‏منطقية حياتي ماتعرف الحياد
‏غصب عني أكابد بالعمر وأجتهد

‏والمفارق مايعني بأن قلبي جماد
‏العلاقات رزق إن ماصلحت ابتعد

‏الحشيمه بتبقى لو يروح الوداد
‏بحفظ العشره بقلبي وأصون العهد


.......

[الحمدان]

‏رضا البشر ما هو بـ آيه منزله
خل العقول الطايشه في طيشها

أحيان تفكيرك يحل المشكله
وأحيان حل المشكله تطنيشها


.......

[الحمدان]

‏ياليت طبع البشر مع بعضهم راقي
‏منهاجها الطيب ماتبحث خفاياها

‏انا على نيتي وأعيش بأخلاقي
‏والناس مدري ولااعرف وش نواياها


.......

[الحمدان]

لا تفتح أبوابْ ما تقدر تسكّرها
دامك على قدّ حالك.! خلك بحالك

ولا تكسر قلوبْ منْت بكفو تجبرها
في ما بها خلّها… وخلك على فالك

المرجلة ما تبي من لا يقدرها
مقصودها وقفتك ماهو كثر مالك


.......

[الحمدان]

‏حمدتك على خير وحمدتك على مكروه
‏وسبحانك اللي لا ألتجى عبدك، أنصفته

‏أجي لك بوجهٍ ساير الناس ما شافوه
‏على شان وجهٍ ساير الناس عارفته


.......

[الحمدان]

‏كل ما جاني من الغالي قصور
قلت عادي طيبه يغطي رداه

التمس له عذر واقول أمعذور
غالي و من حقه يجرب غلاه


.......

[الحمدان]

قد بكيته من عصر والبكا ماهوب عيب
‏عادة العشّاق يبكون . . حتى فالصلاه

‏دايم اللي خاطره ضايق ودمعه قريب
‏لا بدا في عالي . الرجم جاب اللي وراه


.......

[الحمدان]

‏نعيش الحياة ومانبي الإ سلامتنا
لنا بالظـواهـر مالنا في خـوافيها

ولو الناس في بعض القناعات لامتنا
ترى آهـم حاجـة فـ الاوادم مباديها

على كلّ حاجـة نصبـر الإ كرامتنا
هي الحاجـة اللي ما نساوم حدٍ فيها


.......

[الحمدان]

مخافة الخالق : معزه ونوماس
‏ومكارم اخلاق .. ونقاوه .. و مله

‏ومخافة العالم : نقصه و وسواس
‏و دناءة اخلاق .. و جهاله .. و ذله

‏النار والجنه هي ادق .. مقياس
‏على مراحل عمر الانسان .. كله

‏احزن على فئة كثيره من .. الناس
‏خافت من الناس وماخافت من الله



.......

[الحمدان]

اتعبتنا الحياة ودوختنا الظروف
‏واه يانفسي اللي وصلت حدها

‏كانت تعالج العالم وكانت تروف
‏قلت يانفسي هدي والحزن هدها

‏معنويات منهاره وضيفه وخوف
‏يوم بانت مواقف وانكشف سدها

‏أثرت فيني لين أصبحت ماني شغوف
‏بس جالس مع الصدمات واعدها

‏
.......

[الحمدان]

‏يانظيف القلب ثلثين العرب شمّاته
وامثلتهم يوم افكـر في بعضها خلّه

قالو انه ما يعيش اللي على نياته
والحقيقه صـف نياتك ويـرزقك الله


.......

[الحمدان]

‏يارب تسعد ضايـق الصدر والبال
عجل فـرج مخلوق بالحيل ضايق

بدل عسر دنياه في يسر الاحـوال
وعسى مزاجه ويـن ماراح رايـق


.......

[الحمدان]

بعض الصداقه لو أهلها يغيبون
‏تبقي لو ظروف المواجه شحيحه

‏والرفقه اللي حدها بالتلفووون
‏تضيع لو ضاعت عليك الشريحه


.......

[الحمدان]

تمر الليالي بين يمكن ، لعل و ليت
و أنا أدري تبادلني الغلا و اتّمنـاني

ياكم مرةٍ جيت أعترف لك لكنْ أزريت
ذبحني شعوري و الحيـا يربط لساني

بنيت بضميري لك مكانة و قدر و بيت
ولك الله مافوقك بالغلا غير شيباني


.......

[الحمدان]

القلب ماهز ثقله كل مزيونه
الا الجمال المثير المغري الفارق

كان الشهاده لغرقا الحب مضمونه
فأنا شهيد الوساع النعّس الغارق

ذهانة الوجه والحجان مقرونه
وخد شعاعه كما شمس الضحى الشارق

وليا انثعى الخمري المسدول من دونه
ليلٍ تبدد ظلامه نجمة الطارق


سعد بن جدلان

[الحمدان]

الأمور المغريه والعالم النصابه
والله انها تتعب الواحد وتبحث سدّه

فيه شيٍ مثل فال ماحسبت حسابه
وفي شي تذكره مده وتنسى مده

وفيه شي يجبر العاقل تثور اعصابه
لين ضغط السكري فيه يتعدى حده

واخرتها كل واحد عند باب اصحابه
افتحوا ولا قلبناها عليكم هدّه


سعد بن جدلان

[الحمدان]

طلعتك ياشمس كلٍ ينتظرها في محله
المفتح ينتظرها والأكفا تنتظرها

ياطلوع الشمس وهاج المصابيح المطلّه
نورك الوهاج يشرق للأوادم في ديرها

وخاطري مكسور من شيٍ بغاه ولاحصل له
والخواطر مايجبرها يكود اللي كسرها

والمصيبه كاسر الخاطر يريس العلم كله
سالفه يقدر يشعبها ويقدر يختصرها


سعد بن جدلان

[الحمدان]

يا عنا القناص يالصيد المدسّم
ياكتاب الشمس وكتاب الطلاسم

امسك اعصابي واذا شفتك تبسم
كنك تكويني على الكبد بمياسم

كن بياضك مع حمارك لا تقسم
عارضٍ في وجنتك موكب مراسم

حبكم سيطر على قلبي ورسّم
مثل ماسيطر على بغداد قاسم


سعد بن جدلان

[الحمدان]

ظروف الشدايد سدها للمراجل فيد
ويقدرها راع الوجهات والنصب والبرقه

الا حاجتينٍ تظهر اللي مداه بعيد
لياطال المرض ولا لياطالت الطرقه

هذي والله اللي يظهرن الردى والجيد
ومن فاز بالثنتين ذولي ظهر فرقى

نبات الفلا يابس وتسفي عليه البيد
وعرق النوامي بالثرا سابحٍ عرقه


سعد بن جدلان

[الحمدان]

على اوراق الصحافه يابساط الساحه الممدود
احس اني قلم واليماني البيض تكتب بي

انا يانجد ورياض المحبه والله المعبود
ماراودني سهى حب الرياض ونجد تعجب بي

احبك يا الرياض ام المكارم والرخى والجود
على هامتك جلباب النشيد الذوق واللبّي

احبك يالرياض العاصمه من حبنا آل سعود
لكن هالحين حبي هاربات الشعر من حبي


سعد بن جدلان

[الحمدان]

المحيّر لاتصادم وصولٍ في وصول
الوصول تواصله والوصول تجنّبه

والله مدري ويش اسوي ولا ادري ويش اقول
الحقايق تيقض اخر سبات وينتبه

البها الفتان يخلف موازين العقول
والغلا يثّر على النفس لومه وعتبه

للبها والصوره اليوسفيه والقبول
يايبه من لهفتي واشتياقي يايبه


سعد بن جدلان

[الحمدان]

ياللي تقول الشعر همزه وكسره
يقول فكرك مقديٍ وانت ما اقديت

اسرح نهارك وان ضوا ليلك اسره
وتعود من بحر الشعر مثل ماجيت

احلا مذاق الشعر سهله وعسره
عسره على الابداع سهله ليا اوحيت

يضرب بها فوج الدواوين جسره
ماهوب لامن جاب بيتٍ سقط بيت


سعد بن جدلان

[الحمدان]

ياقطات كروش ياعيون الوحش ياغزيّل
ياذهب يافرنك يادولار يا اغلى عمله

والله اني ودي امسي عندكم واقيّل
بس لاتدري هلك شنّوا علينا حمله

ماجرحني وجرح المجماج وابن سبيّل
كود حب السلهمه لا ماتفرّق شمله

والله انك خيرة المكسب بغزو هليّل
لكن الله يقطع الحسره وقل الصمله


سعد بن جدلان

[الحمدان]

راكب اللي فارضٍ جودة الصنع افتراض
في جميع اللي ورد فالبواخر والفرض

كن حاله مع رفيقه يهدد بأنقراض
طامس قلوبه هران وانفسها مرض

ما دروا عن قصته اهل الحسا واهل الرياض
من غدا منهم على هيت عيّن في حرض

كن اسطبّه ورا لاتنحّى خشمه وراض
مقطع المنشار في روس عودان القرض


سعد بن جدلان

[الحمدان]

(( قصيده مهمله - بدون نقط))

مع الهم والوسواس والسهر والولوال
ادلّه هموم الصدر والصدر ما دله

احاول على حلو الحلاوه وهو محال
وحاول ودار الحول وعمله عمله

سهوم الوساع السود لأهل الهوا سلاّل
لاسلهم سحى سلهامه سهومٍ مرسله

هو اللولوه وهو الدراهم وراس المال
وملا ملك له لولوه لا حلالٍ له


سعد بن جدلان

[الحمدان]

ياراع الوساع السود ياناسع الخمري
علي الحرام اني على شوفتك ضامي

جمال الخصال اليوسفيه يغلب امري
عذابٍ على من حج لله ومن صامي

ياراسي وياصالب عضامي وياعمري
يجيني بلا لاشفت صورتك قدامي

اشوف الحياة اللي يغني لها القمري
على حاجبيك السود في دمّك الشامي


سعد بن جدلان

[الحمدان]

انت يانصاب ياهوه ياحظرة جناب
كل مادار النظر فيك شيٍ لب له

اعتراضة مهرةٍ في غيادين الشباب
والتصفح خيرة البل مع المتوبّله

لانصبت بفاتناتٍ تحزم بالثياب
ونرجسيات تخلي العقول مهبّله

لو حصل لي منك يازين مالذّ وطاب
احتفلت وجبت لي رقاصتٍ ومطبّله


سعد بن جدلان

[الحمدان]

بهجة عيوني على الدنيا ورونقها واملها
صاحبٍ لا امل من شوفه ولااسمح من كلامه

شوفة عيونه تكفيني عن الدنيا واهلها
كل نظره من حدث الاحوال تعطيني علامه

وان ذكرت مرصعاتٍ بالزمرد لا عزلها
يا صلاة الله على وجه الرسول ويا سلامه

اعتقد من قابل الدنيا ولقته بقبلها
عاش في برزخ سعيد القبر الى يوم القيامة


سعد بن جدلان

[الحمدان]

الله يرحم بوك وامك ويلحقك بهواك
كلنا للي تقولين اذان صاغيه

انتِ مطغيك البها لين حدد مستواك
يعني اكبر مجرمة حب واكبر طاغيه

شوفتك للي فؤاده مريضٍ في حراك
جنّتن ماينسمع في طرفها لاغيه

انا يوم اغليك واجيك وادور رضاك
باغيه نفسي ولا ادري وشنهي باغيه


سعد بن جدلان

[الحمدان]

انا اللي همومي صايراتٍ علي كدر
لو انها تحول فوق غيري فقد عقله

لامنه اشتغل موضوعها داخل الصدر
تقل فايزٍ وسطه فريقٍ يصفق له

على الصاحب اللي مانويناه بالغدر
شفوقٍ علي وانا ماغير اتشفق له

بنا بيت حبه فالحشى واسس الجدر
وخلى معاليق الضماير تخافق له


سعد بن جدلان

[الحمدان]

انا يوم اجي وامركم ياوليفي حنج
ولا ودي اقرا بك تلد النظر فيّه

لعب بي كلامك فالخفى لعبة الشطرنج
ليا دار لعبه بين الاعضاء السياسيه

وسبح بي غرامك سبح موج البحر باللنج
غفلت وغدا بي حبك شويّه شويّه

لاشفت زولك قام يدخل عضامي بنج
اسولف مع العالم وقلبي له نحيّه


سعد بن جدلان

[الحمدان]

