فوق هام السحب ( الشعر الشعبي) على متن القوافي

[الحمدان]

الشوق ذابحني وسيطر علا الروح
ياشيب راسي كيف بحيا بدونــــه

علق فوادي بين نيران وجــروح
وسطر بجوف القلب كامل طعونه

بعده يتيم الروح واليوم بيــــروح
معلن عزاء لرواح داخل عيونــــه

نسي ليالي كله ضحك ومـــــزوح
تملاى سماء الدنيا وبره وكونــــه

ونساكلام الهمس والشوق والبوح
ونسا مقام الحب شكله ولونــــــه

قبل عنادهووارخص الحب وروح
وارخص هواء قد كان مثمر غصونه

......

[الحمدان]

مالله كتب لي في وصالك مواعيد
يـ أجمل تعابيري و داعي قصيدي

ياحن وأطيب قلب مخلوق فالغيد
من صادق أشواقي وساعي بريدي

كل عام وأنتي بخير يافرحـة العيد
يـ أول : سبايب فرحتي يوم عيدي

......

[الحمدان]

‏نبي نشارك ربعنا فرحة العيد
واصحابنا الغالين في كل ديره

اللي لهم بقلوبنا كل تمجيد
الطيبين اهل الوجيه السفيره

سقنا التهاني يمهم دون تحديد
مرسولةٍ بالورد وازكى عبيره

ونكرر التقدير من قلب ونزيد
عسى لكم في كل الايام خيره

بقلمي

[الحمدان]

‏فرحه وواجب .وحق .ومعزه
فـعيادنا .التهنئه .والتباريگ

عاد انت يالي تطري في كل حزه
من وين ماروح .فعيني الأقيگ

جاني خيالك .ليلة العيد رزه
اثر الفرح واعيادنا .لايقه فيگ

احس في جوفي مع الجنب غزه
عنّيتني فـالحب .وأنا أهنيگ

يلي شويت القلب من فوق جزه
كل عام ونت ترتفع عند واليگ

.......

[الحمدان]

‏عِيدك سعيد ولو بعيده حواريك
تدري : بأني اقصد العيد عيدك

في كل لحظة شوق لاحل طاريك
يزيد في قلبي غلاك ورصيدك

ظِلك سحابٍ تحت شمسك يباريك
برقٍ تشعه وجنتينك وإِيدَك

......

[الحمدان]

العــيـد فــرحـه والـتـهـاني مـواجـيـب
وجـعـل الليالي فـي وطـنا ســعـيـده

يــاغــافــر الـزّلــه وياعـالـم الغـيـب
يــا كـافــلّ ارزاق ســايــر عــبـيـده

ويـالله تجـمـع شـملـنـا مـع هـل الطيـب
وتـجـعـل حشـود الشـرعـنّـا بـعـيـده

عـنـا تـزيـل هـمـومـهـا والصواعـيـب
وجـروح مـاضي وقـتـنـا لاتـعـيـده

عـسى يعـم الخـيـر شــرق ومغـاريـب
والامـن يـظـفي والـرخـا مـع مـزيـده

وتجعــل لنا من باب عـفـوّك مقاضيـب
يا واحــدً مــدات جــودك مـديــده

وانــا الـتســامـح غـايـتي والمـطـالـيـب
مع ذا ونـفـسي مـا تــروم الـزهـيـده

ودي اقــابـل صــاحـب الـســوّ بالطـيب
وافتح معـه من قلـب صفـحـه جـديـده

حـيـث القـطاعــه مـن كــبار العـذاريب
والصـفـح عـنـوان الصـفات الحـمـيـده

بدمح خطـا زلات بعـض الاصاحـيـب
ومن شان حشمة عـين تحـشـم بـديـده

ارجـو رضا وغفران مـن يعـلم الغيـب
اللـي لــه يـحجــون ســـايـر عــبـيـده


......

[الحمدان]

الصبر حكمه والامل يطرد الياس
والجد والاخلاص قيمة وشيمة

والعز هيبة والشرف يرفع الرأس
والكذب سلعة مالها أي قيمة

والبيت مايبنى علئ غير مقياس
لابد توضع لة قواعد سليمة

خذلك من الدنيا تجارب مع الناس
واسلك دروب اهل العقول الحكيمة

واعلم بأن الناس بالناس تنقاس
وصحبة أصحاب التجارب غنيمة

......

[الحمدان]

سلام الله لمن يقرى سلامي
ويسلم من يبادلني سلامه

سلامي يرتوي به كل ضامي
وفي الوجدان تبقى له علامه

ويشفي من بقلبه جرح دامي
ويزرع في الوجوه الإبتسامه

بتقديري وودي وإحترامي
اليكم ود قلبي وإحترامه

.....

[الحمدان]

أنا الذي من شوف الأحباب محروم
والله يكافي شر زلات الأقدام

قبل أمس مع ربعي سواليف وعلوم
واليوم طاويني هواجيس وهيام

أضحك ضحى قبل أمس وأبكي ضحى اليوم
ياسرع دورات الليالي والأيام

......

[الحمدان]

صبرك على الدنيا ولوكنت مهموم
كثر الزعل ماجاب للنفس راحه

تزعل وترضى والقدر شي محتوم
والعبد يلقى بالتوكل فلاحه

والله كتب للخلق ماكان مقسوم
ماضاقت الدنيا وفيها مساحه

سامح وبايح واترك الحقد واللوم
خلك كريم وفيك عفوا وسماحه

......

[الحمدان]

‏زلة الغالي تـعدى من الباب الوسـيع
ماشكى منها ضميري ولاضاق انسمي

كلمة ماتجمع الشـمل مــخرجها شنيع
يستحـي منها السانـي ويـطردها فمي

.....

[الحمدان]

الفوارق شاسعه و المناصب ماتدوم
ولو تبي تطرد وراها مهي بـ المشتهى

حي عين اللي ليا جيته بتقضي لزوم
قال عندي لك كرامه ولازمك انتهى


.....

[الحمدان]

يارب حنا مقصرين ومذنبين
‏تقصيرنا من جهل ولا من كسل
‏
‏حنا عبادك وأنت رب العالمين
‏ياقارن الزهره على كوكب زحل
‏
‏اغفرذنوب الراكعين الساجدين
‏وإقبل ماقدمناه من قول وعمل
‏
‏نطلبك عفوك يامجيب السائلين
‏واجعل لنا في عالي الجنهزمحل
‏
‏واكتب لنا حظ الـعباد الـمتقين
‏اللي تلاوتهم مثل صوت النحل

.....

‏

[الحمدان]

يارب فــرجها عـلــى كل محــزون
ضاقت عليه الأرض عقب الوسيعه

صارت حياته دون من دون في دون
والحظ معطيه القفا مايطيعه

ياسامع الداعين ياخالق الـــكـــون
فرح قلوب أهل النفوس الرفـــيعة

اللي على ذكرك وشكرك يعيشون
والنهج نهج أهل التقى والشريعه

......

[الحمدان]

يا مساء الخيرات ياكل النجوم
يا ملوك الشعر والفن الاصيل

يانوابغ همسها يجلي الهموم
يارموز الذوق جيلاً بعد جيل

جيتكم بارقى حروفي والنظوم
كي تعانق روعة الحرف الجميل

في سماء الابداع احساسي يحوم
وفي بحور الشعر لي باعاً طويل

كلما حاولت باحساسي أعوم
في بحور الحب قالوا مستحيل

والهوئ والشوق في قلبي غيوم
لا صفى جوي ولا غيثي يسيل

هكذا الايام تخلق لي خصوم
انتهي من ميل والقى الف ميل

.....

[الحمدان]

كل شي أبيه واجد صرت أبيه شويهَ
النزول بـ سقف رغباتي جعلني راهي

إهتمامي قل في حاجاتي الشخصيه
وإهتمامي زاد صوب الجانب الإلاهي

السلاااام الداخلي والـراحه النفسيه
من ملكها مايهمه في الحيـاه الا هي

.....

[الحمدان]

‏لاتسأل الشـــوق عنـي وانت أدرابي
نفسي تمنـاك وانـت أغلـى حبايبها

أغلى من عيوني الثنتيـن وأصحابي
وأغلى من الناس حاضـرها وغايبها

ياراعي الحـب حبك ذوب اعصابي
والهجـــر والبُعـــد ذابلها وذايبها

.....

[الحمدان]

يا وجدي على اللي رقمها خمسه وصفرين
عفيفه ولا هو بأي واحد يرقمها

سعودية المنشأ عليها شعار الدين
وتاريخ دولتنا من أبرز معالمها

تحب الملوك وتعشق اولاد باخشوين
وتسعى اتجاه الراجحي قبل يزهمها

تعدتني البارح وانا اصيح وينك وين
واقفت وانا في خاطري كنت بعزمها

‏أثر عيبها ماتعشق الشاعر المسكين
وتشرد منه قدام بالكف يلزمها

تقول انت يالمسكين يكفيك شوفة العين
وحكم القدر في كف غيري يسلمها


......

[الحمدان]

‏مدام رزقي عند رب المخاليق
‏مالي ومال الناس واللي وراها

‏يارب تجعل كل عمري توافيق
‏ونفسي من الزلات تغفر خطاها

......

[الحمدان]

‏احيان اجيب لمخطي الراي تصحيح
‏واحيان .. مدري عن خطاي وصحيحي

‏يالله بحظٍ مايخليني اطيح
‏وان طحت مايدري حدٍ عن مطيحي

‏
......

[الحمدان]

ابوي رباني وعلمني الطيب
وقال اسمعي يابنت علمٍ مبتدّا

خلي مقامك مرتفع عن العيب
ضعاف النفوس الي رداهم تعدّا

وانتِ حفيدة حافظين المواجيب
شيوخ في صدور المجالس تبدّا

......

[الحمدان]

قلبك إذا تقدر تخبيه ؟ خبّه
لا تكشفه للناس ويقل شانه

مافيه أحد حبك عشانك تحبّه
من شاف عندك شي حبك عشانه


......

[الحمدان]

‏شحيّت عني بشوفك صار لك مدّه
واليوم صوتك بعد شحيّت به عنّي

قبل أمس لك صدّةٍ واليوم لك صدّه
زودٍ على مابي من طعون تطعنّي

إن مات شوقك فشوقي واصلٍ حدّه
وإن كنت رايق فعقبك ماضحك سنّي

.....

[الحمدان]

‏أحبك كثر دقات القلوب ب عالم العشاق
أحبك كثر دمعات العيـــون بخدهم جاري

أحبك كثر ونــات الهموم بخافق المشتاق
أحبك كثر أنفاسي وأشواقـــــي وأشعاري

أحبك كثر أحزاني كثر ماخاطري قد ضاق
أحبــــك كثر دمعاتي كثر ما جابك الطاري


......

[الحمدان]

‏كيف مااكتب لك شعر وأرفع الصوت
‏وأنـت الـوزن والقافيـه و المـعاني

‏تريديني أكتب بيت راح أكتب ابيوت
‏وراح أشـعـل اللـيله قصـيد وأمآني

‏وافرش بحـور الشـعر لؤلؤ وياقـوت
‏لجـل العـيون والخـافق الـي رمانـي

‏وطيفــك يـغازلني دايـم عـن الـفوت
‏في كل يــوماً ودقايــق وحتـا الثــواني

.....

[الحمدان]

‏يا ملذة روعة الانس في العيش الرغيد
يابعد من طاف فالقلب ياكل الشجون

صورتك في عيني ابريق يالماس الفريد
شي والله يسحر العقل لا حد الجنون

ينحني قلبي وشعري لجل عينك عبيد
تملكيني حيل لله في خلقه شؤون

......

[الحمدان]

‏قربك سعاده عكس بعدك قراده
يــا بلســمٍ للروح طيفك وذكــراك

بـوحي مـن الاشعـار فيه الافـاده
بين القلم وشفاي اكتبك واقراك

الطرس جـاهـز والقلم بـه مداده
والغيـركم مشـاعري مـا تـعـداك

والحب عذري واصـلٍ حد مـاده
يعـوم في بحرك ويرسي بمرفـاك

......

[الحمدان]

‏الله جعل للجـار حقٍ عـلى الجـار
حسن الجـوار بجـار بيته قصـيـره

عـنـه الحـديـث مثبتينه بالأخبـار
عن صفوة الرسل ونزيه السريـره

خلك على جارك بـخـتـري ونـوار
هـذا الشطر يكفيك عنه تعبـيـره

أكرم جناب الجار في كل الاقطار
وأقف بصفه في الأمور الكبـيـره

......
‎

[الحمدان]

‏يالله بذكرٍ مجيد وطول عمرٍ مديد
واعوذ بك من عثا الطرقه ودرك الشقا

واقسم لي الخير والخيره وعقلٍ رشيد
واغفرلي اللي مضى لـ العمر واللي بقا

عبدك واناجيك يالاقرب لـ حبل الوريد
من ضنك دنيا الفنا لـ جنان دار البقا

انا من اللي خطاياهم تبيد الحديد
وانت اكرم الاكرمين وهقوة اللي هقا


......

[الحمدان]

‏ياخالق الخلق ياكاشف خفايا الصدور
بامرك ملايكتك اتسجل مكاتيبها

جيتك وانا ارجيك قبل احط وسط القبور
رحمتك من ساعتن ماينعرف غيبها

عبدك ومذنب ولا غيرك ياربي غفور
نفسي على الغي جرتني ملاعيبها

يارب وانته عليم بما كتب فالسطور
اغفر لنفسي بعد قلت مكاسيبها

......