كم مفرقٍ كل ماجيته تعديته
لا اشوف خطه ولا اقرا ويش لوحاته

ياكود مفرق رقبة العطف لاجيته
يفرض علي الألتفاته والتنهاته

في حشمة اللي مصافيني وصافيته
من خلقتي ماحدٍ سوا بي سواته

مايسمح البال لين اقف على بيته
اضرم له اضرامة الزيدي على قاته


سعد بن جدلان

[الحمدان]

لعنبو من لامني لاتجاهلت الوداع
الموادع حط وسط الحشا جرحٍ شنيع

الموادع حط قلبي من الفرقا رعاع
والسبايب كيّتينٍ مضاربهن جميع

كل ماتطري علي المظاليل الوساع
اتزفر زفرتينٍ يشيبن الرضيع

طامعٍ في مهرتن لاتسام ولاتباع
مابي الا هي وربي رماني في شفيع


سعد بن جدلان

[الحمدان]

ياكبد ياللي من الحرمان منهشمه
فيها من العام نجارٍ بشاكوشه

واللي هشمها شفاةٍ دونها حشمه
ارهي على اللي تبي نفسي ولا انوشه

حجزٍ يرد الرجاوي من ورا خشمه
ان ردها الحجز ولا ضاع فالطوشه

عمر بيوتٍ على بيبانها رشمه
وبطونها بأفخم الشيراز مفروشه


سعد بن جدلان

[الحمدان]

يامجمول حبلي من عدود الموده جذب
ولاتحسب ان غزوي عقب نكفي هويّن

مشوارٍ خذيته حط وسط الضماير شذب
من الجسم يبرن الكوايا وهو بيّن

يبوط الهوا لاعمّروا به خداع وكذب
لو حفّوه بالترحيب والجانب الليّن

لا اخطيت السدود المبهمه والكلام العذب
احسن للهوا يرتاح واحسن لي اديّن


سعد بن جدلان

[الحمدان]

يامرحبا ياصاحبي طيب الصحبه
ياللي تصادق مع وليفك وتوفي له

ياللي كلامك من غلاك اتقرّح به
هرجك يوسع خاطري من شفاتي له

كن الكواكب في محياك منسحبه
تلعج مقابيس الدجا من ورا الشيله

الاحساد فرقا شملنا لاتفرّح به
اللي معوشتهم على الذل والحيله


سعد بن جدلان

[الحمدان]

الا ياعيون موحشٍ مابعد لزم
عدّا كل صقارٍ بشبكه ولا لزمه

على القلب نارٍ ولعت في قرى حزم
وحطوا عليها من دقاق الحطب حزمه

يقاويك ابن جدلان بالصبر والعزم
لكن حبك الصافي تغلب على عزمه

تراني دخيلك ياوليفي من الهزم
تموت الغزو ولايقولون منهزمه


سعد بن جدلان

[الحمدان]

‏نفزع مع المظلوم لاقال فــزعـة
وندوس باقدام الـخيـول العـوايـق

أحنا الرجال منا المـقاتل بســبعـة
نرقص على صوت الـبرع والبنـادق

صحـيح كل الـناس أولاد تسـعـــة
بـس الـمراجل تـخـتلـف والعرايـق

ناكل من أكـباد المعـادي وضـلـعـه
نجـعل عظامه للبـنـادق مـعـالـق


.......

[الحمدان]

بين الصبر والصمت والخاطر الشين
ما قلت .. يا ليل العنا وش جرالي

و من كثر صدماتي بناسٍ عزيزين
قمت أتحرى صدمتي من ظلالي


.......

[الحمدان]

نامت عيون الناس ما جاني النوم
ما فيه احد يسهر على غير سبه

ضايق وبي عبره وبالخاطر علوم
ياغايتي قلبي معك خاف ربه

قال زواجك علي من دوب لا دوب
من بعدها قلبي مدينتً مستتبه

اما تبادلني بشعوري من اليوم
ولا ابتعد عن قلبي وكبه


.......

[الحمدان]

‏على ضوه القمر جيتك اسامر وحشة الغياب
عشير الروح مايبخل ونا مجنون بسكاتك

تعال نسامر القمرا وننقش بالحروف خضاب
ونيس اليل مايقوا على المزيون نظراتك

وأنا ياصاح نظراتي تجيب من الغلا طلااب
تكفكف دمعك المرهف على شباك حضراتك


.......

[الحمدان]

يا منــاة الـــــروح يالــــوجه الحــــشيم
ياربيــــع القلــــب يسعدلي مســـــاك

لــو تغيــب العيــن في قلبــي مقيـــم
واسعــد الاوقــات فــي لحظــة لقــــاك

الشعـــــر لــــولاك ما باح الصميــــــــم
والاغــــانــي دوم ما تحـــــلا بــــــــلاك

والقلــــب ولـــهان فــي حبــك يهيــــم
والســـرور اجـــتاح قلبــي مــن غـــلاك


.......

[الحمدان]

‏ياللي تحسـب الطيب يشــرى وينباع
الطيب كايـد والمواقــــف توافيــــــق

احدن نظـــر عينـــه على واطي القاع
واحدن طلـوعه فوق روس الشواهيق


.......

[الحمدان]

‏ما كل من ينظرلك أحيان يبغيك
‏ ولا تحسب إنه ياعزيزي مشبه

‏يمكن فقدله شخص ملامحه فيك
‏هذي عوايد فاقدين الأحبه


.......

[الحمدان]

غزال مذيّر من هوى غربي الانـسـام
‏لاهب الهوى يستقبل الغي ويـرده

‏سرقني مثل ما يسرق الواعي النيـام
‏ولا زلت فيه اهيم واغليه واوده

‏محبة ماهيب امحبة موزع الارقـام
‏لامنه سمح مما هوى خاطره هـده

‏بغيته وعيا الوصل عنه وبعده قـام
‏يجند جيوش الصد ب الهجر ويمـده


.......

[الحمدان]

يا زين شوف البدو بفياض أوساع
وبيت الشعر فيه الرجال المطاليق

ريحة سمر والبن وارطوبة القاع
انشهد انه تبعد الحزن والضيق


.......

[الحمدان]

قدرك على عيني وعالراس من فوق
واللـي شـرانـا بالوفــا مانبيعــه

لك منزله في داخل العين والمـوق
ولك مكانــه ياحيــاتـي رفيعـــه

ابشر ترى قلبي لكم ممتلي شـوق
ومحبتـك عنـدي بعــد فـالطليعــه


.......

[الحمدان]

‏مر الخيال بصورتك وأيقظ الروح
وإنزاح عن روحي ضبابة سماها

يامن تناجيك المشاعر لك البوح
عل وعسى في يوم تجلب رضاها

مفتاح قلبي بين أياديك مطروح
وأظن مافيه روح تجهل هواهـا


.......

[الحمدان]

‏إذا باعك اللي مارحم قلبك الحساس
‏تلفت وتلقى شمعة القلب تضوي لك

‏تعال وتذرى بين غصن الرجا والياس
‏تحت جذع صدري لين تاقف على حيلك

‏بعدها تعرف إن الذهب ذاك كان نُحاس
‏ولا فيه أحد كثري من الناس صافيك


.......

[الحمدان]

‏الذكريات بكل الاحوال تشقيك
‏مافيه روح من الحنين استراحت

‏تحزن على ذكرى حزينه تبكيك
‏وتضيق من ذكرى جميله وراحت

‏
.......

[الحمدان]

‏فينا بقايا طفل يشفق على اللعبه
‏ما نقدر نْرد نفسه عن مشاهيها

‏والطفل لا حب له شي و تولع به
‏يشوفه اغلا من الدنيا و ما فيها

‏نخلق عذر قبل لا نخطي و نقنع به
‏ما نعترف بالخطايا .. لين نخطيها

‏شعور جداً خطير و مرحلة صعبه
‏تتعب من أشياء ما تقدر تخليها


.......

[الحمدان]

‏حنا عــن الزلات باخـــلاقنا نشوم
يتعب ردي الحـــظ يلقــى ردانا

ماني على بعض المخاليق ملزوم
لاصــار نقال الحـــكايا ورانا

الصــقر عالــي والخرابات للبوم
وبالطيب والمعروف تندى يدانا


.......

[الحمدان]

مهما تغيّرتوا أسلوبي هو أسلوبي
في دروبي الآمنة ودروبي الخطرة

ماعرف اداهن عشان آصل لمطلوبي
يا زين وجه البياض اللي على الفطرة


.......

[الحمدان]

لا عاد تطرون عندي .. طاري الماطر
دام السحابه على الماضي ،، ترجعني

انا بـ حرب المشاعر .. ماني بشاطر
ادنى التفاصيل بين الغيم ، تفجعني

قد قالوا ان ( المطر يشرح لك الخاطر )
وشلون صار المطر لا طاح .. يوجعني


.......

[الحمدان]

لفاني على طرق الغلا والهوا مرسال
وانا من شعور وحب واحساس لبيته

هلا مرحبا باللي على الذاكره ما زال
اتجدد غلاه الذاكره لا تناسيته

عن البال ما قد غاب واشغلت فيه البال
احس اني اشوفه كثر ما تهييته

شعور التفاؤل يجعل الحلم طيب فال
ياكم ذاق حلمي سكرة الموت واحيته


.......

[الحمدان]

‏الرجل ما ينقاس بشماغ و عقال
يا مكثر العقله ويا قله الباس

الرجل اذا ما كانت اقواله أفعال
لا خير باقواله وافعاله افلاس


.......

[الحمدان]

عطني على حبـك عهـود و مواثيق
لان الغلا في اخـــر الوقــت ضايع

في هالزمن كل المشاعــر تلافيق
والغدر مابيـــن المحبيــــن شايع

هذا الزمن اصبح زمــان المطافيق
باسم الغـــلا الكـــل شاري وبايع


.......

[الحمدان]

كتبت لك مابين نبضه ونبضه
انك حياتي وأنك الحب وذوق

واشتاق لك في كل فتره ولحضه
ورسم خيالك داخل العين والموق

ملكته الوجدان طوله وعرضه
لاغاب طيفك هزني داعي الشوق


.......

[الحمدان]

ستر المواجع داخل القلب راحـه
لـو يمتلي صــدري بها ماتكلمت

ماهو جديد القلب يخفي جراحه
ولاهو غريب الضحك مهما تألمت


.......

[الحمدان]

‏لآ ترآعي آذوآق آلبشر في صبرگ
‏وآن صـرت بـعيون آلخلآيق بلآ ذوق
‏
‏وآهم شي فـ آلعمر ترضي ضميرگ
‏لو مآ رضى عنك من آلنآس مخلوق


.......

[الحمدان]

يموت حب الناس والجرح مامات
ويسيل دمع العين دام الغلا حي

لاعاد ترجي رجعه الوقت لافات
أللي مضى لا يمكن يرجعه شي


.......

[الحمدان]

‏خسرت وآجد في حيآتي وتألمت
‏وعرفت آني دآيم آبقى لـ حآلي

‏غآبوآ عن عيوني كثير وتعلمت
‏أن آلزمن مآيآخذ إلا آلغوآلي


.......

[الحمدان]

‏يا بن آدم خذ من الدنيا وجوه أربع
السعد والحزن والحرمان والنعمة

والدهر غدّار فاحذر من أمور أربع
الكبر والكذب والعصيان والعظمة

فالحال قد زاد فوق المنغصات أربع
الجور والحقد والبغضاء والظلمة

فيا إبن آدم تمهّل واستعن بأربع
بالله والصبر والإيمان والحكمة



.......

[الحمدان]

من لا يعيش العمر سامي ومتغاضي
‏ماهيب دايم ظروف الوقت خادمته

‏كنز القناعه غناة النفس لـ الراضي
‏يعيش دنياه فاهمها وفاهمته


.......

[الحمدان]

‏نمشي علـى حـكم الزمن غصب عنا
ونقول ياقلـب العنا الف لاباس

حتــى ولو بالقلـب سـهم طعنا
نضحك ونخفي كل جرح عن الناس


.......

[الحمدان]

‏مما قيل في لذه سوالف المحبُوب :

‏ودي أسمع سالفه منك سامعها قبل
‏مايجي لـ السالفه ذوق لين تقولها
‏مطرب بن دحيم

‏منه السوالف إذا سولف تجي ذربه
‏يحسبنّي أسمع وأنا في بحّته غادي
‏
مساعد الرشيدي

[الحمدان]

نعيش الحياة ومانبي الا سلامتنا
لنا بـ الظواهر مالنا في خوافيها

ولو الناس فـ بعض القناعات لامتنا
ترى أهم حاجة فـ الاوادم مباديها

على كل حاجه نصبر إلا كرامتنا
هي الحاجه اللي ما نساوم حدٍ فيها


.......