[الحمدان]

‏وش عذركم ياتاركين الصلوات
ياويلكم من الموت ياتاركيها

بتعيش في دنيا العنا لك سنوات
وبتروح منها كنك ماعشت فيها

تدري على ويش الندم والحسافات
ماهو على الدنيا ولا من عليها

تندم على جنه بعرض السموات
ولا لك ولاحسنات تدخلك فيها

.....

[الحمدان]

‏جمّل حياتك بالتقى والصلوات
وابعد عن فعول الردى والرذيله

وفوّض امورك للولي بالمهمات
مايخسر اللـي كان ربـه وكيـله

النار حفّت بالترف والشهوات
والنفس فيـهـا للملـذات ميـله

درب النجاة اللي نعيمٍ وجنات
ترك المعاصي واتباع الفضيله

.....

[الحمدان]

اسجد لربك كل ماجاك هوجاس
تلقى بسجودك كل عز ومسره

ربك حفظ سر الخلايق عن الناس
والخلق ماتحفظ لمخلوق سره

وابعد عن اللي خوّته مالها ساس
ما هو ترى معقود سِـرّك بسرّه

الورد يدخل با الأسره والانفاس
والشوك مايدخل بصنع الأسِرّه

.....

[الحمدان]

في خاطري بوح مايستوعبه فكرك
‏حتى حروف القصيد يضيع معناها

‏لاتقول لي كيف هذا البوح في صدرك
‏خل المعاني تسولف لك من اقصاها

‏اللي دعاني هواك وسالفة عطرك
‏واحلام ليل معك يابعد مسراها

.....

[الحمدان]

كم جاهل متابعينه ملايين
وكم من مثقف مالقى الا التجاهل

وان تابعك من نخبة الناس عشرين
تراهم ابرك من مية الف جاهل

.....
‎

[الحمدان]

يكفي عتب وتقلب جروح الأيام
ويكفي سهر والعين عافت منامه

نمسي ونصبح ملنا كود الأقلام
نشكي من الدنيا عليها سلامه

يادمع من عيني شكت حبر وقلام
تسكب على قرطاس فوقه كلامه

......

[الحمدان]

لو حصل من بيننا صد وجفا
شمس حبك في عيوني ما تغيب

وفي حنانك يا بعد عمري وفاء
فيك معنى الحب يا روحي يطيب

صادق شوقك وانا شوقي صفا
لو تروح بعيد من قلبي قريب

في غرامك هام قلبي واكتفاء
في غيابك مشتعل مثل اللهيب

ومن عرفتك شوق قلبي ما طفاء
صدق إني وافي يا أغلى حبيب

......

[الحمدان]

مرحبا وان جيت مسكـنك بخفوقي
وان رحلت ارحل عسى دربك سهاله

بس قـبـل تروح تعـطيـني حقـوقي
خـذت قـلـبي هـات لي واحد بداله

.....

[الحمدان]

اغفر الزلات يالواحد الحي الغفور
لا تواخذ عبدك بسؤ ظنه وجهله

جعلني في ظل رحمتك في كل الأمور
وجعلني ممن بعفوك وسترك تشمله

.....

[الحمدان]

من رافقك والله حشا ما يخليك
لو عاشرك كل الدهر ما يملك

انا اشهد اني حرت مدري ش سميك
كل الخصال النادره ينتمن لك

الطيب كنه شابك ايديه فيديك
ان كان له صاحب فهو صاحبلك

......

[الحمدان]

‏ربينا على طيب المعرفه وطيب الشور
‏وعلى المنهج الي يتفق معى مبادينا
‏
‏لا صار الهقاوي طيبه والصدور قبور
‏لو انها تردى ظروفنا ماتردينا
‏
‏ولامنه لحقنا من ضعوف العباد قصور
‏طلعنا على رجم التغاضي وصدينا
‏
‏ياطيب الروابع لا تخطرت لها معثور
‏وياطيب العقول الي تميز تغاضينا
‏
‏‌ ......

[الحمدان]

لوشـان بك شان شانيته على شانك
ياشان شاني وشان الشان بك راضي

كـلّـك سـكـنّـي وكـلّـي كـل سكـانـك
لو بعض بعضك نزّح كلّي ترى فاضي

يا روح في روح من روحك وريحانك
طـافت بـك الـروح طـوّالي وعـرّاضي

لك قلب في قـلب لاخـنـته ولاخانك
لو فاضت الروح مافاضة بك انقاضي

هـوّن عـلـيّ الــعـتـاب الـلـه لا هانـك
ياحاضر الحاضرانت وماضي الماضي

خذني بلا ذنب وٱطـويـني باحـضانك
بالظلم تحيا الـعـدالة سيـدي القاضي

......

[الحمدان]

المــرجلة ماهـــي بعلـم وشهـادة
والعلم يابن الناس له فضل معلوم

المرجلــة لو صـــرت راعـــي ارادة
والله عطـــاك ايمان واخلاق وعزوم

والصـــدق والهمــة مـلاك القيـادة
ان ما وصلت اليـــوم توصل بها يوم

للنـــاس في كل المجــالات عـــادة
واحــد جزاه الطيب واخــر له القوم

احــد يهــدم في المــواقف عنــاده
واحد عنــاده يجعل القــاعد يقــوم

دنيـــاك يابــن ادم عــزوم وركـــادة
ولا تقضيهـــا ســواليـــف وهمـــوم

......

[الحمدان]

‏غلاته في خاطري مرسوم بالملّي
قام يتولّى ضميري والله الوالي

بالناس متدنّي و بالناس متعلّي
وقدره بقلبي رفيع ومنزله عالي

افزّ مع نغمة الجوَّال لا ارسلّي
وان غاب مع غيبته قفّلت جوّالي

......

[الحمدان]

‏يا صوتك الي عليه الروح ملهوفه
ان جابه الخط له شكري و تقديري

انا فدا وجهك اللي كل ما اشوفه
اقول للضيق روح دور على غيري

......

[الحمدان]

‏تغاضيت عن زلة رفيق و عتب غالين
وصبّرت قلبٍ سود الايام موجعته

رميت العتب في سلة المهملات ايلين
لحقني الخطا من واحدٍ ما توقعته

.....

[الحمدان]

يسعد مسـاء نـاسٍ عليـنا عزيزين
قبل اللسان القلـب سـاق التحيـه

مكانهم عندي على الراس والعين
وأحبهم في اللـه وبـ طيب نيــه

[الحمدان]

الناس ماهم بالصور والمظاهر
الناس بالافعال تحكم عليهم

ناسٍ لهم طيبٍ بالامجاد ظاهر
وناسٍ تضيق صدورهم لاتجيهم

اللي طبايعهم مثل طبع ساهر
أحذر ترجاهم وتشره عليهم

عليك باللي مثل غال الجواهر
اللي لهم وقفات والخير فيهم

......

[الحمدان]

حذراك من دعوة المظلوم
اللي سرت وأنت في غفله

وشلون تهنى بحلوا النوم
تعطيه موعد وتخلف له

خليته الهايم المهوم
وتبكي على حاله الطفله

تعيش في فعلك المشؤم
وله خالق الكون ينصف له

......

[الحمدان]

صبرك على الدنيا ولو كنت مهموم

كثر الزعل ما جاب للنفس راحه

تزعل وترضى والقدر شي محتوم

والعبد يلقى بالتوكل فلاحه

والله كتب للخلق ما كان مقسوم

ما ضاقت الدنيا وفيها مساحه

سامح وبايح واترك*الحقد واللوم

......

[الحمدان]

من عز نفسه زاد رفعه وقيمه
لو ان رزقه مثل رزق اشقر الريش

ياصاحبي ودروبنا مستقيمه
لو فتّشت عنا نقاط التفاتيش

مايرخص البندق ولا شداد ريمه
الا الضعيف اللي يدوّر عراميش

بعض النفوس تصد لو هي محيمه
تقبل وهي ظمياء وتقفي معاطيش


......

[الحمدان]

كل عام وانتي قصيده ما لحقها ملام
من اول العيد لين اخر حدود السنين

كل عام وانتي حكاية كل ليله وعام
لو يختصرْك الشعر والشاعر بكلمتين

عليك من شاعرٍ غنّى لقلبك سلام
لو ما حصلّ له سلامه بين شامه وعين

لفّي من الغيم ثوب وزيدي الابتسام
انا اوّل انسان يحضن غيمه ونجمتين

......

[الحمدان]

‏باقي من الي خذيته قلب بين إصبعين
‏وإن قلت هاته من عيوني وتآمر أمر

‏وإن قلتلي موقعي من عالم الحسن وين
‏بعد الثلاثين كان الله عطاني عمر

‏أقول مزيون وأشباهك ماهي بربعين
‏أشباهك ثنين ياما شمس والا قمر

......

[الحمدان]

ياعود موزٍ على النسناس غريافي
تشرق نجوم الثريا في بساتينه

وليا مشيتي يتلك ثقل الاردافي
والثوب قمتي على الساقين تضفينه


......

[الحمدان]

‏ياحبيبي والمحبّه مواطنها القلوب
‏والقلوب اليا تصافت يزيد اشعافها

‏والله ان حبّك سعاده وذنبٍ من الذنوب
‏سكةٍ فيها الركايب يطول اوقافها

‏مايتُوب القلب من حب خله مايتوب
‏ لو تتوب النّاس من حقها واعرافها

......

[الحمدان]

‏ابي من عيونك نظرةٍ تلفت الانظار
‏ عساها تداوي جرح من قوسك الباري

‏ وابي من كفوفك ضمة الأرض للأمطار
‏ لا صبّت مزونه صب والليل سمّاري

‏ وابي قطعة اللولو وأبي درة المحار
‏ وأبيك السماء والمزن والأرض وأبحاري

‏ هذي كلها عن جرح عينك وأبيها ثار
‏أنا منجرح من سهم عينك وأبي ثاري

......

[الحمدان]

يازاهي الكحل لك نظرات بتاعه
علمني الرمش والنظرات وش تعني

ما دونك ودون سور القلب فراعه
أطعن بحد العيون السود وأوجعني

فدوتك خفاقي اللي عندك وداعه
ما دام حبه على حبك يشجعني

.....

[الحمدان]

فكت البرقع عن الخشم والعين
من زود حر الجو ومن الرطوبه

غروً عطاه الله من الملح والزين
لا شافه التايب ماحسب ذنوبه

وانا ترا شاعر .. وقلبي مليعين
وفي حب زين الوصف ماقال توبه

......

[الحمدان]

‏المحبه عزمها ماهوب معدوم الاراده
‏ما تعيش الا على وضح النقى يا اهل المبادي

‏عادي انك تقتل الاحساس عاده في مهاده
‏بس تجرح من يحبك بالجفى ماهوب عادي

‏ايّه انادي كل غالي من غيابه و ابتعاده
‏و الحقيقه لا شعور ولا حياه المن تنادي

......

[الحمدان]

ياصاحبي مهما يميلن الاوضاع
الله كريم وكل صعب يحله

نشوم شومة عز عن بعض الاطماع
لاصار تلحق عزة النفس خله

من عاش عمره للمخاليق تباع
يشرب فناجيل الغبن والمذله

......

[الحمدان]

‏ليتـك تجيني يـوم ضايــق وزعلان
وتشوف كيف ابعد لروحك زعلها

ماهو كما جيتك واناحيل زهقان
زود بــرودك فــوق نفسي مللها

ياصاحبي ارجـوك خليك فهمان
واشعـر بحاسيسي وداوي عِللها

ماهو تضل جماد ماكنك انسان
وتكون اقرب من لروحي خذلها


......

[الحمدان]

بيبان الابداع للعفوي تفك القفول
يقلط على الذايقه بـ اسمه وشعبيّته

اكتب بعفويتك حتى تنال القبول
الشخص ما له قبول الا بعفويّته

.....