[الحمدان]

هل الهلال وهامل الدمع مدرار
لا هل واهمل ماطره كالهلل هل

صور وصار الملح والدل والكار
له والمها ما له ولا رسم ما كل

لو صاح صالح طالعه ساع ما دار
اسود على صدره على المسك عمل

سامح محمد لا رأى روس الاسطار
وحسامه الصارم لراع الهوى سل

ولا رد كود اهلا وسهلا له كرار
والحلم هو والعلم دله ولا دل

اساله وما درى الود ما صار
ولا ولاله كم دور لهم عل

اول صدور مواصله والهوى صار
لما الدهر رده على حاله اول

ما صح عله والرعد ما وسم دار
والحال حال الحول والحمل ما حل

ولولا حلاها حلها روس الاكوار
ما حل له دل ولو هو حل ما دل

عسا عسى ما كمل الدار للدار
عاد الرحا دوره على روس الاوحال

وصلوا على طه عدد رمل الاوعار
او ما كسا سهل الوطا للسما طل


محمد العبدالله العوني
المهمله

[الحمدان]

‏من لا وزن كلمته من قبل ينطقها
تجيه له كلمة ماهي بموزونه

ومن لاحفظ طلقته في بطن بندقها
بنادق الناس ماهي دوم مامونه


.......

[الحمدان]

‏دام الفعايل هرج كب المشاريه
‏فنجال مدحك لا تسوقه علينا

‏الطيب حنا مانقوله نسويه
‏افواهنا الله حطها في يدينا

‏زبار الحربي

[الحمدان]

‏يالله بصبحٍ يجتمع فيه ثنتين
‏سترك وعفوك ياكريم العطايا

‏وانك تثبتنا على منهج الدين
‏والرابعه تمحي جميع الخطايا


.......

[الحمدان]

‏الجناب الدمث والوجه الحياوي
‏والكـلام الـذرب والنفـس النقيـه
‏
‏والعقل والدين والكف الرهاوي
‏سبع .. تفرض لك حضور وقابليـه
‏
‏رجا المسند

[الحمدان]

‏ياهبوب الليل هبّي على صدر العليل
‏يوم سالت عبرة العين وأسقت خدها
‏َ
‏مابكت من ضعف عيني ولا قلبي ذليل
‏حدّها الحظ الردي لين جابت حدها


.......

[الحمدان]

‎لاتمد رجليك ولحافك قصير
‌‏ولا تناظر فوق تتعب بالنظر
‌‏ٰ
‌‏القناعه كنز لو حلمك كبير
‌‏والحياة دروس والدنيا عبر


.......

[الحمدان]

‎لولا الخطاء محدن تعلم من الناس
‌‏ولولا الجفا محدن عرف قدر غاليه
‌‏ٰ
‌‏الحب له لذه وله طعم وأحساس
‌‏بذات لاصار الغلا عايشن فيه


.......

[الحمدان]

يالله في رجاك تكتب لنا الخيـر
واعوذ بك شر النفوس وجهلهـا

ياكافل رزق البشر مشبع الطير
اغفر لنفس قصرت في عملها


.......

[الحمدان]

شلتك بصدري يوم ضاقت لياليك
‏و أشعلت لك نار كوتها ضلوعي

‏أخطيت في حقي ولازلت أناديك
‏ عندي أمل بكره تحن لرجوعي

‏ أنا الأمان اللي قتلته بـ أياديك
‏ و أنا ضياك شلون تطفي شموعي

‏ بالأمس توعدني وعد ما أخليك
‏واليوم أحارب بالمفارق دموعي


.......

[الحمدان]

تعال قبل الوّرد يذبل والسهر عينه تنام
‏قبل تجف الـ مرحبا وتموت بلسانيَ هلا

‏ترىّ عزيز النفس لامن عاف ، عاف بلا كلام
‏والله لو أنه وطن ماعاد له حبَ وولا

‏ماينتهيّ كثر الغلا إلا بقل الأهتمام
‏وإن جيتني بعدين مالك لا حضوَر ولا غلا


.......

[الحمدان]

‏مـات الغــلا والحـب ذاب اشـتياقه
واحــلامنا مــوت المشاعـر طواها

حتى الحــنين مع الولـه والشـفاقه
جـف الشـعور اللي يترجــم غـلاها

وسـاد الغموض وغاب حلم العلاقه
وغـابت كثير اشـــياء في محـتواها


.......

[الحمدان]

رجل ليا زلت بك الرجل تلقاه
‏حبل النجاة الي بتوته غليظه
‏
ذيبً ليا شاف الخلل فيك يرفاه
‏عـزك يـعزه وانكـسارك يـهيضه
‏
ورجل بحزات الرخي جاه ووجـاه
‏لكن بوقت الضيق ما تستعيضه
‏
واللي زعل من خاطره لاترضاه
‏مادام ماسويت شيٍ يغيضه


.......

[الحمدان]

إحفظ لسااانك، من البهتاان والغيبه
وأغنم حياة الهنا والسعد من بدري

من ينشغل في عيوب الناس عن عيبه
زادت عيوبه وهو مشغووول ما يدري

.......

[الحمدان]

الهرج واجد والنوايا مطايا
وكلا حسب تفكيره يعامل الناس

ناس مظاهرها بعكس الخفايا
وناس علئ وضح النقاء ترفع الراس

.......

[الحمدان]

ليتني داري وش اللي ورا سد القلوب
‏لجل أعامل كل واحد بعلمه وخبره

‏واحدٍ بعطيه مافي العيون وفـ الجيوب
‏واحدٍ بعطيه عرضه بوجهه ونحره

‏أبتلشنا بالمنافق وأبو وجهٍ كذوب
‏وواحدٍ تعطيه وجهك ويعطيك ظهره

.......

[الحمدان]

أهم حاجة تعيـش ونظرتگ عليــا
لو ترخي السمع نص الناس هراجه

وان جاگ واحد مسوي فاهم الدنيآ؟
حاول تصيـر انت ماتفهم ولا حاجـه

.......

[الحمدان]

خل عنك المحاتا وارخ جفنك ونام
أسهرك كثر خوفك لين ليلك سرى

التعب في عيونٍ مثل عينك حرام
وانت لا ابطيت عني كل طاري طرى

يفضحك دمع عينك لو منعت الكلام
وماتطيعك جفونك لو بغيت الكرى

كان قصدك محبتنا ؟ .. علـي الحـرام
وحدك اللي تعيش من الظلوع و ورى

.......

[الحمدان]

‏نُخفي الولـه وقلوبنـا كلها شـوق
‏وعيـوننـا تفضـح غرامـاً خفينـاه

‏نِكتب مشاعرنا تحت راية الذوق
‏والحرف من جوف الحنايا كتبناه

.......

[الحمدان]

‏الشوق يكبر وقدرك بالغلا يكبر
شف ودّك اللي خذاني وين وداني

من كثر مااشتاقلك وأغليك وأتصبر
قام يتلعثم حنين القلب بلساني

.......

[الحمدان]

‏الحظيظ اللي من الوصل يملّا بك إيديه
ما لحق صدره من الهم و الضيق غلقه

من يقابل رمش عينك رضى ربي عليه
أشهد إن أمـه دعت له و ربي وفّقه

.......

[الحمدان]

‏أن توفقنا من الله كسبنا كل طيب
الوجيه البيض ربك يزين .لونها

اتقهوى صبر واقدع من العقل اللبيب
واتجاهل كلمة اللاش وش مضمونها

......

[الحمدان]

مانيب مجبور اخاطب على قد العقول
والله إن بعض القناعات عندي مهمله

الكلام تشوفه الناس حل من الحلول
مثل ما اشوف التجاهل يحل المشكله

.......

[الحمدان]

مابعد عسر الزمان الا تياسيره
لو سود الايام تفجعنا حقايقها

بنسوقها في رجا اللي مالنا غيره
خلاّق الأنفس وكافلها ورازقها

.......

[الحمدان]

الناس في ما يفعلونه فريقين
داعي إلى الجنة و داعي إلى النار

فاختر لنفسك واحدة من طريقين
يا رحمة الأخيار أو كيد الاشرار

ترى الصفات الناقصة ما يليقين
في من يبا قيمة و عزة و مقدار

.......

[الحمدان]

‏ما كل صوتٍ يهز القلب و أركونه
ألاّ أنت صوتك وحسك لاعبٍ فيني

يازين هرجك ليا من قلت وشلونك
و أقول طيّبْ مادام أنك تحاكيني

.......

[الحمدان]

‏شاعر خطب حبيبته 3 مرات لكن يتم رفضه قال فيها ..

وليّـا نويتـي عقب حُبي تحبيـن
أمـانتك حِبّي الشجاع السنـافي..

على الأقـل يوم أخسرك من حَمَر عين
أهـون علي من أخسـرك عند هافـي..

.......

[الحمدان]

لايضيق صدرك من الدنيا ومافيها
ما تاخذ الا الكفن وأعمال مكتوبه

يا جعل ربي يكافينا بلاويها
ويكتب لنا الخير والتوفيق والتوبه

.......

[الحمدان]

نغيب لكن قدر الاحباب ماغاب
بقلوبنا ماهو بيطفي سراجه

لو ننقطع من سبة ظروف واسباب
لابد لو طال الغياب انتواجه

.......

[الحمدان]

اعط الحقوق لراعي الحق لا اخطيت
وحاول مثل ماتـاخذ الـحـق تعطي

مـاهوب عيب ان قلت مخطي وزليت
العيب تنكـر زلـتـك وانـت مخطي

.......

[الحمدان]

والله اني للمشاكل ماسعيـت
ولا تـبعـت الـوارده والصـادره

من كثر ماشفت فالناس ولقيت
القـلوب البيـض عمـله نـادره

.......

[الحمدان]

اكتب على كيفك ترى الناس تقراك
وان كنت طيب طاب مثلك كلامك

خذهـا نصيحه وخله دوم وياك
كل ما احترمت الناس زاد احترامك

......

[الحمدان]

لله در الصديق الصادق الوافي
‏ولله در الخوي مقدر الخوه

‏ولله درالضمير الطيب الصافي
‏ولله در الكريم اليا شعم ضوه


.......

[الحمدان]

‏ما تضيق الا بروس الهلايم والرخوم
‏دندني ياطبلت الراس لحروف النشب
‏
‏حالفٍ مارافق الا قويين العزوم ..
‏والضعوف اللي تصدد لخليها مطب

......

[الحمدان]

‏ضايق ومستانس وراضي وزعلان
‏مدري وش اللي يجمع الكل فيني

‏احيان اجر الصوت مغرم وطربان
‏واحيان اجر الصوت وتهل عيني

.......

[الحمدان]

الله عطا بعض العرب ذوق واسلوب
رزين عقـل ويـجــذبك فــي كِـــلامه

مملـوح بـالـفطــره وللنــاس محبوب
لبى خـفوقه لا ضحــك بإبتسامه

.......

[الحمدان]

لوكانت الأرزاق بيدين مخلوق
ماشفت منها مايسدك ويغنيك

لاكنها تقسم من المعتلي فوق
هو الذي لا شحوا الناس يعطيك

اسمع كلامٍ صح والعلم موثوق
اللي خلقك من العدمْ مايخليك

وارفع يدينك كل ماصار لك عوق
للواحد اللي لا توكلت يكفيك

.......

[الحمدان]

اصيب واخطي واتعذر إذا اخطيت
وإن جيت تقدير وغلاا جيت كلي

لكن متى ماشفت ماعفت صديت
صدت جفااء ماهيب صدت تغلي

....

[الحمدان]

ﺍﻟﻜﻴﻒ ﻭﺍﻟﺬﻭق ﻭﺍﻟﻔﻨﺠﺎﻝ ﻭﺍﻟﺪﻟﻪ
ﺃﺭﺑﻊ ﻳﺤﻜﻤﻦ ﻋﻠﻴﻨﺎ ﻓـﻲ ﺑﺪﺍﻭﺗـﻨﺂ

ﻭﺍﻟﻀﻴﻒ ﻭﺍﻟﺠﺂﺭ ﻭﺍﻻﺳﻼﻡ ﻭﺍﻟﻤﻠﻪ
ﺃﺭﺑﻊ ﻳﺤﻜﻤﻦ ﻋﻠﻴﻨﺎ ﻓﻲ ﻣﺠﺎﻟسـﻨﺂ


....