[الحمدان]

بـديـت بالـلـي شـيـد الـكـون تشيـيـد
ابــدع بخـلـقـه ثـــم ســـن العـقـيـدة

مـن بعـد هـذا ياخلـف عيـدك اسعيـد
يالله لـعــل ايـــام عـمــرك اسـعـيـدة

انـتـه ومـــن كـثّــر عـلــي التنـاشـيـد
ارسـل لــك المـعـذار وأقــره وعـيـدة

والله ما انقص في الحقيقة ولا ازيـد
وقـع المعانـي واضحـات(ن) وأكيـدة

ودي بشوفـتـكـم ولـيّــه بـهــا مــيــد
لـكــن جـرحــي مـاتـوقـف صــديــدة

كل(ن) شـرى لبسـه يبـا فرحـة العيـد
مـــع الاقـــارب بالـثـيـاب الـجـديـدة

هـــل الـهــلال وأقـنـفـت بالـزغـاريـد
الـلـي لـشــوف اديـارهــا مستـعـيـدة

واستركـبـوهـا صـامـلـيـن الأوالــيــد
كــل(ن) يـقــول الله علـيـنـا يـعـيـدة

العـيـد يجـمـع كــل ذخــر الاجـاويــد
هــذا ولــد عـمــه والآخـــر حـفـيـدة

وانـا ليـا جــا العـيـد جتـنـي لواهـيـد
فـي وسـط قلبـي صاليـات الوقـيـدة

مـاهـي بـكـر مـــرّت عـلـيـه تـراديــد
عنـهـا نـيـام أهــل القـلـوب البـلـيـدة

ما ودي اشكـي خايـف أمـن المناقيـد
الـرجـل بـنـك(ن) مايـغـلـق رصـيــدة

ولا ودي اتــرك فـرصــةٍ للحسـاسـيـد
اللـي لـيـا سمـعـت كــلام(ن) تـزيـدة

واحتـرت بيـن اصدورهـا والمـواريـد
من كل جانب صـوب نفس(ن)عنيـدة

وسـجـع الحـمـام ملحـنـه بالتـغـاريـد
حــرك هجوس(ن)ساكـنـه بتـغـريـدة

عـجـل يـبـا الـمـرواح بيـنـه مواعـيـد
تـحـت جـنـاح اللـيـل والـكـل هـيــدة

وخايـف مـن اللـي يدركـون البواريـد
وألا مــن الشـيـهـان بـــأول هـديــدة

كنّـه يقـول اليـا زعلـت اضـرب البيـد
ورزقـك علـى رب(ن) تكـفـل عبـيـدة

ان كـان ماحـولـك عيال(ن)صنـاديـد
اكضـم علـى غيضـك وكـب اتعديـدة

واصبـر علـى الشـدّات خـلـك بليهـيـد
تـكـسـب مـنـاعـه لـلـيـال الـشـديــدة

دنـيـا تقـلـب خـايـنـه ملـعـنـة سـيــد
لــو انـهــا قـفّــت تجـيـلـك امـعـيـدة

يانيـم شــف قــدام عيـنـك شواهـيـد
بـصـر بعيـنـك وافـعـل الـلـي تـريـدة

اللـي لهـم بالطـيـب منـهـج وتمجـيـد
ماتوا ولا أحـد(ن) قـال والله فقيـدة

راح النـظـر والـوجـه يـــم الهـرابـيـد
صـاروا خيـار القـوم وأهمـه فسـيـدة

ما بغاك يـادار(ن) بهـا الظلـم والكيـد
يقـولـهـا الـلــي ذاق ظـلـمـه وكـيــدة

ظـلـم الطـغـاه الحاقـديـن النـمـاريـد
ســود النـوايـا والـنـفـوس الـمـريـدة

تكاتـفـوا بالظـلـم والـهــم مقـاصـيـد
ولا الناس من ظلـم البـري مستفيـدة

قـول(ن) لجـدي قبـل لايـرزق اولـيـد
نشـهـد انــه صــار بـيــت القـصـيـدة

مايذبـح الرجـال ضـد(ن) مـن ابعيـد
لمـوت وأن جـت ضدتـه مـن سنـيـدة

أزمـي علـى وضـح النـقـا بالجراهـيـد
مانـي ضعـيـف قـاصـر الـضـد قـيـدة

مــن لا بغـانـي مــا بغيـتـه ولا أريـــد
شوفـه ومــن عــادان مـانـي وديــدة

ما والله ارضا في جلـوس علـى حيـد
يرضـى بـه اللـي مـا علومـه سـديـدة

هرجه كثيـر ولا هـو مضـوي(ن) فيـد
ولـيـا لـقــا شـانـيـك يـأخــذ بـديــدة

إهـانــة يـفــرح بـهــا كـــل رعــديــد
ضحـكـة عــدوه لــو تبـكـي عضـيـده

عـمـد يحفـونـه قــروم(ن) سـواعـيـد
لان أتـصـقـر كـــن جـابــان صــيــده

والهرج في المجلس مسار على السيد
بـه أيتعاقـب مـن مشـاء غـار سـيـده

للخبـل مـزح ولأشقـر الريـش تهـديـد
هـــروج مـجـلـس والـنـوايـا بـعـيـدة

والـحـر عـنــده للحـسـابـات تـسـديـد
هـرجـه وقــار وكــل جـمـلـه مـفـيـده

ياالله يا مخرج حليـب(ن) مـن الديـد
يـا راهنـن مـوت الفتـى فــي وريــده

عندك حقايـق قصـت(ن) لـي سواميـد
لــي الـشـرف فيـهـا وهــي الـفـريـدة

شـاهـد عـلـي ولــي ومسجـلـه قـيــد
أطلـب جـزاهـا مـنـك ميـتـه شهـيـده


الشاعر معوض سودان

[الحمدان]

‏اركـدي يالهمــوم وجـرهدي يالطمــوح
وانفضـي الضيـق عنك واشعليها أمـل

زلزل الخوف تكسب من وراء الروح روح
عيشــة الـــذل شينــة والمــراحل دول

مــا يــرد المــانيــا كل وجــه صبــــوح
ولا تجيـك السلامة من خبيث العمــل

خــل قلبك جنــوبي يهتـويه الــوضوح
وخـل صدرك شمـالي ما يحب العجل

وخذ من الشـرق عزمك لا تعد الجروح
وخذ من الغـرب عـادات المثل بالمثل

واكسر الصمـت لو ما عاد غيرك يبـوح
وان حكوا الغير يكفوا وانت خلك وسل

وارفــع الــرأس وقت الجـد والا المزوح
لا تــوطي جبينــك لو حصـل ما حصل

......

[الحمدان]

مغنيتني عزة النفس عن كل معثور
‏وعن مكان مايليق بـ مقامي يوم اجيه

‏لا اعتلى صوت النفاق وصدح صوت الفجور
‏وبتدا ضحك المنافق وتطبيل السفيه

‏صد قلبي صدة الطيب الي مايبور
‏لين بار الوقت في سعيه وبارو ذويه

‏ومكتفي عن مجلس مهرج ونقال زور
‏برفقت اهل العرف والراي والعرض النزيه

......

[الحمدان]

‏المحبه شي عادي والعداوه شي عادي
‏القلوب الها نظر واحساسها مثل المنبّه

‏حب من ودك تحب وعاد من ودك تعادي
‏بس عيب انك تشوّه سمعة اللي ما تحبه

......

[الحمدان]

زود الغلا خلاني أعيش دنياك
تركت كل الناس لأجلك وجيتك

من وين ما وجهت فى عيني القاك
وان جيت أغمض عيني فيها لقيتك

إحساسي ونبضي ترى ما تعداك
القلب والوجدان والعين بيتك

.....

[الحمدان]

‏نصادم الايام و نطيح و نقوم
‏و نواجه الدنيا بـ صبر وجلادة

‏سود الليال تزيدنا طيب وعزوم
‏اليا تردى الوقت .. طبنا زيادة

‏
ماجد لفى الديحاني

[الحمدان]

‏لا حدٍ يقول ان المواجع تخصه
‏وهو الوحيد اللي شكى من عناها

‏كلن وله في بنك الاوجاع حصه
‏متشابهه لو يختلف محتواها

‏وبقلب كل إنسان موجود قصه
‏لو يزعم ابنسيانها مانساها

.....

[الحمدان]

مـا أبيـك تسألنـي علـى ايـش نـاوي
بالحيـل أنـا تعبـان والحالـه حالـه

عنـدي كثيـر أوراق و مانـي بقـاوي
أكتـب رسالـه لـك و أمحـي الرسالـه

يـا مدعـي الاحسـاس فينـي بـلاوي
غاليـك قلبـه طـاح منـه و شالـه

معنـى العدالـه كـل شـي بالتسـاوي
و أنـا أشهـد إنـّك مـا عرفـت العدالـه

......

[الحمدان]

‏ياليت عنـدي قلـــب ماعنـده احساس
من شان اطنـش من جرحنــــي غروره

واتجاهـل اللـي شاف حاله من الناس
واصـد وجهـــي واقهــــره في حضوره

بس انخلق لي قلـــب طيب وحساس
فيه الوفــاء والطيــب ساكــن شعوره

مااحب اجـرح من جرحني من الناس
ولا احب اعاتب مـــن وصلني قصوره

.....

[الحمدان]

‏لو طلبت الروح خذ روحــي هديه
وان طلبت القلب خذ قلبي فداك

انت اغلا مـن معـــــي بين البريه
مامعــي مخلوق يتساهــل غلاك

قلتها لك والقسـم من طيب نيه
من شعور انسان ميت في هواك

ولو تحب اكتـب على هذا وصيه
مستعد اوصـــي لهم كلي فداك

......

[الحمدان]

‏يا زين عقلي في هـوئ حبك سقط
وصار حبك نبـــــض قلبي والسكون

كلمـة أحـبــــــك قلتها لـك باالغلط
لأن حـبــــــك صـار باالنسبه جنون

لو بس تحذف للجنون نقطه فقط
يمكــــن تغير قلبك القاسـي حنون

شجون لا تحذف من الشين النقط
بتحط اشـواقـي لقربك فـي سجون

......

[الحمدان]

سولفي . مثل المطر . لحظة هطوله
‏كل حرفآ . منك .. بأنفاسك . عْطر

‏سلهمي بنظرات . عينك . ياخجوله
‏لونظرة .. الغيم .... ينزلك .. مطر

‏في جبينك شمس عمري .يافصوله
‏وفي خدودك .. يامساء ليلي قمر


......

[الحمدان]

‏اكذب عليك ان قلت لاهي وناسيك
الشاهـــــــد الله مانسيتك دقيقــــه

كل المشاعــر لجل عينك ب اياديك
هذا الصحيــح ان كان تبغا الحقيقة

يانادر بوصفـــك عسـى الله يحميك
ويجـــــود وصلك لو ب أيت طريقة

......

[الحمدان]

‏الطيب مثل النايفات الشواهيق
‏ماهو بضاعه من بغاها شراها

‏والمرجله من عند ربي توافيق
‏ماكل من دوّر عليها لقاها

.....

[الحمدان]

‏الله من جفن عن النوم محروم
‏وقلب رجف بين الضلوع النحايف

‏حاولت انام ولا تهيآ لي النـــوم
‏النوم والهاجوس ماهم ولايـــف

‏ما تستريح العين والبال مهـموم
‏ولا يستقر الحال والقلب خـــايف

‏غديت مثل الي بالاعدام محكـوم
‏مامات ... لكنه من العمر عايف

.....

[الحمدان]

يا مرحبا باللـي يـدور حضـــوري
‏يا مرحبا مليـار مــن داخـل الروح

‏ناسـن تواجدهـم يداوي كسـوري
‏بلسم مداوي كل ضايق ومجروح

‏غاليين في قلبي وغايه ســروري
‏شمعه حياتي قربهم راحه الروح

‏ملزوم انا في قربهم شي ضروري
‏اصبح تواجدهم بالاعماق مطروح
‏
بقلمي

[الحمدان]

‏خدروك من الوجع وهم نسو ما خدروني
ليتهم يدرون وش فرق المريض من المرافق
ㅤㅤ
مثل ما عودتني للكايدات ارخي متوني
هاك عافيتي و جب مواجعك وانا موافق



.....

[الحمدان]

عن الحياة الضحك ماهوب مقياس
كم ليلةٍ ضاق الضحوك وسراها

نحكم على الشخصية اللي مع الناس
مانعرف الشخصية اللي وراها

.....

[الحمدان]

‏من يقـول انـي تركتـه ؟ ماتركته
عاده بـ قلـبي و شريـاني و عيـني

لاح سيف البعـد لو ماهو بـ وقته
و استقـام وصـار ما بينـه و بيـني

شفت سيف البعد ماعنه ورحمته
قـال فيـني . . قلـت لا بـالله فيـني

.....

[الحمدان]

بيني وبينك فارق السن موجود
هذا الذي مالي عليه إستطاعه

ياليت عمري مثل عمرك بلا زود
السن واحد وأصلنا من جماعه

أو اني أشري فارق السن بنقود
من شخص مافاده شبابه وباعه

......

[الحمدان]

وانا اللي لو يولع كلامك بصدري نار
فتحت الضلوع وقلت أحبك وقلت اقبل

تغير مفاهيمك وتبقى الحياه أسرار
وتبقى الوحيد الاجمل الاملح الاقبل

فلا زلت اشوفك زينة أيام واستقرار
وماضي جميل وحاضر أجمل ومستقبل

.....

[الحمدان]

كل ما قلّ اتصالك .. زاد حبك
كيف صار النقص نوع من الزيادة

ليت لي في قلبك أشياء مثل ما لك
في مساحاتي مساحات وسيادة

والله إني في هواك العفّ راضي
مثل ما يرضى المواطن عن بلاده

ينتهي حبك وطول اليوم أعيده
دايم اللقطات أحلى بالإعـادة

.....

[الحمدان]

‏اكذب عليك ان قلت لاهي وناسيك
الشاهـــــــد الله مانسيتك دقيقــــه

كل المشاعــر لجل عينك ب اياديك
هذا الصحيــح ان كان تبغا الحقيقة

يانادر بوصفـــك عسـى الله يحميك
ويجـــــود وصلك لو ب أيت طريقة

.....

[الحمدان]

‏لا حدٍ يقول ان المواجع تخصه
‏وهو الوحيد اللي شكى من عناها

‏كلن وله في بنك الاوجاع حصه
‏متشابهه لو يختلف محتواها

‏وبقلب كل إنسان موجود قصه
‏لو يزعم ابنسيانها مانساها

.....

[الحمدان]

‏ﺗﺪﺭﻱ ﻭﺵ احلئ ﺷﻲ لا ﺻﺮﺕ ﺗﺸتاق
‏انك تشوف ﺍﻟﻠﻲ ﻳﺤﺒﻚ ﻳﻨﺎﺩﻳﻚ

‏وان ﺟﻴﺖ ﺟﻨﺒﻪ ﺗﺒﺘﺪﻱ ﺣﺮﺏ ﺍﻻﺷﻮﺍﻕ
‏ﻣﻦ ﺍﻟﻮﻟﻪ ﻭﺍﻟﺸﻮﻕ لنه قبالك

‏ﻭﺗﺸﻮﻑ في ﻋﻴﻨﻪ ﻣﻦ ﺍﻟﺤﺐ براق
‏ﻓﻴﻬﺎ ﺗﺤﺲ ﺍﻧﻪ ﻣﻦ ﺍﻟﻨﺎﺱ ﺷﺎﺭﻳﻚ

.....