[الحمدان]

‏يا صباح الهيـل والبن النظـيف
نـسكبـه للـي لهـم قـدر و غلا

تدري أن الكيف مايكمل بكيف
الا إذا حطـوا مع القهوه حلا

.......

[الحمدان]

ياليت لي قدره على رد الاصوات
اللي علي اصحابها مايردون

اللي مع دروب السفر راحو افوات
في رحلة ركابها مايعودون

ياما خذينا معهم ايام حلوات
نلهي وهم ماعندهم وقت يلهــون

نذكر محاسنهم وهم صاروا اموات
وننسى محاسنهم قبل مايموتون


......

[الحمدان]

مـيزاتنا بالصـدق والخـير ماشـين
ودرب المعـزّه مـا نكسـر جداره

نبني ونرقى مع سلوم العزيزين
سـلّمن سـليمن مـانغـير مساره


.......

[الحمدان]

دامك كبــير ودام منهجك متـــبوع
‏فإحفظ لسانك عن هروج السماجه

‏لا تبدي ارائك على كل موضوع
‏ولا تستشــير الناس في كل حاجه


.......

[الحمدان]

نمشي مع الںدنيا ولا نعلم الغيب
ولا يعلمون الںناس مثقاال ذرّه

يالله ثبّتنا .. على الںحق والطيب
و يارب جنبنا ... دروب المضرّه

.......

[الحمدان]

‏يالله بصبحٍ يجتمع فيه ثنتين
سترك وعفوك ياكريم العطايا

وانك تثبتنا على منهج الدين
والرابعه تمحي جميع الخطايا

.....

[الحمدان]

من الرجاحةِ أن تتغابى أحيانًا،
ففرقٌ بين الغباء والتغابي!

‏قالت العرب : «المتغابي سيد قومه»

‏وقال أبو تمَّام :

‏لَيسَ الغَبِيُّ بِسَيِّدٍ في قَومِهِ
‏لَكِنَّ سَيِّدَ قَومِهِ المُتَغابي

[الحمدان]

‏لو تحاربك الحياة وما عليها
‏انت ادرى عن مدى احلامك وذاتك

‏كل لحظه تعيش فيها , عيش فيها
‏لا تخلي غيرك يغيّر حياتك

.......

[الحمدان]

هذي قوانين الصدف والاماكن
‏وهذي مقادير الزمان وظروفه

‏تشوف ناس كثار صدفه ولكن
‏اللي تمنى شوفته .. ماتشوفه !

.......

[الحمدان]

‏الله عطانــي من غــلاه وعطيتـه
وغيره بغى منـي ولانيب معطيه

قالوا هويته قلت اي والله هويته
قالوا تركته قلت مانـــي مخليـــه

له منزلً فـــي وسط روحي بنيته
جدرانه ضلوعـــي وهو ساكن فيه

.......

[الحمدان]

الشوق مثل الموت نزاع للروح
‏ياخذ من أجساد البشر عافيتها

‏كنه رفيف الطير لا صار مذبوح
‏يرقص الم للروح بمفارقتــــها

.......

[الحمدان]

‏يا ليل لا تقسا على قلب مشتاق
‏يكفيه من جور المعاناه مافيه
‏
‏دقايقك تمضي تلاهيفواشواق
‏والنّوم محروم المحبّين جافيه
‏
‏ياما احتوى صمتك تفاصيل عشّاق
‏وكم باح لك فاقد بمكنون خافيه
‏
‏من زود ثقلك هقوتي صعب تنطاق
‏بعض البشر يا ليل ما فيه كافيه
‏

.......

[الحمدان]

؛بعض البشر كثر العطا ما يكفيه
ينسى جميلك و الوفا في ثواني

لو تنحرم من قوت يومك وتعطيه
يقول : لو هو بحاجته ما عطاني

.....

[الحمدان]

‏
‏لا تنتظر رد الجمايل و الارباح
ولا تلتفت في طيبك اللي صنعته

الطيب بوجيـه الكريمين ما راح
ولا الردي ما ينفعك .. لو نفعته

......

[الحمدان]

ما اتصيد للخطايا مثل بعض الضعوف
دام لي نفسٍ عزيزه ولي وجهٍ وجاه

ادمح الزله لا جتني واخليها تطوف
‏لين ينفد كل صبري وياصل منتهاه‏

الكفو لا شمت عنّه ملكته بمعروف
‏والردي لا شمت عنّه تزايد في عماه

ما يجنب لين تاتيه من بين القحوف
ضربةٍ منها يفك الخلايق من غثاه


خليل بن هدلان

[الحمدان]

‏ان كان ماتجزا هل الطيش بالطيـش
‏عـزالله ان تبقـى من الهـــمّ نـــادم

‏العز ما يبغـى مداهَـن وبخشـيــش
‏العـز من دونـه هقــاوي تحــــادم

‏اقلط على الميدان وتقدم الجيــش
‏واقدم على صف العدا سيل هــادم

‏وان ثارت الهيجا ترى احمالها ريـش
‏لاترخي اعزومك ترى النصـر قــادم

‏عاند وصادم واقفل اللعب بالشيش
‏وان اقفلت بالشيش عاند وصـــادم

‏والا تراك ان طحت ماضـن بتعيــش
‏الا لـرغبـات الريــاجيــل خـــــادِم..

‏محمد صالح الزهراني

[الحمدان]

‏وجه تحلف انك ماشفته فالاحلام
‏من زود ماهو بالجمال متجلّي

‏ماهو بحاجة كحل او لبسة زمام
‏لو تغرسه فالملح الابيض يحلي

‏من كثر ماهي ذوق ملبس وهندام
‏أغراضها من الشانز والبيكدلي

‏وجهة مايعرق فيه مغرب ولاشام
‏عليه من ختم الجمال المحلي

‏ان كان به زين مثل زينها خام
‏ماعاد تفرق من تجي او تولي

......

[الحمدان]

‏الصدور اللي وفاها ملاجي للرفيق
‏ضيقوها اللي على كل عوجا يقلطون

‏عزتي للقلب الابيض وللوجه الطليق
‏لا حداه الله على عالمٍ ما يستحون

.......

[الحمدان]

ان شبهوها جهد وان وصفوها حرام
هذي اللي لا قالو مخلاتن طروقها

يهدي نظرها الرضى وشفاهها الابتسام
الشهد في ثغرها والسحر في موقها

من ذوقها الناس خلوها محط اهتمام
ايلين صار البعض يلبس على ذوقها

عذروبها انها لا جات تسبب الازدحام
ويضيق صدر المكان وصدر معشوقها

......

[الحمدان]

‏ماذاق شي من الترف والتدلّاع
‏على التعب والهم يرقد وياعي
‏
‏وضعه مع الدنيا معاناه وصراع
‏قسوه مهوب حوار عشب ورضاعي
‏
‏نومه اليا منّه نواله بمرماع
‏غفوات شاويٍ تحوفه سباعي

......

[الحمدان]

الضايق اللي عيونه ،، حار مدمعها
يقول طب الحياة علاجها .. قاسي

يراقب الشمس .. مغربها ومطلعها
ويميل راسه على كتف السماء الراسي

صارت حروفه مَ تلقى روح .. تسمعها
معقول حتى البشر ماتملك احساسي !

احيان من شدّة الضيقة ودافعها ؟
وده يشوف الجماد .. يحنّ ويواسي


......

[الحمدان]

‏لاتغـرك الـــدنيـا ....وتنفـخ ذروبـك
‏وأنت آدمي مخلوق من حفنة تراب

‏المال لــو شيخــك وأخفــى عيـوبك
‏النـاس تفـرق بالنظـر حــر وغـراب

.......

[الحمدان]

‏مر الخيال بصورتك وأيقظ الروح
وإنزاح عن روحي ضبابة سماها

يامن تناجيك المشاعر لك البوح
عل وعسى في يوم تجلب رضاها

مفتاح قلبي بين أياديك مطروح
وأظن مافيه روح تجهل هواهـا

.......

[الحمدان]

ياللي اشوفك بالزمن جبر خاطر
وبلسم جروح اللي شكي الهم والبين

انتي مرورك ياغلا الروح عاطر
وشذاك ينعش خافقي و الشرايين

شوفتك تقلب جوي لـجو ماطر
وإن كان جوي عاكر ويعمي العين

.......

[الحمدان]

مروعني الوقت لو ياخذ طموحاتي
وتروعني الناس في صدمة مباديها

بـارد ولا شـي يـلـفـت انتـبـاهـاتـي
تمـرنـي أشيـاء مـا تمشي وامشيها

مـسـكـر اذنـي ومـقـلل عـلاقـاتــي
تتساقط النـاس من عيني واخليها

.......

[الحمدان]

يالله بصبحٍ يجتمع فيه ثنتين
سترك وعفوك ياكريم العطايا

وانك تثبتنا على منهج الدين
والرابعه تمحي جميع الخطايا .

.......

[الحمدان]

‏ما بين حب الجميل وبين كف القشر
اهل المعاريف ضرتها معاريفها
‏
‏َما عاد الاعمال بالنيات بين البشر
الناس تـاخذ نوايانا على كيفها

.......

[الحمدان]

مامثل التوكل على.. الله
‏يملا لك الدنيا ، سعادة و توفيق

‏واللي يردد دايم أستغفر الله
‏تلقاه مايدري عن الهم والضيق

سبّح وهـلل واذكر الله دقـايق
ما ظن تاخذ وقت يامضيع الوقت

واطلب جليل الملك لاصرت ضايق
عساه يفرج ضيقتـك كل ما ضقت

‏.......

[الحمدان]

انا الموجوع ذي قلبي تظ²لم وامتلا اجراح
وذُقت المُر والاغبان وكل الحزن يكويــــــني

وضاقت فيني الدنيا ووقـتي في زماني شاح
تمزق قلبي الملهم ولاحد حــــــس انا فيـــني

خفيت الحزن في.جوفي شهورواعوام لوينزاح
ولكن زادت اوجاعي و وسط القلب يطويني

قتلني حظي العاثر وعمـــري في زماني طاح
ولا لاقيت من يوقف بجنبي او يواسيــــــني

وكل الي انا اهــواه بـ لـحظه عن فؤادي راح
تركني بين احــــــزاني وصار الان ناسيــــني

تمنـــيت الحياه تظ²تي ولوا لحظه في الافراح
وتضهر لي في البسمه بذوق السُعد تسـقيني

ولكــن قط مالحظه ظ²تـت او صرت انا مرتاح
تحطم الفؤاد والروح ونار الضــيق معنـيـني

وفكري صار متشتت من التفكير والمســراح
ولاحصــــلت لي تر ياق* ينفعني ويدويــــني

معكر من جميع انحاء جهاتي مابقي اشــراح
ولاعد شي يسعـــدني ويغمرني ويهنيني


.......

[الحمدان]

انا الموجوع ذي قلبي تٲلم وامتلا اجراح
وذُقت المُر والاغبان وكل الحزن يكويــــــني

وضاقت فيني الدنيا ووقـتي في زماني شاح
تمزق قلبي الملهم ولاحد حــــــس انا فيـــني

خفيت الحزن في جوفي شهورواعوام لوينزاح
ولكن زادت اوجاعي و وسط القلب يطويني

قتلني حظي العاثر وعمـــري في زماني طاح
ولا لاقيت من يوقف بجنبي او يواسيــــــني

وكل الي انا اهــواه بـ لـحظه عن فؤادي راح
تركني بين احــــــزاني وصار الان ناسيــــني

تمنـــيت الحياه تٲتي ولوا لحظه في الافراح
وتضهر لي في البسمه بذوق السُعد تسـقيني

ولكــن قط مالحظه ٲتـت او صرت انا مرتاح
تحطم الفؤاد والروح ونار الضــيق معنـيـني

وفكري صار متشتت من التفكير والمســراح
ولاحصـلت لي تر ياق ينفعني ويدويــــني

معكر من جميع انحاء جهاتي مابقي اشــراح
ولاعد شي يسعدني ويغمرني ويهنيني

.......

[الحمدان]

إذا ألقيت عن حب وود
تراقصت الحروف علئ بناني

وإن القيت عن طرب ولحن
تفانيت الثلاثه الكوكباني

وإن القيت عن حكم ودرر
فان البيت يعجز في البياني

ولي رجز وقافية وحرف
بديهتة تنسق في ثواني

ولاكن التواضع من صفاتي
تجدني في البساطه شخص ثاني


.......

[الحمدان]

‏لو الـغلا بالـقلب والعـين يـنشاف
والله لابـيـن لـك غـلاك وتـشـوفـه

بس الغلا احساس يازين الاوصاف
واللـي يـحـبك تـفـهمه مـن حروفه


......

[الحمدان]

‏فقدتك ولكن مافقدت الغلا والشوق
وحتى لو انك بعيد زولك تهيا لي

مادام القمر في كل ديره مكانه فوق
ابرفع عيوني فوق واشوفك قبالي


.......

[الحمدان]

‏محبّتك فوق العتب والمشاريه
ومشاعري شافت بـقربك دواها

على كثر ما شافت عيوني وجيه
مافيه وجهٍ غير وجـهك ملاها


.......

[الحمدان]

‏رفقتك مثل الذهب بالهون والشده
‏ماتختلف بإختلاف العالم الحآلي

‏غيرك إليا غاب ما حسبه و لاعده
‏وإلا إنت غير البشر دايم على بالي

......

[الحمدان]

انت الحضور اللي يجدد بالآمال
وانت القريب اللي تميّز مكانك

مالك شبيه الا انت ياسمح الاقبال
في روعتك في قمتك في حنانك

تبقى كذا بالعين مهما الزمن طال
عالي مقام وشامخٍوفي كيانك

.......

[الحمدان]

‏برد الشتا لوهو قـوي فيه انسجـام
جمر الغضى لو جيت في جنبه كفى

المشكـله بـرد المحـبـه والغــرام
في ذمتيزمـاله عــلاج ولا دفى

.......

[الحمدان]

يسأل عليك اللي من الناس يغليك
يسأل ويرسل مايبي غير ردك

سلام والخافق من الشوق يطريك
مشتاق لك ليت الرساله تشدك

.......

[الحمدان]

‏ان شفتني مجنون من دون تدقيق
حبگ هو الجاني على العقل غطّاھ

وِنْ شفتني اعمى ودربي توافيق
الله بلاگ بشخص حبھ لگ اعماھ


.......

[الحمدان]

‏لا تعجّل .. خذ الدنيا على مهلك
‏كان تبغى .. مع الايام .. تتعلم

‏ماتجيك المشاكل غير من جهلك
‏من تعلم .. عرف وشلون يتكلم

‏لاتجـاوب سـؤالٍ .. ماتوجه لك
‏ولاتعاتب .. غريبٍ مر .. ماسلّم

‏خل شرهتك وميانتك عند اهلك
‏عند الاغـراب .. لاتشره وتتظلم

‏عبدالله الطلحي

[الحمدان]

‏مسّاكم الله ياهل الطيب بالخير
يالي على درب الشهامه خطاكم


سارت وتفرق بالوفا والوفاء غير
في منهج اهل الطيب يفرق نباكم


نطلب من المولا عليم المقادير
يسعد لياليكم ويسعد مساكم

بقلمي

[الحمدان]

لا نفسي عصيّه و لا قلبي قطوع
‏أجفي الدنيا و أعوّد و أصير صحيبها

‏عن مشددة اللواحظ و مرخية السموع
‏قافلٍ بيبان ودّ العلوم و جيبها

‏ما درى باللي تكنّ الضلوع إلا الضلوع
‏وش تبي تنفعني الناس لو تدري بها

.......

[الحمدان]

يـا ورد يـا رمـان يا لـوز حـالـي
يا ريحة الريحـان يـا يـاسمينـه

يـافـرحـة اللي غـربـلتـه الليالـي
لا تقطعين الـوصل لاتـقـطـعينـه

صبري قضى ماعاد بي احتمالي
هل تـفـهمين الوضع هل تدركينه

.......

[الحمدان]

اقسي شعور يراود احساس مشتـاق


طول الغياب وخـوف مايلتقـي بـه


علي الأمل عايش وخايف من افـراق


يمـوت ولايسمـع فـراق لحبيـبـه


البارحه بين السهر هجس وارهـاق


ذكري لماضي فـي عيونـي تجيبـه


تقلب هواجيسي مثـل قلـب الاوراق


ل/ايام فاتـت ماهـي تـوه قريبـه


كنت بعيوني طلت الشمس باشـراق


وتبقي شعاع الشمس لحظـة مغيبـه


وتبقي الوحيد اللي له القلب ينسـاق


وتبقي دوا مـر الجـروح العطيبـه


لو يقدر المخلوق يفتـش بالاعمـاق


ويغوص في قلبـي وسـري دريبـه


يلقي بقلبي لك مـع العهـد ميثـاق


من حل محلـك حـل حبـك يريبـه


غايب شربتك بالغـلا كـاس تريـاق


وخلا ضلوعي عنك جيـش وكتيبـه


مانساك واللي نزه الرسـل باخـلاق


وارضع محمد مـن حليمـه حليبـه


الا البشر تمشي بـلا روس واعنـاق


والا الحرم يرحل مـن ديـار طيبـه


يذبل غصن يخظر غصن تسقط اوراق


الا الغـلا تبقـي غصونـه رطيبـه


كتبـت مايملـي ضميـري ومـالاق


في خاطري والنفـس كانـت كئيبـه


خوفي اوضح شـي بالقلـب حـراق


اوجس بقلبي جمرهـا مـن لهيبـه


خليتها ذكري وانـا خاطـري ضـاق


واللي كتـب ربـي نصيبـه يصيبـه

عقاب النهار

[الحمدان]

ياسين يام عقاب ياسين ياسين
ياشبه عنز الريم ترعـى وحدهـا

بنت الرجال وخالط ٍ عقلها زين
وروايح الرحيان ريحة جسدهـا

جتني عطا ماسقت فيها تثامين
شيمة فهود كل مـن جـا حمدهـا

للظيف لطفين وللضد قاسين
وجيرانهم مامرحـوا فـي ضهدهـا

ماسقت فيها غير خمسه وتسعين
اصايـل والكـل تسبـق بيدهـا

لو من جلب للهند للشام للصين
لابواب مصر الباب نجـد ٍ بلدهـا

فاقت نساها في مزهاها مزايين
كل النسا ياليت وضحـى بعدهـا

فيها خصال وافيات من الزين
وفيها مثايـل ماحصينـا عددهـا

ياحاجي ذي حجنا بين زيمين
مسك وزباد وعطـر شـاه نهدهـا

ان شافت بي غيض قامت تراضين
مثل الشفوق اللي تلهله ولدهـا

ماناجت الغطروف بالمنطق الشين
ولا قط بالخملات وكد وعدهـا

ولاعاتبت بالهرج الادنى والاقصين
وعلى الجيران عضت بيدها

ياغصن موز ناعم ٍ بالبساتين
اللي كما بيـض القميـري نهدهـا

وجدي عليها وجد منهم مساجين
متحسر ٍ يشرب كرابـة كمدهـا


نمر بن عدوان

[الحمدان]

الليل هم وحزمـة جـروح وأوراق
وأنا اتناثـر بـآخـر الليـل وأبقـى

ما غير اولّع كل تناهيـد الأشـواق
واللي بقى من الشوق دمعات حرقـى

ما أقول ضاق الصدر لكن إذا ضاق
تتكسر ظلوعي على الروح واشقـى

وحدي وعيوني تمتلي وجيه وفراق
كان البكا فرقى ورى دمـوع فرقـى

يا طيب تاخذني على الناس بعنـاق
والحين أنـا ويـاك ياطيـب نبقـى

معقول ما مرّوا على بحر الاحـداق
ولا شافوا دموعي من الشوق غرقى

هذا انا من الليل واقـف ومشتـاق
وهذي كفوفي من الوله دوم عرقـى

من ليل واشراقٍ الى ليل واشـراق
وارجع اعيد حكايـة الليـل وارقـى

وارقى انتظر بالليل نجمي اذا فـاق
واصاحبه حتى السما تصيـر زرقـا

وابقى وحيد ولا معي غير الأوراق
اكتب جروحي بآخـر الليـل وابقـى



عبدالله ابن عون

[الحمدان]

وصآرت ساعتك أربع .. وأنا ماجيت
تصدًق ساعتك .. ولاَ تصدَقني

على اللهفه نجي ولآً على التوقيت
ترى هذآ السؤال اللي مؤرقني

أحبك وآتجمع لك غرآم وصيت
وأشوف انَك معَ نفسي تفرَقني

وأشوفك في زوايا البيت راعي بيت
وقصَر خطوتي من شآن تسبقني

ولابي اظلمك لكن مدري وش حسيت
وانا أحساسي بعمره مايوهقني

اذا ناوي على البعد وعلى التشتيت
ابيك تقول لي ولا .. تعلَقني

إذأ حبَيت حس بحس من حبيت
مدام انًي حلالك ليه تسرقني

عسى ربًي يبيحك كان ماحسَيت
انا غرقان .. وتفكًر تغرَقني


سعد علوش

[الحمدان]

ياوجودي كل ماهب نسناس الشمال
وجد من حدّه زمانه على اللي ما يبيه

وياوجودي كل مااغفيت ثم مال الظلال
لاغفت عيني ولاذقت شيٍ مشتهيه

وجد من قفّى وهو في رجا كلمة تعال
والتفت من عقب مااقفى ولحدن لدّ فيه

وياعذابي لادنا الليل من روس الجبال
وانتهى يومٍ من العمر ماعاد ارتجيه


ضيدان ابن قضعان

[الحمدان]

لا يطـوّل سكوتـك ولا يطـوّل سكـاتـي
تـرى الـدعـاوي بسيـطـه لا تكبّـرهـا

خلـك علـى خبـري وظنـي وهقـواتـي
خابرنـي الضيـق والضيقـات خابـرهـا

وسّـع لـي البـال يـا سيّـد طموحـاتـي
ولا تغيّـر النظـره اللـي كنـت تنظرهـا

تقول : حـب البشـر طـوّق مساراتـي ؟
ابـك انـت حبـك مساراتـي يسيّرهـا !!

ان غبـت عانـت عيونـي مـن معاناتـي
وذكـرك يصبّرنـي وطيـفـك يصبّـرهـا

لا يـا بعـد شهرتـي واعظـم نجاحاتـي
وكل القصايد مـن ابسطهـا ليـا اشهرهـا

ولا يـا بعـد مـن يـدوّر لانكسـاراتـي
شعّار سبب وجـودي ضيـق خاطرهـا !!

انت اجمـل اللـي تسجـل فـي سجلاتـي
ان جيت : وين البشر ؟ وان رحت : مكثرها

يـا اوّل وآخـر قصيـدي وآروّع ابيـاتـي
محـدٍ يحـب القصايـد كثـر شاعرهـا !!

مـا فـاق حبـي لـك الا حبـي لـذاتـي
يعنـي احبـك محبّـه مــا اتصـوّرهـا

يا اصدق من النشـوه اللـي فـي بداياتـي
لا قلت لي كـم بيـت .. وقالـوا انشرهـا

واغلى مـن الدمعـه اللـي كـل صدماتـي
تطلـب يدييهـا !! واحجّرهـا ولا انثرهـا

وآحـن منـي علـيّ ان شفـت زلاّتــي
القـاك بررتهـا لـو صـعـب ابـررهـا

واطهـر حكايـة محبّـه فـي حكايـاتـي
مـن قبـل لا عيشهـا حسّيتـك اطهرهـا

لا تلومنـي لا بديـت آخــاف وآحـاتـي
كـل حاجـةٍ غاليـه مـا ودّي اخسـرهـا

ولا تضـايـق لـيـا كـثّـرت جيّـاتـي
ضيّعـت فيـك السنيـن وجيـت ادوّرهـا

تـعـال رتبـنـي ورتــب حسابـاتـي
او تدري شلـون ؟! رتبنـي و بعثرهـا !!

مو مشكلـه لـو تصيـر اطـوّل مسافاتـي
المشكلـه لابـديـت احـسّـك اقصـرهـا

اكبـر عيوبـي : بديتـك مـن نهايـاتـي
واكبر عيوبك : لقيـت اوّلـك بآخرهـا !!

يـا مكتشـف عالمـي واقـدم حضاراتـي
حـرام كسـر الخواطـر بيـد جابرهـا ؟!

مـدام تقـدر علـى اللـي فـوق قدراتـي
لا تذخـر الفزعـه اللـي قلـت ذاخـرهـا


رجعنـي لوقتـي او رجعـلـي اوقـاتـي
عاميـن تنطرنـي .. وعاميـن ناطـرهـا

وتقـبـل الــود والشـكـر وتحـيـاتـي
يـا ساكـن الـروح والـروح ومشاعرهـا

وروّق وركّـز وحـاول تفـهـم الآتــي:
فكـره تـأكـد قلـيـل الـلـي يفكـرهـا

لـو ان غيـري معـاك يسـوي سـواتـي
قلت : انت نعمه وهـو عاجـز يقدّرهـا !!