[الحمدان]

‏أنا ناتج طفولة قلب وعقلٍ قد غزاه الشيبّ
‏تمر قلبيَ دروس الوقت ولا عمره شكى أرهاقه

‏أنا مابي من أيامي سوى أني اقترن بالطيبّ
‏واذا يذكر بـ يوم أسميَ تجيه النعم منساقه

‏أنا الليّ كل غاياتي حسن سمعه ودعوة غيب
‏وأكون اللي بعد ذكره ثنوا بـأفعاله وأخلاقه


......

[الحمدان]

حنا نعيش بزمن وجهه يشابه قفاه
‏الله يسـتـر مـن الدنيـا وصكاتها

‏صارت طبـــوع الاوادم تلفت الانتباه
‏والنـاس متـــــوتره حتى بعلاقاتـها


......

[الحمدان]

‏يا ليـل خــذ مني مراسيـل الاحباب
وارســـل لكـل النـاس مني سلامي

بلـغ بهـا كل الرفاقـــه والاصحاب
واهـدي لهـم ودي وكـل احترامي

للاصدقا من كان حاضر ومن غاب
اللي لهم في القلـب زود اهتمامي

رغـم التباعد حبكـم بين الاهداب
هـذا الحقيقــه قلتهـا فـي كلامي

.....

[الحمدان]

‏لو طلبتي الصـــدق باقلك صراحه
انتي القلب الذي داخــل ضلوعي

وانتي الراحـه وكامـــل مستراحه
والشعـور اللي يهــدي كل روعي

وانتي النور الذي يشـرق صباحه
وانتي الغيم الذي ينعـش ربوعي

وانتي اسباب التفائل والسماحه
وانتي العشـق الذي فيني يلوعي


.....

[الحمدان]

‏صوتك مرح ياصاح في لحظة الضيق
ينعـــش فـــــؤادي نبرتـه لاسمعته

احـس في صوتــك سعـاده وترويق
وثوب حزنـــي بعـد صوتـك خلعته

ياليـت صوتك اسمعـــه كل مافيق
مثل العـــلاج اللي بيومـــي جرعته

كان ان انا حلقــــت بالجــو تحليق
وجو السعاده بزيـن صوتك صنعته


.....

[الحمدان]

‏لاتكابــر شـــوف لك نظـــــره وعدي
ماعلى النظـــره على اشعاري حساب

ادخــل اقـــراء ماكتـــب قلبي بيدي
من قصايد شـــوق واشعــار العتاب

كلها لك وانت مقصـــودي وقصدي
وانت تدري بــس ما تعطــي جواب

طبعك القاسـي حــرق قلبي وكبدي
وذقُت منك الويل واصناف العذاب


.....

[الحمدان]

‏ياطيــــر ياساجــــع على كل مرقاب
ياليـــت جنحانــك بكفـــــي مطيه

لازاد بـي شـوق الغوالــي والاحباب
اســـرح على اجناحــي بلهفه قويه

ياطير زاد الشــوق والشــوق لهاب
بركان ثايــر فــي الضلـــوع الحَنيه

من شدته أنهك عروقي والاعصاب
وهَد الخفـوق اللي بالاعمـاق حيه


.....

[الحمدان]

‏عنـد العناد بـ هامتي ألف عفريت
ما اعمل حساب لأي واحد بكوني

إن جيتني بالشـر ماعنـك أبطيت
وإن جيتني بالطيـب تاخذ عيوني

هذا انا بالعـــــز دايــــم تربيت
ماحط نفسي لو فنا الراس دوني

عايش وشامخ بالشهامه تحليت
وشايل طبوع العز فوق المتوني
‎

......

[الحمدان]

‏كفي بكفك خلنـا نطــــرد الياس
العمــر فرصــه مالنا عُمــر ثاني

خل السعاده بيننا مالهــا اقياس
وخل الفرح يمــلا ربوع المكاني

مادام فينا الحــب ياحب لاباس
انسى معي فالحب جور الزماني

روق ونسي خاطري كل الاتعاس
وافـــرح معايا يا حبيبي عشاني


.....

[الحمدان]

‏صباحك انا واطيـاب عـــوده وفله
تطــري عليـــك وتنتثر ورد وازهار

يلــي غلاك استوطــن القلب كله
وخذ شعوري والمشاعر والاشعار

ياطيـر خــذ مرسـول قلبي وشله
واعبـر بشعـري للذي قلبي اختار

واهديه من قلبي سلامــــي وقله
باقـي على حُبـــه ولو صار ماصار


.....

[الحمدان]

‏بيـن الجمــال اليوسفي وبيـن زينك
مقـــدرت اقارن بالنظـر بينك البين

حسنــك فريـــد الله يخلي عيونك
والله يحمي كل حسنك مـن العين

ماشفــت مثلك في عيوني قرينك
لا من بنــات اسبانيا او من الصين

يا الفاتنـــه في الزين قلبي رهينك
ومحبتك في خافقـــي والشرايين


.....

[الحمدان]

‏قصايدي ماهــــي هواجـيس وافكار
مغــــزاء حروفــــي نابعه من كياني

احساس له معنـى يترجمه الأشعار
قلبـــي ورق والحبــر منطق لساني

صيغه وراهــا من كواليس الأسرار
اسرارهـــا موجـود بـــين المحاني

اسرار تحكــي بالذي داخـــل صار
واللي جرالـي مـن حظوظ الزماني


.....

[الحمدان]

قالت مساء الورد والصوت مبحوح
قلت المساء مـــع طلتك شـي ثاني

قالت تعشــق الروح يا منيـة الروح
قلت اندماج ارواح وسـط المحاني

قالت سلام الله وانا عنــك باروح
قلت السلامه فــي عيــونك اماني


......

[الحمدان]

‏عسى خيــــر بعـــد اتعابنا يــوم نرتاح
وعسى الامــل يأتي بطيــب الاماني

وعسى ورا الاحــــــزان تأتينــا الافراح
وعسى السعــاده ماتفـــارق كياني

وعسى حظوظ الوقت تنسينا الاجراح
وعسى القدر يمحي جروح المحاني

وعسى الزمن يضحك لناعقب ماطاح
وعسى المـرح يبقى طوال الزماني


.....

[الحمدان]

ﻟـﻣﺘﺎﺑﻌﻴﻨﻲ ﻗﺪﺭ ﻟﻮ ﻣﺎ ﺗﻜﻠﻤﺖ
ﻭﺑﺎﻟﻘﻠﺐ ﺷﻲ ﻣﺎ ﻧﻄﻖ ﺑﻪ ﻟﺴﺎﻧﻲ

ﻟﻠﻲ ﻳﺘﻔﺎﻋﻞ ﺍﻭ ﻳﺘﺎﺑﻌﻨﻲ ﺑﺼﻤﺖ
ﺷﻜﺮﻱ ﻭﺗﻘﺪﻳﺮﻱ ﻭﺟﻞ ﺍﻣﺘﻨﺎﻧﻲ

الحمدان....

[الحمدان]

أصعب من الجرح طول الانتظار
وأكبر من الحزن تلويح الكفوف

طال هجرك وأنت حددت المسار
رحت مع غيري وأنا عيني تشوف

مابقى في نجد للفرحه ديار
ضاقت الدنيا على قلب العطوف

كيف صرت اليوم أنا آخر خيار؟
وفي بدايتنا أنا كل الصفوف

لا تعذر وش يفيد الاعتذار ؟
دام قلبك معي ماسوا معروف


......

[الحمدان]

إختلاف الوقت من زينه ل شينه
لايـضعك بـدايرة شـك وضـلاله

انت من تجعل لذاكرتك خزينه
تحفظ بها اسم وتقاليد وسلاله

والرفيق من أول الاشيا الثمينه
إن لـقـيته لا تـدور لـك بـدالـه

اترك اللي زلفه اطول من يمينه
وانحر اللي عقله اكبر من عقاله

لايغيرك الصخب في ذالمدينه
وانت ابن صحرا ماياثق في ظلاله


......

[الحمدان]

‏راحو رياجيل الوفاء والمواقيف
اللي لهم بالوقت صوله وجوله

اهل الكرم والطيب واهل المعاريف
وليا بداء الماقف لهم وقفوله

راحوا وجوك مكثرين السواليف
ماتعرف الواجب ولاهم بحوله

مداحت انفسهااضعاف المحاريف
رصيدها في بنك ماله عموله

ماجد القريني

[الحمدان]

‏مايعلم الحال غير الله ...سبحانه
اللي له الناس تركع له وتسجد له

والمسلم اللي ذكر ربه على لسانه
يعفو عنه ربه الباري ويغفر له


راكان بن محمد

[الحمدان]

يـا ريـف بـالي بـك تعـدل مزاجي
وارتـاح قلـبي وانـورت بك عيوني

طيفك يسـامرني وانـا لـه انـاجي
بالحب واحساسه يداعب ظنوني

انـا بـحـبـك لـي امـان ومــلاجي
والقى بقـربـك يا غنـاتي سـكوني


.....

[الحمدان]

‏جمعت الشوق وأهديته عيونك
وكل الحب في دربك نثرته

وعطرت المشاعر من جنونك
وزفيت العمر لك لو خسرته

زماني ما تخيلته بدونك
وليلي بدون همسك ماسهرته


.....

[الحمدان]

تعال بشبك صابع ايدي فيديك
حتى تشوف معانق الروح لروح

وعينك تراعيني وعيني تراعيك
وعن كل ماداخل فؤادي لك أبوح

وقول سولفياعسى الروح تفديك
قلبي لحبك وال سوالفك مفتوح

......

[الحمدان]

رص المشاعر بالحبر ياقلم رص
وبعد المشاعر باقي الحب رصه

قلبي يعاني وانت بالحب مختص
انت الذي عقلي بالافكار خصه

قصة غرام كانت اكبر من النص
فيها حبيب ساكن القلب نصه

اخر كلامي اطلبك ياقلم وص
خلّي على حبي بالاشواق وصه


......

[الحمدان]

بعض البشـــر تغليه لو ما تشوفه
يجذبك له شيٍ غريب بالإحساس

‏تسمع كلامـــه ثم تقــرأ حــــروفه
تبحر معه تنسى مشاكلك والناس


.....

[الحمدان]

‏تبي الكـلام الصدق بيني وبينك
‏اسمـع معي هالبيت مادمت وياك

‏من باع كل الناس من شان عينك
‏حطه بـعينك واجعله نور دنياك


......

[الحمدان]

ياوجودي كل ماحال دون الراي راي
‏والظروف القاسيه ساري مفعولها

‏كم نويت اقول كلمه تبيّن وش بلاي
‏وامنعتني شيمتي واستحيت اقولها

......

[الحمدان]

عسى الله علي يديم فضله ولا أحتاج
‏من أفضال غيره شي لو مني و فيني

‏و يبني ما بيني وبين عسر الظروف سياج
‏ولا أطيح من طولي ولا أطيح من عيني


......

[الحمدان]

قالوا لي إنسى قلت ماهي على الكيف
لو أقـدر أنسى كان مـبطي نسـيته

له في منامي طيف وبصحوتي طيف
مـن وين ما وديت .. وجـهي لـقيته


......

[الحمدان]

انتي حلا كل المشاعر وابتهاجات الحياة
وانتي ملامح فيض غيمٍ هلّ وبْله بالمطر

وانتي غلا جود السحاب اللي نزف خيره مياه
وانتي النسيم اللي تعانق نسمته غصن الزهر

وانتي السمو اللي منالك بالسمو يرقى سماه
وانتي منال الورد غصنه ريحته اجمل عطر



......

[الحمدان]

‏مـاعـاد يـاسعنـي مسـاحـه ولا أفـاق
‏من ضيقتـي مـاأشـوف شـي وسعنـي

‏كتبنـي التـاريـخ فـي صفحـة فراق
‏وبصفحـة الأحـزان جـار وطبعنـي

‏دخلـت أنـا والحـزن غيبـوبـة عنـاق
‏بعثـرتنـي والحـزن عقبـك جمعنـي

......

[الحمدان]

‏ربييت فِي حضنك على عز ودلال
‏ولا حاجة فِي خاطري خليتها

‏ي أبوي لا قبلك ولا بعدك أبدال
‏أنت الحَياه ودنيتي أحييتها


......

[الحمدان]

‏الصمت مثل الذهب و الثرثره فضّه
‏و الحكي لا زاد عن حدّه حكي فاضي

‏و العقل لا جاد في راعيه من حظّه
‏الناس ترضى عليه و خالقه راضي


......

[الحمدان]

‏خط الغلا من حبر الأشواق مرسال
‏أغلا التهاني تحمل الود مني

‏يااللي غلاكم داخل العين ينشال
‏جعلت علوم الخير عنكم تصلني

‏مهمايكون الظرف والوضع والحال
‏أسأل عن الغالين من فات عني

‏الله يعين اللي عليه الصبر طال
‏بين الجروح وبين همس التمني

......

[الحمدان]

‏خذ ياسحاب الشوق من قلبي الشوق
‏وارحل جعــل مسعاك درب السلامة

‏صــوب الذي له شــآن ومكانته فوق
‏وسط الضلوع العـــوج ساكن غرامه

‏قله قسم قلبي من الشــوق محروق
‏والنار تنهــش في الخفـــوق إلتهامه

‏والجسم كامل صابه الياس والعوق
‏والقلب ينـــزف داخلي مـن سقامه


......