محمد جارالله السهلي

[الحمدان]

والله ان قـربــك .. رغـــم قـربــك .. سـمــا
وأنـت الاقـرب مــن شهيـقـي والزفـيـر.. !

الـمــســافــه بــيــنـــي وبــيــنـــك .. كــــمــــا
المـسـافـه مـــن غــنــي .. الــيــا فـقـيــر..

كــنـــي الـــلـــي بـــيـــن جـــوعـــه والــظــمــا
مامن الامرين خير .. وقال : خير .. !

واشهـد ان الوقـت بـي صــاب .. اذ رمــا
مـاخـذا مـنــي .. ســـوا الـشــي الكـثـيـر..

مـاخــذا غـيــرك .. مـــن ايـامــي .. ومـــا
هـمـل الا جــرح .. فـــي عـمــري كـبـيـر..

والله ان لامـــــــــــاك يـــــاعــــــف الـــلــــمــــا
تـشـبـه الاحـــلام .. فـعـيــون الـضـريــر..

الـزمـان اصـقـه .. وحـبـي لــك .. عـمـا
منت الاول بالهوى .. أنت الاخيـر


سعد بن هندي

[الحمدان]

ممكن أضحي بمالي وممكن بحالى
الاّ السلوم الساميات وريحة جدودى

الريحه اللي متى ما عطرت شالى
يكبر مقامي واحس بقيمة وجودى

لاشم خشمي فعايل جدي وخالى
كنى معطر بريحة عود كمبودى

شاعر ورتب بنودي كيف يحلالى
والمفردات الغريبه ماهي بنودى

تاليفي البيت والموال موالى
والعود عودي ودندنبه على عودى

ماقلد الغير في الطلعة ومدخالى
اعتز بهلي وناسي والزم بحدودى

ماركب الا الكلام اللي على بالى
اورد موارد جدودي واورد عدودى

وان قلت داري دار زايد ومنزالى
ماكنى الاّ اليزيد وخلفي حشودى

مر اعصم الغترة ع راسي ومر بعقالى
وان شفت حاجه للدفاع اموه جنودى

امشي تواضع تقل في قيد اغلالى
والا على شان اللزوم اقطع قيودى

ماصعر الخد بين الناس وختالي
لكن اذا جت ع القصيد اصعر خدودى

ان قلت للقاف هيج شوي للعالى
توقف بلود الاطلسي تعظم بلودي

شبيت ضوى وانا هوجس ع فنجالى
كنه لبسني البارح مارد يهودى

استغفر الله من كلمه على بالى
اعلم بها العذال واعلم احسودى

ياقاف ياقاف قال القاف ما بالى
امسح وقايس الساحة وافرض وجودى

وارثى ودوّن مفردة قومي وألى
والا الحداثه حداثة شعر لبنودى

ماني من العام ذاك ولا من التالي
ماخذ وعاطى وعند الناس معدودى

شعر ٍ لغالي يقرب غالي بغالي
يتهامسن به بضف خدروهن خودي

ياما قلوب ٍ سحرها فلي وهالى
خلت ورود الربيع وشمت وردودى

يارهيف الحس خبرهم عن احوالى
يروم انت تتمايس طرب وتعد منشودى

لا ذبت بالصوت وانت تردد امثالى
يجرفني الموت الاحمر لاخر حدودى

احس بالحس وتسلّى وانا سالى
واهمسك والمسك وانته طالب الزودى

بالخد والخال والخلخال تختالى
وتخمر الخد لين تخدر عضودى

جسمي من الروح لاخالي ولا مالى
افوق وغيب وصحا شوي وأعودى

اصر ومربين المر والحالى
وفر وكر لاكن قلبي يرودى

ماهو غرام وهيام ولعب جهالى
قده وقدى وقد القد وقدودى

مرفوق مرموق لاقيلٍ ولاقالى
متشفر الكود نمبر كوده وكودى

متشبع الا حنان وشهد وزلالى
لا جا يجرعنى الغرام بقطع كبودى

لاباس لاباس لا سهلت مسهالى
للناس للناس والنسناس للنودى

ياملهمي هدهد الهول وهوالى
بالهون بالهون ياهل الهود ياهودى

اعوذ بربي الفلق من كل دجالى
يارب صنى غن الفتنه يامعبودى

مصلى الفرض والسنه والانفالى
عبدك وانا لك ويوم العبد موعودى

اعبدك وحمدك ع النعمة والافضالى
ماكل وشارب ولاجاهرت بسدودى

لحقوق والنوق والجمال جمالى
وش دخل الاّ الحسود ودخل ضدودى

لا سنع جدى ولا بايع سنع خالى
تسلم سلوم الجدود وريحة جدودى

الريحه اللي متى ما عطرت شالى
كنى معطر بريحة عود كمبودى


مصبح بن علي الكعبي

[الحمدان]

يامرحبـا ترحيـبـةٍ كلـهـا لــش
تكسيش من راسش ليا حـد ماطـاش

من قلب مهيـومٍ بحبـه صفـا لـش
يلعب به الغربي ليـا سمـع طريـاش

يفرح ليا مـن قالـش كيـف حالـش
ولولا غلاش وحشمتش كان ما جاش

وان قلتي انه غايتـش شـف بالـش
كأنه ملك يعرب من الطـاش للطـاش

يابري حالـي كيـف مالـي ومالـش
لا والله الا لي ولـش لعنبـا الـلاش

من هامتي لي محزمي لـش حلالـش
بيتش فديتش واسكني وسـط الجـاش

اما ابتلشتي بـي وانـا فيـش بالـش
غديت كأني من شـرى علتـه كـاش

انا في وجه امش وابيـش وخوالـش
ما اجيش لي حاجه واعود على ماش


ضيدان بن قضعان

[الحمدان]

ودنا بالطيب بس الدهر جحاد طيب
كل ما تخلص مع الناس كنك تغشها

يدك لامدت وفا لا تحرى وش تجيب
كان جاتك سالمه حب يدك وخشها

كل ما شبيت نار المحبه مع حبيب
قام يسحب في مشاهيبها ويرشها

كل ماواجهت لك في الزمن وجه غريب
مثل ما قال المثل دام تمشي مشها

وذمةٍ ماهيب تندان للحق المصيب
جعل قشاش الحطب لاسرح يقتشها


سعد بن جدلان

[الحمدان]

يـــا الله يـــا غــفــار يــــا عــالــم اســــرار
كـــل الـبـشـر واقـدارهــم فـــي يـديـنــه

انــت الــذي تكـتـب لـنـا طـــول الاعـمــار.
.وانــت الــذي تـخـتـار مـــن حـــان حـيـنـه

حــنــا عـبـيــدك وانــــت ربــــن لــلاقـــدار
.مـحـدن كـفـر بــك وانـــت رب السفـيـنـه

يــا عــزوة المضـيـوم يــا عـضـد الاخـيــار
يــا الـواحـد الـلـي مـــا بحـكـمـك غبـيـنـه

انــــك تــبــدل تــــارك الـــــدار فـــــي دار
جـنـات عــدن ومــن لـجــى لـــك تعـيـنـه

يــــا واحــــد لــذنــب المـخـالـيـق غــفــار.
تـبــري جـــروح الـلــي جـروحــه مهـيـنـه

يـــا عـزوتــي لا يــتــرك الــجــرح تــذكــار
بــي مـثـل مـــا بـــك والـمـواجـع دفـيـنـه

فــي مهجـتـي مـثـلـك غـرابـيـل واكـــدار
لــكــن مــــع الــوالــي حـبـالــي مـتـيـنـه

مـرت ثـلاث عـقـود فــي غـبـن واعـسـار.
لــكـــن فـرجــهــا واحــــــدن مـرتـجـيـنــه

وبمفارق امي با الطعش عشت في نار.
وابـــــــوي قــبــلـــه كــلــنـــا فـاقــديــنــه

وحبيـبـتـي راحـــت بـــلا سـابــق انــــذار
فــي عــز عـمـري دوك روحـــي رهـيـنـه

عـقـبـه يـــزاول لـــي ومـلـيـت الاسـفــار
اشـوفــهــا فـــــي كـــــل ورده حــزيــنــه

مـن فــارق الاحـبـاب مــن نــار فــي نــار.
نــــار الــفــراق ونـــــار تـكـمـيــل ديــنـــه


أحمد الجريفاني

[الحمدان]

انشهد أن الحيا يسرق قلوب الرجال
‏مثل الزهر طلعه الاول خفيف وندي

‏اجحد ليا شفت منسوب الحيا لايزال
‏واقول ماشفت ويشوف الغشيم بعدي

‏الطف من الحلم واحلا من نسيج الخيال
‏واطهر من المدلهمْ اللي يصب بردي

‏عذراً تقول انها يوم اعتراها الجفال
‏ورعٍ يبا يهج لكن مايعرف يعدي
‏
.......

[الحمدان]

‏ياصاحبي ماني من الهم مرتاح
والقلب من بعض المواضيع مجروح

ضايق ولو اني مع الناس مزاح
ماودي ابدي ضيقه الصدر وابوح

.......

[الحمدان]

خـذتني الفاتنـه مشـوار عمـر جـديد
تقول انا اغـلا من الساحـه واشعارها

هذي عيوني الوساع وذي عيون القصيد
شف الي اجمل من الثنتين واختـارها


.......

[الحمدان]

إبتسمت البسمه اللي من ذهول
يوم شفتك صـار قلبي في خطـر

السـؤال اللي يـراودني يقــول
القمـر يشبهـك ولا انت القمــر


.......

[الحمدان]

‏فمان الله والعذر السمين ابلغ من التبرير
‏عفى الله عن خطايا اللي خطايانا على شانه

‏فمان الله يالغصن الليان اللي هجرك الطير
‏هذا طيرك يبلغك السلام بروس جنحانه

‏سمحت من المحبه وانت سامحني على التقصير
‏وصلنا اخر حدود العشره اللي مالها خانـه


.......

[الحمدان]

هني ياعيـني اللي فيـك مايقبل التبـديل
يبيـع الحيـاة ان قيل لـه لأجـلها بعـها

يعرف انك اجمل ماخلق بين هذا الجيل
جمـالك مهـوب الحاجـه اللي يضيعهـا

ترى الحب مايقبل من العـاشقين بخيل
ماخاض الهوى غير اكرم الناس واشجعها


.......

[الحمدان]

الصدفـه اللي جـابتك والا القـدر
مـدري ولكن المشاعـر حيتـك

دايم تبشر بالمطر وانت المطـر
اللي يربـع خـاطري من جيتـك

.......

[الحمدان]

‏عيني كفيفه عند زلات الاقراب
‏واذني صميمه عند مالا نطيقه

‏الاوله عندي لها ستر وحجاب
‏والثانـيه يا جعلـها في حريقه

.......

[الحمدان]

لساني على ( طاريه ) لامرت طيوفه
يتمتم ويشكي في مجيّه ، على ربه !

ياوجدي عليه ووجد عيني على شوفه
احبه ،، واعرْف إنّه يعرْف انّي احبه

.......

[الحمدان]

رز الوعد ياصاحب العرف رزه
وانا خويك في نهار الطلايب

ان ضقت خذ قلبي فضاك وتنزه
نوخ بقلبي معضلات الركايب

ومثلك ليامن ضاق يبشر بعزه
ناتي بمايرضيك لو هي غصايب

.......

[الحمدان]

‏ياليل انا بسألك عن ساهر الليل
اللي لذيذ النوم فارق جفونه

ياليل هو يسهر قصيد وتعاليل
والا على ذكراي تسهر عيونه

.......

[الحمدان]

اشتقت لك ماني على الشوق مجبور
يـالـي خطـفت اشـواق قلـبي تـراني

من بعد شوفك يالغلا صرت مسحور
مفتـون فـي حبـك وقـلـبي يـعانـي

يـاويـل قلـبي منـك والقلـب معـذور
مـادام صـدت خـافـقي فـي ثواني


.......

[الحمدان]

أنا الوعد وأنا الطريق الساعتين
‏وأنا هوى كل الجهات الأربعه

‏أما تجين الحين ولا لا تجين
‏هذا الشعور إن راح صعب أرجّعه

.......

[الحمدان]

يا حبيبي يا مليح الوجه في صدري علوم
والشعر لو لا غلاك وخاطرك م انساق لك

سامعن لي شطر بيت اردده في كل يوم
خاطري زعلان منك وداخلي مشتاق لك

.......