[الحمدان]

‏ليتني دم بوريدك أدخل القلب وأشوف
‏هل أنا ساكن بوسطه أو أحد غيري لفاه

‏ليتني حبر بإيدينك أقلب أفكارك حروف
‏أكتب إللي قد كتمته وما تبي غيرك يراه

‏ليتني ظل بنهارك ليتني بليلك طيوف
‏اسهر الليل بخيالك وأسمعك لاقلت اه

‏ليتني كلك وكلك ليتك بحالي تشوف
‏غيرة العاشق مصيبه والمصيبه في هـواه


......

[الحمدان]

‏قالوا تحبه قلت من قلب حبيت
اعجبني اسلوبه وذوقه عجبني

يقطر حنان ومن غرامه تقهويت
وجنني احساسه وصوته جذبني

ولاصاح ياعالم من الجرح غنيت
ونبض المشاعر لوعصيته غصبني

ينبض درر ويفجر الشعر بالبيت
وانا الشعر لو ماكتبته كتبني


......

[الحمدان]

اللي على البال ياجعلي على باله
‏وعساه قد الغرام .. وصادق النيّة

‏للبيدددد قطاعته وللخيل خياله
‏وللوصل لذه وانا فيهم شقاويّه

‏العطر فوّح وغنى . الشوق مـواله
‏وتجمع الشعر... يومه حلّ طاريّة


......

[الحمدان]

هـيه يـاالمقفي ولاخـفت الـملام

‏طـعنتك بـالقلب وصلت للصميم

‏ماقدرت اوصف شعوري بالكلام

‏والـعـيون. دمـوعها دمـعة يـتيم

‏لـيتني مـاعشت لحظات. الغرام

‏دام عـرفك هـم فـي قلبي مقيم

‏مـاتـحب. الـنـور دايــم بـالظلام

‏لانـت لاخـير ولا ..قـلبك سـليم


......

[الحمدان]

.
‏انت تستوعب مدا ضـيقة فؤادي
‏من غـيابك يــوم قربك لي سعاده

‏والله ان الشوق فينـي غير عادي
‏وانت تعرفني عن العالم زيااااده

‏كم احبك كـم اودك كــم انــــادي
‏بأسمك اللي يمــتلك كل الــسـياده

‏لك مقامك لك مكانك بإعــتــقادي
‏انت موطن قلب تايه في بلاده

......

[الحمدان]

‏صعبه تحب فلان وفلان معشوق
‏وصعبه تحب فلان وفلان عاشق
‏
‏الأوله في تهمة الحب مسروق
‏والثانيه في تهمة الحب سارق


......

[الحمدان]

‏الحب ماهو حب إقامة علاقات
‏الحب أنفس بالمعزه تلاقت

‏تلك النفوس الراقيه تلك بالذات
‏احساسها لاداعب الروح راقت


......

[الحمدان]

‏قولـــوا لـ اعز الحبايب طالــت الغيبه
ثلاث ساعـات عن عينــي وهو غايب

مايعـــرف ان الدقيقــه تعتبـــر غيبه
والوقــت يمشـــي وقلبي للقاء ذايب

كافـــي فـــــراق المولــع زاد تعذيبه
والقلب من غيبت الغالي بدا شايب

ليه القسى يا غنات النفس والخيبه
ليه التغلي على من في الهوا تايب


......

[الحمدان]

‏الحـــب عذبني كما عــــذب الزير
يوم طاح قلبـه في غـــرام الجليله

يكابر وقلبه وســط الاعماق بيطير
ومحبوبته صــارت لـ وائـل حَليله

اصعب هوى ماكان مقسوم للغير
واصعب فــراق اللي يفارق خليله

واكبر عذاب إذا انقطع منه السير
وصــار مالــه في التلاقـي وسيله

......

[الحمدان]

انشهد أن الحيا يسرق قلوب الرجال
‏مثل الزهر طلعه الاول خفيف وندي

‏اجحد ليا شفت منسوب الحيا لايزال
‏واقول ماشفت ويشوف الغشيم بعدي

‏الطف من الحلم واحلا من نسيج الخيال
‏واطهر من المدلهمْ اللي يصب بردي

‏عذراً تقول انها يوم اعتراها الجفال
‏ورعٍ يبا يهج لكن مايعرف يعدي
‏
......

[الحمدان]

‏أحرص على الكلمة ، والمنطق الزين
أكسب رضا نفسك ولاتجرح النـاس

بعض الكلام أثقل ، من الهم والدين
يقطع غصون الود والغصن حساس


......

[الحمدان]

تدري وش الي غير الناس يفلان
‏شرع المصالح وانعدام الصراحه

‏صرنا نجامل بالخطاء كل غلطان
‏لين اكثر الغلطات صارت مباحه

‏نمدح كلام فلان وفعول علان
‏ وفلان نجرح بالتجاهل نجاحه


......

[الحمدان]

ناسٍ لهم عند العرب قابلية
وناسٍ مجالسهم بها ضيقة البال

ناسٍ مقابلهم كما الصيدليه
تشفي وجع من يشتكي جورالاهوال

اللي لهم بالطيب روحه وجيه
احرص عليهم صدق ياطيب الفال

ولايخدعك ضحك الوجيه الرديه
اللي تبيعك باول السوم بريال

......

[الحمدان]

‏لنا مواجيـب وعـلينا مواجيـب
ياللي تجـيـب العلم تقدر توديه

حنا نجازي راعي الطيب بالطيب
وراع الردى على الردى مانجازيه

لأنا مانعرف للردى والردى عيب
هـذي مباديــنـا وكل ومـبـاديـه


......

[الحمدان]

ياعظيمه وانتي الاشياء الجديده والقديمه
وانتي اللي لو تصد الارض ماصديت عنها
ٰ
وانتي اشجع الانتصارات وملذات الهزيمه
وانتي اللي وين مالقّيت قلبي قال عَنها
ٰ
وانتي اعجوبة زمان الشاعر اللي هلّ ديمه
وارتوت جدب القصايد لين صح الله بدنها


......

[الحمدان]

ليت النوايا مالها ستر و لباس
تظهر من صدور المخاليق جردى

اللي تظنه غير عن كل هالناس
بكره تشوفه مثل هالناس واردى


......

[الحمدان]

حنّا فقدنا منهو أغلى من الروح
لكن عشنا عقبهم غصب عنّا

هذي هي الدنيا مسرات وجروح
محد يحقق كل ماهو تمنّا


......

[الحمدان]

تهب الذكريات ويصبح الصبر الجميل حطام
ودمع الفقد يجري ما نوى طرفي على وَقفه

فراقك ما يهّووونه الزمن لو مّر ميـة عام
فراقك جرح مع زُود السنين يزود في نَزفه


......

[الحمدان]

لعنبو بعض الغنادير لو أنها نصوف
أتصبر مير لا شفتها باااح الصبر

كل ماشفت النحر والعواتق والردوف
راحت الدنيا ظلامٍ ورحنا في خبر


......

[الحمدان]

خلّ لك فوق الشّواهيق والعليا مكان
‏اِردع النفس العنيدة وخالف ودّها

‏لا تحدّك سود الأيّام وظروف الزّمان
‏كل ما شفت اللّيالي تحدّك حدّها


......

[الحمدان]

من عطاه الله محبة فـ القلوب
‏أشهد أن الله معطيه .. الكثير

‏جعلني لاجيت للناس محبوب
‏وجعلني لاغبت .. مذكورٍ بخير

......

[الحمدان]

قدر مـقام اللي يقدر مـقامـك
‏واجز الذي عاملك بالخير خيرين

‏أحـذر تـنقص لـلـوفـي اهتمامـك
‏مايجحد الـوافيـن غير الرديين


.......

[الحمدان]

في القلب قصرٍ للغـــلا وأنت بانيه
حراسه أشواقـــــي وطيبة ظنوني

أظن بك ظن الوفا وأنت راعيــــــه
ياللي طيوفك في الغياب إسكنوني

أنا بدونك باقـــــــــــي العمر ما ابيه
هـــــل تستطيع تعيش عمرك بدوني


......

[الحمدان]

يامدور الهيّن تـرى الكايد أحلـى
وأسأل مغنّـي كايدات الطروقـي

الزين غالـي لكـن الأزيـن أغلـى
والكلّ شـرّاي ٍ بضاعـة وسوقـي

النوّ عالي و السمـا فوقـه أعلـى
ولا فاق علم ٍ جـاه علـم يفوقي


......

[الحمدان]

‏لا حدٍ يقول ان المواجع تخصه
‏وهو الوحيد اللي شكى من عناها

‏كلن وله في بنك الاوجاع حصه
‏متشابهه لو يختلف محتواها

‏وبقلب كل إنسان موجود قصه
‏لو يزعم ابنسيانها مانساها


......

[الحمدان]

يابحر انا بنشدك كم ضايقن جاك
‏ وكم شاعرن حولك يخط القوافي

‏ تعرف خوافي ناس ماتعرف خفاك
‏ تبلع هموم الناس ماقلتزكافي

.....

[الحمدان]

استــاذ عـلمـنـي تـــرى مـا تـعـلـمـت
قـلـبـي بـلـيـد اسـتـوقفنّه وصـوفـك

فاهك يقول ان النظر حكمة الصمت
وعينك تـقـول ان السوالف ضيوفك


......

[الحمدان]

لا غـــبت عن عيني وطول غيابــك
ماغبت عن قلبي ولازلت موجــود

مهما تــعاندني تــغلق حــــسابــك
لابد ميجي يــوم ياخــل وتعــــود

غـلقت في وجــهي وصـكيت بابــك
خليت باب الود والوصل مسدود

عذبت قلب انسـان ما يــوم سابــك
حبك وكفه لك على طــول ممدود

......

[الحمدان]

يا مرحبا باللـي يـدور حضـــوري
‏يا مرحبا مليـار مــن داخـل الروح

‏ناسـن تواجدهـم يداوي كسـوري
‏بلسم مداوي كل ضايق ومجروح

‏غاليين في قلبي وغايه ســروري
‏شمعه حياتي قربهم راحه الروح

‏ملزوم انا في قربهم شي ضروري
‏اصبح تواجدهم بالاعماق مطروح
‏
.....

[الحمدان]

معنقك شبر فوق متونك وقفلتين
ويديك منجم ذهب وشفاك حانة خمر

مدري وش اللي خذا الله منك واعطاك زين
مالا عطا فارعات الطول بيض وسمر

ما شفت ذا الوردتين وشفت ذا الجمرتين
لهن ثلاثين عاااام ولا يزالن حمر


......

[الحمدان]

‏انت الشعور الصادق و غيرك سراب
‏و انت المقرّ الثابت و غيرك ممر

‏غلاك بضلوعي تربّع ليين ذاب
‏يفوح مثل العود من فوق الجمر

‏يا أغلى البشر وجهك علاج الإكتئاب
‏و مواصلك مثل السحاب المنّهمر

‏حتى و لو قلبي شَعر بـ الإغتراب
‏انت الوطن و اجمل ملذّات العمر


......

‏

[الحمدان]

‏كل مانسيت الحب رجعني شعور
‏كنه موكل للمحبه محامي

‏كنت اسكنه بالحب شرعً ودستور
‏كان الوطن والحكم حكم اهتمامي

‏وقصور حبه يوم جا منه قصور
‏هجرتها واصبحت لاجىء غرامي

‏ياطير وصل له قصيدي ومشكور
‏لكن طلبتك لاتوصل سلامي


......

[الحمدان]

‏محمد بن فطيس
‏عام ٢٠٠٩ قال بلحظة كبر:
‏وش عاد اسوي يومك اقفيت عني
‏لا انا اتبع المقفي ولا احب فرقاك

‏بعد 11سنة هزمه الشوق وقال :
‏متحسف ومستسلم بين اياديك
‏ما للعتب داع وانا جيت مهزوم

[الحمدان]

‏وقلب جرحته لاتحاول تداويه
خله يعاني من قساوه طعونك

بالله قلي ماحصل وش تسميه
أغلى حبيب لك بلحظه تخونه

حاولت بك ولاحصل شي ابيه
وخيبت ظني خيب الله ظنونك

تصفي لغيري بالمحبه وتغليه
وتبيع ناس بالموده يبونّك


......

[الحمدان]

يارب تسعد ضايـق الصدر والبال
عجل فـرج مخلوق بالحيل ضايق

بدل عسر دنياه في يسر الاحـوال
وعسى مزاجه .. ويـن ماراح رايـق

بقلمي

[الحمدان]

ليه واقف بين وصلي والمسافه
‏تطرق ابواب الأماني ثم تروح

‏ليه صوتك فيه ربكة وارتجافه
‏حايرٍ بين المشاعر والجروح

‏ليه احس بخاطرك شيٍّ تخافه
‏هات خوفك واتبع احلام الطموح

‏جرب اقرب ماعلى الدنيا حسافه
‏الغموض أول مشاوير الوضوح

‏لا الهوى ذنبٍ ولا القرب اقترافه
‏لا الرحيل اجرٍ ولا التوبه نزوح


......

[الحمدان]

عطيتك الصدق والتقدير والاحترام
‏من طيب حظي عطيتك وانت تستاهله

‏ماعندي مجامله باعطيك زبدة كلام
‏ولاهيب ياغايتي في قدرك مجامله

‏حبيت حكيي معك لوه سلام بسلام
‏وشلون لاصار حكيي فيه شوق وله


......

[الحمدان]

ياوجودي كل ماحال دون الراي راي
‏والظروف القاسيه ساري مفعولها

‏كم نويت اقول كلمه تبيّن وش بلاي
‏وامنعتني شيمتي واستحيت اقولها


......

[الحمدان]

‏الصـــداقة تراهــا فعل ماهي كلام
واصدقاك الحقيقيين مثل النجوم

ما تبين النجـــوم إلا بوقت الظلام
ولا يبين الصديق إلابوقت اللزوم


......

[الحمدان]

حملت لك في وسط قلبي ملفاااات
في ذااااااااااكرة مقدارها ألف جيجا

وفتحت لك قلبي علي سبع شاشات
تشووووووف فيها فلم حبك حقيقا‌‌‏

وسلمت لك ريمنت قلبي بهمسااات
تفتح ملفااااااااااااتي متى ما تضيقا

أفتح قنات أشعار حبي والابيااااات
تشوف حبـــــك شااااااااااع منها بريقا

ونبض قلبي كل ما دق دقااااااااااات
يعلللللللن بأنك له حبه وشوقه

......

[الحمدان]

لامن عسفت إعسف من الخيل شقراء
تعجبك وقت الحرب لاصرت خيّال

ولا من عشقت إعشق من الغيـد عذرا
منسوبه الجدين والعم و الخال


.....

[الحمدان]

ما كل من يضحك سعيد بدنياه
‏ولا كل من يبكي دموعـه حزينه
‏ً
‏احداً بكى والـكل يدري عن بكاه
‏واحداً مع الضحكه تحس بونينه


بقلمي

[الحمدان]

لنا على الطيّب حقوق ومواجيب
وحقه علينا فالاومور العظيمة

ما يلحقه شكً ولا يلحقه ريب
وحقوقنا على بعضنا .. مقيمة

نقدّر الصاحب اليا طاب ونطيب
الله .. يطّول .. في بقاه ويديمه

ما ننكر الطيّب ولا نجحد الطيب
على مواجيب الكرام الكريمة

مبارك فارس العازمي

[الحمدان]

مشينا على فعل الوفاء نبذل الاسباب
على ناس جحّاده ومع ناس محسوبه

خذتنا الظروف القاسيه بين ضرس وناب
نبيهـا تخـف .وعـاقبتنـا ميّــة نـوبـه

وعرفنا ملامح صادق الناس والكذاب
وحركات راعي المصلحه لاجل مطلوبه

صبرت انتظر رد الوفا لين راسي شاب
ولقيت العرب تمشي بنيّات مقلوبه


محمد القت

[الحمدان]

‏من طاب فعله شاع ذكره مع الناس
‏ولا الــردي مالـه مـع النــاس طاري

‏بنك الـردي معــروف تاليه الافــلاس
‏وبنـك المراجل طـول عمره تجـاري


......

[الحمدان]

الناس وش فيها تخفي الأدله
‏تعطف على الحيوان تقسى بالإنسان
‏
‏دام المعزه والمذله مـن الله
‏لاتعلق آمالك على فلان وفلان


......

[الحمدان]

‏ستر المواجع داخل القلب راحه
‏لو يمتلي صدري بها ما تكلمتظ°

‏ما هو جديد القلب يخفي جراحه
‏ولاهو غريب الضحك مهما تألمت


.....

[الحمدان]

مايضاهي عزّة النفس في الدنيا غناه
‏عن دروب الذل ياخطوة العز انتحي
‏
‏الردي لو يشري المدح مايخفى رداه
‏ندري أن ماكل من خاف ربّه ملتحي
‏
‏مشكلتنا كـل مـخـطي نبـرر له خطاه
‏نستحي في وقت فيه العرب ماتستحي


......

[الحمدان]

تسامي وروحي مالنا ف المحبه دار
ولو قلبك من الحب واضح على عينك

لا تبدين بارسالة محبه وطيش صغار
تشوفين نفسك واثقه بااول سنينك

حذفتي علي من الغلا طير صيد وطار
ولاشاقني بالزين ثغرك وخدينك

تحسبيني اسهل من يراضى بدون اعذار
لا يذبحك تفكيرك عساء ربي يعينك

انا ماني ضعيف يجيب الردى والعار
على شان سود عيونك ومسكت يدينك

وانا ماني من اللي يهتكون عرض الجار
ولاهمني منطوق هرجك ولا زينك

تسامي وصدي خطوتك عن طريق المار
ترا الدرب هذا بالهوى يمكن يهينك


......

[الحمدان]

لي أيام سارح مايشد إنتباهي شيء
يمر الكلام المختلف كنه العادي

تحاصرني الدنيا وأموري مثل ماهي
الإزعاج يملي مجرياتي وأنا هادي

أحس أني أملك كل حاجه مافيّ يْدي
وأحس أني الخسران من كثرة عنادي

وأحس بشعورٍ مضطرب بين شمس وفي
مع اللي مغربني وأنا أعيش فـ بلادي

يجوز أني أفنى من شعور الوجع والكي
لو أني ما أغني .. كل ماطاب مقعادي

أنا زهمت الشعر مره .. وقال شوي
متى ماتواعدنا يجي حسب ميعادي

حبيبي لا زال يمرني لـ إنعكاسك ضي
مثل مايمر الحسد فـ قلوب حسادي

متى مانتشر ريح المطر في زوايا الحي
يعم السكوت .. ويرتفع صوتك ينادي

متى تخاف ينسى ويتمادى بدرب الغي
يشوفك متى ماشاف نور القمر بادي

مع الشعر لك ميعاد مادام راسي حي
وأنا كل يوم أهيم لي في طرف وادي


......

[الحمدان]

مرّي على البال مثل الريب والإشتباه
عندك مايبعث شعور الزعزعه فـ جسدي

الصمت مالي زوايا يومي ولا وراه
الا إعتراضي على صمتي وقَلّ جْهدي

مرّي مثل ذُعر في غمرة سبات الرفاه
مرّي مثل دمعة المستهتر إليا هُدي

مستاحش البال مايدعوه للإنتباه
وأنتي جميع الحلول الممكنه في يدي

يمكن يحايل رهيف الضحك معك الشفاه
وتحايل القلب والقلب الشقّي أجودي

مبطي ماجابته ضحكه .. أو ودتّه آه
مبطي ماقال لـ ضلوع الصدر وين آغدي

وأنتي من أول ماخلّتك الدروب إتجاه
كني من إعراج ناصي قبلتك ومهدي

أستقبلك كن مالي قبل عرفك طرَاه
وأستدير الأرض عنوه والبساط أحمدي

سمي دروبي بـ أساميها، مضيق ونفاه
وإخذي من الشعر إذعان الرضا وإخلدي

محتاج وجهٍ يرجعني أحب الحياه
وأنتي جميع الحلول الممكنه في يدي


......

[الحمدان]

راحت سنين الــمـــرجله وانبهاجه
‏اصبح كر يم النفس ضايع ومرجوج

‏ضاقت على الأحرار عنق الزجاجة
‏راعي الوفاء من غابر الوقت مسهوج

طير السعد بلشان يطرد خراجه
‏والذيخ زمر واصبح الثور مسروج

و‏النمر خيش والحصاني تواجه
‏والذيب يقنب تالي الليل ممروج

‏معالم الدنيا تعقد احجاجه
‏ماباقي الا شوف ياجوج ماجوج

ماسرنا من ماضي المجد حاجه
‏صرنا تحت رحمه خنازير وعلوج

......

[الحمدان]

عاش الرفيق اللي حصونه منيعه
‏في لازمك ماهوب يذخر ولا شي

‏لو قلت له ضاقت علي الوسيعه
‏يقول تكفى لا اتضايق وانا حي


......

[الحمدان]

‏يقولون كيف الحال واقول كلش زين
‏وانا والله ان قدلي وانا حالتي حاله
‏
‏علي من زماني ما يشيب رموش العين
‏وعلى الكتف حمل دامني حي باشتاله
‏
‏ضيدان بن قضعان

[الحمدان]

‏دام الأرض احيان تجحد هماليل ‌المزون ⁩
‏لا تضايق لا ذبل زرعك اللي تزرعه

‏واجد اللي كل ما طبت فيهم يجحدون
‏و السما ما طاح منها ما عاد ترجعه

‏ادري ان العشره تموت لكن ما تهون
‏الردي ما همته و السنافي توجعه


......

[الحمدان]

سالت قلبي قلت ويش فيك ياقلب
اجـــابني قــــد ذوبتني الامــــــيره

حلوه لها خـــديــن تسحر وتنهب
وثغرها بيـــــفوح منه عــــبيــــره

مـــن بالخـ ـبر والقول تمزح وتلعب
جمــالها والذوق حـــلوه مــــثيـــره

المبسم احـــمـــر والجعود المذهب
وكـــــلها مهره رغــــدها وســــيره

بصدرها مــــن ضمته دوم يلــــتب
لها مباســــم ريقــــهن كالعــــصيره

ياليتها بــالوصــل تقبل وترغـب
نقضـــي ليالي بالمحبه عــميـــــره

......

[الحمدان]

‏امست جميع الاوادم والجريح امسى
‏يسامر الليل والاشواق وحداني

‏من يحسب ان الهوى له مركب ومرسى
‏ترى المحبه عذاب و عالمٍ ثاني

‏يا متابعي الوقت لو يجرح ولو يقسى
‏انا ما احب اكسر الخطّر ولا اداني

‏ولو اني انسى جميع الناس كيف انسى
‏اللي حلف ما يخليني وخلاني

بقلمي

[الحمدان]

‏ياليت عنـدي قلـــب ماعنـده احساس
من شان اطنـش من جرحنــــي غروره

واتجاهـل اللـي شاف حاله من الناس
واصـد وجهـــي واقهــــره في حضوره

بس انخلق لي قلـــب طيب وحساس
فيه الوفــاء والطيــب ساكــن شعوره

مااحب اجـرح من جرحني من الناس
ولا احب اعاتب مـــن وصلني قصوره

......

[الحمدان]

‏لا تنقدونـــــي لــو عليكــم تأخرت
يا احبابـي الغاليـــن ماهو بقصدي

نفسيتــي صعبــــه ومنهــا تأثرت
والحظ الاقشر حال بالياس ضدي

ياما من اتعاب الزمـن قد تصبرت
وشلت فيـه احمال ماهــي بقدي

والان عذري لو تباعــدت وادبرت
فتــــره عساها يا رفاقـــي تعدي

......

[الحمدان]

أشهد إن من حب من قلب لا يمكن يعيف
‏و أشهد إن البعد عقب الغلا ماله دوى

‏شاريٍ وصله لو إن دون وصله حد سيف
‏لين صار الموت و الهجر في عيوني سوى
‏َ
‏هو ربيع القلب و القلب من عقبه خريف
‏جف عرقه و أذبل أزهاره و عوده ذوى


......

[الحمدان]

بفتح لك .. بصدري وقلبي .. شبابيك
‏وأنقش غرامك وأرسمه .. داخل الدمْ

‏وإنْ جاك نوم .. رموش عيني .. تغطيك
‏غمض عيونك وسط عيني وثم .. نمْ

‏وان قلت لي وش كبر حبي بخافيك
‏أقول أحبك .. بس .. مدري أنا كمْ

‏أبيك تسرقني .. لروعة مراسيك
‏وأموت بك موتة غريق ٍ .. وسط يمْ

......

[الحمدان]

المحبّه أنت وأنت الغير عــــــادي
‏من عرفتك والمشاعر مستقــــره

‏يبتسم يومي ويطرب بك فؤادي
‏راحتي برضاك .. حلّت كل مُـــره

‏هاك قلب وهاك عين وهاك غادي
‏دلّه لدربك وخذ خيره وشــــــــره

‏وش أبي بوجيه خلق الله وأنادي
‏وجهك الله خالقه زين ومســـــره


......

[الحمدان]

سعادتي فيك وحدك ياعسل حالي
‏وراحتـي دايمـن قربــك علغŒ فكره

‏يا لحن شعري وتقسيمات موالـــي
‏يانبض قلبي ويارووحه ويا عمـري

‏ظناني الشوق يامحبوبـي الغالــي
‏ياحافظ الود والمعروف والعشره

‏يا شوق حالي علغŒ حالي تعب حالي
‏لو ابعد اليوم عنك اشتـااق لك بكره


......

[الحمدان]

طاريك تالي الليل ما يخلف عهود
يحتل فكري بين ضحكــه وبسمه

يهز قلــــبي هـزة الريح للعود
لا هبــني من ريحة الشوق نسمه

جنة قصيــدي ببسمته تقتّح ورود
والشـعر يسهل تالي الليل نظمه

ما يمر شــعري غير يثبت. له اوجود
لن مر يترك فــي يد القاف وشمه

......

[الحمدان]

بعض الرسايل خطها ينعش الروح
‏لا جات من غالي وقلبك يوده

‏تشفي عليل النفس وإن كان مجروح
‏وتخلي أوقاته رخا بعد شده

‏ترى الغلا ما بين الأرواح مسموح
‏ما أحد تحكم في فؤاده بيده


......

[الحمدان]

‏ياللي جرحت القلب وقف ثواني
ترا التغلي سبب.. جروح وجروح

لا تعالج المجروح في جرح ثاني
ولا تحرم البسمة من القلب والروح

ولا تجعل الإحساس. منك يعاني
ولا تجعل العاشق يخليك ويروح

وافهم كلامي ..يا فهيم المعاني
خل الغلا واضح ولا تنطر البوح


......