[الحمدان]

‏يـ بعد كل الأسامي والوجيه
‏يـ أجمل أقدار الحياة الفانيه

‏لو نلف الكون عن بكررة أبيه
‏ماا لقينا منك .. نسخـه ثانيه

.......

[الحمدان]

‏سافرت ناوي اترك الحب لحظات
‏لقيت طيفك بالسفر محتويني

‏حاولت ابعد عن خيالك مسافات
‏الله حسيبك وين مارحت فيني

‏غيرك نسيته ماطرى لي بحزات
‏الا انت دايم بالثواني تجيني

.......

[الحمدان]

مثل الاميره من حواليها حرس
تمشي دلع ومن الترف متعاليه

ماكل خيال يروض له فرس
مهره اصيله من حلاها غاليه..!

.......

[الحمدان]

لي صاحبن ماهو يقدر بالاثمان
وفي كل موقف طيب ينشاف بدري

اتيه واخطي خاطره بعض الاحيان
وازل وان زليت ماطاح قدري

واحتاج واهوجس واغطرب الالحان
واليا درى ما والله يضيق صدري

يسوي الحاجه ولو قلت يافلان
منو الي سوى حاجتي قال مدري

.......

[الحمدان]

فنـجال...قهــوه و أبتـسامه و سعة بال
‏تلقـى..المســاء يروق لو كنت ضايق

‏لا تقـول.. مـالي خلـق و تـعھدر الحـال
‏حـــاول... تـعيــش من التفـاؤل دقـايق

‏.......

[الحمدان]

مانيب مجبور اخاطب على قد العقول
والله إن بعض القناعات عندي مهمله

الكلام تشوفه الناس حل من الحلول
مثل ما اشوف التجاهل يحل المشكله

.......

[الحمدان]

شفت البشر لو كلهم يرخصونك
‏الله عليك بداخل القلب مغلاك

‏أشتقت لك وأشتقت لأسمك ولونك
‏أشتقت لمعاندك وأشتقت لخطاك


.......

[الحمدان]

‏الطيب ان ضاق لو ماني ولد عمّه
يبشر بعزه وكل جرحن لـه مداوي

ماخاوي اهل الردا والحقد والنمّه
حن نعرف الطيب ونعرف نخاوي

.......

[الحمدان]

سولف فديت الحروف وتمتمات الكلام
يمكن يلين الحزن .. وأعصابي التالفه

جيتك معي سالفة شوق وحكاية غرام
حتى نسيت الكلام .. وضاعت السالفه




.......

[الحمدان]

هذي قوانين الصدف والاماكن
وهذي مقادير الزمان وظروفه

تشوف ناس كثار صدفه ولكن
اللي تمنى شوفته ، ماتشوفه

.......

[الحمدان]

تحدينا الصعاب وما حسبنا للزمان حساب
على المركاب نطويها سنين العمر مكتوبـة

تطيح اشناب واحنا ما تعودنا على الأبــواب
يشيب الشاب منا ماانحنى لو مات في ثوبه

بدون عتاب ما نشكي ونتحمل حمول ركاب
مع الاصحاب والأجناب والغلطات محسوبة

‎
.......

[الحمدان]

بعض البشر لـو يظنونا عِدمناهُـم
إحنا بوادي وهم والظن في وادي

راحو وجو ألف مـرَّه ! ما فقدناهُـم
يعني يجو او يروحو عندنا عادي


.......

[الحمدان]

‏لا تنتظر من ناقص العقل حكمه
ولا تنتظر من فاقد المرجله خير

ولا يغرك في الردي لمعة اسمه
الريش ما طيّر نعامه وهي طير

#خـواطـر

......

[الحمدان]

‏لبيـــــه يابعـض العرب كل ما طل
يتـل قلبــــــي تـل واجـيـه كـلـــي

يحل معـــــه الود من ويــن ما حل
أفرح إذا شفتــه و أرحب و أهلي


.......

[الحمدان]

‏اجمل هدايا العمر انسان يغليك
‏وجمل هدايا الحب انسان وافي

‏روحه رهينه لك وبالعمر يفديك
‏فيه الوفاء والعهد للحب صافي

.......

[الحمدان]

‏الكتآبة تفضح إحسآس السكوت
السكوت : شعـور غربة وإغتراب

المفارق : كسرةٍ من دون : صوت
التمنّي : مرحلة بعد السرآب


.......

[الحمدان]

‏اليوم لا عاد تستغرب ولا حاجه
لو بار فيك الخوي الصادق الخيّر

كم واحدٍ غيّرت الايام منهاجه
وانا احسب إن الكفو ماهو بمتغيّر



......

[الحمدان]

‏اسلم وسلم وخذ من شعوري ما تبيه
ما بقى بسماء المعايير شمس ولا قمر

ودي اني ما اخسرك بس يالله ما عليه
خاسر قبل اخسرك هقوه وفرصة عمر



.......

[الحمدان]

‏الود نعمة والتواصل براهين
واجب تواصل كل شخصٍ تودّه

وان كان في الزحمة تضيع العناوين
يا طير : خذ مني سلامي و ودّه


.......

[الحمدان]

‏دام الفعايل هرج كب المشاريه
فنجال مدحگ لا تسوقه علينا

الطيب حنا مانقوله نسويه
افواهنا الله حطها في يدينا

.......

[الحمدان]

‏عزت علي نفسي وأنا أطلب وصالك
أسكت ولو ماني على الوضع راضي

لاصرت تنساني بـوقت إنشغالك
مابيك تذكرني إذا صرت فاضي

.......

[الحمدان]

من بـاع وصّـال الـود بعنا ديـاره
لابارك الله بشوفة النفس والتغلي

إن جيتني بالطيب ولو حتى زيارة
جيتك انا بالوفاء قاصد ومتعني

.......

[الحمدان]

يالله ياللي تغسل الأرض بالسيل
اغسل قلوب أهل الحسد من حسدها


بارك لنا بالمد والصاع والكيل
ونفوسنا عطها القناعة وزدها


.......

[الحمدان]

‏لا تعجّل خذ الدنيا على مهلك
‏كان تبغى مع الايام تتعلم

‏ماتجيك المشاكل غير من جهلك
‏من تعلم عرف وشلون يتكلم

‏لاتجـاوب سـؤالٍ ماتوجه لك
‏ولاتعاتب غريبٍ مر ماسلّم

‏خل شرهتك وميانتك عند اهلك
‏عند الاغـراب لاتشره وتتظلم


‏عبدالله الطلحي

[الحمدان]

‏ِ
‏صبرك على الدنيا ولوكنت مهموم
‏كثـــر الزعل ما جاب للنفس راحة

‏تزعل وترضى والقـدر شي محتوم
‏والعبـــد يلقـــى بالتــوكل فلاحه

‏والله كتب للخلق ما كان مقسوم
‏ما ضاقت الدنيـــا وفيها مساحة

‏سامح وبايح واترك الحقد واللوم
‏خلك كريم وفيك عفوا وسماحة

.......

[الحمدان]

سبّح وهـلل واذكر الله دقـايق
ما ظن تاخذ وقت يامضيع الوقت

واطلب جليل الملك لاصرت ضايق
عساه يفرج ضيقتـك كل ما ضقت

.......

[الحمدان]

كم رغبتن صديت عنها ووليت
وضحيت فيها في سبيل الغوالي

تعبت من قسوت حياتي ومليت
صبري على حظي وخيبت امالي

ماجت حياتي لي على ماتمنيت
الحظ خاب ومطلب الروح غالي

.......

[الحمدان]

احاول أخفي واقعي في حياتي
ودمعي على خدي كفي يكفه

بسمة أمل راسمتها شفاتي
وتصور الواقع طهارة وعفة

.......

[الحمدان]

بين الأمل والياس عايش على لو
ليت (الأماني) تنتهي بالتمني

(حلمٍ) سكن فيني وأنا ساكنه تو
عشته خيال وخيب الوقت ظني

.......

[الحمدان]

‏تدري وش يذبح خفوقك وانت حيّ
والوجود / يصير ماله ، أية طعم

الصديق : اللي عطيته كل شي
من عقب ( لبيه ) يرسلك ( نعم )

.......

[الحمدان]

ﺎﺣذر ﺗﺑﯾـع ﺎﻟﻟي ﯾﻋزك وﺷﺎرﯾك
ﻓي ﺫﻣﭠي ﻟو رﺎح ﻋﻣرك ﺧﺳﺎره

ﻓي هاﻟزﻣن ﻣﻧﮬو ﯾﺣﺑك وﯾﻏﻟﯾك
ﺣﺎﻓظ ﻋﻟيه وﺧل ﻋﻧك ﺎﻟحقاره.
.......

[الحمدان]

يازيــن جــوّ (ن) جــوّنا ليلة الأمــــس
عيّـــت جفـــون العيــن فيها تنامـــي

ليله قضيـــنا ســرّنا جمعّـــــة الاُنس
فيــها الفــرح فيها الخوال وعمامـــي

من زينها في جرسها همسّنا همس
شعـــرُ وطــرب حر إقتّرب بالسلامـي

كــل الهّلا وكــل الغّلا وافّـي الخمس
فــي حــرفّنا مــن قلبّنا لـــك ضوامي

.......

[الحمدان]

يا هجوسي ما على الدنيا حسايـف
خلـهـا تقـفـي باهـلـهـا يـا هجـوسـي

لا يـغـيّـر حـلـمـنـا فـرقـى الـولايـف
أو تهـدّ اعزومنـا اضعـاف النفوسـي

دامـنـا نرقـى عـلـى روس النـوايـف
اتـرك الحسّـاد فـي الجبّـة تحوسـي

.......

[الحمدان]

‏يا رب والناس ما تدري عن الخافي
وانت اعلم بـ حزن روحي وبخوافيها

ساعدني آعيش وافي واندفن وافي
وامنعني من الخطايا قبل اسويها

.......

[الحمدان]

‏لمع بارق الفرقا وهلت دموع العين
وانا اقول ياعين الشقا ليه هماله

بلاش التعاسه واعرفي كلنا مقفين
والا عمار جرف لا اقبل الموت هياله

.......

[الحمدان]

‏الوصل مثل الطب .. و البعد قتّال
بآنـبـّـهـك دام الله اليوم جـآبـك

دامك تعرف ان غيبتك تدمر الحال
لاعاد تبطي وآنجني من عذابك

.......

[الحمدان]

اعوذ بالله من شدات بعض الهموم
وقهر بعض الاوادم في لقى بعضها

وخذلة الاخ والصاحب بوقت اللزوم
والحاجه اللي تحط الجيد في ارضها

.......

[الحمدان]

‏‌أتحسبُ أننِي أنسَى هوانا
وذِي روحي تُنبِّأُ عن حَنِيني

يمُرُّ العابِرونَ على فؤادي
وأَيْمُ اللهِ إنك في وَتِينِي‌

رمَانِي من لِحاظِكَ سهمُ عشقِ
نَمَا في خافقي كالياسَمينِ

أحبكَ أنتَ تسكنُ في الحَنايا
وفي الأحداقِ تسكنُ في عيوني

.......

‎

[الحمدان]

‏طريت في بالي ،، وفجأه تبسمت !
‏وغمَّضت من لذّة خيالك : عيوني

‏الليل والذكرى وطاريك والصمت
‏هـالأربعه فـي غيـبتك سـامـروني

.......

[الحمدان]

ماني بمجبور اتعايش بوجـهين
‏وجهي وحيد و جايز لي مصبه

‏اللي ما يملا العين ما يسكن العين
‏و اللي أحبه يدري اني أحبـه

.......

[الحمدان]

يا مساء الود والورد وشذاه
للجميع بدون مااسمي احد

كل شخص مره الحرف وقراه
ياعسى يومه تباشير وسعد

[الحمدان]

مع الهم والهوجاس والضيق رايح جاي
صبرت وتمادت ضيقتي وانقضى صبري

اعزم واعقد الراي وارجع واحل الراي
ياعاشق طلوع النور منت بعلى خبري

اعرف الرفيق اللي يوقف على يمناي
واعرف الرفيق اللي يوقف على قبري

واعرف اليدين اللي تسابق لـ قطع رشاي
واعرف اليدين اللي تسابق على جبري


.......