[الحمدان]

‏لو طلبت الروح خذ روحــي هديه
وان طلبت القلب خذ قلبي فداك

انت اغلا مـن معـــــي بين البريه
مامعــي مخلوق يتساهــل غلاك

قلتها لك والقسـم من طيب نيه
من شعور انسان ميت في هواك

ولو تحب اكتـب على هذا وصيه
مستعد اوصـــي لهم كلي فداك


......

[الحمدان]

‏يا زين عقلي في هـوئ حبك سقط
وصار حبك نبـــــض قلبي والسكون

كلمـة أحـبــــــك قلتها لـك باالغلط
لأن حـبــــــك صـار باالنسبه جنون

لو بس تحذف للجنون نقطه فقط
يمكــــن تغير قلبك القاسـي حنون

شجون لا تحذف من الشين النقط
بتحط اشـواقـي لقربك فـي سجون


......

[الحمدان]

سبحان من ريّض أشواقي على همسه
لين آخر الليل .. صار بساعتي بدري

سوالفه من حرير وضحكـته ونسه
رقراق نهرٍ على طول السنه يجري

اللي تبي .. صبّحه بالخير او مسّه
هو كل الأوقات.. بس الناس ما تدري


......

[الحمدان]

في غرامك طحت طيحة كسيرٍ في قليب
‏انقطع صوته وكن العرب فيها صقه

‏مدّ لي حبل المواصل وساعدني وأطيب
‏الهجر مافي يده غير حبل المشنقه

‏كل يوم ما يجيبك هو اليوم العصيب
‏اتحرى من بزوغه مغاييب شفقه


......

[الحمدان]

في هالزمن ياصاحبي عيش دنياك
لا لاتحاول تفهم اللي حواليك

تكشف لك الأيام من كان يهواك
ومن هو يمثل دور انسان يغليك

وناس ليا شافوا الزعل في محياك
تسابقوا من فيهم اللي بيرضيك

صعبه تلاقي فالبشر بعد فرقاك
من يذكرك بالخير لاحل طاريك!!
‎
......

[الحمدان]

لا بار عزمي في هواك .. ولا فتر
ياحلمٍ أبطى لا قرب ولا أستحال

طبقت معك الصد ، بالملي متر
ولا قدرت أنسى معك حلو الليال

خل الجروح اللي مضت - على كتر
المشكله بجروحي اللي لا تزال

اللي بوجهي تستره .. ماينستر
واللي ورى ظهري تقوله مايقال


......

[الحمدان]

ياطـــب للــــقلــب والبـــلــسم
ياحـــــلو مـــــزيون الاعــياني

ياخــــد حالي جميل اخجم
للحــــسن والــــذوق عـــنواني

الورد الاحمر على المبسم
والعــــــنق حــــالي وفــناني

شـــــوفك دواء للوجع والهم
ياناقـــــشه حـــلو الابناني

جســـمك لكل الحلا قــدلم
يالــــون من خــير الالــواني

ياحـــلو مــــزيون متـــمقرم
ياغصن في وسط بســــتاني

تعــــال نضـــــحك ونتـنادم
كلــــين يســــعد بــه الثاني

......

[الحمدان]

مافيه مثل العافيه ستر وغناة
‏ان جات للمسلم تراها كافيه

‏كم واحد يطلب ملذات الحياه
‏واذا مرض مايطلب الا العافيه


......

[الحمدان]

صف النوايا واذكر الله وترتاح
‏واللي تشوفه قابله بابتسامه

‏خلك وسيع البال طيب و مزاح
‏ترى الزمن ما يستحق الملامه


......

[الحمدان]

صباح ٍ عسى الله فيه يجمع شتات قلوب

‏عسى تجتمع في الحب مـن بعد فرقاها

‏فراق الحبـايـب فـيـه جـرح وعنا ولهوب

‏مـن فـراقـهـا ناحـت مـثـل نـوح ورقاها


بقلمي

[الحمدان]

‏الأدمي يسعى ويأخذ بالاسباب
‏والمجتهد ما يأخذ إلا نصيبه

‏لو طالت الطرقه وخيط الشفق غاب
‏البعد زرفال الركايب يجيبه

‏والطيب والمعروف له عدّة ابواب
‏والصدق وجه الحق والكذب خيبه

‏ومن لا اغتنم درب المراجل وهو شاب
‏ماهوب مدركها إلى صار شيبه


......

[الحمدان]

دوم اتحرى يا منى العين جيتك
وارقب وادوّر بـين الازوال زولك

وانا انتظر شوفك بيدّي هديتك
قلـبٍ يحبك طول الايـام حولك

كل المشـاعر رحبت بك وحيتك
عـسى تـلاقي بالمـحبـه قبـولك


......

[الحمدان]

اليا دخل فصل الشتا قام غرد
تري الدفا في حُضن مريوشة العين

واللي ترد البرد منها تجرد
الكوت والفروه ومن بشته الزين

واليوم في حضن المكيف تبرّد
ماعاد يطري له حُضن كامل الزين


......

[الحمدان]

‏أسمها من اربع حروف شرٍ مستطير
‏مقبرة عدوان الإسلام وشيوخ الشمل

‏فارقه بالطول والعنق والوجه النظير
‏كنّها غزيزة الشيخ فالذود الهمل

‏زينها ماهو بيعرف كبير ولا صغير
‏في هواها تشبك الحر وتسوق الجمل



......

[الحمدان]

اصبر على الجمره وثبّت مـباديك
ارفع مقامك عن قصيرين الانظار

ترى ضعيف العزم بالضعف يعديك
فرق المواقف بالتـحـدّي والاصرار

دوس الضعافه دوس باقدام رجليك
وقل يالله إلطف بي بحسنات الاقدار


......

[الحمدان]

يا حبيبي لا تشكك في غلاك وقدرك
انت غير الناس هذي لا بغيت الزبده

اعتبر صمتي محبه يالحنون المدرك
وجهك الطاهر عيون التايهين تعبده

علّق الشطر الاخير قلادةً في صدرك
من فقد مثلك فقد له قطعةً من كبده


......

[الحمدان]

ماكل ما تلقاه عينـك تـمنـاه
بعض الأماني تنصدم بالحقايـق

ولا كل شيّ في الحياة أنت تحداه
الأقدار تحكمنا بحـكـم الوثايـق

ولو كـان كل اللي بغـيناه نلـقـاه
ما شـفت في الدنيا حزين وضايق


......

[الحمدان]

الجادل اللي فارقتني امس
ماهمني لو حبّها غيري

حطيت ب ايديها القمر و الشمس
واكرمتها من طيبي و خيري

بعد الفراق اللي طواه العمس
ردت تبي وصلي و تقديري

وانا مافيني للمواصل نفس
رضيت في حكم المقاديري

كنت اكتب ابياتي عليها بس
واليوم صارت من جماهيري


......

[الحمدان]

بكره ليا جرّت الفرقا خطاويها
وش فايدة طقة الابهام بالوسطى

عطيتك اول طموحاتي وتاليها
وقلب ليا هام في بحر الغرام ابطى

ما باقي الا الكرامه مقدر اعطيها
كرامة النفس لا توخذ ولا تعطى


......

[الحمدان]

كان في قلبه لقلبي . . محنيّة
يدري ان الحال عقبه مهوب اللي

وكان لي عنده علوم خصوصيّة
احضنيها يالهبوب احترماً لي

وارسليها عبر الاقمار . . سريّة
هو طبيبي والرسايل علاجٍ لي

ولا يواخذني على قلة الجيّة
ود عيني مير ماهو بجايٍ لي


......

[الحمدان]

تصغر جميييع أمنيااتي عقب ما هي كبار
لا صحصح الشمعدان و رمش عينك خدر
ㅤㅤ
معاك أحب السوالف . . و أكره الأختصار
أنا فدى صوتك الهااادي . . مزيييل الكدر
ㅤㅤ
ولا تخافين من هجر . . وحزن . . وإنكسار
ما أنتي مجررد غرام ؟ انتي قضاء و . . قدر


......

[الحمدان]

‏قفلت باب العاطفه والمحبه
وسلمت للعقل الرزين الأمانه

ترا القلوب الخاليه مستتبّه
من كل جرح وكل طعنة خيانه

قلبك إذا تقدر تخبيه ؟ خبّه
لا تكشفه للناس ويقل شانه

مافيه أحد حبك عشانك تحبّه
من شاف عندك شي حبك عشانه


......

[الحمدان]

ادلّ الزين ودياره وراي بديرة الغالين
ديارٍ لو يشحّ بها المطر خضرٍ مراعيها

وفاه مقيّدٍ شوفي وأنا وافي ومن الوافين
وغلآه يعنّ روحي لاتلفت صوب داعيها

يباريني خياله واستحي منه واصدّ العين
اداري خاطره واصدّ عيني عن مشآهيها


......

[الحمدان]

ما ذكر للحب قاضي ولا جاء له طبيب
من جرح قلب المعنى يدور له دواه

لابغيت ارتاح واضرب على الدنيا صليب
دق هاجوس الضماير وجاء قلبي عناه

صرت انا والوقت من بين مطلوب وطليب
لاعطيت الوقت وجههي يلقيني قفاه

الليالي شيبت بي قبل وقت المشيب
وعزتي للي يصارع زمانن ما قوااه


......

[الحمدان]

أتمادى في حضورك واتودّد
يا بعد من ينسج الغيمة قلايد

فيك أمد الصوت والليل يتـمدّد
لين احب الوجنتين أم الرغايد

كيف بـ أتخيّر سناك وليش أحدّد
والسنين مسيـَّرة والعمر بايد

آه يا ملح الليالي لا تصدّد
أنت صدك ما تخفْفّه القصايد


......

[الحمدان]

لمّني مابين سلسالك و شالك
واسقني من ريقك الشهد المحلّى

انحناءة خصرك ورسمة ظلالك
ما تخلّي شفق بالصبر يتحلّى

في لثامك ليل ماغطّى جمالك
مدري وجهك نور والاّ صبح والاّ

ادري ان الليل مهما كان حالك
مايحجب البدر لا منه تجلّى


......

[الحمدان]

نصيحة من يشري الهجران خلّه
‏والله إن الناس في هالوقت مرضى

‏من زعل منّك بدون أسباب قلّه
‏طق راسك فالجدار الين ترضى

بقلمي

[الحمدان]

أخـــــاف يطــول الهجر وتمـل مني
‏ويشل قلبي شخص مـا هـو مثيلك

‏وش عاد أســـوي طالما رحـت عني
‏من بعد ما قــد كــــان قلـبي دليلك

‏الشوق متعب ياحــبـــيــبي جعلني
‏أتخيلك في الليل ربــــــــي وكيلك

‏لو عاد لـك باالحــب إحساس ذهني
‏تـــعــال خـذني قـــبــل يأتي بديلك


......

[الحمدان]

ياقلب لايستوطنك هـم واحـزان
‏ولاتبدي اسرارك بوجهن بشوشي

‏لك عن هموم الوقت ملجا ومزبان
‏عنـد الكـريـم اللـي بنى لـه عروشي

‏اليا نصيتـه يشهـد الـلـه كسبان
‏لك ماطلبت وزود منت مغشُوشي

‏ماغشك اللـي عادلن كل ميزان
‏لارجــح ميـزانك بفعلك تشـوشي


......

[الحمدان]

ياللي سرقت أحساس همسك على ووين
‏هو انت صاحي أو غوى راسك ابليس

‏من جرب الدره يعاف المزايين
‏الدره اللي كنها عرش بلقيس

‏ومن جرب أحساسي عرف قيمتي زين
‏لا قلت عن نفسي اميرررة أحاسيــس


......

[الحمدان]

مـرحـبــا يامـرحـبــا لاعـزوف ولا طبـول
‏مرحبا يا مـرحـبـا يا مساء الخيـر وسرور

‏مـرحـبـا عد المطر بعد وبلـه جا سيول
‏والحـلا والـبـن قـدامكـم واحـلا بخـور

‏عـودن ازرق في يـد اللي بكلمتهـا تطول
‏من وقف في صفها دايما يجسر جسور
‏

......

[الحمدان]

أمر مراً مـر فـي دنيتـي لـي
وأمر مرٍ مـر لـي فـي حياتـي

لاجاني العانـي وانـا مامعـي شـي
ودي تجينـي قبـل ياتـي وفاتـي

ان اعتذرته ظن ظن الرداء بـي
وانا الرداء ماهو صفة من صفاتـي

أضحك واهليبه وانـا منكـوي كـي
من خوفي التقصيـر فـي واجباتـي

ومن لا أشتهر بالطيب صيته وهو حي
ماطالع له صيـت عقـب المماتـي


منصور الرمالي

[الحمدان]

كم سؤال مات في صدري جوابه
وكم اجابه حية قبل السؤال

السؤال يتيه في ليل سرا به
والاجابه ثابته في كل حال

والسؤال اللي له بنفسي مهابه
ليه احبك حب يجتاز الخيال


......

[الحمدان]

‏معزبن لاجيت يضحك حجاجه
يزيد في وجهك كثير التراحيب

علي الكرم والطيب مضوي سراجه
ومن طيب باسه ماتبين لعذاريب

ومعزبن لاجيت مثل العجاجه
طبطاب صيف ولايعرف المواجيب

ابومشعان

[الحمدان]

‏ماشفت من بين المخاليق مخلوق
اردى من اللي فيه حقد ونذاله

قلبه على كل المطاليق محروق
بالحقد لجله قاصرات ٍ حباله

على النذاله دوم ماهو بمسبوق
طبيعته من قشر حظه وفاله


بدر الجميلي

[الحمدان]

لايدّعي الحب من له قلب مايرحم
وكيف يعشق وقلبه ماملك رحمه

من كان عاشق يمازج دمعته بالدم
وان خط فالحبرمن دمعه ومن دمّه

يالهف قلبي عليهاعذبة المبسم
من يوم بانت نسيت الفرح والبسمه

اسائل البيت عنها ريت يتكلم
والبيت اخرص ولابيّن ولاكلمه

سقاني المر..من اسقيه من زمزم
امسيت مسقوم من ازمه الى ازمه


......

[الحمدان]

ياصاح ماكل غيبه تعتبر صده
لاعاد تشره على من راح في فاله

يمكن ضروف الزمن للغيبه تحده
ويفضل انه يصد بهمه لحاله

ولو ان بعض العرب حلمه ع قده
ماضيع الصالحين ابليس وعياله

غير اعذر الطيب اذا غاب له مده
لاتحرجه ونت ماتدري عن أحواله



......

[الحمدان]

ياليل هذي علومي واخر اخباري
‏للحين ضيقي علي دربك مسريني

‏لا تنشد ان شفتني في عتمتك ساري
‏ما اخترت غيرك من الدنيا يخاويني


......

[الحمدان]

ترى الكـرامـة سلعة مالهاسـوق
مايشتريهاالـمـال ياصاحب المال

لاصرت ما ذليت نفسك لمخلوق
أنت الغني لو كان ما تملك ريال


......

[الحمدان]

يالله لاتقطع رجانـا مــع الصبح
في ساعــةٍ ندعـي ونرفـع يدينـا

غفرانك ورحمتك هي غاية الربح
أغفر لنا وأرحـم لنا والـدينا

بقلمي

[الحمدان]

يا فاقدين أحبابكم وش تسوون
لا مدت الذكرى الحزينة يديـــها

كيف نتجاوز حزننا ماتعـــرفون
بعض الطواري موجعـــة مانبيها

دايم على بال المواجع يمــــرون
مافيه ضحكة مالهم صوت فيـها

ياليتهم عن ضيقة الفقد يــدرون
ودروبهم وشلون دایــــــم نجيها

من كثر ماصاروا على البال يطـرون
حـتى خــطاياهم ولــهنا عــــليها


......

[الحمدان]

شعري كانه يهمك جاك لعيونك
لابو قصيد تردى فيك ماصانك

كان القصايد ترد احساس مفتونك
اصير شاعر غزل كله .. عشانك


......

[الحمدان]

قولي لسلسالك المطلي ذهب وذنوب
لا عاد يلمع على صدرك ويجذبنا

حتى ولو أن فستانك عليك يذوب
أصل العلاقه معك تبنّا ولا تبنا

يافتنةٍ أثّرتي الفتنه وش المطلوب
أهدافك قلوبنا ولا مذاهبنا


......

[الحمدان]

طويل المعنّق ضامره والحشا ملهوف
فلالا ردفها والهبايب تهب بها

معزّل نحيل الوسط جسمه صدر وردوف
نسيم الهوىٰ لا هبّ نوده يلين بها

تمايل بجسمٍ ينثني كنّه الغظروف
تلاعب خفيف النود وهوه يلاعبها

يتل العروق اللي تغذي صميم الجوف
بنظرة عيونٍ سحرها في .. مذانبها

نظرها عليها رمش والرمش يثر خوف
تخوف قلوب اهل المحبه وترهبها

يلوف الضماير بالهوى والمحبـة لـوف
وأنا الروح غيره مـاش شـي ٍ يناسبها


......

[الحمدان]

لفاني على طرق الغلا والهوا مرسال
وانا من شعور وحب واحساس لبيته

هلا مرحبا باللي على الذاكره ما زال
اتجدد غلاه الذاكره لا تناسيته

عن البال ما قد غاب واشغلت فيه البال
احس اني اشوفه كثر ما تهییته

شعور التفاؤل يجعل الحلم طيب فال
ياكم ذاق حلمي سكرة الموت واحييته


......

[الحمدان]

تطمن يا حبيبي و الغلا ما يقبل التخمين
لا تنشدني عن أسباب المحبه وانت خابرها

بعد سجلتها بـ اسمك و رسمك داخل القوسين
عسى القوسين عن نظرة عيون الناس تحصرها

صحيح قلوبنا ماهيب مصنوعه من الفلين
لكن ألين من الديباج الاملس في مشاعرها


......

[الحمدان]

تمشي بغنج وهي ولا همّها شي
والناس حطّتهم تحت مستواها

من زينها الفارق تقول الحلا لي
دلوعةٍ والله مكمل حلاها

ومن الدلع لاوقفت توقف شوي
تلفح شعرها لين يضفي وراها

ضامر خصر والعود وافي ومبري
وربي مزين وجهها مع قفاها

تقبل وتقفي ثم تقبل وتقفي
وتمايلت والأرض مالت معاها


......

[الحمدان]

جاتني توادع قلت بدري على وين
الليل طال وزان وقت السوالف

قالت وداعي ماهو ايام واسنين
بودعك طول الدهر ياموالف

قلت اصبري ياسيد كل المزايين
ماتذكرين الي مضى من تحالف

قبل ترد الدمع حول من العين
ثابت نظرها في عيوني ومالف

قالت يبوني لابن عمي مصرين
ومقدر انا لسلوم ربعي اخالف


......

[الحمدان]

المهره اللي فارقه بالزين من بد المهار
جموح طبع وما يروضهاا سوى خيالها

منها عيون الخيل لامرت من الهيبه اتغار
ثقيلة الممشى وتجمح لو تشوف اضلالها

من الحلا فيها كبر ومن الدلع فيها شقار
ومن الهدو فيها سحى ووان روحت في فالها

تلفح شعرها والهواء لا مرها ثم استدار
مثل الفتون الي ارقصت قدام ابيها وخالها

أصيلةٍ متسلسله من اصل ما فيها انحدار
معربه تغري النسب واهل الحسب بأفضالها

في ناصيتها كن للشمس ومباديها انكسار
وكن صوت حافرها مطر وغطى جالها

مهرة جمال ومن مرابط عز واسماءٍ كبار
اليا تـثـنـت كنها بين الخـيـول الحـالهـا

واليا مشت يطري عليك الهوش و حروب التتار
واليا وقفت تحفه تفهي الناس وهي إقبالها


......

[الحمدان]

سود العيون كبار والحسن تواق
يرسم تفاصيل الغنج في هدبها

في عينه النجلاء سواليف عشاق
تروي حكاية عشق محدٍ كتبها

لاسلهمت بعيونها القلب يشتاق
ويرقص على أنغام الوله من طربها


......

[الحمدان]

يا حبيبي والمحبّه مواطنها القلوب
والقلوب اليا تصافت يزيد اشعافها

والله ان حبّك سعاده وذنب من الذنوب
سكةٍ فيها الركايب يطول اوقافها

مايتوب القلب من حب خلّه مايتوب
لو تتوب الناس من حقها واعرافها


......

[الحمدان]

مساء الغلا المنقي من الشك والتزوير
مسااء الوفا ياروح روحن معذبها

غرامك وجور الوقت والبعد والتفكير
بدنيا العنا كيف اتحاشا مخالبها

اطرش لك اشواقي مع الشكر والتقدير
لون بسمة فوادي عنا الوقت ناهبها


......

[الحمدان]

ليه تزعلني وتحكم علي اني زعول
وانت تدري مستحيل ازعل الا من بلا

والعذر في بعض الاحيان مايلقى قبول
في وسع صدرً تحمل زعل لين امتلا

مشكلة غلطتك ماتقبل انصاف الحلول
والمصيبه لك معزه وتقدير وغلا


......

[الحمدان]

‏ياربي الرزق بيدينك مفاتيحه
‏مايملكون البشر قفله ومفتاحه
‏
‏يالله برزقٍ يسر البال وْيريحه
‏والنفس تنعم معه بالخير والراحه
‏
‏نحتاج والحظ له قومه وله طيحه
‏والقلب حسن الظنون بربه سلاحه
‏
‏دام الرجا فيك والعةٍ مصابيحه
‏قلبي هموم الليالي صعب تجتاحه
‏

‏ممدوح التويجري

[الحمدان]

الحب معناه انجذاب المشاعر
واحساس صادق يفهمه من تحبه

ماهو بنزوة شوق أو طيف عابر
ولافقط إعجاب واشباع رغبه

الحب بالإخلاص باطن وضاهر
ومسكنه داخل قلوب الأحبه

ياسعد حُب ً قابله حُب طاهر
وياسعد قلباً يعشقه من يحبه

وياويل قلباً ينخدع بالمظاهر
وياويل عاشق يخدعه من أحبه

ومن يخون الحب خاين وماكر
ومن يخون العهد ف الله حسبه


......

[الحمدان]

‏خذ ياسحاب الشوق من قلبي الشوق
وارحل جعـل مسعاك درب السلامة

صــوب الذي له شــآن ومكانته فوق
وسط الضلوع العــوج ساكن غرامه

قله قسم قلبي من الشــوق محروق
والنار تنهــش في الخفــوق إلتهامه

والجسم كامل صابه الياس والعوق
والقلب ينـــزف داخلي مـن سقامه


......

[الحمدان]

‏يانسمة اجواء الخميس اسعديني
قلبـي علـى لقياه ذايـــب وخفاق

ماابغى الهموم اليوم لحظةتجيني
ابغى اعيش الليل في ضم وإعناق

اسهــر مع المزيون وانسى سنيني
ونبقـى طوال الليل لاحد الإشراق

يضمنــي بالحيـل ويــذوب فيني
وانا أضمه حيل من قلب مشتـاق


......

[الحمدان]

‏دام الغلا في القلـب مابقدر انساك
ودام الهـــوا بتنفســــه مانسيتك

قلبـي اخذته والمشاعـــر بيمناك
والنبض لك ياروح روحـي عطيتك

كيف اتركك والقلب دارك ومأواك
والروح منزل لك وقصـرك وبيتك

ياجعل قلبــي ياغلا الروح يفداك
وبكل غالــــي يا حياتـــي فديتك


......

[الحمدان]

للوساع السود جيت أعلن ولائي
‏الحكم حكم المظاليل الوسيعة

‏يالجمال المستحيل اللا نهائي
‏الغزل في حضرتك تجديد بيعة

‏سلهمة رمشك تحطّم كبريائي
‏ لك تداعى قلب ٍ أسواره منيعه

‏ثغرك الضاحك بلادي وانتمائي
‏ضحكتك عن كل غلطاتك شفيعة


......

[الحمدان]

الحب معناه انجذاب المشاعر
واحساس صادق يفهمه من تحبه

ماهو بنزوة شوق أو طيف عابر
ولافقط إعجاب واشباع رغبه

الحب بالإخلاص باطن وضاهر
ومسكنه داخل قلوب الأحبه

ياسعد حُب ً قابله حُب طاهر
وياسعد قلباً يعشقه من يحبه

وياويل قلباً ينخدع بالمظاهر
وياويل عاشق يخدعه من أحبه

ومن يخون الحب خاين وماكر
ومن يخون العهد ف الله حسبه


......

[الحمدان]

‏خذ ياسحاب الشوق من قلبي الشوق
وارحل جعـل مسعاك درب السلامة

صــوب الذي له شــآن ومكانته فوق
وسط الضلوع العــوج ساكن غرامه

قله قسم قلبي من الشــوق محروق
والنار تنهــش في الخفــوق إلتهامه

والجسم كامل صابه الياس والعوق
والقلب ينـــزف داخلي مـن سقامه


......

[الحمدان]

والجوء رومنسي وهادى وخلاب
والغيث يسكب من مزون السحابه

آلتم في وادي بناء شمل الاحباب
وآلتم جرحي رغم هول الاصابه

محلا لقاء الخلان والسيل سكاب
والطير يعزف وسط عشه ربابه

طاب اللقاء مابيننا والسلا طاب
والبال رايق والاحاسيس طابه

والشوق ذي ناره بالاعماق لهاب
من نظرت المحبوب خف اللتهابه

في طلته ارتاح بالي والاعصاب
واحياء الامل في روح ڱڵـه كآبه

الله محلا رمش عينه والاهداب
والكحل جنني ونقشة خضابه

حطيت يدي في يده والكبد ذاب
من لمسته عقلي مضيع صوابه

......

[الحمدان]

لليل سكنـة من وراء هجعت النـاس
تحس فيها النفس ساعــة صفاهــا

ولليــل لمســة كنها قطع الانفــاس
تطلــق خيــال الشاعــر اللي يبـاهـا

ولليل لوعة تضرب أخماس واسداس
تحبـس في العينيــن دفــاق ماهــا

ولليــل طلــة كنها فــرحة اعــراس
بنجــومه اللي مــوغلة في سماهــا

ولليـل عتمــة منها خـوف ونعــاس
تلــف الغـريب اللي طريقــه نساهـا

ولليـل وحشـة كنهــا دق الاجــراس
فلا قد رياح الصـيف تمحــق مساها

ولليــل غيبــة لان له حكـم وقيــاس
فلا الشمس اطلت ينسحب من مداها

والله من قلــب مـع الليــل حســاس
والايــام تظــهر قسـوته من قساهــا

فلا اظلمت يـذكر طـواري وهوجـاس
واذا اشـرقـت يـرقب مبـادي بـداهـا

......