[الحمدان]

اليوم في ها الزمن ما عد به ذمه
في الناس تذكر ولا باقي بهم طيبه

ما باقي الا الردي والاش ...والخمه
إلي مقابل ..مثلهم عندي ...مصيبه

على الردى بالمجالس دوم ملتمه
هرج القفى طبعها والذم والغيبه

ما خافت الله ولا في قلوبها ذمه
وحق الخوي عندهم تجهل مواجيبه


صالح القريني

[الحمدان]

ترى الكرامه راس مال الرياجيل
ويا نعنبو رجلً بليا كرامه

ماينحسب رجال ضمن المشاكيل
حتيش لو يلبس عقال وعمامه


مشعل عيد البقمي

[الحمدان]

يالله انك لاتحوج اللي بغاله حاجه
غير لك ياعالم الحاجات ياقاضيها

عد ما لبوا نداك وحجوا الحجاجه
وصلت الامه على من للتقى هاديها

ردنا للحق واجعلنا هله وسراجه
واكسر اعدانا من اولها ليا تاليها


مقبل ذعار

[الحمدان]

لك الحمد ياربي على كل علم ٍزين
ولك الشكر ياربي على كل ما نكره

عسانا ياخالقنا فما تكتبه راضين
وعسانا من اللي يلهمه خالقه ذكره

وعساها ليا حانت موضين ومصلين
ونقول الشهادة لحظة النزع والسكرة

رفعنا يدينا ياعظيم العطا راجين
وشكرناك يامن قدّر الزود في شكره



شافي البيضاني

[الحمدان]

ما أحب الرفيق اللي يحب يتجمل فّي
أحب الرفيق اللي ماقد شفت معروفه

هذا ما أشعر بحريتي معه دامه حي
وذاك أشعر بحريتي كل ما أشوفه


حزمي بن سعد

[الحمدان]

الوقت قاسي وحظي مثل ريش الغراب
وبيض الصحايف (تبي منا) و (حنا نبي)

ثلثين بالي يصارع .. في جحيم العذاب
وما بين (دقني) اواعد هاجسي(وشنبي)

يارازق الطير في جحره ومنشئ السحاب
تزيح عني هموم(ن) .. انهكت .. منكبي
‎

.......

[الحمدان]

التجربه تعطيك نبذه عن الناس
وتحط في غفل المذاهب وسيمه

طبنا وبادلنا الوفاء طيب الراس
من طيب خاطر والنوايا سليمه

وطبنا مع اللي لا مبادي ولاساس
وجتنا العواقب بالنهايه وخيمه

من يرهن الذمه على بنك الافلاس
حطاب ليل ولايحوش الغنيمه


ضيف الله ابا العون

[الحمدان]

من لاتخيّر ف البشر زال هو حي
لامات ماله في مكانه تخير

اختر خوي الجنب وابعد عن العي
تراه في. لحضه علاك ايتغير

واهم منها. قبل لاتنزل. الحي
دور على جارً قبولً و. خيّر

يمناه تشبه. بالكرم. حاتم الطي
وإن ضاق صدرك رحت يمه مسيّر

حمود الجداعي

[الحمدان]

‏يـالله تـعفو عـن جميـع الـخطايــا
أنت العفو وأنت الكريم الحليمي

تـدمـح ليــا جيـنــا لبـابـك عرايــا
هبـنــا مـن الجنــة مـقـرٍّ كـريـمي

في يـوم تشخص به عيـون البرايــا
يـا ربّ جرنـا من عذاب الجحيمي


سعود نامي المقاطي

[الحمدان]

اللّي رصيد المراجل في حسابه صفر
يلحق على المرجله قدام تصعب عليه

المرجله راس مال اللي يبون الظّفر
واللّي يبيها بدون اتعاب تبّت يديه

بوجيه اهلها بشاشة طيب نور وسفر
كنّك ليا جيت احدهم من حدا والديه

‎
محسن المداريه

[الحمدان]

تفجر الصمت عقب الحاله القشرا
قنبة احاسيس توجع قانب الضاري

اجهز على الصبر قلبه واوقد الغمرا
غنا مع الليل وجزل الشعر سماري

كن فوح الاانفاس دلال وشفته تمرا
والراشف اللي قدع له العمس باري

انعش عروق ٍ دمرها الوله دمرا
من لمست الجيد حتى طرز زراري

‎
عبدالعزيز بن قالط

[الحمدان]

كثير البشر تطلع علاقاتهم .تمويه
الارواح غشّاشه والاعراق دسّاسه

فـ شخصٍ اذا طبت وحشمته يبيّن فيه
وشخصٍ اذا طبت وحشمته كبر راسه

ناصرالهاجري

[الحمدان]

الناس خيّم عليها البغض واعماها
اعيونها في غطا وقلوبها مرضــى

ياربي اقسـم لنفسـي منك تقـواها
وأقسملي من العمل والقول ماترضى

غالب ابو كتيفه

[الحمدان]

قاوم ظروفك وشيّد بالأماني صروح
ولا تخبِر الناس بهمومك يزيدونها

سطوات الأيام لو جارت تمر وتروح
واللي له أهداف يصمل لايجي دونها

الرزق مكفول دام إن الجسدفيه روح
والعالم أقدار ربك ما يردونها


.......

[الحمدان]

ضحكت ما فيه الكفايه وجاملت
وقابلة طعنات القفى بالتغاضي

واشوف غدر وظلم واقول ما شفت
صعبه تقاضي الناس ما دمت قاضي

و انا ليا مني هرجت و تكلمت
يسمعني اللي في الحساء والرياضي

لكني ادرا العاقبه والزم الصمت
لجل الموده و الوفاء و التراضي


محمد بن وقيت

[الحمدان]

إذا عارضك وانته تسولف قليل العرف
وقطع سالفتك بهرجةٍ ضايعه مثله

طلبتك تلد بلدت اللي يغض الطرف
هروج الخبول اتطيح تشبه غصون أثله

يجي في المجالس من صفاته هبيل وكرف
ودايم يشيل الشين والغبن في حثله
‎

المهدي تركي

[الحمدان]

نضحك ونمزح لا تعاتبنا على بعض المزوح
نحتاج ساعة للفرح لن كان ماتحتاجها

قفل مجالات الزعل والضيقه اللي ماتروح
والعين عوّدها على الفله وفل حجاجها

ان كان ف صدرك جروح صدورنا فيها جروح
خلك على الهقوه ونلقى للجروح علاجها
‎


خالد العصيمي

[الحمدان]

‏الناس .. مقسوم ربي .. مايكفيهم
كلن يقول انه اولى الناس بالحاجه !

لو ترضي إمن الثلاثه .. واحد ٍ فيهم
منهو يفكك .. لو الاثنين .. هراجه !

يالله من الحسد والاحقاد تشفيهم
الكل ماهمّـه إلا .. وين مخراجه !

لو تبذل الجهد كلّه لجل ترضيهم
والله .. ماكنّـك تسوي لهم حاجه !


اسعد البلوي

[الحمدان]

اصيب واخطي واتعذر إذا اخطيت
وإن جيت تقدير وغلاا جيت كلي

لكن متى ماشفت ماعفت صديت
صدت جفااء ماهيب صدت تغلي

.......

[الحمدان]

‏ياخاطري لايزعجك جور الأيام
‏كم مره تكبر وترجع سهايل
‏
صحيح توجعنا صواديف الايام
لكن كثر الصبر جاب الجمايل


.......

[الحمدان]

لا تضايق لو يصير اللي يصير
كل قلبٍ من هــمومه مــرتوي

دام لك ربٍ علــى همك كبير
خل قلبك في مواقيفه قوي

.......

[الحمدان]

‏يا عھم تمرّ اظروف وتعدّي اظروف
‏مـا نزعَــل مـــن أقــدارنا لا ابتلينـا
‏
‏تعــدّي الأحــلام وعيوننا تشـوف
‏وبمــا كتب ربّـي عـلينا رضينـا
‏
‏نطيب ما نرجي من الطيب معروف
‏ونتجاهـــل أخـطاء الخـلايق عـلينا
‏
‏واذا تجاهـلنا تـرى ماهـو ابـخوف
‏اللــي منعنـا ... تربية والــدينا

.......

[الحمدان]

السبعه اللـــي مالهم عندي ارقام
كــــلٍ يــــدور مايناســب لــــذاته

منان ومنافــــق وحاســــد ونمام
وخايـــب وشيـخٍ شيخنه خــــواته

والسابع اللي تخدعك فيه الأوهام
ذاك الـــرفيق الليا تقوبــع عـــباته

.......

[الحمدان]

‏يدور الزمان ويثـبتون الكـبار كبار
‏على مرجلة وفعول وسلوم ومروه

‏ماكل من ناداك يستاهل المشوار
‏ولاكل من خاواك يستاهل الخوه

.......

[الحمدان]

‏الـعـز عـز الـروح مـا هـو بالامـوال
والطيب طيب الذات رفعه وهامه

والفقر فقـر الفـكر مـع مَر الاجيال
يامن تحسَب الفقـر عيـب وملامه

.......

[الحمدان]

ولعتني يا نور عيني وصديت
وخليتني من طول هجرك أعاني

مدري جفا مدري علينا تغليت
وإلا دخل في جوكم شخص ثاني

وانت الذي في وسط عيني تعليت
وليا ذكرتك داعي الشعر جاني

ما طاب لي زاد ولا مقعد البيت
حتى لذيذ النوم راح وجفاني

.......

[الحمدان]

و‌‎هزتني الذكراااى وانا بين الاجواد
ساعة عرفت اللي لفاني ولدها

طمنت احبه والغلا فيني يزدااااد
شميت ريحه حبها في سندها

ضميته بصدري على جروح جداد
من غير ما اشعر احسب اني بيدها

رديت للماضي وهو بين الاياد
نفسي من الموقف اكابد جهدها

سألته ودمع الوله فاض وقاد
أسمك وشنهو رد لي من بعدها

‎مسمى على اسمي ما نست حب الامجاد
الله حسيب اللي حسدني وحسدها

مرت سنين كلها شوق تنعاد
بعيوني اللي عارفه وش عددها

صدفه وفيها الخير من الف ميعاد
لي ضاق صدري رحت اطالع ولدها
⠀⠀⠀⠀⠀⠀⠀
.......⠀

[الحمدان]

خلك عزيز النفس وأرقى بهافوق
‏وارفع مواطنها علا كل مشراف

‏لوالمراجل حلوملبس ومنطوق
‏كان المراجل ملك زينات الأوصاف

‏المرجلة فعل ومواجيب وحقوق
‏وعزمٍ على طيب المبادي والأعراف

‏لانعرف الحيله ولانعرف البوق
‏ياماضفينا خملتن قبل تنشاف

.......

[الحمدان]

‏لا تسب الطيبين اهل المقام البيّن
‏ما يسب الطيبين الاّ الذراع القاصر

‏ارتفع عن الكلام اللي مغير ايشيّن
‏يقتل الصحبة ويقطع موثق الاواصر

‏ما يرام الهيّن الاّ اللي جداره هيّن
‏فالمجالس كنه من اربع جهات محاصر

‏ولا تخلي عقلك الليّن يحطّك ليّن
‏قالوا اهل المعرفة لكل لينّ عاصر

‏ماجد بن مطر

[الحمدان]

لا صار للرفقه حقوق ومواجيب
عن كل عيب اصونها واحماها

مانيب ادور في رفيقي عذاريب
ولانيب اثور بندقي في خباها

اعامله في كل الاحوال بالطيب
وارفع قدر نفسه وابين غلاها

اجعل مكانه فوق روس المراقيب
وافخر بطيبه بالملا واتباها

عزالله ان ذم الخوي يا عرب عيب
عند الرجال اللي حميدٍ نباها

لا عاش من يرخص مقام الاصاحيب
ويحس خطرها ويبحث خفاها


خليل بن هدلان

[الحمدان]

‏من بغى فزعة رفيقه في نهار الشده
‏لا يقصر في لزومه لا بداله حاجه

‏من حفظ قدر الرجال الرجال تعده
‏لاوطاه الوقت يبشرمايضيق حجاجه

‏الوفاء عند العرب عودٍ يذعذع نده
‏باقيٍ دام الجمايل نارها وهاجه

‏مع هل المعروف كفك بالجمايل مده
‏بالوفاءوطيب العلوم الغانمه ومواجه

‏
ضيف الله أباالعون

[الحمدان]

أحرص على الكلمة ، والمنطق الزين
أكسب رضا نفسك ولاتجرح النـاس

بعض الكلام أثقل ، من الهم والدين
يقطع غصون الود والغصن حساس



........

[الحمدان]

نصبر على المكتوب لوجار ماجار
ونجبر خواطرنا ولو هي كسيره

وحكم القدر واقع ولاتنفع اعذار
لكن ترى بعض المقادير خيره

.......